تويت
في تجاويف السهر .. طل القمر
وإستثار ساكن جروحي وإنتحر في صمت وقهر
وإنتثر هتّان من برق الفكــــــــــــر
يلملم شتات من زيف العذر
للي نسى ولا قسى
أو يمكن أغواه النظـــــــــر
ليه تدور له عذر ؟
هو إنت ياقلبي معه ولا معي
خانت حروفكـ مدمعي
وإسْتَكنَّتْ آهتي
هي حيلتـي !
ومع كل ذا ليش إنت ياقلبي علي ؟
إرجع ترى مالك مكان إلا معي
ياهاجسي ...
إدفن بقايا هالحطب المنطفي
وإذا على بقايا هالرماد المهتري
خلك معي ...
أمطر مزون هايمات
على رموس الذكريات
وأطفي عواسيج اللهب
وإكتب بسحايب هالعجاج
إني قوي بأسي قوي
نِسْيَتْ جفوني دمعتي
وإني رجعت لموطني
رغم البروق بهالسحاب ولا العذاب
لكن رجعت وهمي تركت
وإن السواليف إنتهت ويمكن بدت
ترسم سطور ماضيه
وتحكي مواثيق وعهود
راحت هدر
زل الوعد ياصاحبي .. مابه عذر
لا .. لا تدور عن زهر
يخفي بشاعة كذبتكـ
ولا ملامح صـورتكـ
زل الوعد ياصاحبي
.
.
.
حتى الرعد وصوتٍ بعيد من ورى حلم السهد
يصرخ يقـــووول :
زل الـــــــوعــــــــــــد
مودتي،،،
تعليق