خليكى مميزة
السلام عليكن النهاردة قلت نتفق على حاجة جديدة مع بعض خلاص الايام بتجرى وشهرنا الحبيب بيقرب
ايه رايكم نتخيل فى رمضان ان النبى صلى الله عليه وسلم هيقيم معانا طول شهر رمضان
ليل نهار شايفنا بنعمل ايه وبنعبد ربنا ازاى وقدمنا ايه عشان نعتق من النار
تفتكرى اننا ممكن نتفرج على مسلسلات رمضان اللى شياطين الجن والانس بتحضر فيها
تفتكرى النبى صلى الله عليه وسلم ممكن يتفرج عليها
ماعتقدش
تفتكرى هيكون مبسوط منك وانتى بتتفرجى عليها برده ماعتقدش
مين اغلى عندك الشيطان ولا النبى صلى الله عليه وسلم هتسمعى كلام مين وهتكونى عاوزة ترضى مين
ازاى هتطلبى منه الشفاعة يوم القيامة وانتى مزعلاه
فمابلك حبيبتى برب العالمين المطلع علينا فعلا ليل نهار
تفتكرى لو تابعتى مسلسلات هتستاهلى يعتقك من النار هيقولك انتى عبدى ويشهد الملائكة انه عز وجل حرم وجهك على النار
اللع عزوجل قال شهر رمضان الذى انزل فيه القران مش اللى اتعمل فيه المسلسلات المميزة اللى بنستناها من السنة للسنة
والله انا بذكر نفسى قبل ما اذكركم وربنا يعنا على ذكره وشكره وحسن عبادته
يالا فكرى هتقدمى ايه فى رمضان تستاهلى عليه العتق من النار
لله عتقاء من النار وذلك فى كل ليلة وكل نهار من رمضان اعتبرى كل ليلة هى الليلة اللى هتعتقى منها هتقدمى ايه
اللهم اعتق رقابنا من النار
تعليق