قيادة المرأه..فقط للسعوديين والسعوديات

[ام صغيرونه]

بسم الله الرحمن الرحيم..
وبعد

شرااايكم في ان المرأه تسوق السياره بالمملكه..هل تشوفون فيها شي!!!

اذا كان الجواب "لا" فما هي الاسباااب..؟

واذا كان "نعم" ياليت يذكر بعض المواقف اللي فيها المرأه من جد تحتاج القياده

انا من عندي هذا الموقف

زوجي كان رايح يجيب عشا من مطعم وماهو مطوّل ومافي مواااقف فـَ وقّف فيني وقفه غلط وراح المطعم والله ماطوّل بس انكتبت عليه مخالفه والسبب اني كنت شايفه العسكري يأشر وماني قادره اعدّل وضعية السياره وابغى زوجي يجي والجوال ماهو معاه كان ناسيه بالسياره..شفتو القهر لو نقدر نسوق مانكتبت عليه مخالفه..

[احزان نجد]

نعم انا ودي اسوق
بس ماعندي موقف معين بس ملينا من ترجي الازواج كل ماقلتي شي قال اليوم مشغول خليه بكرا وشوفي عاد بكرا والله ان تجلسين شهر
واخوانك نفس الشي دايما مشغولين علشان كذا ودي اسوق
واذا تزاعلتي انتي وزوجك وتقولين له انا رايحه ومخليه لك البيت وتشغلين سيارتك وتروحين لااهلك شفتي شلون حركااااااااااااااااااات0

[المحبة عنواني]

السلام عليكم ورحمة الله وبركاته

أنا ما أييد قيادة المرأة للسيارة ، لأنه راح تصير مشاكل كثيرة إحنا في غنى عنها مثل المعاكسات و زحمة الشوارع وكثرة الحوادث وبعدين مو كل البنات عاقلين ويخافون الله يعني بتصير تسرح وتمرح بدون حسيب ولا رقيب .
**
*لكن ممكن ان المراة تتعلم القيادة يمكن تحتاجها يوم من الايام*

[ام صغيرونه]

ههههههههههههههههههههه "احزان نجد" مشكوره يالغلا عالرد العسل..وانتِ صادقه ذلوّنا كل مابغينا شي شوي ونبوس رجليهم


اخت "المحبه عنواني" البنت بقياده ولا من غير قياده ماهي سالمه من المعاكسات..شوفي الاسواق والمجمعات البنت جنب زوجها او جنب ابوها ومليون الف واحد يعاكسها ويرقمّها واذا على الزحمه نفس الشي لانه السواقين هم اللي مسوين زحمه..
عالاقل اذا البنت صارت تسوق ماتكون فيه خلوه غير شرعيه بينها وبين السواق

عالعموم تسعدني مشاركتك معنا في الحوار

يلا ننتظر اراء الباااقي..

[أحـب الفرح]

متــــــــــــــــــــــــــــــــــابعـــــــــــ ـــه لردودكـــــــــــــــــــــــــــــــمـ ! ! !

[شمالية غربية]

عذراً أختي الكريمة

يمنع طرح الموضوعات التي تتناول ( قيادة المرأة للسيارة ) للنقاش في منتديات لكِ