جريمة قتل في رأس الخيمة

[أمـــ الله ـــة]

السلام عليكم ورحمة الله وبركاته


بخبركم عن جريمة قتل صارت من كم يوم عندنا برأس الخيمة
الصراحة فضيعة
احم احم
حرمة عرست ومات عنها وبعدين عرست وطلقت منه وعندها اعيال وبعدين بعد عرست وعاشت ويااه مرتاحه والحمدالله
بس
قال الريل بيعرس عليها
الحرمة بطبيعتها اتغار وتعصب وليش بيعرس ؟؟؟
فكرت الاخت وفكرت
طرشت بنتها اللي عندها الحين ثانوية عامة بيت اهلها علشان اتذاكر
وستوى الحين ليل والكل راااقد
سارت الاخت وجتليه
وتم الريل فقير ساعه كامله تقريبا حي روحه تنبض لين ما خذا الله روحه .. الله يرحمه ..
والحرمة ابسرعه سيري نظفي المكان ونظفي الدم بالديتول والمطهرات وما خلت اثر
وبعدين سارت وبلغت ان زوجها انجتل
ويت الشرطة والتحريات
وقالت في واحد ياا ودق الجرس وهجم عليهم وجتله
الشرطة دورو دليل بس ما حصلوا شي
ما شي اثر لدم أو اثار للشخص الجاتل
فشكوا في حرمته
وبعد التحريات ووضع البيت هذا اليوم
عرفوا ان الجرس بالاساس خربان .. بدا الشك بالحرمه .. محد غيرها
وبعدين استجوبوها لين ما اعترفت وعرفوا كل شي والحين اهي في السجن
الريل يعتبر مجتول يعني شهيد نعمة من الله
ولاااا يبون ايبررون موقف الحرمة ايقولون فيها حاله نفسية
اذا صدق فيها حاله نفسية ما بطرش بنتها بيت اهلها وبتيلس اتنظف المكان
لو فيها حاله نفسية جان صرخت وفضحت الدنيا
بس حرااام شو ذنب هالعيال الحين وشو موقفهم



منقووووووووووووووووووووووول

[ام ريتال]

لا حول ولا قوة الا بالله

[ألق الفجر]

لا حول ولا قوة إلا بالله..الله أعلم بالأسباب وهو اعلم أيضاً بحالة تلك المرأة..

اللهم احمنا من مصائب الدنيا وفتنها..اللهم لا تجعل مصيبتنا في ديننا..

جزاك الله خيرا اختي على القصة

[شمالية غربية]

وعليكم السلام ورحمة الله وبركاته

حول ولا قوة إلا بالله..الله أعلم بالأسباب وهو اعلم أيضاً بحالة تلك المرأة..

اللهم احمنا من مصائب الدنيا وفتنها..اللهم لا تجعل مصيبتنا في ديننا..

مشكورة اختي

[فَي]

لا حول ولا قوة الا بالله ..
الناس را ح تنجن كل يوم قصة شكل واشياء غريبة عجيبة..
يعني حقيقة هذه المرأة بالتأكيد مخطئة لكن ايضا اكيد فيها حالة نفسية باعتقادي ان كل مجرم قاتل هو مريض نفسيا فمن ذا يقدر يقتل روحا الانسان الطبيعي من الحيوان اذا راه اعرج تأسف عليه وتغرورق عيناه فكيف بالانسان..
الله يستر علينا ويرحمنا اجمعين..يارب

[أمـــ الله ـــة]

خواتي

تشكروا على المرور والردود الطيبه

[روان 01]

لاحول ولا قوة إلا بالله
إنا لله وإنا إليه راجعوت

[قطره حب]

لا حول و لا قوة إلا بالله العلي العظيم
بصراحه أنا سمعت بهالقصه لأني أصلا من راس الخيمه
صديقتي قالتلي أنها تعرف هالناس
و حرام الريال مسكين طيب وااااااايد
الله يرحمه
يقولون إن في بينهم مشاكل من قبل و سالفة الزواج الثاني هي اللي حركت الموقف أكثر و صار اللي صار

[أمـــ الله ـــة]

لاحول ولا قوة إلا بالله
إنا لله وإنا إليه راجعوت

تسلمين اختي على المرور

يسعدني تواصلكم

[أمـــ الله ـــة]

لا حول و لا قوة إلا بالله العلي العظيم
بصراحه أنا سمعت بهالقصه لأني أصلا من راس الخيمه
صديقتي قالتلي أنها تعرف هالناس
و حرام الريال مسكين طيب وااااااايد
الله يرحمه
يقولون إن في بينهم مشاكل من قبل و سالفة الزواج الثاني هي اللي حركت الموقف أكثر و صار اللي صار

الله يرحمه

وتسلمين اختي

والله يبعد عنا كل الشرور