القال والقيل

تقليص
X
 
  • الوقت
  • عرض
إلغاء تحديد الكل
مشاركات جديدة
  • النواسي
    عضو
    • May 2001
    • 61

    #1

    القال والقيل

    ياخوي وإن جيتك على الباب متهوم
    >> << >> << مظلوم وأدري ما تحب الظليمة
    اسمع شكاتي واسمع أخبار وعلوم
    >> << >> << تكفيك من حر اللهيب وجحيمه
    دام التسرع في الحكم يسبق اللـوم
    >> << >> << وقّف تركّـد لا تسوي جريمة
    فيك العشم ياللي من الناس محشوم
    >> << >> << منك الحكم فيك السياسة حكيمة
    لا تسمع العـذّال وان ياتك تحـوم
    >> << >> << تبغي أتّقرب تبغي منك الغنيمة
    والله لولا العشـم ما جيتك اليـوم
    >> << >> << ماهمنّي كود النّـوايا سليمـة
    وانه على خبرك إذا طحت باقوم
    >> << >> << ماني من اللي يبلعون الهزيمة
    أمس القريب هناك ما احمل هموم
    >> << >> << عايش سعيد بعيد عيشة كريمة
    واليوم وسط ذياب ومزاعق البوم
    >> << >> << وأخطار وأهوالٍ كثيرة جسيمه
    ضلّيت بين القال والقيل مقسـوم
    >> << >> << هذا جزاة اللي يطاوع حريمـه
    كل ما نويت آصير ثعبان مسموم
    >> << >> << واحمّل المعتدي ضـربة أليمـة
    يغلبني طيبي وأعطي أعذار بالكوم
    >> << >> << وأنسى الإساءة وأنسى اني غريمه
    وارجع مع طبعي كما كان معلوم
    >> << >> << وتْرد ريمـه للسذاجـة القديمـة
يعمل...