كل شي بهالدنيا صدف... وأنا ابتسم لي الحظ وعندي وقف... قلت آهلين وينك, من زمان ما حصل لي هالشرف... قال ما شفت شي يوم تعرف كل شي ما عاد بتسألني عن شي فهمت مني شي قلت لا والله ولاشي بس ألي اعرفه انه صار لي الشرف... قال اصبر ما بعد شفت شي... يوم تنهي كتابتك بتشكرني عن كل شي... قلت اجرب بس بالاول عندك سلف... زادت ابتسامة الحظ ورماني عند بقاله... قلت آخرت هالابتسام كله عند بقاله... وصلت للبقاله مدري على رجلي والابسياره... مغلق كلمه على باب البقاله... قلت لاهي صلاه والوقت بدري وش سالفة هالبقاله... رحت وبيوم ثاني رجعت للبقاله... مغلق قلت للحين مزينه باب البقاله... ولقيت ورقه مكتوب عليها بجده كل أحبابه... وجريت عربه مكتوب على طرفها جده كل حياته... وانفتح لي مغلق ابواب البقاله... بقالة مكتوب عليها اسم ساره... ودخلت وبيدي عربه عليها اكل الزمان وشرابه... وتجولت بهالبقاله وانا مستانس... واتذكر كلام الحظ وارجع استانس... بقاله عاديه مابها لاصالات ولامجالس... هذا رف وذاك رف وكل رف عن رف يختلف ... هذا فيه الحنان كله... وذاك فيه الدلال كله... وذاك ألي ورا ذاك الحب ينقط منه... وأخذت من كل رف مافيه الكفايه... وكل ماابعدت عن رف ارجع واخذ منه واقول خلاص ألي عندي كفايه... وماكفاني كل شوي ارجع واقول يازمان وقف امانه... قال وش عندك... الله يرجك... أسمعك قصر حسك... قلت وانا اهمس له... وقف ما أبي الشمس لاتشرق ولاتغيب...وقف مابي اطلع من هنا حتى اكلم هالحبيب... ضحك كثير قبل ما يروح... وتركني خايف مابقول مجروح... قلت باخذ ألي اقدر عليه وادفع... ورحت للمحاسب وقلت كم تبي ندفع... قال عمرك وحبك وحنانك وكل شي عندك وانا اجمع... قلت وين صاحب هالبقاله... قالت أنا قلت انتي ساره... قالت أيه قلت وكل ألي في البقاله يخص ساره... قالت ايه قلت وكل هالناس تشتري من عند ساره... قالت ايه قلت اجل انتي غنيه والله يزيدك ياساره... قالت أنا مااخذ من هالناس.. قلت وانا واحد من هالناس... قالت أنت أخذت كل شي عندي ولومادفعت لي باصير مفلسة احساس... قلت يعني أنا غير عن كل هالناس... قالت ايه أنت كل شي أنت بعد كل هالناس... قلت هذا عمري وهذا قلبي وهذا كل شي عندي ولو تبين استلف من هالناس... قالت لايكفي وقالت أنا شفتك تكلم ناس من هالناس... قلت نزوة من الوسواس الخناس... واختفت وين راحت وين أدور بين كل هالناس... تعبت أنادي تعبت أصوت ساره ساره.. وين اختفيتي وين أراضيك ياساره... هلا والله هذا الحظ جاء... قال وش عندك ياخايب الرجاء... قلت باركي لي جاني الحب جاء... قال خذ هذي رسالة من ساره مكتوبة بماء... قالت كيف أقراها وانا مااعرف إلا حروف الهجاء... قال مكتوبه بكل الحروف فيه الألف والياء والجيم والخاء... قلت مااعرف واختفى والرسالة بيدي تتقطر... كيف أقراها فكر ياقلبي قال مااقدر... قلت الله الله وين ألي من اول على الناس يتشطر... قال أفهمني أنا من الحب أتفطر... قلت معذور وينك يالعقل في حالنا انظر وتفكر... قال ماني معاك اسكت ياشين أنا ارسمها وهي في خيالي تكبر... وجمعت الرسالة في منديل... ومسحت به دمعي ألي على خدي يسيل... وتركت المنديل والدمع ألي يسيل بالبقالة... وخرجت ورجعت للبيت ماادري على رجلي والابسياره... وكتبت على باب غرفتي مغلق مثل البقاله... انتهيت وماشكرت الحظ لاتفهمون غلط والله ماهي نذاله... لكن رميت المفتاح وقلت للحظ اذا تبي أتشكرك خذ المفتاح لساره... سألتني مخدتي يوم جيت أنام قالت يا سعيد... أنت بهالدنيا سعيد... قلت لا والله ماني سعيد... قالت اجل وشلون تنام ماتخاف تفتح الباب ساره وأنت في منام... قلت أبي اعيش بحلمها والحلم لازم على شانه ننام... قالت يا سعيد قلت لبيه قالت نام واحلم بساره يالله نام...قلت ابنام ألين تجي وتفسر لي وش قصدها من هالرساله قالت طيب يالله نام...
الحـ إنسان ـزن
الحـ إنسان ـزن
تعليق