تويت
............... * شيطان من الإنس * ...............
وعندما يموت الحياء
وعندما يتحرر الإنسان المسلم من شخصيته الإسلامية
وتعاليم دينه السمحة
سوف نجد شيطان مثل هذا الشيطان /
أبي البس على الموضات
ولا أتحجب
أبي امشي على كيفي
واصيع بدنيتي والعب
أبي اظهر
وأبي أغريك بالمظهر
وأحط الروج وأتعطر
وبالخطوات .. أبي أتبختر
أبي كل يوم لي معجب
وأبي الهيمان يطاردني
هلا آهلين .. هلا مرحب
أبي الإغراء لي مذهب
أنا لا من لزمت البيت
تغيّر حالتي واتعب
أبي اسرح
وأبي امرح
وأبي ارقص على المسرح
أبي الأنظار تتعجب
أبي اسمع طرب واطرب
أبي اسلب عقول الناس
أبي احرق دماء واقهر
وأزيد الضغط والسكر
أبي اسبق بنات الجيل بأفكاري
وفن الصوت مع المنظر
أبي اللي يشوفني .. يحتر
وأبي اركب بعد موتر
معي مفتاح .. من قدي ؟
وأبي الجوال في يدي
أبي ما حد يكلمني ..
عن أحوالي
أنا ما أحس ولا اسمع
أبي ما حد يعيد القول
ترى ما راح ابد ينفع
أنا ما أحب كثر العك
وأبي قيد الحيا ينفك
أبي اطلع متى ما ارغب
أبي اجلس ورا الطارة
أبي ادعس .. وأبي اسحب
أبي أحيا حياة ٍ غير
وأبي اخلف نظام السير
أبي أتحضر
وكل من حولي يتغير
أبي الفت لي الأنظار
وكل من شافني يفغر
ولا مريت من جنبه ..
أناظر فيه وابتسم
أبي يا ناس من يفهم
حياة البيت ما تنطاق
أعيش بقبر .. لي ارحم
أبي ادفن تقاليدي
وأبي الإحساس يتخدر
أبي التحرير وأتحرر
أبي اترك بلدكم ذا
وأعيش هناك بمدغشقر
**********
قول لها ولمن هن على شاكلتها /
نظمت الشعر على المكتب
وأحب القول إذا ترتب
فتحت لحالتك محضر
بسجل فيه أقوالك
وخط ٍ تحت بالأحمر
وأبي احجز لك المأوى ..
مكان ٍ زين .. بالمحجر
أبي اسأل عن التفكير
وليه العقل يتحجّر !؟
وأبي أعلن لكل الناس
لأهل الريف والبندر
ترى الحسرات تغمرني
ودمع العين .. يتحدر
حذاري الرب لا يغضب
ترى الإنسان يتمادى
ولو ما تاب يتعذب
أنا يا بنت في حيرة
وهذا الفكر .. مستغرَب !
أنا من حالتك أعجب
أبي أحصرك في حدّك
وأبي اقطع ..
خطوط الماي والكهرب
وأبي اكتب كلام العقل
واخط الخط .. بالمُذهب
إلا يا بنت يا فتنة
ويا شيطان " هبا هب هب " ..
على التفكير يا عقرب
بنات الدين في حشمة
وبنت الدين ما تخرب
عن الأنظار تتستر
ولا تهتم بالموضات
ولا هو سهل تتغرر
بلبس الشرع .. نعم تعتز
بلبس الشرع .. نعم تفخر
زمانك راح يا جدي
ودمعي سال على خدي
شكيت الحال للوالي
ذرفت دموع من المدمع
أبي الأيام ترجع بي
ولكن كيف بي ترجع ؟
أبي اسأل ..
هل الآباء باللي يصير ..
ما تعلم !؟
أشوف أشياء قدامي
وما يخفى عليّ أعظم ..
حياة الحب والشوق
مع الملتاع والمغرم
وفن اللبس في السوق
مع السواق بلا محرم
وحال البنت مع الجوال
بلا توجيه من الاطرم
وأبي اسأل ..
ليه البعض يتعذر ؟!؟
" زمان الآه " يا اغبر
ويا ويله من اللي جاي
أكيد الجاي بعد اخطر
********************
منقول من الواحة الشعرية ، بوابة العرب.
تعليق