تويت
لليــلة عيـــد؟!
الليلة عيد ع الناس وأنا وحدى بتألم
لبسى الجديد أشواك فى رقبتى بتعلم
والفرحة غايبة لاتعدى ولا تسلم
الليلة عيد للكل إلا اللى قلبه انصاب
بفراق حبيب واتنين وتلاتة ...صاروا سراب
وصبح الطريق ليهم ضباب ما بعده ضباب
الجرح واحد يطيب و اتنين بيبقى الأمل
لكن تلاتة تخيب كل الجهود و العمل
ورق بحبر انكتب ضيع ملامحه البلل
الليلة عيد وانا الوحيد اللى خايف
يفتح بيبانه ومن شباكه مهواش شايف
غير عتمة وعاوزة تدخل وتتضايف
يفتح لها ليه بقى
يقفل بيبانه عليه
هو انهارده العيد؟! كأنه ولا عارف
تعليق