[[[،،وداعـــــة اللـــــه يــاوليــدي،،]]]
السلام عليكم ورحمة الله وبركاته
أخواني وخواتي ....كيفكم .... وش أخباركم ؟؟
فراق الابناء امر شديد على الاباء ويحزنهم كثير مما جعل هذه الام عند
سفر ابنها للدراسه خارج البلاد أن تخرج ما في قلبها من حزن على
فراق ابنها وفلذة كبدها
واليكم هذه الابيات التي انقلها لكم على لسان قائلتها,,,,,
وان شاء الله تعجبكم حبايبي
.......................................
(((( إلى ولدي الحبيـــــــب ))))
فراق الابناء امر شديد على الاباء ويحزنهم كثير مما جعل هذه الام عند
سفر ابنها للدراسه خارج البلاد أن تخرج ما في قلبها من حزن على
فراق ابنها وفلذة كبدها
واليكم هذه الابيات التي انقلها لكم على لسان قائلتها,,,,,
وان شاء الله تعجبكم حبايبي
.......................................
(((( إلى ولدي الحبيـــــــب ))))
وداعة الله يا ولدي جعل ممشاك ...... ميــــسر من عند رب البريــــــــه
وداعة الله دوم يحرسك ويـــــبراك ..... ويحفظك لي من كل شر وخطيه
وداعة الله كيف قلبي بيســـــلاك ..... وانا أشهد إن فرقاك صعبه عليـــه
وداعة الله أقولها يوم فرقــــــــــاك ..... وعساك ترجع لي بأغلى هديـه
هديتك لي حفظ دينك ومبـــداك ..... وتحقيق ما ترجي بنفس رضيــه
إحفظ إلهك يحفظك ويتــــــــولاك ...... ويعطيك مطلوبك على أكمل عطيه
واصدق نواياك وتحذر بممشــاك ..... وإمسك زمام أمرك بحكمه ورويـه
حافظ على منهج رسمته بيمناك .... وإلزم حدودك لا تعثرك بليـــــــــــه
إسلك طريق الحق واخلص لمولاك .... واحزم شدادك وإلتزم بالوصيــــــه
لا تصادق الا ناس مثلك وشــرواك .... إبعد عن اللي يسير ماله مطيه
لا تنبهر بالغرب ويضيع مسعاك ..... ولا يجرفك تيارها للرديــــــــــــــه
أبيك في غربتك ما تدنس خطاك .... ولا تفرط بوقتك بلا منفعيــــــــــه
إحرص على وردك عسى الله ياقاك.... ويحميك في غربتك من كل اذيــه
واعلم ترى قلبي معك يتبع خطاك .... وروحي ترفرف حول روحك خويــه
وعيني جفاها النوم بأسباب فرقاك .... ولساني يدعي لك صباح وعشيه
خوفي يجي يوم وتحتاجني هناك ..... وتحتاج قرب امك ويصعب عليـــــه
ربي يسهل دربك ويجعل خطــــاك ..... محرمه على أي بقعه رديـــــــــه
وربي يسخر لك جنود تلقــــــــاك .... في غربتك وتحرسك من كل أذيه
وربي ينور لك طريقك وممشـــاك ..... ويطوي سفرك وتنتهي هالقضيه
وأختم كلامي بقبلة في محياك ...... تحمل عظيم الود مني هديــــه
وعقبال ما ترجع ونفرح بلقيــاك ...... وننسى الدموع الي ذرفته سخيه
والـــــــدتـــــــــــــــــك 
واذا اعجبتكم قصيدتها بكتب لكم باقي قصائدها
نشوف ارائكم وردودكم
واذا اعجبتكم قصيدتها بكتب لكم باقي قصائدها
نشوف ارائكم وردودكم
تعليق