هل الحج و العمرة بفلوس القمار حلال ؟؟؟

[أم عمرو و رامى]

إخوتى فى الإسلام

عاوزة أسألكم سؤال :
هل معلوماتى دى صح و لا غلط ؟

أنا على قد معلوماتى أعرف إن القمار حرام
و القمار هو إنى أدفع فلوس فى حاجة مش أكيد هاخدها
يعنى مثلا :
لو عاوزة أشترى منتج معيّن و فيه كذا شركة بتنتجه
واحدة من الشركات دى بتعرض إنى ممكن أكسب جايزة لو إشتريت منتجاتها
فبأشتريها لأنى فى الأصل عاوزة المنتج دة
لو كسبت خير و بركة
لو ما كسبتش أدينى أخدت اللى أنا عاوزاه بفلوسى
دة حلال

إنما لو لقيت صندوق كاتبين عليه مسابقة " إدفع ... و ممكن تكسب ... "
يبقى دة حرام لأنه قمار

صح اللى أنا فاهماه دة و لا غلط ؟

على كل حال
دة إعتقادى
و على أساسه أنا شايفة إن المسلمين كلهم بقوا بيلعبوا قمار على الهوا
و دة عن طريق الإعلانات اللى بقت ماليا كل وسائل إعلامنا العربى اللى بتقول

" إتصل على .... و إربح ... "

هل دة مش يبقى قمار ؟

طيب لو دة قمار فهل يصح إننا نتجرأ على الله بحيث نخللى الجايزة حج أو عمرة ؟
و بنتطاول أكتر لما نخللى المسابقات دى تكون فى البرامج الدينية و اللى بيعلن عنها المذيعين اللى بيقدموا لنا الفتاوى الدينية بتاعتنا ؟؟

أتمنى لو حد يرد علىّ و يريحنى و يقول لى :

هل اللى بيحصل دة حلال بس أنا اللى فاهمة غلط ؟
و لا اللى بيحصل دة حرام و هنتحاسب على سكوتنا عليه كلنا يوم القيامة ؟

[حفيدةالحميراء]

اختى الغالية الجواب عند المشايخ وكلامك صحيح الامر خطير والسكوت عليه حجة علينا
نعم اخيتى يجب النظر فى الموضوع