يا مصرى
ليه دنياك لخابيط والغلب محيط
العنكبوت عشش على الحيط وسرح فى الغيط
يا مصرى هش الوطاويط كفياك تبليط
صعبة الحياه والحل بسيط حب
ساعة الفرح زغاريط وتنطيط
وفى المياتم هاتك يا صويت
وفى المظاهرات سخن ونشيط
وفى الانتخابات تنسى التصويت
وليه بتترشى وتتساهل
وتبيع حققوقك بالساهل
تستاهل النار تستاهل
يا غويط ويحسبك الجاهل
ساهل وساهى وغبى وعبيط
يا مصرى يا ال الغلا عصرك
والنهب فى عصرك حصدك
قوم للحياه واسبق عصرك
ولا حاجة هاترجع مصرك
الا ان تكون شغاال ونشيط
تعليق