في سبيل الله نمضى .....نبتغى رفع الأخوة (الجزء الثالث)

[ghofran2009]

المشاركة دى لسة قرياها دلوقت فى منتدى عمرو خالد و أزهلتنى:
يارب فرح استاذي عمروخالد الغالي بهذا الخبر

السلام عليكم
ملاحظة مهمة
وانا في موقع يوتيوب على موقع قناة استاذنا عمرو خالد هناك وانا ارسل احدى الحلقات لاختي لانها للاسف لم تستطع مشاهدة الحلقة في يومها لظروف
ففوجئت ان اكبر عدد من مشاهدي الحلقة لليوم هم من اسرائيل فقلت ربنا يهديهم على ايد استاذنا ان شاء الله اكيد دفعهم الفضول ليعرفو كيف يتكلم القران عن سيدنا موسى وان شاء الله يجعل الله على يدك اسلام الكثير والكثير
جزاك الله خيرا
وبما ان الاخوة والاخوات يقولون عيدميلاد حضرتك في هذه الايام ممكن تكون هدية من الله تعالى بانه تقبل منك برنامجك الرائع

[بنت النيل 4]

أوحى الله الى سيدنا داود عليه السلام قائلا:

ياداود لوعلم المدبرون عنى كيف انتظارى
لهم ورفقى بهم وشوقى الى ترك معاصيهم
لماتوا شوقا الى وتقطعت اوصالهم من محبتى
ياداود : هذا ارادتى فى المدبرين
عنى فكيف ارادتى بالمقبلين
على
يقول ابن عمر رضى الله عنهما :
لا يتحسر اهل الجنه على شئ الا على ساعه
مرت منهم فى الدنيا لم يذكروا الله تعالى فيها

من اقوال ابن القيم
السياده فى الدنيا والسعاده فى العقبى لايوصل اليها الاعلى جسر من المتاعب

يقول الحبيب صلى الله عليه وسلم
أحب الاعمال الى الله ادومها وان قل
اللهم بلغنا ليلة القدر

[فرح1983]

جزاكم الله خيرا يا حبايبي
بجد بجد كم معلومات وحسنات باذن الله هائلة
انا عمالة اقرا
وادعي ربنا ان احنا نكون من العتقاء باذن الله مع بعض
بس الحقيقة انا بواجه مشكلة عويصة
بنتي الصغيرة رهيبة في الزن لانها بتسنن
وانتوا عارفين ان حبيبة مريضة ربنا يشفيها يارب
انا مش بعرف اصلي التراويح كويس
ومش برطز قوي في قراءة القران
ومش عارفة اعمل ايه
بحاول اني على الاقل استغفر واصلي على نبينا الكريم عليه افضل الصلاة والتسليم
بس بجد مش عارفة اعمل ايه كمان

انا كلي امل في الله ان الاجر على مقدار المشقة باذن الله
وكنت سمعت عمرو خالد بيقول ان الام في جملها وولادتها رضاعتها لطفلها الى ان يبلغ العامين في رباط باذن الله
يارب اؤجرنا على دة يارب العاليمن

[فرح1983]

انا عاوزة يا جماعة منكم رجاء كمان
ان احنا ندعي لاخواتنا المسلمين في كل مكان
العصاة
والله يا جماعة اوقات الواحد اعوذ بالله من الشيطان الرجيم
اما بيشوف حد عاصي بيحتقره ويشوف نفسه احسن منه
وانا كنت كدة
ولكن جت عليا فترة في حياتي ربنا سبحانه وتعالى حب يوريني ان ماحدش بعيد عن المعصية
وان مافيش حد معصوم
وان كمان مش عشان الواحد ربنا كرمه وشرح قلبه للايمان والذكر
يفتكر نفسه احسن من ناس كتير
ماحدش يعرف مين احسن عند ربنا من مين
انا اعرف حد الصلاة في المسجد على وقتها
ولكنننننننننننننن
كل حياته ملخبطة وغلط
وكل اللي مسؤول عن ضيعهم ولسة بيضيعهم
وهكذا ربنا يهدينا ويهديه

فخلونا نوحد الدعاء بان ربنا يهدي امة محمد
ويذوقهم حلاوة الايمان اللي الواحد ممكن يكون مستشعر جزء منها
بجد والله العظيم دي احلى واعظم نعمة
ان الواحد يبقى في معية الله
وانه يستشعر ويحس بالحلال والحرام
والله يا جماعة فيه ناس ما تعرفش الحلال والحرام اصلا
مش تعرفه وتتجاهله
ما تعرفوش
ندعي بقى ربنا يهديهم
اللهم ا

[abeerbebo]

غفران خبر حلو معاناه انه برنامجه نجح ما شاء الله وسمع عندهم

امى الحبيبة جزاكى الله خيرا

فرووووووووحة بتنورينا لما بتيجى بجد والله

وربنا يباركلك فى وقتك وانا وكل اخواتنا هنا يباركلنا فى وقتنا بردو ويهدى اولادنا ويشفيهم من كل مرض ويبعد عنهم كل شر

فروووحة انا معاكى فى اللى قولتيه بجد وانا بردو عرفت وصدقت ان محدش كبير على المعصية وهو باديه القلوب يقلبها من حال لحال

واللى انا بئول عليه مش ممكن مش ممكن اعمله هى ازاى تعمل كدة ممكن اوى اعمله ومافيش حاجة بعيدة ومحدش كبير على مكر الله

والله انا دلؤتى لما بشوف الناس اللى هما عاصيين معصيات يعنى مخلياهم بعيد بئم يصعبو علية جدا والله لانه مش حاسين بالطعم الحلو للقرب

فعلا معاكى حق لازم ندعليهم يمكن دعانا ليهم يحمينا من ان ننقض غزلنا بعض قوة او ان قلوبنا تتقلب للسئ

يا مقلب القلوب ثبت قلبى على دينك
يا مقلب القلوب ثبت قلبى على دينك
يا مقلب القلوب ثبت قلبى على دينك

[فرح1983]

يا مثبت القلوب ثبت قلوبنا على دينك يارب العالمين

[BIBOOO]

ربنا يبارك في عمركم ورزقكم واولادكم
ويعينكن علي ذكر الله وحسن عبادته

[ghofran2009]

جزاكى الله خيرا يا بيبو
فروحة ما تحرمناش منك وخليكى معانا ومنورانا كدة على طول ولو بكلمة طيبة
والله يا بنتى الواحد لما بيشوف حد بعيد عن ربنا فعلا بيصعب عليا
انا دايما لما باشوفهم باقول
الحمد لله الذى عافانا مما ابتلى به غيرنا وفضلنا على كثير من خلقه تفضيلا
احنا ممكن اوى كنا نكون زيهم
لولا كرم ورحمة ربنا بينا
اى خير او قرب من ربنا او طاعة بنعملها كل دة من فضل ربنا علينا
هو اللى مقدرنا على اننا نعمل كدة
دى نقطة لازم نفهمها كويس جداااااااااا
انه كله من فضل الله
الحمد لله الذى هدانا لهذا وما كنا لنهتدى لولا هدانا الله

[ghofran2009]

بيرو
انا فاكرة انك كنتى تقريبا جبتلنا مصحف فلاش لمحمد جبريل قبل كدة
يا ريت لو عندك تجيبهولى
الحاجات اللى البنات ادتهانى مش بتتحمل مش عارفة ليه

[بنت النيل 4]

الصدقه الخفيه

[quote=أم جورى;8868779]جزاكى الله خيرا يا غوغو على الهمسات دى جميلة أوى

بس استوقفنى حاجة اجعل بينك وبين الله عملا لا يعرفه أحد زى ايه مثلا

هل يقصد بها الصدقات مثلا وما شابه ذ لك

أبنتى الحبيبه جوجو
اده انتى وحشتينى جدا ما تقطعيش كده
شوفى ياستى اجعل بينك وبين الله عملا لايعرفه الا هو سبحانه مثلا:

صدقه مخفيه يعنى تكونى عارفه اسره فقيره تعملى لها حاجه شهريه بس بشرط من فلوسك مش من فلوس جوزك واذا كان معندكيش دخل خاص بك أعرضى عليه الامر ان يحدد مبلغ صغير كل شهر للاسره دى ولا تجبريه اذا كان مش عايز وكده يبقى بينك وبينه وبين الله (ممكن تكون الاسره دى من الاقارب الفقراء فالاقربون اولى)

وانتى فى الشارع وشفتى حد يستحق الصدقه فوضعت يدك قى شنطنك وما جمعته يدك اعطيته للفقير دون ان تعرفى كم هذا قليل كثير لا تعرفى هو وزرقه هذه قال عنها
(لاتعرق شماله ما انفقته يمينه) لايعرف مقدارها الا الله

رأيت امرأة ما تفعل ما يغضب الله تنصحيها لوجه الله ولكن لاتتحدثى ابدا عن هذا مع احد و استريها لان الله هو الستار يحب الستر
هذا بينك وبين الله

حفظ الامانه بالنسبه لزوجك يعنى حفظ ماله قل او كثر حتى لو وجدت عشر قروش واقعه منه لا تأخذيها ولكن اعطيها له وقولى انا لقيت ده عند ماجيت اغسل هدومك لو قال لك خديها يبقى سامح فيها

حفظ سر زوجك فى حجرة النوم وان اصابه وهن او مرض لا تفشى سره ولو لآقرب الناس اليك والصبر على البلاء سر بينك وبين الله

ركعتين فى جوف الليل دون ان يراك احد تذرفين فيها دموع الندم على اى شئ قد فعله الانسان سواء عن عمد او جهل
وكذلك دموع شكر على نعم الله اللى اعطاها لى

نزول دموعك وانت تتأثرين بآيه من القرآن دون ان يراك احد هذا بينك وبين الله

[rig
ht]عندك شغاله لا تطعميها البواقى من الطعام ولكن اطعميها من طعامك وطعام اولادك هذا بينك وبين الله[/right]

وهكذا
انا مثلا لى مع الله سر ولكن علشان عايزه اولادى يتوارثوها ويعملوها بعد ما اموت اشركتهم معى فيها وبنعملها فى العشره الاواخر من رمضان و اذا كنت مسافره للعمره اعملها قبل ما اسافر فيها مجهود مادى وبدنى وبشعر بسعاده والخير بيعم وطول السنه بحس بالرضا
اجعلى بينك وبين الله سر لايعرفه الا هو

على فكره فيه كمان دلوقتى فيه حساب 100100 المشرف عليه الشيخ على جمعه
فيه صدقه جاريه وفيه زكاه
اوجه الخير كثيره بس المهم النيه صدقه ام زكاه

[yasmine_ 2006]

السلام عليكم ورحمة الله وبركاته

أزيكم يا أحلى أخوات

والله وحشتونى جدا وأفتقدت صحبتنا الجميلة وتجمعنا الرائع

وشكراً لماما بنت النيل ونهى وغفران وبيرو وجوجو وفرح ومروة وكل أخواتى اللى سألوا عنى ودعوا لأولادى
ربنا يبارك لكم يارب فى أولادكم ويحفظنا جميعاً وكل المسلمين من كل شر ..ويرزقنا ربنا سبحانه وتعالى ليلة القدر ويغفر لنا ذنوبنا ويجعلنا من عتقاء الشهر الكريم

اللهم آمين

[قلوب خضراء]

السلام عليكم ورحمة الله

غفران
حبيبتى اشكرك جدا على سرعة اجابتك وافادتك بالمعلومات الغزيرة جزاكى الله كل خير وكمان المواقع اللى انت حطيتيها جميلة جدا ربنا يجعله فى ميزان حسناتك وربنا يوفقنا ويتقبل مننا جميعا صالح الاعمال يارب

[بنت النيل 4]

عيب

صحيح أنا مشفتش حلقة عمرو خالد رقم 20

عاوزة اعرف بعد ما تفجرت العيون قابل الخضر ده ازاى ؟؟؟؟؟؟؟

وكمان سمعت ان سيدنا موسى عليه السلام أخو السيدة مريم ده صحيح

أصلى تابعت من الحلقة ال13

عيب يابنات كده انا ازعل
هو ده سؤال يعنى ازاى ان السيده مريم اخت سيدنا موسى بالعقل كده:

-سيدنا موسى كان له اخ (هارون) واخت (مريم) والاثتنين اكبر منه

-سيدنا موسى قصته فى عصر رمسيس الثانى من الالاف السنين قبل الميلاد

-وجاء من بعده هؤلاء الانبياء عليهم وعلى نبينا الصلاة والسلام:
بعد موسى وهارون
الياس
اليسع
داود
سليمان
زكريا
يحيى
ثم المسيح ابن مريم

يبقى ازاى مريم اخت موسى
السيده مريم العذراء كانت يهوديه متدينه وليس لها اخوه ولا اخوات وكان ابويها صالحين فلما حملت امها فيها وكانت لم تحمل من قبل وكانت قد كبرت فى السن نذرت ما فى بطنها لخدمة المعبد لله
وعندما وضعتها انثى تعجبت هل تخدم الانثى فى المعبد فأخبرنا الله فى القرآن قالت (انى وضعتها انثى وليس الذكر كاالانثى وانى سميتها مريم ) وكان ذلك فى عهد النبى زكريا وكان زوج خالتها وقد كفلها بعد وفاة والدها ولما كبرت ادخلها المعبد للتعبد وخدمة العباد وكان كلما دخل عليها المحراب يجد عندها رزق كثير لم يحضره احدا لها يقول لها من اين هذا تقول هو من عند الله
فدعا ربه ان يرزقه ولدنا فرزقه الله بيحيى وكان فى ذلك قبل ولادة المسيح بقليل
ثم قتل على يد الرومان بعد ان تحايلت عليه العاهره سالومى
ثم ولد المسيح بمعجزه بعد ان تفشى الكفر والبغاء والسرقه وكل الموبقات فى بنى اسرائيل واخذوا يحرفون التوراه يأخذوا منها اللى يعجبهم ويخفوا الباقى

ولما قال قوم مريم فى القرآن : (يااخت هارون لم يكن ابوك أمرا سؤ ولم تكن امك بغيا )
لانهم عندما سموها كانت على اسم اخت النبى موسى وهارون ولان هارون اكبر فى السن يعنى هذا مجازا

طبعا عمرو خالد لم يشير لهذا لانها حاجه معروفه فين موسى اللى من ايام رمسيس الثانى
وفين المسيح ومريم و هما كانوا من 2009 سنه فقط
على فكره بالمناسبه سيدنا محمد جاء بعد المسيح ب600 سنه فقط

اقروا كتير علشان تعلموا العيال ولادكم صح
ماشى يابنات
سلام عليكم

[قلوب خضراء]

نهى 2009 وعبير وأم جورى
جزاكم الله كل خير حبيباتى ويارب دايما متجمعين على طاعة الله

[قلوب خضراء]

امى الحبيبة بنت النيل
مشاركاتك جميلة ومفيدة جدا جزاكى الله كل خير
معلوماتك جميلة جدا
يعنى رمسيس التانى هو الفرعون اللى فى قصة سيدنا موسى ده اكيد ؟