كلمت قلبى.

[راضى الشتور]

كلمت قلبى
وقلت له
ابعد بلاش
تتشد له.
بينا وبينه فيه حواجز
فيه سدود.
المستحيل انك ف يوم
تقدر تعدى له الحدود.
قاللى حرام تحرمينى
م الحنان.
ف حروف كلامه
ابتديت احس
الامان.
مع كل حرف ف كل
كلمه من كلامه
بابتدى اعيش الحياه.
انا كنت باغرق وانتى عارفه
وهو كان طوق النجاه.
انا قلت يا قلبى
بلاش.
الخوف عايشنا
مانتهاش.
اوعاك تأمن للبشر
ما بيعرفوش ف
الحب غير قطف الزهور.
رد قلبى وقال
خلاص.
أنا روحت له
سلمت له
بقى هو
نبضى
من غير
وجوده
مستحيل
ف يوم هأعيش.
سكت انا
وسلمت له
وفتحت قلبى
وهبت له
كل الحياه.
روحى وعمرى
لمنتهاه.
وقلت له
علشان بحبك
راح اضحى
بالوجود.
وهأهد انا
كل السدود.
ومفيش حبيبى
يوم
هأكون أنا فيه بعيد.
ده انت بقيت
تسرى بدمى
بالوريد.
قاللى بحبك
قلت له
انا فيك
بموت.
وناديت باسمه
وقلت
...........
رد قال
انتى العيون.
رديت وقلت
أنت مكانك
بين حنايا القلب
تحميك الجفون.
ولقيت معاه
كل الحنان.
وحلمت
انى
أقابله يوم
على شط بحر
م البحور.
ويضمنى
ويلف بيا
وشعرى
يغمرنى معاه.
ويخبى قلبى
وقلبه
من كل الوجود.
ومر يوم
ورا
يوم
وأنا.
حاسه بان
الجنه نزلت
م السما
وحبنا فيها
اتولد وجايب لنا
معاه الخلود.
و صحيت ف يوم
أطلب حبيبى
ما يستجيب.
أنده عليه
لوعه وألم.
الحب جوايا
اتظلم
لأ........
ده اتعدم.
وبايد حبيبى
اللى افتكرت
ان القدر
بعته
عشانى بالامان.
بالحنان.
لكن لقيته
كان بيوعدنى
بخيانه
وطعن قلبى
ف الظلام.
وأنا كنت
باديه
الامان.
ورجعت
تتخبط خطايا
فى الدروب.
وقلبى يبكى
يصرخ
بين ضلوعى.
ارجعى
انا فيه بادوب.
رديت
ما قلت لك
يا قلبى
م الاول بلاش.
ودموعى تنزل
تكوى قلبى
بنار حنينى
وقسوته.
وأنا تايهه
ضايعه
ف دنيته.
لا أنا عارفه
أرجع
دنيتى
ولا لاقيه
راحه
ف فرقته.

يا رب الموضوع يعجبكم وهو كان تعبير عن واقع انا عيشته بالفعل ولا زلت اعانى الامه.

[*باسمه*]

تفضل:

http://www.lakii.com/vb/showthread.php?t=256558

[راضى الشتور]

انا فى اشد الاسف لسوء الربط بين المشاعر الخاصه وبين الاحساس بالمسئوليه تجاه جوانب الحياة المختلفه. وانا اذ عبرت عن خواطرى لتجربه مررت بها.فذلك لا يعنى على الاطلاق انى لا اشعر بما ذكرتى ولكن الله سبحانه وتعالى قال فى كتابه العزيز بسم الله الرحمن الرحيم
"علم الله انكم ستذكروهن " صدق الله العظيم.
فالله سبحانه وتعالى خلق فينا هذه المشاعر ووجودها لا يعنى انى اخطأت بحق ربى معاذ الله
فالحمد لله انا ارعى حق الله وهو سبحانه ادرى منى بذلك ولكن ما مررت به جرحنى وأبت على كرامتى ان اشكوه لاحد فباحت به خواطرى.وعموما انا لن اطرق هذا الموقع مرةاخرى.
والسلام عليكم ورحمة الله وبركاته.