شعر عراقي عن حب الام ومنزلتها ؛؛ بلسان عراقي ؛؛

[عراقيٌ انا]

امــــــــــــــــي..........
يااول حرف ناغه القصيدة........
اوشال روحي الدنية خضرة....
ابكل هداوة ....ابكل نداوة...
او طبع فوك اشفاف
مهدي سالفة عمري الجديدة....
امــــــــــــــي..........
ياعين المحنة..
اللمّت اعلة اسنيني غيمة امن الدمع
امــــــــــــــي..........
ياخيط السفار
البيه ظلت هايمة اخيوط الشمع
امـــــــــــــــي..........
ياصورة منامي.....
امـــــــــــــــي..........
ياهمسة عشك وضّت غرامي..
امــــــــــــــــي..........
ياصفنة بحر من تستريح
تشعل احروف الحجي ابموكد كلامي
امــــــــــــــــي..........
ياسكته اوحجي
امي ياضحكة اوبجي
امـــــــــــــــي..........
يوسادة ظهر كل السنين
اتطيح حتة انا انتجي
امـــــــــــــــي..........
ياسبحة صلاتي..
امي.........
ياجنة حياتي
امـــــــــــــي ...........
ياجف المودة..
البيه المّن كل شتاتي
اوذكرياتي
اوكلشي ماضي
اوكلشي اتي
امــــــــــــــي..........
يااروع صبر
بيه العمر ظل دوم دافي
امـــــــــــــي.......
ياحرفين روحي
ابغيرهن انسة الحجي او تكرهني اشافي
امـــــــــــــــي .........
ياصورة منامي
امي .....
ياهمسة عشك وضّت غرامي


الكلمات هي لشاعر عراقي
للدكتور فلاح الزيدي

[*باسمه*]

روووعه
ربي يحفظ امهاتنا ويرزقنا رضاهم .
مشكووور

[عراقيٌ انا]

روووعه
ربي يحفظ امهاتنا ويرزقنا رضاهم .
مشكووور

شكرا جزيلا على المرور الجميل يا باسمه
وشكرا على ردكِ الاجمل ..ربي يحفظ كل امهاتنا..
لكِ مني التحيه والاحترام .


عراقي انا

[الخلاص]

بارك الله فيك وفعلا تبقى الام تعلو فوق كل كلمات او شعر يقال

[أنشودة الحزن]

بسم الله

السلام عليكم ورحمته

الأخ الكريم

قصيدة رائعة جميلة تزخر بحب الأم
ووصفها
ذكرتني القصيدة بقصيدة البراءه للشاعر العراقي الكبير
مظفر النواب

يبني ضلعك من رجيته الضلعي جبرته وبنيته
يبني طش العمة بعيني وجيتك بعين
الكلب أدبي على الدرب المشيته
شيلة العلاكة يبني تذجر جفوفي بلعب عمرك عليهن

كل الحب لأمهاتنا الصابرات المحتسبات

أختك

أنشودة الحزن

[عراقيٌ انا]

بارك الله فيك وفعلا تبقى الام تعلو فوق كل كلمات او شعر يقال

وفيكِ يا الخلاص بارك الله اكثر واكثر
شكراً لكِ ولمرورك وردكِ الجميلين ..
تقبلي مني التحيه والاحترام .


عراقي انا

[لحن القول]

الله الله صدق كلمات رائعه
والاحلى الكلمات او اللهجه العراقيه

[عراقيٌ انا]

بسم الله

السلام عليكم ورحمته

الأخ الكريم

قصيدة رائعة جميلة تزخر بحب الأم
ووصفها
ذكرتني القصيدة بقصيدة البراءه للشاعر العراقي الكبير
مظفر النواب

يبني ضلعك من رجيته الضلعي جبرته وبنيته
يبني طش العمة بعيني وجيتك بعين
الكلب أدبي على الدرب المشيته
شيلة العلاكة يبني تذجر جفوفي بلعب عمرك عليهن

كل الحب لأمهاتنا الصابرات المحتسبات

أختك

أنشودة الحزن

شكرا على المرور
وشكرا على الرد الجميل والتعقيب الاجمل
يبدو انكِ عراقيه يا انشودة الحزن؟ كل الهلا بالعراقيين
الشاعر الكبير مظفر النواب جميل اذا انطلق لسانه وبدا ينشد الشعر .
تحية لكِ ولاخلاقكِ الطيبه ..

اخوكِ .. عراقي انا ....

[عراقيٌ انا]

الله الله صدق كلمات رائعه
والاحلى الكلمات او اللهجه العراقيه

مع احترامي لكل اللهجات العربيه الاخرى
بس للهجة العراقيه عذوبه لا تحدها كلمة ..
مع احترامي للغتنا الام العربيه الفصحى ..
شكرا يا عاشقة الجنه يشرفني مروركِ وردودكِ
بارك فيكِ الرحمن الرحيم ووفقكِ لكل خير ..

عراقي انا

[حوااء]

سلمـــــــــت يمناك أخي **
كلماتها جدأ رائعه أختيار موفق**
حفظــ الله والدتك وجميع أمهات المسلمين

[عراقيٌ انا]

شكرا لكِ يا حوااء وربي ايبارك فيكِ
ويحفظ لكِ اهلكِ وينير لكِ طريقكِ ..
شكرا جزيلا على المرور والرد الجميل والدعاء الاجمل .


عراقي انا

[طيابني]

مشكوووووووووور وجزاك الله الف خير
وياربي تخلي لنا امهاتنا

[الأنبارية]

الله
احلى شي بالقصيده هي اللهجه العراقيه اللي انكتبت بيها
امووووووووووووووووووووت بلهجتنا وترابنا وهوانا وكل شي عراقي
شكرا اخويه بارك الله بيك

والاحلى الكلمات او اللهجه العراقيه

اختي عاشقة الجنة
فرحتني جدا هذي الكلمات
اشكرك

[عراقيٌ انا]

شكرا على المرور والرد يا طيابني
ممنون منكِ وربي ايسلمكِ ..
الاخت الكريمه الانباريه حياك الله وحي الله انبارنا العزيزه
محافظة العزة والنخوه .شكرا على مروركِ وعلى تعقيبكِ الجميل
لما كتبته الاخت عاشقة الجنه .يزيد الموضوع نوراً وانتي تمرين عليه
عراقيه والنعم منها . لكم مني التحيه والاحترام .

عراقي انا

[نبع الحنين]

عاشت ايدك يا عراقي انت

تبقه الام هي الاصل دائما