قصة وقصيدة ( للضحك )

[ام أحلام]

السلام عليكم

ما رأيكم بهذه القصيدة
بسم الله الرحمن الرحيم



هذي الله يحييكم ويسلمكم ويخليكم لعين ترجيكم قصه زوج وزوجته كانوا عايشين في قمه الرومانسيه والحب وكانت الزوجه مدرسه وراتبها زين (مع الإعتذار لجميع الإخوة ممن زوجاتهم مدرسات وللمدرسات ) .

وهذا الزوج جاء يوم من الايام وهو طفران .. ماهنا زود دراهم الله يخلف وحصل زوجته توها مستلمه المعاش و هو اللي ينبسط و يوم طلعت من البيت . نقز للدرج اللي فيه الدراهم .. والقط سبعه الاف ريال فقط لا غير المهم درت زوجته .. وازعلي واطلعي لبيت اهلها ونادت اخوها وتمردس ببطنه وماخلى فيه عرق صاحي والله لا يوريكم .. لكن الزوج بعد ماصحى وصحصح و استصح قال هالقصيده اللي كلها شجن وعاطفه بعد ما هجرته زوجته بدون عوده اتمنى تنال اعجابكم و لكم تحياتي





لي زوجة حبه يتــل المعــاليق
عرسي عليها العام باول شباطي

من روحته والزاد بالبيت ماذيق
ولا اميز العلم القوي والخراطي

XXXXXXXXXXX

ومدرسه مع زين كل التخاليق
وزود على هذا تعـرف الخياطي

وجابت رويتبها وصفـقت تصفيق
تسـعة الاف كلهن بالمــغاطي

وصكت عليه بغرفته بالصناديق
وغطت على صندوقهن بالبساطي

وديتها تشري قدور واباريق
وانا انطلقت للبيت يم الشناطي

واخذت سبعة الاف معهن تلاحيق
وخليت انا الف وخمس معهن افراطي

عرفت وقالت عندك اليوم ماليق
واللة لوتربط برجلي ارباطي

وانا عرفت اني توهقت توهيق
يااللة يارب اتهديـن الصراطي

وقالت لخوها كل شي بتوثيق
وجاني حلال القوم راع النشاطي

ثمن ضربني ضربة تييبس الـريق
وقام وفرشني فرشتة للــسماطي

وقام يتوطاني بليا ترافيق
و! يرجد علي ويمسحن بالبلاطي

وا وجس بصدري عقب ضربه حشاريق
قمت اتنفس عقبها من اباطي

لي تسعة ايام وانا بي تشاهيق
عجزت اسولف كن فيني اصقاطي

براسي صعارير اسواة الزرانيق
ومضارب بالبطن مثل المقاطي

ولا ضاق صدري قمت اجمع طوابيق
و الى توسع قمت اجمع قــواطي

انا احمد اللة بدّل الضوق بالضيق
والهم من راسي نزل للمواطي
طبعا هي ملطوشة

وعلشان الغالية000000الخنساء ( موضوع صور

[إيمان علي]

ههههههههههههههههههههههههههههههه شر البلية ما يضحك...
هذا البيت ضحكني كثير ((يرجد علي ويمسحن بالبلاطي))


مسكين غير قادر على الكلام، لكنه قادر على كتابة الشعر؟

متشكرييييييييين يا أم أحلام

[الغيورة المسلمة]

روعة يا ام أحلام ....ومثل ما قالت أمونة ..شر البلية ما يضحك ..

تسلمين ..

[- asma -]

هههههههههه تفطس

أكثر شيء هدي



وا وجس بصدري عقب ضربه حشاريق
قمت اتنفس عقبها من اباطي

لي تسعة ايام وانا بي تشاهيق
عجزت اسولف كن فيني اصقاطي

براسي صعارير اسواة الزرانيق
ومضارب بالبطن مثل المقاطي



يعطيك العافية يا ام احلام

[غريبة الروح]

بارك الله فيك أختى العزيزة أم أحلام,ضحكتينى ,,لكن الزوج المسكين أكلها عدل.

[أمنيه]

هههههههههههه ...الله يهديك يا أم احلام ...تصدقين كنت راح اقولك حطي معها ترجمه

علشان يفهمونها البنات ..بس ما شاء الله عليهم شكلهم فهموها

ما ادري ليش احس لهجتنا يا اهل نجد صعبه شوي مو بسهوله الواحد يفهمها

علينا احيانا ً كلمات والله ما ادري من وين جايبينها

بس والله انها احلى لهجه عندي ..

[ام أحلام]

السلام عليكم
حياكن الله أخواتي

ايمان ما شاء الله عيني عليك باردة صحيح أنك متعددة المواهب ( ما توقعت انك تفهمي اللهجة )

الغيورة 000 صدقت أختي أن شر البلية ما يضحك بس ( الله لا يقيمه ) يستاهل الزوج
صدى 000 الحمد لله أنها عجبتك بس حاسبي لا تفطسي علينا من أين لنا صدى ثانية
غريبة الروح 000الحمد لله أنها ضحكتك لأننا أصبحنا نبحث عن الضحكة بفلوس
أمنية 000 صدقت أختي أنا كمان قلت أنه تحتاج لترجمة بس ما شاء الله ( شايفة نتائج العولمة ) اصبحنا كلنا في قرية صغيرة

الحمد لله أنها أعجبتكن

[السلفية]

مشاركة طريفة وقصيدة مضحكة .. أضحكتينا أضحك الله سنك ..
الله يعطيك العافية أيتها الفاضلة أم أحلام ..

[أمل وضياء]

روعه يا أم أحلام .. أضحك الله سنك

[شمالية غربية]

..

[لجين]

الحمد لله انا من اللي فهموا القصيدة ..

علشان كذا انا حابة اشكرك عليها وبالاخص هذا البيت:

ثمن ضربني ضربة تييبس الـريق
وقام وفرشني فرشتة للــسماطي

*********
وقام يتوطاني بليا ترافيق
و! يرجد علي ويمسحن بالبلاطي

وا وجس بصدري عقب ضربه حشاريق
قمت اتنفس عقبها من اباطي

*********
تشكرات..

[ام أحلام]

السلام عليكم

جزاكن الله خير
الحمد لله الذي أضحككن بسبب ما كتبته أخواتي الغاليات / السلفية وشمس الحق وشمالية ولجين

[الشامسية]

مـسـكــين الـزوج فـهــم الـدرس عـــدل والله يعينــه

وشــر الـبـلـيــة مـا يـضـحــك ،،،،،،،، وتـسـلـمــيـن ،،،، ضـحـكــنــا مـن الـقــصــيــدة
وتـحــيــاتــي

[ام أحلام]

حياك الله يالشامية

الحمد لله انها اضحكتك ادام الله البسمة علينا وعليكم

[الكروان غنى]

اضحك الله سنك ياأم أحلام كما اضحكتينى