في سبيل الله نمضى .....نبتغى رفع الأخوة (الجزء الثالث)

[bent masr]

عارفين يا جماعة مجموعة "السيرة النبوية" لدكتور طارق السويدان؟؟؟ أنا كنت سمعتها من زمان أنا و جوزى و استفدنا منها كتير اوى الحمدلله,لكن طبعا نسيت منها حاجات كتير بحكم الوقت. الأسبوع اللى فات طلعت السيديهات و حطيتهم فى العربية و بقيت أسمعهم و أنا رايحة و راجعة من الشغل.........و الحمدلله بأستفيد بالوقت ده فى حاجة مفيدة كأنى بأحضر درس علم
المجموعة دى يا جماعة تحفففففففففففففففة تحفة تحفة و أنصحكم كلكم تسمعوها,بس على شرط ........التركييييييييييييييييييييييييييييييز الشديد, يعنى لازم تسمعوا بتركيز شديد جدا جدا جدا,لكن بجد هتستفيدوا منهم بشكل رهيب.........
اسمعوهم يا جماعة الخير

[طاطس]

عشرون سبباً تجعلك تخسر رمضان ...الرجاء الانتباه منذ 7 ساعة, 57 دقيقة عشرون سبباً تجعلك تخسر رمضان ...الرجاء الانتباه لها .. !!

1ـ الغفلة عن النية وعدم احتساب الأجر وأنك تركت الطعام والشراب وابتعدت عن الشهوات لله وحده ( إلا الصيام فإنه لي وأنا أجزي به) كما في حديث أبي هريرة وهو متفق عليه.

2ـ إهمال الصلوات الخمس وتأخيرها عن وقتها وأدائها بكسل وخمول.

3ـ السهر فهو من أعظم أسباب خسارة رمضان فأكثر النساء يسهرن مع الأخوات على أحاديث القيل والقال وربما حتى وقت السحر خمس ساعات أو أكثر على شيء غير مفيد.

4 ـ كثرة الخمول والنوم والكسل ولو نامت الليل لساعات لجلست بعد الفجر في مصلاها تذكر الله ولأصبحت نهارها طيبة النفس نشيطة.

5ـ ضياع الوقت في التفنن في المأكولات والمرأة مشكورة مأجورة لقيامها على الصائمين ولكن يمكنها اختصار الوقت في مطبخها.

6ـ سماع الغناء فالأذن تصوم أيضاً.

7ـ مشاهدة التلفاز و المسلسلات وسهر ليالي رمضان عليها.

8ـ قراءة المجلات والروايات والجرائد وما شابهها وكان السلف يتركون طلب الحديث والعلم في رمضان.

9ـ التسويف وقد قطع هذا المرض أعمارنا في أفضل الشهور حتى ليلة القدر لم تسلم من التسويف.. فمثلاً تريد المرأة أن تقرأ القرآن بعد الفجر لكنها متعبة من السهر وبعد الظهر ولكنها مرهقة وبعد العصر ولكنها مشغولة في المطبخ وربما في الليل ولكنها مع القريبات والجلسات ملتزمة..

10ـ الخروج للأسواق وفيه فتن عظيمة وقد تضيع فيه الحسنات التي جمعتها المرأة في رمضان.

11ـ التبرج والسفور فالعباءة ناعمة مزركشة والنقاب واسع والعين كحيلتان والروائح زكية فما رأيك في قبول صومها.

12ـ الهاتف إذ تقضي بعض الأخوات أوقات طويلة في استخدامها للهاتف في أحاديث تافهة.

13ـ الغيبة والقيل والقال فاحذري اللسان لا يفسد صيامك.. فهل صام من أكل لحوم الناس وأعراضهم؟؟

14ـ إهمال العمل الوظيفي بحجة التعب.

15ـ إهمال تربية الأولاد فالليل سهر ولعب والنهار نوم وضياع للصلاة.

16ـ سوء خلق بعض الأخوات فتراها سريعة الغضب والسب والشتم فضيعت صيامه وحرمت أجره.

17ـ الطمع والجشع وعدم الإنفاق في رمضان وللصدقة في رمضان خصائص منها شرف الزمان، إعانة الصائمين على طاعاتهم، الجمع بين الصيام والصدقة موجبة للجنة.

18ـ صلاة التراويح فلا تعجبين أن تكون صلاة التراويح سبباً في خسارة رمضان ألخصها في أسباب:
• خروج بعض النساء وهن متبرجات.
• خروجهن وهن متعطرات.
• الخلوة بالسائق الأجنبي الذي جاء بها إلى المسجد.
• اصطحابها الرضع والأطفال مما يشوش على المصلين.
• الجلوس بين الركعات للتحدث في أمور الدنيا حتى إذا قرب الركوع قامت فركعت.
• صفوف النساء وعدم إتمامها والتراص فيها.
• اختلاط الرجال بالنساء عند الخروج.

19ـ الحيض والنفاس ولا شك المرأة تؤجر عليها فلا تغفلي عن ذكر الله والصدقة والقيام على الصائمين وخدمتهم.

20- الإعجاب بالنفس وأنها أفضل من غيرها وأحسن.

[abeerbebo]

السلام عليكم

ياسووو عود احمد

البيت كان ناقصك يا جميلة

وجزانا واياكى الخير ان شاء الله

نيمووووو اه سمعت برنامج خواطر انا متابعاه من زمان وبيعجبنى طريقة تقديموه

وشوفت حلقات اليابان واتعقدت كتيييييييييييييير ايه الادب دا ايه الاخلاق دى ايه الاحترام دا ايه الدقة دى ايه النظافة دى وايه وايه وايه

فاكرة انا لما ائولتلك مرة انا مش بحب الخروج لو تفتكرى لما اوئلتلك اهم سبب كان اخلاق الناس برة بئت وحشة ومابئتش احب احتك كتير معاهم الا فى الضروريات

انا شوفت بئى حلقة انهاردة واتعقدت يا حبيبتى وحسيت انى لو فى مجتمع زى دا اكيد كانت حياتى هتختلف

فعلا فعلا هناك اسلام بدون مسلمين واحنا هنا عندنا مسلمين بدون اسلام

ربنا يصلح حالنا يا رب

[oum abdoullah]

http://www.quranflash.com/quranflash.html

[oum abdoullah]

السلام علايكم اخواتي في الله

[abeerbebo]

جزاكى الله خيرا يا ام عبدالله على الموقع

فعلا الموقع دا بقرا منه لما يكون فى ظرف

بصى يا نيمو انا مقتنعة بصراحة من زمان انى ممكن اقرا وقت الحيض لان اكيد ربنا مش هيحرمنا من فضل عظيم زى القراءة فى حاجة مالناش فيها ذنب وعلى غير اردتنا بس الحكمة انى مش المس المصحف علشان الطهارة

وكمان لما سمعت الفتوة بتاعة انهاردة اطمنت اكتر

[bent masr]

طيب........خلاص الواحد يقرا بقى من على النت لأنى الأسبوع ده off

[abeerbebo]

انا وصلت للجزء ال 16 لحد دلؤتى

بس انهاردة انا قصرت ما قراتش غير جزء واحد لحد دلؤتى لانى كنت تعبانة وهمدانة بس هحاول اعوض بالليل

بصرحة اكتر واحدة مشجعانى هى غفران ماشاء الله عليها كل ماقرا افتكر ان هى سبقانى فقرا اكتر علشان الم حسنات زييها

معلش بئى يا فوفو اصل هو دا التنافس بئى

ومبارك عليكى يا ستى الحسنات الى هتلميها من ورايا

[yasmine_ 2006]

ما شاء الله
ربنا يزيدكم جميعاً من فضله
ويبلغنا جميعاً ليلة القدر
ويرزقنا قيامها على الوجه الذى يرضى به الله عنا
اللهم آمين
....
وليكن شعارنا جميعاً
لن يسبقنى إلى الله أحد
ولن يسبقنى إلى الجنة أحد
..
اللهعم وفقنا جميعاً لما تحبه وترضاه
اللهم آمين

[bent masr]

ياسو ازيك يا قمر

ايه رأيك يا جميلة نخلى الشعار: لن يسبقنا الى الله أحد؟؟؟؟ لن يسبقنا الى الجنة أحد؟؟؟؟

احنا صحبة حلوة فى الخير و عايزين نشد ايدين بعض لحد الفردوس الأعلى

[bent masr]

طيب سؤال كمان........لو قريت قرآن من على النت....لازم أكون لابسة طرحة و طويل و كده ولا عادى؟؟؟

[yasmine_ 2006]

الحمد لله يا بنوته يا عسولة..شكراً لسؤالك

وماله نخلى شعارنا

لن يسبقنا إلى الله أحد..ولن يسبقنا إلى الجنة أحد

لأن ده كان قصدى
أننا نساعد بعض على التقرب من الله والمسارعة إلى الطاعات
وننتنافس علشان نشجع بعضنا ونزيد من الهمة والعزيمة

..
اللهم تقبل منا جميعاً صالح الأعمال
اللهم آمين

[yasmine_ 2006]

طيب سؤال كمان........لو قريت قرآن من على النت....لازم أكون لابسة طرحة و طويل و كده ولا عادى؟؟؟

أظن عادى يا بنوته ..لأنه مش زى حرمة المصحف الشريف

والله أعلم

وأكيد أخواتنا هيفيدونا

[ghofran2009]

ربنا يزيد الجميع طاعة و نتجمع دايما ع الخير ان شاء الله

يعنى موضوع قراءة القرآن وقت الحيض دى انتو رأيكو ايه فيها؟؟؟ نفسياً كده الواحد اتعود انه ماينفعش.........انتو ايه رأيكم؟؟؟

بصى يا بنوتة انا جربتها مرة فى رمضان وحاولت اقرا وهى عندى
بس بصراحة كنت نفسيا وقلبيا مش مستريحة
وبعدين قلت استفتى قلبك وان افتوك
فما عملتهاش تانى بصراحة
انا اعرف اخوات ملتزمات ما شاء الله عليهم قالولى ما ينفعش تقرى (الا لو كان لحفظ مثلا )
واعرف برضه اخوات تانيين بيختموا فى الفترة دى لان ما بيبقاش فى صلاة فبيبقى فى وقت كتير فاضى بيستغلوه فى القراءة

فالله اعلم بس فعلا الواحد مهما عمل من دعاء وذكر فى الفترة دى بيحس انه بيبعد فعلا وحماسه بيفتر جامد
واللى مزعلنى انا بقى انها هاتجيلى فى العشر الاواخر
فمتضايقة اوى بس هاحاول اعمل ختمة استماع واسمع اللى اقدر عليه
وازود عدد الاذكار اللى باقولها
و بافكر احفظ مثلا سورة الكهف فى الفترة دى
والله المستعان

[yasmine_ 2006]

ها يا حلوين

مين فطر صائم خارج نطاق أسرته..وأستحضر النية؟؟؟؟؟

عاوزين نحاول إننا نسعى لإفطار صائم
وليكن الحارس ( البواب) وأسرته

..
عمال النظافة المساكين
..
لو ينفع تعملى وجبات أو حتى أكياس بلح صغيرة وزوجك وقت المغرب ينزل ويوزعها ويكون إبنك الصغير معاه يتعلم وننمى جواه حب هذا العمل وفضله ..هيكون شيء جميل جداً
...
لو جنبك مسجد أو مكان تقام فيه مائدة الرحمن
حاولى تساعدى فيها بأى شيء ..

صدقونى إحساس رائع والله
ربنا يرزقنا جميعاً الإخلاص فى القول والعمل
ويتقبل منا صالح الأعمال..
اللهم آمين.
...