تويت
الســــلااااااااااااااام عليكمم
عنـدي .. ابيــات بسيــط .. حبيـت اشارك فيــها .. واسمع رايكم .. ونقدكم .. فيها بكل صرااحه
يابوي علمتني علومن تصعب على الرجالي ** وانا والله على يمناك ودروبك تتناني
علمتني معنى الوفا والكرم وصب الدلالي ** وعلمتني كيف بالاخلاق اكسب الرهاني
وعلمتني ان مابه شي بدنيتي محالي ** وعلمتني كيف مجازات العواذل بالاحساني
وعلمتني عزة النفس عن دروب الذلالي ** وانا والله على عهدك مانيب عصياني
يابوي حالي يرثالي من جور الليالي ** وانا والله توي مانيب حمل الاشجاني
يابوي قلبي غدى صحيح ماهوب خيالي ** قلبي غدى بسحابتن حملها المزاني
صوب خلي يم ديرة خوالي ** يابوي ويش اسوي مير ربي بلاني
من غير لا ادري مشيت له وجالي ** ومن غير لا ادري كلن عشق الثاني
يابوي ايه احبه حبن مابه جدالي ** وحبه ساكنن بعماقي ولا تعداني
يومه تل قلبي بميلت العقالي ** اشوف عقبه كل الرجال حسبة اخواني
كلهم بكفة وهو على راس الجبالي ** ماعاد اشوف الا هو على الساني
صاحبي يابوي من نسل اهل الشمالي** كريم الاخلاق ماهوب كذاب واناني
طيب وحنون واوصافه كمالي ** والله ان قصيدي ماكتب بانسان ثاني
وانا اشهد يابوي انه بعثرني بسؤالي ** يومه سألني عن خافقي ووجداني
سكت يابوي مدري وش الي تهيالي ** وعرفت ان الحيا هو سبة الساني
حسيت كني اشوفه وكنه قبالي ** جالس يسألني ولاهوب يتحاشاني
يابوي ليتك علمتني اقول للغالي ** ان حبه بالمعاليق وفدوته اعياني