أوعوا تكونوا احمد

تقليص
X
 
  • الوقت
  • عرض
إلغاء تحديد الكل
مشاركات جديدة
  • mma80
    وهج الصوتيات
    • Mar 2006
    • 2554

    #1

    أوعوا تكونوا احمد

    السلام عليكم ورحمه الله

    موضوع جميل جدا وجدته حبيت تشاركونى وفلا تحرموا اخوانكم واخواتكم من المشاركه بنقل هذا الموضوع فى المنتديات الاخرى وجزاكم الله كل خير
    والان مع الموضوع

    استغفر الله العظيم
    إستووا.. إعتدلوا..
    إستقيموا يرحمكم الله
    الله أكبرالله أكبر
    أحمد ركز بأه في الصلاة وبلاش تسرح،
    طيب خلاص،
    إمممم.. هو الراجل اللي جنبي ده صوابع رجليه عاملة كده ليه؟
    صباعه الكبير ده كبير أوي،
    آه بمناسبة الصوابع هي صوابع زينب دي اللي هيا إيه؟
    بيتهيألي دي اللي عاملة زي الزلابية،زلابية؟؟
    زلابية إيه بس وبتاع إيه
    الله أكبر
    أحمد ركز ياأحمد،
    طيب ماأنا مركز أهوه،
    مركز إيه طيب إنت قريت سورة إيه؟
    أنا قريت سورة اللهب شفت بأه أنا مركز إزاي؟
    لألأ دي كانت سورة الفيل
    سمع الله لمن حمده ربنا ولك الحمد،
    أنا جعت
    ،بس مش عارف أفطر إيه النهاردة؟
    آه المطعم الجديد اللي كانوا بيتكلموا عنه إمبارح،
    بيقولوا عليه أكله حلو،
    بس هو في شارع إيه؟
    لما أخلّص الصلاة أتصل بالتليفون أعرف العنوان
    ;الله أكبر
    هيا الساعة كام دلوقتي؟
    زمانها أربعة وخمسة،
    على فكرة هيا الساعة التانية الجلد كنت حطيتها فين؟
    آه.. ياإما في الدرج ياإما في الدولاب
    ،دولاب ايه بس ياأحمد ركز ياأحمد إنت بتصلي،
    أستغفر الله
    الله اكبر
    أهوه أنا مركز أهوه،
    إنظر لمكان السجود وركز في الأيات اللي بيقولها الإمام
    الله أكبر
    الشيطان ده أعوذ بالله بيخلي الواحد يسرح مش هو الشيطان بيتسلسل في رمضان،
    يعني بيتسلسل تلاتين يوم،
    أيوه بس هو رمضان ده تسعة وعشرين ولا تلاتين؟
    هو إبتدى إمتى؟تعالى نحسبها كده..
    هو كان يوم السبت في السعودية وفي مصر الأحدغريبة أوي الحكاية؟
    طيب لو واحد على الحدود ورجل بره ورجل جوه يصوم ولامايصومش؟
    أحمد.. شفت أهوه إنت رجعت تسرح تاني
    الله أكبر
    هو إحنا في الركعة الكام؟
    يعني هانقوم ولا هانقرأ التشهد؟
    لا دي التانية،
    طيب أقولك
    إتأخر شوية وشوف الي جنبك هايقوم يقف ولا يقعد يقرأ التشهد
    الله أكبر
    أيوه دي الركعة التانية،

    شفت بأه عشان سعادتك عمال تسرح،
    لأ خلاص أعوذ بالله من الشيطان الرجيم
    الله أكبر
    السجادة دي مريحة ولونها حلو،
    هيا سجادة ولا موكيت،
    لاموكيت بنسيج السجاد،
    آه على فكرة إبقى إفتكر تكنس السجادة اللي في البيت بالمكنسة،
    بس لازم أنضف كيس المكنسة عشان بقالي مده مانضفتوش
    الله أكبر
    الراجل اللي جنبي ده،رجليه بتزق في رجلي،
    طيب أحرك رجلي شوية،
    الله ده بيلزقها فيا تاني،
    أستغفر الله
    الله أكبر
    فيه صوت موبايل،
    الناس دي ليه مش بتقفل الموبايل ساعة الصلاة..
    مش عارفين ان ممكن ده يخلي الواحد مايركزش في الصلاة
    مع إن فيه يافطة محطوطة على الباب مكتوب عليها إغلق الجوال من فضلك
    وعليها صورة موبايل عليه علامة إكس..
    بس هو الموبايل ده كان نوعه إيه؟
    بيتهيألي سيمنس.
    .هيا إيه الرنة دي؟
    آه أنا عايز أبقى أغير الرنة،
    فاكر الموضوع اللي كتبته عن رنات الموبايل
    الله أكبر
    الراجل اللي جنبي ده عمال يتحرك كتير،
    أستغفر الله
    مافيش خشوع خالص،
    أنا أهوه مش باتحرك
    السلام عليكم ورحمة الله السلام عليكم ورحمة الله
    إيه هيا الصلاة خلصت ؟
    السلام عليكم ورحمة الله السلام عليكم ورحمة الله
    أستغفر الله العظيم
    يا رب ما يكون حد فينا احمد
    اللهم تقبل منا وتب علينا وارحمنا انك انت التواب الرحيم

    منقوووووووووووووول
  • مشتاقة لبلادي
    صاحبة الذوق الرفيع
    • Jan 2007
    • 4027

    #2
    يا رب ما يكون حد فينا احمد
    اللهم تقبل منا وتب علينا وارحمنا انك انت التواب الرحيم
    آميــــــــــــــــن

    جزيت خيراً أخي الفاضل

    اللهم ارزقنا الخشوع في الصلاة وحسن الخاتمة

    تعليق

    • *مسلمه*
      النجم الفضي
      • Aug 2006
      • 1814

      #3
      موضوع جميل
      جزيت خيرا

      اللهم ارزقنا الخشوع في الصلاة وحسن الخاتمة

      تعليق

      • mma80
        وهج الصوتيات
        • Mar 2006
        • 2554

        #4
        جزاكم الله كل خير

        تعليق

        • الأنبارية
          كبار الشخصيات "زهرة الحوار"
          • Apr 2006
          • 5453

          #5
          لاحول ولاقوة الابالله
          رغم اني ضحكت على وساوس احمد
          لكن حزنت لان هنالك الكثييييير مثل احمد
          نسأل الله ان لايجعلنا منهم











          اللهم ارضنا وارضى عنا .. وأعنا ولاتعن علينا





          \\ على الثغور المكشوفة تقف داعية

          تعليق

          • ياسمينة ..
            كبار الشخصيات" قلم متميز"
            • Oct 2004
            • 7864

            #6
            شر البلية ما يضحك..

            اللهم أصلح صلاتنا عماد ديننا، لكي يصلح حالنا و شأننا في ديننا و دنيانا..
            اللهم لك الحمد وإليك المشتكى وأنت المستعان وبك المستغاث وعليك التكلان‏

            رِفْقاً أهلَ السُّنَّة بأهلِ السُّنَّة

            أصول الحوار .. وأدب الإختلاف ..

            تعليق

            • مشتركة
              عضو نشيط
              • Apr 2007
              • 107

              #7
              اللهم اغزيك ياشو شو فعلا الشيطان بيتسلط علي الإنسان خصوصا الواحد مشغول هالأيام ومايجي الافي اوقات الصلاة لاحول ولاقوة الا بالله العلي العظيم

              تعليق

              • طالبة رضى الله
                عضو نشيط
                • May 2007
                • 361

                #8
                اللهم اصرف عنا الشيطان و وساوسه
                جزاك الله خيرا

                تعليق

                • mma80
                  وهج الصوتيات
                  • Mar 2006
                  • 2554

                  #9
                  جزاكم الله مثله

                  وبارك الله فيكم على المرور والرد الطيب

                  تعليق

                  • alw2am
                    النجم البرونزي
                    • Apr 2007
                    • 731

                    #10
                    اللهم اعنا على حسن عبادتك

                    تعليق

                    • tajer azeen
                      عضو نشيط
                      • Jan 2007
                      • 445

                      #11
                      جزاك الله خيرا على الموضوع
                      موفق بإذن الله

                      تعليق

                      • mma80
                        وهج الصوتيات
                        • Mar 2006
                        • 2554

                        #12
                        جزاكم الله مثله

                        وننتظر منكم المشاركه فى موضوع مشروع إحياء السنة النبوية

                        http://www.lakii.com/vb/showthread.php?t=307107

                        تعليق

                        يعمل...