تويت
اخواني المسئولين عن نظام ساهر(خلها في القلب تجرح ولا تطلع وتفضح)
(مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعاً سُجَّداً يَبْتَغُونَ فَضْلاً مِّنَ اللَّهِ وَرِضْوَاناً )
السلام عليكم ورحمة الله وبركاته
إخواني المسئولين عن نظام ساهر المحترم
اسأل الله إن يوفقكم ويصلح لكم النية والذرية
ويستر على حريمكم ويوفقهم إلى ماوفق إليه الصالحات من خلقه
تعلمون تمام العلم إني والله لا أقود سيارتي ولا تعرضت لطريق ولا اعرف نظام ساهر ولاغيره من أنظمة المرور
ولكن أرتكبت حماقة واشتريت سيارتين . ومن حر مالي وتعبي وشقاي والله ..
سياره مع واحد من العيال الله يحفظه ويحميه - والثانية مع السائق الخاص..
اليوم وقعت مصيبتنا
رسالتين على جوالي من نظام ساهر المحترم بمخالفات على سياراتي كل سيارة برقم اللوحة !!!!!
وزميلتي في العمل نفس الشي عندها سيارتين بااسمها أرسلتم اليها الله يحفظكم رسالتين كريمتين..
زميلتي سياراتها مع أبنائها واحد طالب في الجامعة والثاني ثالث ثانوي وهم من يقومون بتوصيلها وجميع مشاويرها حيث هي أرمله وهم عيالها يعني هي اللي بتدفع الغرامة بتدفعها (ابشروا)
وإنا السياره اللي مع((جنين قلبي –سيتم التجاهل مرة واحده)) هذا جنين القلب يجرح ويعذب علي مايشتهي ..
والثانيه مع سائقي الخاص وأزيدكم من الشعر بيت دائما استقدم السائق مع زوجته كعامله منزليه ولا أقدر أعابط معهم ولا أقدر أعاندهم موسم الإجازات وكثرة المناسبات والصيف ورمضان الله يشرفه قادم—وأختكم حرمه كبيره أكل عليها الدهر وشرب ولأعاد فيني صحة , عمل في الصباح وخدمه في البيت,ولا اقدر أخصم من راتبه الشهري ولاأي شي يعني بدفع إنا الغرامات بأذن الله (الله لايعوقنا بشر)
وترى انا مع نظام ساهر قلب وقالبا -- واصلا ما ذبح رجالنا ورمل حريمنا وعنس بناتنا هو عدم وجود نظام ساهر الأمين في السابق . آجل كيف عاد. كل نظام سواه فاشل !!!
وحيث كذا عندي لكم اقتراح يا أخواني
قلبي يقول لي : إن المقصود هو مساعدة نجاح نظام ساهر من راتبي!! ترى قلبي الله يهديه هو اللي يقول مهوب إنا !!
و يعني حنا بندفع عمياني ((سمع وطاعة )) سوا علمنا السبب أو لم نعلم
لكن يعني ودي أقول ::
يعني مادام الأمر كذا تجعلون مبلغ معين وتقولون لنا (اخواتكم الحريم طبعا )نعمل لكم (نأسف لحساب النظام طبعا ) تحويل شهري بمبلغ ثابت
لجميع المخالفات المفترضة على سيارتنا وحتى قبل حصولها عادي عندنا والله --أهم شي مبلغ ثابت معلوم
عشان اقدر أحط حسابكم مع ميزانيتي يعني مع فواتير الكهرباء ورواتب العمالة وتصليح السيارات عند الورش (لان السائق أكيد بيخبط في السيارة شي !!!عقب ما أنزر عليه اليوم –الله المستعان))
ونفقات البيت والهواتف والجولات والرحلات و زيارة بيت الله الحرام وغيرها وغيرها ...
عاد ترى مافيها شي انتم عيالنا وإخوانا ولكم علينا السمع والطاعة ولجميع الانظمه التي ترون وتحديد الغرامات كما تشاءون
والله يرحم أمهاتي من كثر حبهم لعيالهم الأولاد-- ما كانوا يعاتبونهم ابد على شي
مهم خسروهم ماديا ودخلوهم في مشاريع وأسهم خسرانه ويشترون وبمبالغ خياليه إغراض ما تسوى حتى قرش--- ويبنون خيمة ويهدون ملحق وعادي عند أمهاتي... و كل هذى الخساير المالية على قلبهم ""زاي العسل يا حبيبي""
وإذ عاتبتهم وقلت ليش الصمت قالوا: خليها في القلب تجرح ولا تطلع وتفضح ذولا عيالنا والرجل متكسر كلمته ولا تنزل الأرض ابد!!!!
وأنا أكيد مثلهم الله يغفر لهم يعني ما تعديت القناعة والرضا ولكنما كثيرة هي المصاريف علي والله كثيرة ((وإذا ذبحتم فأحسنوا الذبح))
يارب
ألطف بعبدك في الدارين إن له **** صبرا متى تدعه الأهوال ينهزم
صل على المبعوث رحمة للعالمين محمد واله وصحبه وسلم
كتبته بيدي اللي توجعني من بداية الكتف حتى آخر عقلة في البنصر(ياساترعسى مهيب علامات التهاب المراره)
وادعو الله ان يجعل ماكتبت شاهد لي لاعلي يوم الدين
السلام عليكم ورحمة الله وبركاته
إخواني المسئولين عن نظام ساهر المحترم
اسأل الله إن يوفقكم ويصلح لكم النية والذرية
ويستر على حريمكم ويوفقهم إلى ماوفق إليه الصالحات من خلقه
تعلمون تمام العلم إني والله لا أقود سيارتي ولا تعرضت لطريق ولا اعرف نظام ساهر ولاغيره من أنظمة المرور
ولكن أرتكبت حماقة واشتريت سيارتين . ومن حر مالي وتعبي وشقاي والله ..
سياره مع واحد من العيال الله يحفظه ويحميه - والثانية مع السائق الخاص..
اليوم وقعت مصيبتنا
رسالتين على جوالي من نظام ساهر المحترم بمخالفات على سياراتي كل سيارة برقم اللوحة !!!!!
وزميلتي في العمل نفس الشي عندها سيارتين بااسمها أرسلتم اليها الله يحفظكم رسالتين كريمتين..
زميلتي سياراتها مع أبنائها واحد طالب في الجامعة والثاني ثالث ثانوي وهم من يقومون بتوصيلها وجميع مشاويرها حيث هي أرمله وهم عيالها يعني هي اللي بتدفع الغرامة بتدفعها (ابشروا)
وإنا السياره اللي مع((جنين قلبي –سيتم التجاهل مرة واحده)) هذا جنين القلب يجرح ويعذب علي مايشتهي ..
والثانيه مع سائقي الخاص وأزيدكم من الشعر بيت دائما استقدم السائق مع زوجته كعامله منزليه ولا أقدر أعابط معهم ولا أقدر أعاندهم موسم الإجازات وكثرة المناسبات والصيف ورمضان الله يشرفه قادم—وأختكم حرمه كبيره أكل عليها الدهر وشرب ولأعاد فيني صحة , عمل في الصباح وخدمه في البيت,ولا اقدر أخصم من راتبه الشهري ولاأي شي يعني بدفع إنا الغرامات بأذن الله (الله لايعوقنا بشر)
وترى انا مع نظام ساهر قلب وقالبا -- واصلا ما ذبح رجالنا ورمل حريمنا وعنس بناتنا هو عدم وجود نظام ساهر الأمين في السابق . آجل كيف عاد. كل نظام سواه فاشل !!!
وحيث كذا عندي لكم اقتراح يا أخواني
قلبي يقول لي : إن المقصود هو مساعدة نجاح نظام ساهر من راتبي!! ترى قلبي الله يهديه هو اللي يقول مهوب إنا !!
و يعني حنا بندفع عمياني ((سمع وطاعة )) سوا علمنا السبب أو لم نعلم
لكن يعني ودي أقول ::
يعني مادام الأمر كذا تجعلون مبلغ معين وتقولون لنا (اخواتكم الحريم طبعا )نعمل لكم (نأسف لحساب النظام طبعا ) تحويل شهري بمبلغ ثابت
لجميع المخالفات المفترضة على سيارتنا وحتى قبل حصولها عادي عندنا والله --أهم شي مبلغ ثابت معلوم
عشان اقدر أحط حسابكم مع ميزانيتي يعني مع فواتير الكهرباء ورواتب العمالة وتصليح السيارات عند الورش (لان السائق أكيد بيخبط في السيارة شي !!!عقب ما أنزر عليه اليوم –الله المستعان))
ونفقات البيت والهواتف والجولات والرحلات و زيارة بيت الله الحرام وغيرها وغيرها ...
عاد ترى مافيها شي انتم عيالنا وإخوانا ولكم علينا السمع والطاعة ولجميع الانظمه التي ترون وتحديد الغرامات كما تشاءون
والله يرحم أمهاتي من كثر حبهم لعيالهم الأولاد-- ما كانوا يعاتبونهم ابد على شي
مهم خسروهم ماديا ودخلوهم في مشاريع وأسهم خسرانه ويشترون وبمبالغ خياليه إغراض ما تسوى حتى قرش--- ويبنون خيمة ويهدون ملحق وعادي عند أمهاتي... و كل هذى الخساير المالية على قلبهم ""زاي العسل يا حبيبي""
وإذ عاتبتهم وقلت ليش الصمت قالوا: خليها في القلب تجرح ولا تطلع وتفضح ذولا عيالنا والرجل متكسر كلمته ولا تنزل الأرض ابد!!!!
وأنا أكيد مثلهم الله يغفر لهم يعني ما تعديت القناعة والرضا ولكنما كثيرة هي المصاريف علي والله كثيرة ((وإذا ذبحتم فأحسنوا الذبح))
يارب
ألطف بعبدك في الدارين إن له **** صبرا متى تدعه الأهوال ينهزم
صل على المبعوث رحمة للعالمين محمد واله وصحبه وسلم
كتبته بيدي اللي توجعني من بداية الكتف حتى آخر عقلة في البنصر(ياساترعسى مهيب علامات التهاب المراره)
وادعو الله ان يجعل ماكتبت شاهد لي لاعلي يوم الدين
اختكم عطاء
تعليق