💖صلاح القلوب💖:
#تفريغ_أسرار_الصلاة_٢
السر الخامس عشر⬅️ (إن الله يحب أن يحلف به)
ملف وورد
يوتيوب
صوتي
🔹أهلا ومرحبا بكم إلى سر جديد من أسرار الصلاة اونحن نعيش مع كيفية ذوق طعم الصلاة وطعم الصلاة اسمه الخشوع اللهم ارزقنا الخشوع يارب
🍂"والخشوع قيام القلب بين يدي الرب بالذل والخضوع والجمعية عليه ورقة القلب وانكساره وحرقته" 🍂
🔹كل دي معاني إذا ذاقها الإنسان عرف الخشوع.
💫قيام القلب:-
🔹لما تقوم تصلي لاتقف على رجليك بس، أوقف على قلبك خلي قلبك يوقف انتباه♡
💫والجمعية:-
🔹مش جمعية فلوس بنقبضها لأ جمعية تخلينا سعداء في الدنيا والآخرة، جمعية القلب♡
🔹 إن الإنسان لا يبعثر همه هو ده الخشوع اللي مش مستحيل الممكن
🌹هو ده الخشوع اللي نفسي نعيشه جمعية القلب على الله
🍁يا عجبا لطلب الله لك وإلتفاتك إلى سواه🍁
🔹لما رب العالمين -سبحانه وتعالى-يقدر عليك قدر وتلاقي الأذان يأذن في وسط القدر اللي إنت فيه ده
📍مثلا:- بتقضي مصلحة مهمة، ويأذن الأذان. اللحظة دي لحظة فرج، مدد، عون من الله،😊
📍 الأذان اللي أذن وإنت في الطابور أذن علشان ربنا ييسر لك ويقضيلك حاجتك لو سبت الطابور و وقفت في الصف ربنا هيقضيلك الحاجة،،
📍لما تلاقي الزباين كتير، والأذان يأذن الأذان ده أذن علشان البركة في الرزق لما تسيب الزباين وتروح لرب العالمين هو الرزاق مش الزباين..
👌فالمشكلة هي تفرق القلبء♡ وتبعثر وشعث القلب
🌿"ضرب الله مثلا رجلا فيه شركاء متشاكسون و رجلا سلما لرجل هل يستويان مثلا"🌿
🔹اللي كل الناس بتشده من كل حته ده زيه زي اللي بيكلم واحد بس؟ ده المركب اللي ليها ريسين تغرق!!
↩️ أومال بقى اللي قلبه♡ ليه 100 ريس؟؟؟
مديره، وزوجته، واولاده، وأصحابه،ومنظره، وهواه،،
🔹 وفي النهاية لا أهله يرضوا، ولا أصحابه يرضوا، ولا ربنا يرضى!!
💌أما اللي يتعلق بالله ويجمع قلبه على الله فربنا يرضى عنه ويرضي عنه الناس.
🔹لما رب العالمين يقدر عليك قدر: اجمع قلبك على الله، لو ما جمعتش قلبك في الصلاة هتجمعه فين؟
🔹وإنت واقف مفيش قدامك إلا ربنا ده وقت تنشغل فيه بغير الله؟؟
🌹 نفسي تفهم جمعية القلب على الله!
🔹إن قلبك ساعة الصلاة خلاص متفكرش في دكاترة متفكرش في دوا ولا فلوس متفكرش في أي حاجة كل الأسباب ده مش وقتها اللحظة دي لحظة جمع القلب على الله
💫وحرقته:-
🔹في قلوب محروقة بتتحرق شوقا إلى الله.
🍁وكل من يشتاق إلى غير الله وغير رضاه فإن هذا الشوق عذاب وذل على صاحبه.🍁
🍂الخشوع هو قاسم مشترك بين الأخلاق، والعقيدة والعمل.
🔸الخاشع مؤدب، ورقيق، وحنون،وبيصنع المعروف.
قال الله -عز وجل-:-
🌱" إنهم كانوا يسارعون فى الخيرات ويدعوننا رغبا ورهبا وكانوا لنا خاشعين" 🌱
🔸فطبيعة الذي يصنع المعروف أنه ساكن، خاشع، هادئ، وطبيعة الذي يبخل بصنع المعروف أنه ذو ضجيج، ومزعج، وغير حنون.
🌷🌷كان رسول الله-صلى الله عليه وسلم- يوما في بيته فسمع رجلين يتلحيان أحدهما مدين للآخر وهذا المدين يستوضع الدائن، والدائن يأبى ويحلف بالله أنه لا يؤجل على المدين سداد الدين فكان
يقول:-" والله لا أفعل، والله لا أؤجل، والله لا أؤخر، والله لا أتركك."
فخرج رسول الله -صلى الله عليه وسلم- من بيته يقول:-من ذا الذي يتأله على الله أن لا يصنع المعروف ؟؟🌷🌷
🔸مين اللي عمال يقول والله والله على حاجة مفيهاش إحسان،
🌹 نفسي ندوق قول الرسول-عليه الصلاة والسلام- 🌺"إن الله يحب أن يحلف به"🌺
يا سلام!! مش ربنا بيقول:
🌿" لا تجعلوا الله عرضة لإيمانكم." 🌿
↩️مش المفروض إن احنا منحلفش كتير؟!
🔸إنت مش واخد بالك
💫 ربنا بيحب إن إحنا نقسم بإسمه على صنع المعروف والمروءة وعظائم الأمور.
💫 ولا يحب أن يستخدم يمينه في اللغو والثرثرة؛
📍والله العظيم جون،
📍والله العظيم أنا اللي عليا الدور في اللعبة دي،
📍والله العظيم لتجبلي كذه ،،،
↩️كل دي أيمان ربنا ما يحبهاش..لكن إن الله يحب أن يحلف به معناها:-
✔️والله المصروف ده عليا،
✔️والله لتيجي تاكل عندي،
✔️والله نفقتك عليا، والله ما حد يقدر يأذيك طول مانا عايش
✔️والله لا ينقص الدين وانا حي
✔️والله لأحفظ القرآن
✔️والله لأقومن الليل
✔️والله لأطيعن أبي وأمي..
🌹 ربنا يحب اليمين ده وما يحبش اللغو في اليمين.
🔹من هنا تعرف أن للخشوع علاقة بهدوء الحياة وسلامة المعيشة وراحة المجتمع
🔹 لما تجد أن الخاشع يصنع المعروف، وبيسارع في الخير، وبيعين على النوائب؛ تفهم إن الخشوع قاسم مشترك في صنع الخير وفي حسن الخلق كذلك في العقيده
👈الخاشع يعرف الله ،الخشوع يتناسب مع العلم كل ما تعرف ربنا أكتر تخشع..
🔹يبقى الخشوع قاسم مشترك بين العلم والأخلاق والعمل
🔹اللي بيخشع في الصلاة بيستفيد من صلاته فيخرج من الصلاة
🔽ما يعرفش يبص على حاجة حرام💪
🔽 ما يعرفش يغش ولا يسرق 💪
🔹الخاشع عايش حياة لذه ولا في الأحلام ق فصلي وعش هذا الغرام فإن الخشوع ليس كالكلام والسلام
💐💐💐💐💐💐💐💐