تعالي وقولي حكايتك مع النقاب

[bero333]

يا بنات باركولي
انا لبست النقاب النهاردة
ادعولي بالثبات

[ام حزم]

ماااااااااااااشاء الله يا بيرو الله يثبتك يارب
ولا تقفي عند النقاب فقط بل ادعو نفسي واياكي الي تعليم الدين والدعوه اليه اللهم ارزقنا ذالك يارب انك علي كل شيئ قدير

[bero333]

ماااااااااااااشاء الله يا بيرو الله يثبتك يارب
ولا تقفي عند النقاب فقط بل ادعو نفسي واياكي الي تعليم الدين والدعوه اليه اللهم ارزقنا ذالك يارب انك علي كل شيئ قدير

أم حزم ربنا يخليكي يا رب انتي فرحتيني بردك عليا
و ان شاء الله أمشي في الطرق الصح
ادعيلي

[bero333]

يا بنات أنا بقي هأحكيلكم تفاصيل تفكيري و لبسي للنقاب
شوفوا بقي
انا بعد حوالي سنة و نص من زواجي تعرف زوجي بأصدقاء جدد و اتعرفت انا علي زوجاتهم
هما كانوا اثنين و كانوا منتقبات وانا بالحجاب العادي في الأول قلت دول هيبقوا بقي نكد و مش هيضحكوا
زي الفكرة اللي أغلب الناس أخداها عن المنتقبات
المهم لقيتهم زي العسل و طبيعيين ههههههههههه يعني بيتلموا و يضحكوا و يحكوا كده
و ابتدينا نخرج مع بعض مع أزواجنا طبعا
و لقيت نفسي بأغير منهم (غيرة محمودة) ازاي؟
لقيتني بأقول لنفسي
اشمعني أزواجهم شايفيني و زوجي مش شايفهم يا بختهم و ابتديت أحس اني مكسوفة انهم يشوفوني
و أحس ان ده مش من حقهم بس كل ده و النقاب مش في بالي اوي
بس ربك لما يريد
الشيطان قعد يقو لي هما ماشاء الله عليهم بس انتي برده مش وحشة انتي لابسة الحجاب و لبسك مش وحش
و مش بتحطي ماكياج كتير ده يا دوب روج و كحل خلاص بقي انتي شاطرة غيرك مش لابس حجاب خالص او
لابسينه و مش ملتزمين
المهم سكت الموضوع في عقلي بس في قلبي كنت بأحس ان فيه حاجة غلط و بأحس بالغيرة
ربنا بعت لي رسالة تانية
كان عندنا واحد من أصدقاء زوجي العزاب في البيت
معزوم علي الغدا و انا كنت لابسة الاسدال و من غير ماكياج و هو كان رايح يخطب و ماحصلش نصيب
لقيته بيقول لزوجي انا عايز اتجوز واحدة حلوة زي أم مؤمن
استغربت جدا و كأن ربنا بيقولي شفتي؟ يعني لا ماكياج و لا لبس بيقرق و طبعا هو ما شافش مني غير وجهي
قلبي وجعني اوي و بقيت أحسد كل واحدة منتقبة علي النعمة اللي هي فيها
المهم مؤخرا لقيت نفسي بدأت الاحظ اوي نظرات الناس في الشغل و في الشارع
مع اني و الله لبسي عادي و محترم و انا بطبيعتي مش بأحب الماكياج
المهم لقيت نفسي بتحدثني اني فعلا لازم البس النقاب
عشان أقرب من ربنا أكتر و عشان أحس اني غالية و مش حاجة مكشوفة لكل الناس تتفرج عليها و تقول رأيها
و بدأت مرحلة الجهاد مع نفسي و مع الشيطان
فبدأ يقولي انتي جميلة بتستخبي ليه؟ حد طايل ان الناس تبص له من غير ما يعمل حاجة تلفت نظرهم؟
و بعدين انتي كده هتحبسي نفسك
وكان ردي عشان انا جميلة لازم أكون غالية و مش كل الناس تتفرج عليا و كمان عيون الناس دي كأنها سكاكين بتمزقني
و انا ايه اللي هيحبسني؟ انا مش بأخرج اساس غير مرتين في الأسبوع لماما و شغلي و بأكون في العربية مع زوجي ولو مواصلات ايه المانع؟
يقولي مش هتقدري تروحي البحر
قلت له الله يخرب بيتك وهو انا يعني كنت بألبس مايوه؟؟
يقولي طيب في شغلك مش هينفع تبقي مدرسة و لابسة نقاب
قلت له انا هأشوف لو قدرت هأشتغل و تبقي نعمة من عند ربنا و لو ما قدرتش هأسيب الشغل
قالي ده شغلك اللي انتي بتحبيه و لو سبتيه تموتي
قلت له لا ربنا أحسن ومن ترك شيئا لله عوضه الله خيرا منه
و خدوا من ده كتير بقي
و منها طيب علي دخول رمضان ابقي البسيه او علي الأقل استني للشتا ده اتي هتتسلقس في الصيف
المهم قعد يجاهد فيا حوالي سنة مش يوم والا اتنين
لحد ما عملت الموضوع ده عشان أقوي نفسي و أشجعها و الحمد لله حصل
وقررت اني ألبسه و فضلت صاحية طول الليل لأن الشيطان قال ايه لما أكثف جهودي شوية
ههههههههههههههههههه
الحمد لله ربنا ساعدني و جعل قصصكم دافع قوي يقويني
لأني لما قريت المصاعب اللي مريتم بيها قلت لنفسي
شوفي الناس بتقابل ايه؟
و انتي ربنا ميسرهالك ومفيش حد عندك هيعترض
ده انتي يبقي معندكيش دم بقي لو ما عملتيهوش
توكلت علي الله و رحت اشتريته و لبسته و كنت فرحانة اوي و انا نازلة بيه لأول مرة و كمان ماما فرحت بيا جدا
تخيلوا؟
ومؤمن كمان
الحمد لله
و لما رحت الشغل لقيتهم فرحوا بيا جدا و الطلبة و الطالبنات بتوعي فرحوا اوي و قالوا هنكمل معاكي
سبحان الله
و كده هأشتغل و ألبس النقاب
بس عارفين يا بنات الأحساس رائع فعلا حسيت ان الأصل في الفطرة الستر
يعني انا مش متخيلة دلوقتي اني ممكن حد يشوف وشي تاني
بغض النظر عن كونه فرض او فضل
الأصل في احساس المرأة انها تحب الستر
و والله اني حسيت بأنوثتي أكثر من ساعة ما لبسته و حسيت بقيربي من ربنا أكتر
و بعدين انا كنت متعودة لما أروح الشغل أقعد قي المواصلات أذكر الله و طبعا ما كنتش بأقدر أحرك شفايفي
لأن الناس بتستغرب سبحان الله لو كنت بأغني كان بقي عادي
المهم دلوقتي بأذكر ربنا في كل وقت
يااااااااااااااااااااه
انا طولت عليكم اوي
ادعولي بالثبات و الهداية أكثر
و لأبني بالصلاح
و لزوجي بالهداية
ياللا السلام عليكم

[روح لايسعها جسد]

الحمدلله الحمدلله هذا شيء يفرح القلب يا
bero333
فعلا الإسلام مايأمر بشيء إلا وفيه المصلحة الكاملة لنا.. والمرأة المسلمة كالجوهرة إذا استمتع بها كل من يراها ذهب بريقها ولمعانها وأصبحت لاقيمة لها.. إما إذا احتفظ بها صاحبها واعتنى بها صاحبها (فقط ) ظلت على جمالها ولمعانها..

اسأل الله لك الثبات في الدنيا والآخرة ولابنك وزوجك الصلاح والهداية , وانصحك بترديد هذا الدعاء دائما وهو:
(اللهم يامقلب القلوب والأبصار ثبت قلبي على دينك)

[أشـــرقت]

الســلام عليكم ورحمة الله وبركاته

مبـــارك مبـــارك مبـــارك

أختنا الحبيبة bero333

الله يثبتك ويأخذ بناصيتك إلى مرضاته - سبحانه وتعالى -

سعدت من أجلكـ كثيراً كثيراً

الله يسترك ويثبت قلبك على طاعته .. والنقاب حبيبتي ليس النهاية ولكنه البداية

وبفضل من الله وبكل ثقة في الله ستجدين فتوحات الله تنهال عليكِ ..

من الرزق والطاقة والعلم ومحبة الناس لكِ ..

حبيبتي

أحبكـ في الله