في سبيل الله نمضى .....نبتغى رفع الأخوة (الجزء الثالث)

[oum abdoullah]

انا معكم اختي abeerbebo انشاء الله وفي هده الحضة اقراء موضوعك وعفوا عني اخطاء املاءية

[bent masr]

ماما بنت النيل
ماشاء الله عليكى
رأيك بالنسبة للتليفزيون صح مليووووووووووووووووووووووووووووووووون فى المية
أنا دايما أقول التليفزيون ده زيه زى المجلات أو الكتب.....أنا ممكن أختار أقرا كتب أى كلام و مجلات غيبة الفنانين, و ممكن أختار أقرا كتب مفيدة فى أى مجال من مجالات الحياة(عشان المسلم الصح لازم يطلع على كل جوانب الحياة,مش بس الدين)
و كمان التليفزيون........أنا عاقلة بما فيه الكفاية بحيث انى أختار اللى أتفرج عليه و ينفعنى و يزود ايمانى
ربنا يثبتنا جميعا و يجمعنا على طاعته

[طاطس]

سوري ياجماعة بس اني لحد دلوقتي مش شاركت بحاجة بس حقيقي ماشاء الله عليكم كلكم انا يادوب بلحق اقرا المشاركات بتاعتكم خاصة اننا امبارح والنهاردة كنا بنمسح ونغسل السجاد فكنت بحاول ادخل اقرا المواضيع في الوقت بدل الضايع

بنت مصر ماشاء الله عليكي دي بجد نعمة كبيرة من ربنا يارب يدومها عليكي واحنا كمان

انا ككمان حسيت نفس الاحساس اليومين اللي فاتوا لاني مرة واحدة كده لقيتني بدخل على مواضيع كتيييييييييييرة دينية وكده فالحمد لله على كده وان شاء نكثف جهودنا مع الله علشان يقربنا ليه اكتر

[طاطس]

ام جوري جزاك الله خير على الاستغفار ده
ياسمين فعلا تذكرة ممتازة جدا
بيرو نسال الله حقا ان يطهر وينظف قلوبنا ويملئها بكل مايحبه ويرضاه

[ghofran2009]

طاطس مجرد وجودك معانا مشاركة رائعة يا حبيبتى
ربنا يثبتك ويزيدك ويرزقنا جميعا الاخلاص يا رب
ويكون رمضان دة فاتحة خير علينا كلنا ان شاء الله
ماما بنت النيل انا نسيت اقولك
احنا بدانا فى الموضوع دة يمكن من 3 شهور تقريبا
وكنا بنحط واجبات يوميه وبنزود كل شوية حاجة وهانستمر بمشيئه الرحمن بعد رمضان
احنا حتى متفقين اننا باذن الله بعد العيد هانبتدى نحفظ مع بعض سورة البقرة
وجوجو ربنا يكرمها هاتنزلنا شرح الايات اللى هانحفظها كل يوم
واحتمال نتقابل على الماسنجر ونسمع لبعض وجوجو هاتصححلنا القراءة ان شاء الله

يعنى احنا بعون الله مش هانكون رمضانين
لا هانكون ربانيين
بس ربنا يعينا ويثبتنا ويتقبل منا
اللهم يا مقلب القلوب ثبت قلبى على دينك

[ghofran2009]

بسم الله الرحمن الرحيم
إلى كل مرأة مسلمة
كونــــــــــــي كـالأحــــــــــرف الأبجديــــــــــــــة

الألف
أختاً .... أماً ، ابنة مؤمنة بالله .


الباء
باباً مفتوحاً دوماً للمحتاجين .


التاء
تائبة الى الله دوماً .



الثاء
ثمرة نافعة ومفيدة .



الجيم
جامعة لآداب الاسلام .



الحاء
حافظة لكتاب الله وسنة رسوله وعاملة بهما.



الخاء
خليلة للمؤمنات وخصماً شديداً امام الاعداء




الدال
داعية لسبيل الله بالحكمة والموعظة الحسنة .



الذال
ذكرى حسنة عند الجميع .



الراء
رافضة لمعصية الله



الزين
زائرة لمساجد الله ومجالس الخير .


السين
ساجدة لله مسبحة بحمده دوماً .



الشين
شجرة شامخة تعطى بسخاء كل ما هو مفيد




الصاد
صامدة فى وجه اعداء الاسلام .



الضاد
ضوءاً مشعاً ينير درب الضالين .




الطاء
طالبة للعلم النافع وطامعة بالمزيد .




الظاء
ظانة بالمؤمنين الخير دوماً .




العين
عالمة بأمور دينك وعاملة بها .




الغين
غريبة فى الحياة وكأنك عابرة سبيل.



الفاء
فتاة تحمي اسلامها وكرامتها .



القاف
قادرة على فعل الخير قاتلة للشر.



الكاف
كريمة الاخلاق وقدوة حسنة .



اللام
لمسة حنان على الايتام والمساكين .



الميم
مسلمة حقيقية مانعة لتشويه الاسلام



النون
نبراساً مشعاً فى درب الضالين .



الهاء
هادية لطريق الخير والصراط المستقيم .




الواو
ودودة ومحبة لجميع محبى الخير .



الياء
يا غاليتي كوني ينبوع خير يسقى شجرة الاسلام


استغفر الله الذى لا اله الا هو الحى القيوم واتوب اليك


لا تنسونى من صالح دعائكم
اللهم وفقنى لما تحبه وترضاه
لا اله الا انت سبحانك انى كنت من الظالمين
الهم ارزقنا النظر الي وجهك الكريم

استغفر الله العظيم التواب الرحيم لذنبي وللمسلمين وللمسلمات وللمؤمنين وللمؤمنات الاحياء منهم والاموات الى يوم الدين )

سبحانك الهم بحمدك اشهد ان لا اله الا انت استغفرك و اتوب اليك..

سبحان الله و بحمده سبحان الله العظيم...

سبحان الله عدد خلقه و رضا نفسه و زنه عرشه و مداد كلماته

سبحان الله و الحمد لله ولا اله الا الله والله اكبر

الهم صلي علي محمد و اله محمد كما صليت علي ابراهيم و اله ابراهيم انك حميد مجيد الهم بارك علي محمد و اله محمد كما باركت علي ابراهيم و اله ابراهيم انك حميد مجيد

اللهم ارحمنا فأنت بنا راحم .. ولا تعـذبنا فأنت عـلينا قادر
اللهم ارحمنا يوم تبدل الأرض غـير الأرض والسماوات
اللهـم إذا جاء منكر و نكير .. وألقيا عـلينا السؤال ..
اللهم ألهمنا الجواب .. اللهم ثبتنا بالقول الثابت في الحياة الدنيا وفى الآخرة
اللهم ارحمنا يوم يفر المرء من أخيه .. وأمه وأبيه .. وصاحبته وبنيه .. لكل أمريء منهم يومئذ شأن يغنيه
اللهم ارحمنا إذا التفت الساق بالساق.. إلى ربكـ يومئذ المساق
اللهم ارحمنا إذا أقمنا للسؤال .. وخاننا المقال .. ولا ينفع مال ولا جاه ولا عيال
اللهم ارحمنا إذا أورينا التراب .. وغلقت من القبور الأبواب .. فإذا الوحشة والوحدة وهول الحساب
اللهم ارحمنا يوم تقول لجهنم هل امتلأت .. وتقول هل من مزيد
اللهم اغـفـر للمسلمين والمسلمات
والمؤمنين و المؤمنات الاحياء منهم و الاموات الي يوم الدين

الهم استرنا فوق الارض و تحت الارض ويوم العرض عليك يا الله

الهم لك الحمد و الشكر كما ينبغر لجلال وجهك وعظيم سلطانك
منقول

[bent masr]

فاكرين لما قلتلكم انى بس أول ما قربت لربنا و رجعت أفكر فيه صح....ربنا رزقنى بالموضوع ده و كمان رزقنى الصحبة الصالحة فى الشغل؟؟؟؟
كمان امبارح سبحان الله لقيت صاحبتى الأنتيم بتكلمنى و تقوللى عايزين نشد فى رمضان و نلتزم و نشجع بعض على القيام و القرآن.................سبحان الله حسيت ان ربنا بيقوللى تعالى تعالى!!!!!!!!!!!!!!!!! كأن ربنا بييسر لى كل السبل عشان أقرب له
يا حبيبى يا الله
أسألك أن تجمعنا بمن نحب فى الفردوس الأعلى من الجنة

[bent masr]

يا جماعة فيه نقطة مهمة جدااااااااااااااا بالنسبة لى و بتوجعلى ضميرى أوى........
انتو عاملين ايه مع أولادكم؟؟؟؟
ماتخافوش...أنا عارفه ان ده مش ركن الأمومة..........بس أنا بأسأل السؤال من وجهة نظر الدين,ازاى؟؟؟
يعنى قصدى انتو بتعاملوا أولادكم ازاى؟؟؟
أصل انا عن نفسى بأجاهد نفسى جامد أوى عشان أكون صبورة معاهم و بالى طويل,لكن بصراحة ساعات أعصابى مش بتستحمل الزنننننننننننننننننننننننن و التصرفات الغلط و ألاقى نفسى بأزعق و ساعات للأسف الشدييييييييييييييييييييييييييييييييييييد أضربهم....و دى نقطة مضايقانى من نفسى أوى لأنى بأحب دايما أعاملهم باحترام, و كمان عشان نبقى مشينا على سنة الرسول (ص) اننا نصاحب أولادنا و ان الضرب مش أقل من 10 سنين و مش على حاجة أقل من الصلاة.........و ان قلوبنا تكون فيها رحمة جامدة بيهم
أنا عارفة كل الكلام ده كويس أوى لكن بجد ساعات أعصابى بتلفت خالص..........
أفيدونى بخبراتكم يا أحلى أخوات

[abeerbebo]

بنوتة
احب اديكى تجربتى فى موضوع العصبية دا

بس عايزة ابتدى كلامى انه كل شئ توفيق من ربنا

يعنى التربية السليمة وطريقة تعاملك الصح مع الولاد كله توفيق من ربنا وهو سبحانه يهدى من يشاء الى الصراط المستقيم

انا فى المشاركة اللى جاية هحكيلك الحكاية

[abeerbebo]

انا لما ولدت ابنى محمد وكان ابليه طبعا معاية ملك وكانت داخلة على التلت سنين واكنت دلوعة طبعا لانها الاولى

محمد بئى باشا جيه والدنيا بئت مئولكيش الوان الطيف السبعة بشوفها ليل ونهار

وخصوصا انه صعب صعب صعععب اوى ربنا ارد انه يكون من نوع الاطفال اللى بتفرك كتير وبيعط باستمرار ووالله ماكنش بينام زيادة عن ربع بالكتير نص صاعة ويصحى يزن ارضع وينام من خمسة دقائق للربع ساعة وهكذا

وطبعا طول اليوم عندك طفلة تانى عايزة اللى يحايلها فى اكلها وشربها ويلعب معها

المهم مش هطول عليكى كنت عايشة ايام ما يعلم بيها غير ربنا

انا بطبعى حموولة يعنى باجى على نفسى

بس مع قلة النوم طول اليل ومجهود بدنى طول النهار ومناهدة حسيييت انىى خلااااااااااااااااص

لدرجة والله جت علية ايام كنت استغفر الله العظيم يتمنى انى اموت علشان بس ارتاح وانام وماششوفش اللى انا شايفاه

لحد يوم معين خلانى اتغيرت خالص لوقتى هذا

ملك فى الايام دى كنت بعلمها تعمل بيبىى فى التويلت وكانت لانها دلوعة رافضة وبتعمل فى اى مكان

فى اليوم دا كنت على اخرى محمد طبعا مخلينى مطبقة اياااام من غير نوم والدكتور بيئولى هو دا طبعه ومالوش حل ومش هجرب فى اى ادوية معاه

البيت وطلباته من اكل وتنظيف

ملك وطلباتها

جت بئى ملك وعملت بيبى على السرير رغم انى كنت حظرتها اكتر من مرة

ماشفتش اودامى وضربتها بكل عزمى على ايديها واعدت اصرخ واصرخ واشد فى شعرى طبعا هو مش الموقف ذاته

هو كان عندى شبه انهيار عصبى من عدم النوم

بعدها شوفت ايد ملك والله مش ممكن انسى شكلها صوابع ايدية معلمة على كفها وكانها بعد الشر محروقة لانها للحظ الوحش جلدها من النوع الحساس اوى

وكانت هى الاولى والاخيرة

اعدت مع نفسى اعدة طوييلة يوم بليلة تقريبا متنحة وبفكر

طفلة 3 سنين ايه ذنبها انى اطلع عليها ضغطى وتعبى ولو حتى فوق كتافى جبال من التعب والضغوط هى مش ليها ذنب

حتى لو غلطت هى لسة مش فاهمة حاجة من الدنيا وليه انا بتوقع انها بتفهم زىى وخها هيتقبل الاشارة منى زى مخى انا

ودى نعمة من ربنا

ربنا ادهانى وحرم منها ناااس كتير اوى يكون شكر النعمة انى لما اتعب او لما ربنا يبتلينى باللى انا فيه اقوم انا مطلعاه عليها هى ومقدرش طفولتها البريئة

والله العظيم يا نيمو من الوقت دا

مهما يكون انا فية ايه او تعبانة من ايه نمت ولا مانمتش تعبانى ولا حتى بموت ربنا وفقنى انى اقدر افصل بينى اللى فية واللى الفروض انى ادهولهم

طبعا بيجى اوقات لازم العقاب ولازم انى اتعصب

بس بتكنيك معين مع ملك بالذات لان محمد لسة صوغنن

خليت عقابها انى مش هديها الحضن بتاعها او اقولها انى مخصماكى او مش هديكى البوسة بتاعتك

لانى طول الوقت لما بتعمل حاجة كويسة اديها الحضن والبوسة واطبطب عليها اقولها بحبك وماما اكتر واحة بتحبك فى الدنيا

لذلك هى ماشاء الله لا قوة الا بالله حنينة علية جدا لو شافتنى مثلا بعيط ولا تعبانة تيجى تحضنى وتطبطب علية وتاخدنى فى حضنها وتئولى معلش يا مامى

بس كله توفيق من ربنا لانى استغفرته لما اتغابيت عليها كدة وندمت

وبعد كدة فكرت انى لازم اديهم علشان اخد منهم

وطبعا الموضوع دا من ضمن خطتنا لاصلاح اسلامنا ودينا
لانهم امانة فى ايدينا ونعمة من ربنا لازم نحمده عليهم صح

اتمنى انى اكون افدتك ولو بشئ قليل يا نيمو

[abeerbebo]

ابدأى صفحة جديدة مع الله .. في خير أيام الله ..



* انتبهى أختي في الله *



إنها أعظم فرصة في حياتك ..

إنها صفحة جديدة مع الله ..

إنها أفضل أيام الله ..

إنها فرصة هائلة ..

فرصة... لبدء صفحة جديدة مع الله ..

فرصة... لكسب حسنات لا حصر لها تعوض ما فات من الذنوب ..

فرصة... لكسب حسنات تعادل من أنفق كل ماله وحياته وروحه في الجهاد ..

فرصة... لتجديد الشحن الإيماني في قلبك ..

[rola_05]

أثمنثلاث ساعات في رمضان

******************************

* الساعة الأولى : أول ساعة من النهار - بعدصلاة الفجر :

- قال الإمام النووي رحمه الله في كتاب الأذكار : ( اعلم أنأشرف أوقات الذكر في النهار الذكر بعد صلاة الصبح).

- وأخرج الترمذي عن أنسرضي الله عنه عن النبي صلى الله عليه وسلم أنه قال: ( من صلى الفجر في جماعة ثم قعديذكر الله حتى تطلع الشمس ثم صلى ركعتين كانت له كآجر حجة وعمرة تامة تامة تامة ). رواه الترمذي وقال حديث حسن .

- وكان النبي صلى الله عليه وسلم إذا صلىالغداة جلس في مصلاه حتى تطلع الشمس حسناء .

- ونص الفقهاء على استحباباستغلال هذه الساعة بذكر الله تعالى حتى تطلع الشمس وفي الحديث قال صلى الله عليهوسلم : ( اللهم بارك لأمتي في بكورها).

لذا يكره النوم بعد صلاة الصبحلأنها ساعة تقسم فيها الأرزاق فلا ينبغي النوم فيها بل إحيائها بالذكر والدعاء وخاصةأننا في شهر رمضان الذي فيه يتضاعف الأجر والثواب .


* الساعةالثانية : آخر ساعة من النهار - قبل الغروب :

- هذه الساعة الثمينة تفوت علىالمؤمن الصائم غالباً بالانشغال بإعداد الإفطار والتهيء له وهذا لا ينبغي لمن حرصعلى تحصيل الأجر فهي لحظات ثمينة ودقائق غالية .. هي من أفضل الأوقات للدعاء وسؤالالله تعالى _ فهي من أوقات الاستجابة .

- كما جاء في الحديث قال صلى اللهعليه وسلم : ( ثلاث مستجابات : دعوة الصائم ،ودعوة المظلوم ، ودعوة المسافر ) رواهالترمذي.

- وكان السلف الصالح لأخر النهار أشد تعظيماً من أوله لأنه خاتمةاليوم والموفق من وفقه الله لاستغلال هذه الساعة في دعاء الله .


* الساعة الثالثة : وقت السحور :

- السحور هو الوقت الذي يكون قبيل الفجر قالتعالى : ( والمستغفرين بالأسحار)

- فاحرص أخي الصائم على هذا الوقت الثمينبكثرة الدعاء والاستغفار حتى يؤذن الفجر ، وخاصة أننا في شهر رمضان فلنستغل هذهالدقائق الروحانية فيما يقوي صلتنا بالله تعالى.

- قال تعالى حاثاً علىاغتنام هذه الساعات الثمينة بالتسبيح والتهليل :

(وسبح بحمد ربك قبل طلوعالشمس وقبل غروبها ومن آناء الليل فسبح وأطراف النهار لعلك ترضى).

- وقالتعالى : ( وسبح بحمد ربك قبل طلوع الشمس وقبل غروبها ومن الليل فسبحه وأدبار السجود).

- قال الحسن البصري رحمه الله : ( الدنيا ثلاثة أيام أما أمس فقد ذهب بمافيه ، وأما غداً فلعلك لا تدركه ، وأما اليوم فلك فاعمل فيه)

[yasmine_ 2006]

ماشاء الله مشاركات رائعة من كل أخواتى

عبير وجوجو وغفران وأم بيسو ورولا وطاطس وأم عبد الله

وطبعاً أمنا الفاضلة بنت النيل

جزاكن الله خيراً كثيرا

[yasmine_ 2006]

أمنا الفاضلة
كلامك صح وبيدخل القلب بسرعة..وإحنا عاوزين كدة على طول
لو فى أى حاجة شايفة حضرتك إنها مش مظبوطة ..صححيها لنا على طول

والحمد لله كلام حضرتك كان زى تفكيرى بالظبط

وكمان يا غفران
أنا كنت بحاول تجميع مواعيد البرامج الدينية على معظم القنوات
يعنى توارد خواطر هههههه
....
وياريت كل أخت تعرف ميعاد برنامج تقوله لنا
...

[yasmine_ 2006]

عبير

كلامك صح والله ..بس المشكلة فى الضغوط الكتير اللى من حولنا

وده بيأثر علينا وعلى الأولاد

بس إحنا نحاول نغير من أنفسنا وربنا إن شاء الله هيساعدنا