تويت
دنيا تلاقي وفراق ؟؟!!!
..في الدنيا الوسيعه عشنا وشفنا الغرابه مرينا بأوقات حلوه مثل الخيال ومرت علينا أوقات مره مثل الوهم ؛ دنيا غريبه محظوظ من يفهمها ومن يسايرها على ماهي تبي وعلى هواها ؛ دنيا تأخذ أغلى مانملك وبلمح البصر وبلحظه أو ثانيه نفقد أغلى ماعندنا ؛ انت يا أنسان عايش ولاهي بدنياك ولو تمر عليك ظروف قاسيه تكره دنياك وتتمنى الموت وتحسب ان الكل ما يحبك بس مجرد ما تتعرض لمرض تلقى الكل حولك يضمك بعطف وحنان ؛ خذ مثل لشخص تعرض لحادث وبين الحياة والموت قبلها بلحظات كان بكامل قواه ويملك جميع أعضاءه وبعد دقايق يفقد جزء من أجزاءه أو يفقد نفسه كليا ويفارق دنياه وربي يأخذ أمانته فجأه خيم الحزن على كل اللي حوله أنشلت ألاماني وألافراح وكان الحزن غالب ؛ مثل الحلم كل شي يصير بثواني لدرجة انك ما تستوعب اللي يصير كان شخص يملك نفسه وأصبح مايملك الا الدعاء من الكل ورحمة الله وحده هو الشافي المعافي يارب ياقادر وعالم بحال العباد ترحمه يارحيم وتحفظه لنفسه وأهله اللهم آمين بهالوقت من الاوقات الحرجه يتمنى الواحد لو بيده شي ويعطيه والكل يلوم نفسه لكن الحقيقه محد يرد المكتوب ويعارض القدر ؛ أنت ياأبن آدم وقف وخذ لحظه مع نفسك شوف وتامل وشصار لغيرك وشوف خوف من حوله عليه وتاكد ان الكل يخاف عليك يمكن بوقت الصدمه نعتبر ونخاف ونراجع انفسنا ونعتبرها ذكرى اليمه ولكن مجرد ما يهدأ الموضوع وتبرد أحداثه يرجع الحال مثل ماكان: ربي يحفظ الجميع من كل شر وعسانا مانفقد غاليين<اللهم آمين>.......وسلامي لكم ...
تعليق