قصة بدون عنوان!!!!!!!!!!!!!

تقليص
X
 
  • الوقت
  • عرض
إلغاء تحديد الكل
مشاركات جديدة
  • تهى22
    عضو جديد
    • May 2006
    • 33

    #1

    قصة بدون عنوان!!!!!!!!!!!!!

    السلام عليكم ورحمة اللة وبركاته
    حبيت انشر لكم اول جزء من روايتي مع اني للحين ماحددة لها اسم.....
    بس راح اقرر لها اسم بعد ما اقرى ردودكم....



    الجوري:البطله صفاتها طموحه وحساسه وخوافة بس قوية في المواقف الصعبة وقلبها طيب.
    مريم:صديقة الجوري الروح بالروح مع أنهم تعرفوا على بعض من مدة سنة صفاتها خفيفة طينة وطيبة حيل مع إلي تعرفه بس مو مع الكل.
    راكان:البطل صفاته شهم وسيم رجل بكل معنى للرجوله عصبي شوي بس حنون.
    وليد:صديق وليد من الطفو له ودمه خفيف وغشمري وايييييد لايق على شكله القصير ولونه الأبيض,امة متوفية من صغره







    .
    ابتدأ العام الدراسي الجديد وطبعا مثل كل عام بنسبة للناس..
    الزعلان أكثر من الراضي..
    إلي زعلان لأنة ما أمداه يسافر,
    والي ضايق خلقة لان الدراسة بدت,
    والي ماشبع من الوناسة بالعطله.....


    بس بالنسبة للجوري كان الوضع مختلف هالسنة أحلى سنة بعيونها..
    لأنها وأخيرا تحقق حلم حياتها وانقبلت في الجامعة إلي تبيها وتتمناها...
    لأنه صار لها سنتين تقدم وما تنقبل بس السنة هذي فاتحة خير عليها.....

    صحت الجوري على صوت أذان صلاة الفجر وهي تردد مع المؤذن وبس انتهى الأذان بدت تدعي ربها وتشكره على هاليوم وهي تقوم من الفراش ابتسمت..!
    على إلي فبالها كان ودها لو الساعة اتصير دقيقة.. والدقيقة اتصير ثانية..
    علشان تروح وتدخل من باب الجامعة إلي أحلمت فيها طول عمرها

    ومشت وهي طايره من الفرح متجهه للحمام علشان تتوضأ للصلاة دخلت الحمام ووقفت عند المغسلة وارفعت راسها شافت وجهها باالمراية وبهدوء مرة عليها دقيقة!!!!!



    وهي واقفة ومن غير سبب بدت دموعها تنزل مثر الطر على خدودها وبدت فيها الذكريات_______
    وتمنت لو أن أغلى الناس على قلبها يكونون حواليها بهاليوم وخصوصااااااا! امها!!!

    وزادة دموعها على ها الذكرى..
    وفي خاطرها تقول((وينج يايمة ليتج تشوفين بنتج اليوم وينج تشوفين بنتج الي دعيتي ربج وأنتي بأخر لحظات حياتج انه يبلغج فيها وينج تشوفينها وتفرحين لفرحها وينج....وينج....وينج)).....
    ونزلت راسها وسالت دموع حارة طالعة من قلبها وسالت عل خدودها مثل الجمر وقلبها يحترق حسره و شوق وله وفراق وألم على أمها المرحومة الي توفت من مدة أربع سنين بعد ما عانت رحلة طويلة مع المرض وآلم الي كانت نهايتها راحتها من هالدنيا وبداية شقا قلوب عيالها بهالعالم....
    (الي هم شهد و الجوري وتركي وفهد)وأكثرهم الجوري مع أنها مو الكبيرة ألا أنها كانت القريبة لامها وأم ثانية لإخوانها...

    وبعد هالتفكير فجأة تذكرة الجوري أن اليوم يوم فرحت حياتها وحلمها
    وعلى طول غسلت وجها (وهي تقول)....
    الجوري:اليوم أول يوم لي ما أبي أداوم وعيوني مورمة على قولت أمي الله يرحمها (( لاتزعلين حتى ملامحج تشين وتتغير أذا زعلتي)) ...وبعد هم أخاف الأولاد بالكلية يطلقون علي لقب أم أعيون امبققه ومن أول يوم والله ما تسوى علي فرحه .....

    توضأت للصلاة وطلعت وصلة ركعتين لوجه لله وشالت السجادة وهي تستغفر وتدعي (ربي اشرح لي صدري بها اليوم) وأقعدت على السرير وأخذة القران الي على الكمدين الي جنب راسها وبدت تقرأ وصوتها كان ناعم بشكل تخشع له القلوب..
    خلصت قراءه وراحت تسرح شعرها
    الي كان لونه بني يبرز لون عيونها وكثيف ومموج بطريقة كلاسيكية
    أخذت شكاله على شكل فراشه ناعمه وصغيرة حيل ورفعت جزا من شعرها على جنب ونزلت خصلات بسيطة على قصتها العريضة الي رغم عرضها إلا أنها مبينة رسمت حواجبها الكثيفة وما خذه شكل الثمانية وعيونها الوساع إلي لونها اسود مايل للبني ورموشها الكثيفة تشبه عيون أبوها ونزلت قذلتها جهة اليسار على عينها لأنها تعودت تكون وسيلة لها تلهي نفسها فيها إذا أخجلت أو إذا أزهقت وبدت تتمكيج...
    ما حطت ماكياج ثقيل لأنها ما تحتاج شكلها من دون ماكياج أحلى بس حطة بوده وردية على خدودها وملمع على الشفايف لان شفا يفها وردية على طبيعتها وكحل اسود داخل العين علشان يبرز لون عيونها...................

    وفجأة تذكرت؟؟؟مريم الي طبعا واكييييييييييييييييد للحين نايمهة!!!!!
    بسرعه وقفت متوجهه لغرفة مريم وهي تمشي ...سمعت صوت من عند باب الشقة......وهي الي بطبعها خوافة حيييييييييييييييل نادت بصوت شبة عالي____
    الجوري:مين.....مين.......ميين
    محد رد ما اهتمت حيل ومشت
    التفتت متوجهه لدار مريم توها بتدخل الدار ورجع نفس الصوت قريب عند باب الشقة.......




    اش راح يصير
    ومنو الي عند الباب
    وماذا سوف يحدث في اول يوم للجوي في الجامعه........
    انتظروني....
    وانتظر ردودكم....

    اختكم:نور الشرقية24|4
  • just agirl
    عضو جديد
    • Aug 2006
    • 28

    #2
    وانا بالانتظار ...<<<<لا تتاخرين
    تمنيت ان الرواية تكون باللغه العربيه الفصحى ... لتكون اكثر جاذبيه
    احرصي اختي ان تتركي الشخصيه تصف نفسها من خلال الاحداث المتسلسله بدلا من كتابة ملخص >>>>> وجهة نظر




    وشكرااا

    تعليق

    • تهى22
      عضو جديد
      • May 2006
      • 33

      #3
      وجهة نظر مقبولة وحلوة وبحاول اطبقها في ريوايتي الثانيه

      وانشاللة قريب بنزل الجزء
      وشكرا حبيبتي0000000

      تعليق

      • **رونه**
        النجم البرونزي
        • Jun 2006
        • 628

        #4
        بسرررررررررررررررررررررررررررررررررررررررررررررررر رررررررررررررررررعة
        شكلها حلوة..................................

        تعليق

        • تهى22
          عضو جديد
          • May 2006
          • 33

          #5
          فرحة عمري

          المره هذي خافت حييييييييييييييييييييييييييييييييييل!!!!!
          واقتنعت وصدقت انه في احد عند الباب

          أدخلت بسرعه غرفة مريم

          مريم إلي كانت نايمه ومرتاحه على بطنها ومغطيه راسها بالمخده00

          نطت الجوري على السرير وسحبت المخده وهي تهز مريم00000000000

          الجوري ترجف)مريم 00مريم00 قومي0

          مريم:000000000


          الجوري: مريم0000 مريموه0000 قومي0
          مريم:هممممممم0

          الجوري :ولج مريموه قومي فيه حرامي!!

          مريموهي شبه حاسه)هممممم وين في بيتكم!!!

          الجوري:ولج أي بيت بيتنا بالكويت اشمدريني عنه0

          قومي حرامي اهنيه بشقتنا بنيويورك000

          الجوريوهي تهمس لنفسها )لا بالله رحت من جيس اهلي

          (وبصوت عالي) مريمووووووووووووووووووه!!!!!!!

          مريمبسرعه فزت وقعدت وقابلة الجوري)خير اشفيج من مات0

          الجوري بخزف وصوتها يرجف)مح00محدد00 محد مات بس أحنا بنموت لأنه فيه حرامي عند الباب
          0
          مريمبكل برود لأنها عارفه طبيعت الجوري الخوافه)

          من قالج واشلون شفتيه ياعييييييييوني0

          الجوري:وأنا ماشيه بالسيب سمعت صوت احد عند الباب0

          مريمويدها على خصرها وكشتها منفوشه)ماشالله وصار حرامي خلاص بكيفج هو0

          الجوريويده على خدها) عيل منو أبوي ياي ايزورنا من اكويت بهالصبح0

          مريم:لأ يا عيوني هذا جارنا بوعهدي أمس قالي بيمر كل يوم ياخذ (ونتي بكرامه) برميل الزباله لأنه يقول مو عدله انا بحسبت أبوكم ومسؤل عنكم فاكل يوم راح ايمر وياخذ البرميل ويرجعه عند الباب0
          وأنا نسيت اقولج000000فهمتي000

          مريم تميل فمها بحركة خوف وتتكلم بمياعه) حررررررررامي000حرامي0000(تقلد الجوري)

          الجوريبعصبه واستهزاء)هيه هيه هية موتيني من الظحك

          (بجديه)وليه ماقلتيلي من أمس يا انسه مريم

          جان أنا الحين مت من الخرعه بسبت غبائج

          مريمبصوت مرتفع اشوي)انتي بتموتين من الخرعه عيل انا شاقول(وهي ترفع ايدينها بوجه الجوري) ما اقول ألا
          مالت عليج ألف مره انا قايله

          لي يوم أموت من تخرعج فيني كل يوم الصبح ولج يالضالمه

          ما صارلنا شهر من سكنا مع بعض وانتي طايحه فيني أصراخ وتفزع كل يوم بأخر الليل ومن صباح الله خير يعني

          متى تعقلين وتصيرين خوش ابنيه وتبطلين عادت هالخوف الي فيج

          الجوري:الله 0000الله000 اسمع من الي ينصحني أصير عاقل وخوش ابنيه

          ملكة المينن العالميه0000 مريموه

          مريم:حبيبتي أولا اسمي مريم الحريزي وثانيا:هالأسم تاج على راسج فاهمه حبيبتي

          الجوري:إيه إيه إيه درينا يالله بس بتصير الساعه اثنعش الظهر وانتي ما قمتي يا القرقه


          مريمفتحت اعيونها الصغار الي الون العسلي يعطيها لمعه جذابه) هيييييييييييييييييييييه جم الساعه الحين

          الجوري:الساعه سبع إلا ربع

          مريموهي تقوم متجه للحمام) الله يالضالمه ليه ماقعدتيني000طيب اوريج

          الجوريترفع صوته شوي)عيل صارلي ساعه امجابلتج وصراخي واصل لكويت ليه انشالله
          يايه اسير عليج0

          مريم:قبل لا تدخل الحمام لأنج ميته علي وتحبين تفتتحين صباحج بوجهي الصبوحي
          (وسكرت باب الحمام)
          الجوريبصوت عالي)من زين ويهج أول ماتقعدين أنتي شوفي كشتج بس بالمرايه إلي جدامج0


          غيرت ملابسه الجوري ولبست لبس يناسب الجامعه قميص برتقالي وتنوره جنز سودا
          مع صندل اسود فيه فراشه صغيره مره برتقاليه وشنطه برتقاليه
          وأخذت الحجاب بيدها إلي كان عباره عن قطعتين وحده سودا وحده برتقاليه وطلعت من الغرفه


          تفاجأت الجوري بوجود مريم الي كانت جاهزه وجالسه تفطر على طاولت الطعام

          الجوري:امدااااااج00تخلصين بها السرعه0

          مريموالأكل بفمها)امممممم0

          الجوري:ما صدق اعيوني0

          مريموهي تشرب الشاي وترد تحط الكوب على الطاوله)لا صدقي لأني جهزت كل شي من الليل بس غسلت ولميت كشتي 0

          الجوري :عيل خلينا نطلع مدام خلصتي0

          مريمبمياعه واستهبال)لا والله انا ماجهزت بسرعه علشان اطلع ابي افطر حبيبتي وبعدين باقي ساعه على الدوام ليه نطلع بدري
          0
          الجوري:حبيبتي اليوم أول يوم دوام ومو متعودين على الجامعه وماندل

          وعلى قولة أبوي (اطلع قبل وقتك بساعه000 توصل على الراحه)

          مريم وهي تقوم من الكرسي)ياحليله ابوج ولج قلتلج زوجيني اياه استعدل واصير خوش ابنيه بس انت000000
          الجوري:قاطعتها (وهي تطقها بخفه على كتفها )اقول بسج عن الهذره ويله بسرعه لبسي حجابج لااروح عنج0

          مريموهي رايحه الغرفه تجيب حجابها)هو انتي تأدري حتى يابت هييييههه

          الجوري لفت حجابها على راسه وكان اللون البرتقالي تحت والاسود فوق وفتحت باب الشقه وهي تنادي مريم
          الجوري :مريم يالله لا روح عنج0

          مريموهي تركض ورافعه تنورتها الكحليه الجنز) ولج اخرشتيني لحظه بس ألف حجابي0(حجابها قطعتين نفس الجوري ولونه وردي وكحلي لأن بلوزتها ورديه )

          وطلعت مريم والجوري ماسكه يدة الباب وصار ظهرها لمريم وهي تقفل الباب






          سمعت الجوري

          مريم :صباح النور

          :رايحين الجامعه0

          مريم:ايه0000وانت؟

          سمعت الجوري صيغت الجمع(رايحين)التفتت

          وشافت شاب لاهو طويل ولا قصيرمتوسط ابيض حيل شعره طويل ماله لحيه شنبه خفيف

          بس ما حست انها اتعرفه او شايفته من قبل فليه يسأل (عنهم)

          :انا رايح المكتب

          الجوريبهدوء)من الأخ0

          مريم:اوه اسفه نسيت اعرفكم على بعض(تاشر على الجوري000 وعيونها على الشاب) صديقتي الجوري00

          (واشرت على الشاب وعيونها على الجوري)الأخ عهدي جارنا0

          عهدي:تشرفنا انسه الجوري0

          الجوري:لي الشرف0

          عهدي:أنا اعرفج بالشكل انج صديقة مريم بس الاسم000توني أتشرف فيه0

          الجوري:ليه أنت شايفني من قبل0

          عهدي:شفتكم مرتين با الكفي شوب الي بأول الشارع بس ماكنت اعرفكم لحد ماشفت مريم أمس مع أبوي عند باب الشقه0

          الجوريوهي تفكر اشلون تنهي هالمقابله)

          على العموم تشرفنا0

          عهدي: الظاهر اني اخرتكم0

          مريم:لا عادي اشتعوه0

          الجوري وهي تمشي كم خطوه ماسكه يد مريم)عن إذنك مع السلامه0

          عهدي: الله يسلمك واتمنى لكم التوفيق

          مريم:و(هي لا فه أرقبتها لورى لان الجوري ساحبتها معاها)مشكور مع السلامه0

          عهدي: الله يسلمج0

          نزلت الجوري بالدرج لأنها وبدون سبب ماتبي تركب المصعد مع عهدي الغريب بالنسبه لها وعالعموم هم ساكنين بالدور الثالث مو حيل بعيد0

          ركبت الجوري السياره وعهدي طول ماهو ماشي لسيارته يسترق النظرات لها من غير سبب حاس انه غصبن عنه
          مريم وهي تعدل حجابها والجوري تحرك السياره0

          مريم:ماتقولين لي اشفيج اش قارصج فشلتيني جدام الريال0

          الجوري:ما أدري بس حسيته حيل جريء بكلامه معانا0

          مريم:هذا لأنه يعتبرنا مثل خواته

          (مريم وهي اتحلطم)
          بس معذوره ماشفتيه أمس اشلون يكلمني هو مع أبوه الي يسمعهم يقول ابوي واخوي من خوفهم عليه ليش اني طلعت وانتي بكرامه اذب الزباله بالليل0

          الجوري:طيب خلصنا ماصار شي يمكن انا فهمته غلط0


          وسكتو الثنتين ومريم متضايقه من اسلوب الجوري0
          شغلت الجوري اغنية نوال الكويتيه

          والجوري مندمجه وتغني معاها0

          انت طيب000 هذا هو الي يهم 0000 انت طيب وغير هذا مايهم000 مايهممممممم انت طيب0000
          مريم:أدري بتراضيني بس مشكوره انا طيبه

          وقلبي طيب وما ازعل من اقليبج الطيب

          الجوري ومريم:هههههههههههههههههههههههههههههههههههههههههه

          الجوري :بس بعد انسي انا اتنزل (وتناظر مريم بأحتقار)وأراضيج باحلامج

          (وهي تشد على عينها وتناظر مريم) يمكن0

          مريموهي تشد على اسنانها)طيب طييييييييييب ياجورييوه

          ان مازعلت عليج من صج بيوم من الأيام

          ما اكون مريم بنت علي الحريزي 0

          الجوري:000ماردت بس ناظرتها بأحتقار0



          و بهاالوقت دايم الشوارع زحمه وكلن مستعجل

          بس بما انه هاي ويه فالكل ماشي بسرعه

          وفوق كل هالزحمه

          مريم:جويره شفتي الي مر تو0

          الجوري:أف00000 لأ0

          مريم:والله فاتج نص عمرج0

          الجوري:ليه انشالله0

          مريم (وهي تحرك يدها)ولج ايهببببببببببببببببببببببببببببببببل لو انا اشابهه ما احاجيج(ما اكلمج)0
          الجوري:ايه عاد مو أنا مووووووووت عليج0

          مريم:لاوالله من جد اتكلم شاب حلو ايننن0

          الجوريبجديه)امداج تشوفينه بهالسرعه
          عيني باااااااارده0

          مريم :صج صج لو أنا اشابهه بعد ما احاجيج0

          الجوري:هيه انتي0000اش فيج كل كلمه والثانيه بعد ما احاجيج0

          مريم:بعد شسوي انتي اغلى شي على قلبي اساوم عليه
          0
          الجوري:يعني انا صديقة عمرج اتساومين علي يعني تبيعيني
          0
          مريم:ماعشت ولاكنت اشتريج يابعد عمري(مدت شفايفها الصغار القدام بالهوا)امممووووووواه

          مريم والجوري:هههههههههههههههههههه

          0


          بهالحظه سياره مسرعه قدام سيارة الجوري

          انحرف عن مسارها وانقلبت000000000 مره 000ومرتين000 وثلاث

          الجوري انتبهت وبسرعه حطت ريلها على البريك لان السياره موبعيده حيل عنهم

          ومريم :من المفاجائه صرخت وماسكتت

          والجوري تتشهد
          الجوري :اشهد لا اله الا الله

          0والسياره مازالت تتقلب جدام اعيونهك وتبعد عنهم

          ولحظه سريعه ومن غير شعور من الجوري التفت على اليسار

          وبنفس الحظه التفت عليها صاحب السياره الي على يسارها والي يمر بنفس موقفها لأنهم هم الاثنين يحاولون يوقفون سياراتهم وهم ايشوفون الموت قدامهم

          تلاقت اعيونهم ونظرة الجوري مليانه خوف إلا أن نظراته هو كانت قويه وشجاعه وكأنه كان يكلمها بها لحظه وحاس فيها وهي حاسه فيه

          الجوري ما انتبهت لأي شي فيه لا شكله ولا ملامحه انتبهت بس لشكل عينه ولنظرتة إلي فيها شي غريب حسستها با أحساس ما أعرفت تفسره بها لوقت

          وما صحها من نظرة عيونه الي مرة بلحظه وكأنها ساعه إلا شهقت مريم

          الجوري:اسم الله عليج
          الحمد لله الحمد لله وقفت السياره

          مريم من كثر ما صرخت توها تحس بالموقف الي مرو فيه وبدت تبجي مثل الياهل

          التفتت عليها الجوري واحظنتها تحسسها بالأمان الي هي بعد ودها احد يحسسها فيه

          الجوري :اسم لله عليج بس حبيبتي خلاص سيارتنا اوقفت

          مريم:000000

          الجوري:سيارتنا وقفت خلاص(قالت هالكلمه وتذكرت السياره الي على اليسار) التفتت لقتها واقفه بس اشوي

          متقدمه عنهم فما قدرت تشوف صاحب السياره اذا كان بخير ولا لاء0

          رفعت راسها مريم من على كتف الجوري

          مريم:اش صار على صاحب السياره الي انقلبت0

          الجوري:ما ادري بس سيارته أوقفت خليني أروح عند سيارته اشوفه000وانتي حاولي تهدين اشوي مو زين عليج0



          أنزلت الجوري بخوف وهي ترجف بخفه وعيونها على السياره المقلوبه

          وهي تمشي تذكرت نظرة صاحب السياره الي على يسارها وذكرت اشلون كان أيهديها بنظرة أعيونه وهزه بسيطه براسه علشان تهدى0

          خطر على بالها تشوفه وتشكره لأنها خلاص ماتقدر تروح للسياره المقلوبه لانه صار زحمه عليها وسمعتهم

          يتكلمون (طبعا بالنقليزي)انه بخير رجعت وهي تمشي شوي شوي وسرحانه من الخوف وأحاسيس وايد داخلها

          ومو حاسه بالناس من حولها الي كانو يصرخون ويركضون

          فجأه حست بيد على زندها مسكتها بقوه واسحبتها حيل القدام وما أمداها تشوف شي غير ظهره الي عليه قميص كحلي


          وثواني حتى سمعت صوت انفجار وراها من غير ما تحس غطت راسها بكتف الريال الي ماسكها وهو نزل راسه وحده من ايدينه على راسه والثانيه على الجوري

          وراسه مقابل لراس الجوري (بس بما انه اطول منها كان شبه بعيد عن راسها)

          الانفجار كان للسياره الي انقلبت قدامهم
          طبعا الكل صرخ الا الجوري لانها كانت بعالم ثااااااااااااااااني



          شنو نهاية هاللقاء المفاجا
          وشلون بيكتمل اليوم اذا هذي كانت بدايته
          واشلون بتصحى الجوري من هالقاء
          وشنو بتكون ردة فعلها





          اختكم نور السعوديه

          تعليق

          • الإيجابية
            عضو نشيط
            • Feb 2006
            • 438

            #6
            وين البقية ؟!!!!!!!!!!!!!!!!!!!!! ..


            بسرررررررررررررررررررررررررررررررررررررررررررررررر رررررررررررررررعة !!!! ..

            مثل البرررررررررررررق !! ..

            تعليق

            • ازهره
              عضو نشيط
              • Jul 2006
              • 266

              #7
              ارجوك وين البقية ؟!!!!!!!!!!!!!!!!!!!!! ..

              تعليق

              • تهى22
                عضو جديد
                • May 2006
                • 33

                #8
                انشالله انزل البقيه لكم
                بس عطوني وقت لانه بدى دوامي
                بس انشالله بنزله لكم قريب
                وشكرررررررر

                تعليق

                • شهرزاد2006
                  عضو جديد
                  • Aug 2006
                  • 34

                  #9
                  بارك الله فيكي يا أختي تهى
                  والظاهر انا وانتي عنا نفس الهواية وهي الكتابة وانا بعتبرعا قلم الروح
                  لكن أنصحكي بالكتابة باللغة العربية الفصيحةوتجنبيي العامية متى استطعتي حتى يفهمها مختلف الناس من مختلف اللهجات
                  وياريت في روايتك القادمة تلتزمي بالدين الاسلامي في بناء الشخصيات وتقويمها وبناء القصة حسب تعاليم دينا الحنيف عشان لما يقرأها غريب عن الاسلام تنعكس له روعة اسلامنا وياريت ما تاخدي على خاطرك من رأيي لأنه مجرد نصيحة
                  ثابري والله معك
                  التعديل الأخير تم بواسطة شهرزاد2006; 27-08-2006, 10:51 PM.

                  تعليق

                  • تهى22
                    عضو جديد
                    • May 2006
                    • 33

                    #10
                    لا بالعكس
                    انتي بحسبت اختي وعزيزه وغاليه
                    وانشالله اطبقها بروايتي الجايه
                    ومشكوره حبيبتي

                    تعليق

                    • ازهره
                      عضو نشيط
                      • Jul 2006
                      • 266

                      #11
                      صحيح نهى اتمن ان تكتب باقى القصة باللغة العربية الفصيحة لان صعب قليلا فهمها لان من ليبيا بس الحمدالله فهمته لان كنت فى الكويت ودبى

                      تعليق

                      • الإيجابية
                        عضو نشيط
                        • Feb 2006
                        • 438

                        #12
                        أين البقية ؟!!

                        تأخرتي علينا ..

                        تعليق

                        • ازهره
                          عضو نشيط
                          • Jul 2006
                          • 266

                          #13
                          نهى 22 فين الوعد

                          تعليق

                          يعمل...