قررت أغير منـهجي لنّي اخطيت
........................... عاملت ناسٍ ما أستحقواا بطيبه
احدٍ على كتفي يبي يكسب الصيت
........................... واحدٍ ليا اجملت به .. ابتلـــيبه
اللي عشانه كايد الجمر صاليت
........................... يشمت لحالي واحسبه شق جيبه
رغم ان مقامي عاليٍ ما تعاليت
........................... اثر التواضع للرديين خـِـيبَه ؟
لن البشر ماهم على ما تهقويت
........................... اغلبهم اللي له طبوعٍ غريبه
يا كثر ما يخطون لكن تغاضيت
...........................لنّي ألوم اللي يجازي صحيبه
معي تمادواا يوم انا ماتماديت
...........................رغم ان مافي خوتي اي ريبه
هذااا وانا معهم ابد ماتراخيت
........................... كل الذي أقدر أجيبه ، أجيبه
وقت الشدايد عنهم ما تخليت
...........................واقف معاهم بالظروف العصيبه
يامل قلبي كل ما اصحبت وامسيت
........................... في كل لحظـة اتحرىَ مصيبه
ياوجد حالي يابشر ويش سويت
........................... غير ان منهج طيبتي مقتديبه ؟
عزاي اني للوفا ما تناسيت
........................... وكلٍ على ماقيل: ربي حسيبه
منقول
تعليق