تويت
السلام عليكم ورحمة الله وبركاته
مــساء الخير
في الحقيقة أنا اليوم حابة أتكلم وأفتح موضوع
اهو موضوع يمكن تشوفونه يهم البنات بس
بس لو تفكرون شوي بتلاقونه يهمنا كلنا
سواء بنات أو شباب
سواء نساء أو رجال
يعني موضوع يهم المجتمع كله بجميع طبقاته
وبجميع فئاته
<< بس أول شي بعتذر إذا كان أسلوب الموضوع مب متناسق
إحنا كونا في مجتمع إسلامي مطلوب منا التستر كفتيات عن جنس الرجال
بس الستر مو معناته إن احنا نظهر بمظهر مو مرتب أو غير مقبول
فمع مرور السنين وطبعاً سيطرة الموضة على أسواقنا المحلية صارت الدنيا عندنا عالم صغير
حتى في ملبوساتنا
تلاقي البنات يلبسون للستر << دفة الكتف ( وهاذي موضوعي الاساسي ))
آنه مو ضد دفة الكتف
لاني بنت وألبسها وأعرف أي كثر اهي عملية للبنات المتعودين عليها
بس الشي الي لفت نظري
اهو شنو معنى دفة الكتف عندنا احنا البنات
شنو مفهومها
اهي المفروض منها إنها تكون حق الستر ساتر للجسم
بس الي يشوف هاليومين الموضات وأشكال البنات
بيقول إنها زينة وإنها فستان يفصل الجسم
انه ارد واقول لحد يفهمني غلط وسمعوني وشوي شوي اقروا الموضوع
انه يوم رحت آخر مرة أفصل لي دفة
لفت نظري الشي الغريب الي اهو موضتها
يعني وين صايرة الفتحة
وشنو نوع النقشة وتشكيلتها ولونها
في كل المحلات نفس الشي
وكل مرة اروح بفصل لي وحدة
ألاقي هالشي انتشر أكثر وأكثر
وآنــه بصراحة ذوقي صعب خصوصاً حق لبسي الي اهو للستر يعني سواء أحجبتي أو شيلاتي أو دفة الكتف
أول ما تدشين المحل تلاقين الموديلات حلوة
الالوان حلوة
النقشات هم حلوة
بصراحة أنه اجوف مثلاً لون أو موديل على البنات ويعجبني واقول بفصل لي مثله
بس لمّا أكون بالمحل أتذكر شكل البنت وشلون صار الشي الي مفروض منه ستر تحول الى زينة
فعلى طول أبدل رأيي وأحط شكل أقل بهرجة
أول شي بتكلم عن الموديلات والاشكال بعدين بتكلم عن البنات << صبروا علي
الموديلات
خل نتذكر مع بعض الموديلات الي طلعت من جم سنة لي اليوم (( بنات او شباب الي يتذكر موديل غير أو يحس ان في ترتيبي غلط يا ريت يقول لان احنا نتناقش وانه مب معصومة عن الخطا ))
اول شي طلعت الي فيها طقطق من فوق
يعني على جنب من فوق الى تحت مفتوحة << يا ترى ليش مفتوحة
بعدين طلعوا لنا الي كأنه دشداشة يعني مبطل من فوق بس (( هذا كان حلو بس مو عملي والبنات مصخوها من كثر ما اهو ضيق ما يقدرون يلبسونه بسرعة ))
وبعدين طلع لنا الي مفتوح من على جنب مرة ثانية بس بتشكيلات وألوان تلفت النظر
الفراشات الملونة والعيون الزرقاء
ويعدين طلع لنا ان نحط قطعة ثانية على الدفة من تحت وعلى جنب هذا كان حلو لانه عادي مجرد قطعة
بس بعدين تحوّل ان القطعة صارت ألوان أحمر أخضر أزرق وردي رصاصي
وبعدين طلع لنا إن القطعة تصير اهي دفة بدون اضافات بعظهم صار كأنه فستان خصوصا الحركة الي من تحت الدفة _ انه يسوونه وسيع من تحت (( فستان شقاصره بعد ))
وبعضهم خلو القطعة تصير ناعمة والموديل طبيعي
وبعدين طلعت لنا مع نفس القطعة انه البالطو مفتوح من جدام _ هذا عملي _
بس العيب انه من تحت الركبة بشوي مفتوح وما حطو فيه طقطق بحجة انها قطعة ومو حلو يحطون فيها طقطق يصكونه
يعني لو بتلبسين شي قصير فضيحة ، وطبيعي البنات الله يخليهم ما قصروا
والحين اخر شي بحد علمي إنه النقشة تكون ورا
يعني من ورا من فوق لي تحت ، أو من ورا تلتف على الجسم لين جدام والنقشة مخمل
النقشة شكلها وملمسها حلو
بس الي يقهر النقشة الي ورا
شنو معناها ان النقشة تكون ورا
يعني منو الي بيقعد ويبحلق بالبنت وبطالع النقشة الي حاطتها
هذا غير الكريستال والالوان والنقشات العادية والغير عادية
كل هالاشيا خلتني أفكر
إن منو ورا هالموضات
منو الي كل مرة يخترع لنا موضة أحلى من الي قبل بس لو نفكر شوي بنلاقي فيها لفت نظر وبهرجة أكثر من الي قبل
آنه بذاك الوقت حمدت ربي على امي وابوي
الي من تحجبت واهم معوديني ان مو كل موضة شيلات أو حجبة أو دفة كتف تصلح للبنت انها تلبسها حتى لو كانت حلوة، واهم الي زرعوا فيني يمكن من غير ما يدرون أن هالاشيا الي انه لابستها اولا واخيرا حق ستري مو حق لفت النظر او اني اتباهى اني لابستها
يعني علموني انه مو غلط اني ازين الشي الي بلبسه او البس شي حلو، بس انه ما يتعدى خطوط حمراء لين صرت اليوم اعرف افكر بروحي واختار الي يناسبني
كلمتي حق البنات الي اعتقد كل وحدة الحين تطالع الموضوع بحمق او يمكن صكته من زمان
انه مالومكم ولا اقول ان انتو قصدكم تلفتون النظر ولا اقول ان كل وحدة في كبتها اربعه او خمسة من الموديلات الي عيبت عليهم انها وحدة بايخة
بالعكس انه وايد من ربعي يمشون مع هالموضات ، وانه مستحيل اقول عن ربعي هالحجي
انه اقول ان البنات للاسف تعودوا انه يدشون المحل يلاقون موديل يعجبهم ويقولون له فصل لنا مثله
ما تعودوا انه يفكرون بسترهم قبل زينتهم
واصلا يمكن ما خطر ببالهم ان فيه احد ورا هالسالفة
ان فيه احد باغتنا في سترنا وقاعد يمشينا على كيف كيفه
انه اعتذر اذا كان الموضوع طويل
واعتذر أكثر إذا كنت تدخلت في خصوصيات بعض البنات _ وحرياتهم الشخصية _
بس اهي وجهة نظر تحتمل انها تكون صح قد ما تحتمل إنها تكون خطأ
بالنهاية الموضوع متشعب
ويوسع أكثر من راي وأكثر من وجهة نظر
أياً يكون الي يقرا
أتمنى أسمع رايكم بهالموضوع
مــساء الخير
في الحقيقة أنا اليوم حابة أتكلم وأفتح موضوع
اهو موضوع يمكن تشوفونه يهم البنات بس
بس لو تفكرون شوي بتلاقونه يهمنا كلنا
سواء بنات أو شباب
سواء نساء أو رجال
يعني موضوع يهم المجتمع كله بجميع طبقاته
وبجميع فئاته
<< بس أول شي بعتذر إذا كان أسلوب الموضوع مب متناسق
إحنا كونا في مجتمع إسلامي مطلوب منا التستر كفتيات عن جنس الرجال
بس الستر مو معناته إن احنا نظهر بمظهر مو مرتب أو غير مقبول
فمع مرور السنين وطبعاً سيطرة الموضة على أسواقنا المحلية صارت الدنيا عندنا عالم صغير
حتى في ملبوساتنا
تلاقي البنات يلبسون للستر << دفة الكتف ( وهاذي موضوعي الاساسي ))
آنه مو ضد دفة الكتف
لاني بنت وألبسها وأعرف أي كثر اهي عملية للبنات المتعودين عليها
بس الشي الي لفت نظري
اهو شنو معنى دفة الكتف عندنا احنا البنات
شنو مفهومها
اهي المفروض منها إنها تكون حق الستر ساتر للجسم
بس الي يشوف هاليومين الموضات وأشكال البنات
بيقول إنها زينة وإنها فستان يفصل الجسم
انه ارد واقول لحد يفهمني غلط وسمعوني وشوي شوي اقروا الموضوع
انه يوم رحت آخر مرة أفصل لي دفة
لفت نظري الشي الغريب الي اهو موضتها
يعني وين صايرة الفتحة
وشنو نوع النقشة وتشكيلتها ولونها
في كل المحلات نفس الشي
وكل مرة اروح بفصل لي وحدة
ألاقي هالشي انتشر أكثر وأكثر
وآنــه بصراحة ذوقي صعب خصوصاً حق لبسي الي اهو للستر يعني سواء أحجبتي أو شيلاتي أو دفة الكتف
أول ما تدشين المحل تلاقين الموديلات حلوة
الالوان حلوة
النقشات هم حلوة
بصراحة أنه اجوف مثلاً لون أو موديل على البنات ويعجبني واقول بفصل لي مثله
بس لمّا أكون بالمحل أتذكر شكل البنت وشلون صار الشي الي مفروض منه ستر تحول الى زينة
فعلى طول أبدل رأيي وأحط شكل أقل بهرجة
أول شي بتكلم عن الموديلات والاشكال بعدين بتكلم عن البنات << صبروا علي
الموديلات
خل نتذكر مع بعض الموديلات الي طلعت من جم سنة لي اليوم (( بنات او شباب الي يتذكر موديل غير أو يحس ان في ترتيبي غلط يا ريت يقول لان احنا نتناقش وانه مب معصومة عن الخطا ))
اول شي طلعت الي فيها طقطق من فوق
يعني على جنب من فوق الى تحت مفتوحة << يا ترى ليش مفتوحة
بعدين طلعوا لنا الي كأنه دشداشة يعني مبطل من فوق بس (( هذا كان حلو بس مو عملي والبنات مصخوها من كثر ما اهو ضيق ما يقدرون يلبسونه بسرعة ))
وبعدين طلع لنا الي مفتوح من على جنب مرة ثانية بس بتشكيلات وألوان تلفت النظر
الفراشات الملونة والعيون الزرقاء
ويعدين طلع لنا ان نحط قطعة ثانية على الدفة من تحت وعلى جنب هذا كان حلو لانه عادي مجرد قطعة
بس بعدين تحوّل ان القطعة صارت ألوان أحمر أخضر أزرق وردي رصاصي
وبعدين طلع لنا إن القطعة تصير اهي دفة بدون اضافات بعظهم صار كأنه فستان خصوصا الحركة الي من تحت الدفة _ انه يسوونه وسيع من تحت (( فستان شقاصره بعد ))
وبعضهم خلو القطعة تصير ناعمة والموديل طبيعي
وبعدين طلعت لنا مع نفس القطعة انه البالطو مفتوح من جدام _ هذا عملي _
بس العيب انه من تحت الركبة بشوي مفتوح وما حطو فيه طقطق بحجة انها قطعة ومو حلو يحطون فيها طقطق يصكونه
يعني لو بتلبسين شي قصير فضيحة ، وطبيعي البنات الله يخليهم ما قصروا
والحين اخر شي بحد علمي إنه النقشة تكون ورا
يعني من ورا من فوق لي تحت ، أو من ورا تلتف على الجسم لين جدام والنقشة مخمل
النقشة شكلها وملمسها حلو
بس الي يقهر النقشة الي ورا
شنو معناها ان النقشة تكون ورا
يعني منو الي بيقعد ويبحلق بالبنت وبطالع النقشة الي حاطتها
هذا غير الكريستال والالوان والنقشات العادية والغير عادية
كل هالاشيا خلتني أفكر
إن منو ورا هالموضات
منو الي كل مرة يخترع لنا موضة أحلى من الي قبل بس لو نفكر شوي بنلاقي فيها لفت نظر وبهرجة أكثر من الي قبل
آنه بذاك الوقت حمدت ربي على امي وابوي
الي من تحجبت واهم معوديني ان مو كل موضة شيلات أو حجبة أو دفة كتف تصلح للبنت انها تلبسها حتى لو كانت حلوة، واهم الي زرعوا فيني يمكن من غير ما يدرون أن هالاشيا الي انه لابستها اولا واخيرا حق ستري مو حق لفت النظر او اني اتباهى اني لابستها
يعني علموني انه مو غلط اني ازين الشي الي بلبسه او البس شي حلو، بس انه ما يتعدى خطوط حمراء لين صرت اليوم اعرف افكر بروحي واختار الي يناسبني
كلمتي حق البنات الي اعتقد كل وحدة الحين تطالع الموضوع بحمق او يمكن صكته من زمان
انه مالومكم ولا اقول ان انتو قصدكم تلفتون النظر ولا اقول ان كل وحدة في كبتها اربعه او خمسة من الموديلات الي عيبت عليهم انها وحدة بايخة
بالعكس انه وايد من ربعي يمشون مع هالموضات ، وانه مستحيل اقول عن ربعي هالحجي
انه اقول ان البنات للاسف تعودوا انه يدشون المحل يلاقون موديل يعجبهم ويقولون له فصل لنا مثله
ما تعودوا انه يفكرون بسترهم قبل زينتهم
واصلا يمكن ما خطر ببالهم ان فيه احد ورا هالسالفة
ان فيه احد باغتنا في سترنا وقاعد يمشينا على كيف كيفه
انه اعتذر اذا كان الموضوع طويل
واعتذر أكثر إذا كنت تدخلت في خصوصيات بعض البنات _ وحرياتهم الشخصية _
بس اهي وجهة نظر تحتمل انها تكون صح قد ما تحتمل إنها تكون خطأ
بالنهاية الموضوع متشعب
ويوسع أكثر من راي وأكثر من وجهة نظر
أياً يكون الي يقرا
أتمنى أسمع رايكم بهالموضوع
تعليق