*********قصائدترحيبيه***********

[نوران]

السلام عليكم جميعا ابي منكم طلب صغير

الي عنده قصائد ترحيبيه للضيوف عشان زواج اختي اخر الشهر وابي اسوي مطويات شعريه واوزعها على الضيوف واتمنى انكم تساعدوني وكمان ابي شعر عن العريس والعروسه

وتسلموووووووووووووووون******

[أم غيلان]

الظاهر الشغلة مربحة
كم تدفعووووووووووووون ؟؟؟

[نوران]

اعزمك على زواج اختي واعطيك مطوية شعر(هههههههه) من جد ابي شعر طفشت من كثر مالف المواقع واجمع هنا وهنا وابي ارتاح

[الشمس]

اسمعي احنا نسوي مطويات شعر بس تكون للعروسين ونوزعها على الضيوف ..
اذا تحبين مثل هذه بعطيك الشعر ...

[نوران]

اقول ابي مطويات مدح للعروسين

[الشمس]

اتفضلي

افـــــــــــراح

عائلة (العريس) و عائلة ( العروس )


طابت ليالي الوداد وغنت اوتاره
والسعد يعزف بلقياهم تلاحينه
اثنين كل الهنا فيهم لقى داره
حتى الوفاء يستدل بهم عناوينه
( العريس ) و ( العروس ) شموع الحب وازهاره
والحب فيهم يعانق اجمل سنينه
( العريس) رفع بالوفاء والعز مقداره
رجل يزين معاني الطيب من زينه
حر تعلا بفعله نايف اوكاره
والخير كله سكن في قلبه وعينه
( العروس ) العفاف معلي اسواره
ترفل بحشمة وطيبة قلب ولينه
يجرح ضياها ظلام الليل واقماره
والحسن منها تمنى ياخذ الزينه
اثنين فيهم وصوف الحسن محتاره
لو يكتب الشعر ما توفي دواوينه

بين القوسين يذكر اسم العريس او العروسة