في سبيل الله نمضى .....نبتغى رفع الاخوة (الحزء الثانى)

[أودي]

ربنا يبارك لك يا معماريه كلام دخل قلبي ربنا يبارك لك

[معمارية مصرية]

جزاك الله خيرا انت كمان يا اودي على كلماتك الجميله

[yasmine_ 2006]

السلام عليكم ورحمة الله وبركاته
...

أودى ومروة...المشاركات رائعة

جزاكما الله خيرا وبارك فيكما

وفى إنتظار المزيد دائما
........................................

[miama]

مروه و اودي بجد مشاركات رائعه
وانا شخصيا استفدت كثيرا بارك الله فيكما ورزقنا واياكم وجميع المسلمين والمسلمات الجنه..........امين
في انتظار المزيد.......

[ghofran2009]

معماريه ماشاء الله جميييييييييييييييييل اوى اوى
ربنا يجعله فى ميزان حسناتك
اودى جميلة مشاركتك ومن فضلك خليكى معانا وما تبعديش احنا كلنا محتاجين لبعضنا
اللهم ارزقنا حبك وحب من يحبك وكل عمل يقربنا لحبك

[abeerbebo]

السلام عليكم
وحشتونى جدا وافتقدتم جدا

وبجد ماشاء الله لا قوة الا بالله

مشاركات كلها رائعة ومفيدة وعمالة لسة اقرأ اللى فاتنى

ولى عودة ان شاء الله

[ghofran2009]

الليل اخوانى واخواتى عند المحبين من اجمل الاوقات وافضلها على الاطلاق

فنجد فى الليل بيحلى الكلام مع السكون مع الهدوء مع الراحه من عناء اليوم الطويل

وواجبنا اليوم عن الليل

افضل الاوقات عند رب العزه اتخذ من الليل وقتا كى يتنزل فيه بجلاله وكماله وحوله وقوته اراد الله ان يجعل من الليل ملاذا للفارين اليه
من اراد التوبه فلياتى بالليل
من اراد الاستغفار فلياتى ليلا
من اراد الجنه فلياتى ليلا
من اراد اى شىء فى الدنيا فلياتى ليلا

من اراد اى شىء فلياتى وقت يتنزل فيه المولى من سبع سماوات الى السماء الدنيا
يسالك ويسالك اختى ويسالنى

هل من تائب فاتوب عليه (مش عايز تتوب من حاجه كل حاجه بتعملها شايفها صح ؟)
خليه يتوب عليك بدعائك فهو يطلب منك بنفسه جل جلاله خليه يتوب عليك من عمل المعاصى والزلات خليه يكرهك فيها فهو القادر

هل من مستغفر فاغفر له (ايه خلاص معندكش ذنوب عملتها بالنهار فى يومك , طيب ذنوب ناسيها , طيب ذنب تقصيرك فى طاعته مش محتاج استغفار منك ؟؟؟)

هل من سائل فاعطيه (معنكش سؤال للمولى يعطيك عافيتك , يعطيك خير ,يعطيك امن ورضا , يعطيك شىء ترغبه ؟؟؟)قوم اسالك جل جلاله بيسالك عايز ايه مال عيال صحه شغلانه صلح حل ازمه تفريج هم او كرب

هل وهل وهل
انت فين ربنا يتنزل وانت نايم
ربنا يتنزل وانت غافل
ربنا يتنزل وانت لاهى
ربنا يتنزل وانت كسلان مش قادر
مش فرض صحيح لكنه افضل الاشياء بعد الفرض

يااااااااااااااااااااااااااااه انت لسه مكسل ومش حاسس بالقيمه والخير الوقت ده تحديدا

اخوانى ** واخواتى
واجبنا النهارده ركعتين قيام ليل
عارفه انه مش فرض ولكنه افضل الصلاه بعد المكتوبه يعنى المفروضه

قيام الليل شرف المؤمن يعنى شرف ليك وحاجه تعلي من شأنك وترفع درجتك

قيام الليل رسولنا الكريم اللى هيمسك بحلقان الجنه ويدخلها اول مخلوق كتب عليه قيام الليل
انت بقه ضامن ايه ؟؟؟؟؟
ضامن الجنه؟؟ ضامن العتق من النار؟؟ ضمنت ايه !!!!!!!!!!!
طيب ما تقوم ولو بركعتين بس ركعتين هيميزوك كتير ,هيرفعوا درجتك كتير ,هتسلك بيهم مسلك الصالحين والصحابه

لا لا لا الصحابه كانوا يقوموا لما تورمت قدماهم والرسول الكريم تورمت قدماه وهما المبشرين بالجنه
احنا بنقول ركعتين لاننا عارفين دنيتنا وزمانا ده
زمن الكسل والغفله زمن الفتور والخمول
بنقول ركعتين بس ننفذ نجاهد نقدر نتدرب
بنقول نورى ربنا اننا اهوه عايزين بابه وسكته , بنشد بس جهدنا بسيط وندعيه0 هو طلب اننا ندعيه يقوينا ويثبتنا ويزيدنا ويحببنا فى الطاعه
ركعتين هتتميز بيهم عن ناس كتير فى زمنك
ركعتين بسببهم هيضحك الله لك بسببهم
فان رب العزه يضحك لمن يقوم من فراشه تارك الدفء والنوم والراحه ويراه واقفا يتوضاء ويقف بين يديه فيسأل رب العزه الملائكه يا ملائكتى لماذا عبدى ترك فراشه وقام يقف بين يدى وهو اعلم ولكنه يشهدهدهم فقط فيقولون يا رب يطلب رضاك ويخشى عقابك فيقول اشهدكم يا ملائكتى انى غفرت له وله ما طلب 0
الملائكه قالت لربنا اتجعل فيها من يفسد فيها ونحن نسبح بحمدك يعنى يا رب تفضل الانسان علينا علشان كده ربنا دائما يشهدهم ويتباهى بنا بينهم لانه اعلم
اخواتى واخوانى
بلاش نتقل
بلاش الذنوب تتقلنا عن ركعتين ونلاقى نفسنا بنفذ مره واتنين ونرجع تانى كسلانين خاملين غافلين
هييجى عليك وقت هتكون مش قادر
تعبان
خملان
مضايق
قول لنفسك الجهاد عمره ما كان سهل امال اسمه جهاد ليه
من المجاهده
نفسك هتصرخ وهترفض انك تصلى هتقولك مش فرض وانا مش قادره ريحنى خلينى انام مش عايزه00 اجبرها اتعبها علشان ترتاح انت فى الاخر
كل جهد هتبذله ربنا هيفرح بيك جدا جدا
كله ليك وليا وليكى
الله هو الغني تذكر ده كويس ربنا هو الغني يعنى اللى هتعمله مكسبك انت
انت اللى هتتمتع بيه فى الجنه

[ghofran2009]

ها قررنا ايه ؟؟؟
هنجاهد ولا مستغنيين ؟؟؟؟
هنبذل مجهود ولا مش قادرين ؟؟؟
هنكسل ونقول بعدين ؟؟؟
بس لحد امته بعدين؟؟؟؟
يلا كلنا ناخد باييد بعض ونشجع بعض
كلنا نتفق ونقول هنشد وهنجاهد وهنفذ واللى كسل يقول ادعولى وهرجع تانى ويتذكر تانى ويذكر الغافل
لو ذكرت حد هتاخد الاجر يلا انت محتاج كل اجر وكل خير
شد حيلك بقه جاهد وجاهد وجاهد لحد ما ربنا هيخليها عاده وهيحببها ليك وهيتقبلها منك وهيجازيك عليها كل خير
فضل قيام الليل كتير والايات كتير كتير
بس هنا بكلمكم كلام اخت لاخوه واخوات
بكلمكم وعايزه نكون مع بعض ونقول قدمنا حاجه لبعض واخدنا باييد بعض
اللى ينفذ ركعتين قيام يقول الحمد لله
الحمد لله ان ربنا وفقه ليهم
الحمد لله ان ربنا رزقه بيهم
الحمد لله ان ربنا اعانه عليهم
وإن شاء الله هنثبت على أداءهم
ركعتين قياما لليل
الله المستعان
منقول

[ghofran2009]

ايه رايكم يا جماعة
نزود فى الواجب الاسبوع دة ركعتين قيام ليل
حتى يبقى استعداد لشهر رمضان
مستعدين للواجب الجديد دة والا هايبقى صعب عليكم
عايزة رايكم

[أم جورى]

جزاكى الله خيرا يا فوفو كلام جميل جدا

سبحان الله والله كنت بفكر فى كدة لازم نمرن نفسنا على قيام الليل مش علشان رمضان لأ علشان كل الأيام

كونوا ربانيين ولا تكونوا رمضانيين

[ghofran2009]

ربنا يكرمك يا جوجو
ما هو فعلا قيام الليل لازم يبقى على طول بس انا قلت يعنى فرصة اننا نواظب عليه من دلوقتى ورمضان داخل علينا وان شاء الله نستمر فيه الى ما شاء الله
هى فين بيرو هى لسه ما خلصتش قراءة لغايه دلوقتى

[ghofran2009]

بيرو عايزة رايك وراى البنات ها نعمل موضوع حجز الاجزاء بتاعة القران دى كل اسبوع
يعنى كل واحدة تكمل وتاخد الاجزاء اللى هاتقراها الاسبوع دة ان شاء الله
يعنى انتى يا بيرو كنتى اخدتى لغايه الجزء ال30 المرة اللى فاتت
مفروض انك تكونى خلصتى وتاخدى الاسبوع دة 1و2و3 مثلا او حسب استطاعتك
نعملها والا مفيش داعى منها
ردى عليا عشان لو كدة انزلها تانى وكل بنت تحجز الاجزاء اللى هاتقراها فى ختمتها هى
عشان تلحق تخلصها على نهاية الاسبوع ان شاء الله

[yasmine_ 2006]

يلا كلنا ناخد باييد بعض ونشجع بعض
كلنا نتفق ونقول هنشد وهنجاهد وهنفذ واللى كسل يقول ادعولى وهرجع تانى ويتذكر تانى ويذكر الغافل
لو ذكرت حد هتاخد الاجر يلا انت محتاج كل اجر وكل خير

جميل جدا جدا
مين هتبدأ معايا من الليلة صلاة ركعتين قيام الليل وبعدها نزيد إن شاء الله؟؟؟؟

...
جزاك الله خيرا يا غفران وأم جوجو

[yasmine_ 2006]

نزلى يا غفران أجزاء الورد القرآنى

أنا معاكى بإذن الله..

[ghofran2009]

ربنا يكرمك يا ياسمينا
دايما رافعة من روحى المعدنية
كان نفسى ابدأ معاكى من الليلة بس للاسف انا فى اجازة بس اية رايك الوقت بتاع الصلاة هاقضيه دعاء يعنى انتى تصلى وانا ادعى وربنا يتقبل منا جميعا يا رب

انا هانزل الاجزاء وكل واحدة تنسخ الاجزاء وتكتب اسمها قدام الاجزاء اللى هاتلتزم بقرائتها حتى اخر الاسبوع ان شاء الله
انا هاحجز جزء واحد بس عشان مش هاقدر اقرأ الا فى اخر الاسبوع
الله المستعان