مين صح ومين غلط .....

[naglaa22]

اكيد كتير منكم زيي كده محتارين ومدايقين من احوال مصر
لما بتكلم مع اصحابي عشان احاول افهم حقيقة ال بيحصل
ومين الصح ومين الغلط .... حيرتي بتزيد
ال يتكلم بكلام يأيد فيه المجلس العسكري والشرطة .... بعد ساعة بلاقيه بيقول حاجات تانية ضدهم
وال بيأيد الثوار .... بعد ساعة بلاقيه يقول كلام ضدهم

اتكلم مع الاهل .... الاقي نفس الحكاية ( ما عدا عمي وبس .... ضد المجلس العسكري ع طول الخط )
ولما اسمع كلام المؤيدين للمجلس العسكري .... الاقيه كلام مقنع
ولما اسمع كلام المعارضين .... الاقيه مقنع برده
ولما اسمع كلام عمي الرافض للمجلس العسكري باستمرار .... الاقيه برده مقنع
حاولت ابطل اشغل دماغي بس مقدرتش .... دي مصر وانا مصريه وعايشه فيها وبتأثر زي غيري بكل حاجة بتحصل في مصر
حاجات كتيرة بسمعها وبشوفها ومش قادره اعرف مين الصح ومين الغلط
المقتولين صح ولا غلط
القتلة صح ولا غلط
المصابين صح ولا غلط
رئاسة المجلس العسكري في الفترة الانتقالية صح ولا غلط
مطالبة الثوار بتسليم السلطة لرئيس مدني مؤقت صح ولا غلط
وجود مؤامرة لتقسيم مصر صح ولا غلط
الانفلات الامني مقصود ولا غير مقصود
طريقة محاكمة مبارك وال معاه صح ولا غلط
وحاجات تانية كتيرة مش مفهومة

ياتري ايه رأيكم
مين صح ومين غلط ..... ايه الصح وايه الغلط .....
واخرة ال بيحصل في مصر ايه

[FOFFA]

كل فريق يرى نفسه على حق ..والآخرين على خطأ..وأتمنى أن ينظر الجميع لمصلحة الوطن ..منذ الثورة وحتى اليوم ظهرت السلبيات ولم نر إيجابيات . أحيانا أتمنى لو لم تقم ثورة يناير .. لا أحب نغمة الثورة مستمرة ..ولا أحب تخوين المجلس العسكري
الثورة المستمرة يجب أن تكون ثورة في التعليم ..في الصحة ..في الزراعة ..في الصناعة ..في إيجاد وسائل لزيادة الدخل القومي

[naglaa22]

فعلا اختى فوفا موضوع الثوره مستمره ده بيعصبنى جدا الثوره قامت وخلاص وعملت الى احنا عايزينه وخلعت الرئيس حاجه مكناش نحلم بيها
المفروض نهدأ بقه شويه علشان نعرف نصلح الفساد الذى تسبب به وبعدين هما عايزين فساد عاش متفشى فى اللارض اكثر من ثلاثون عاما يتصلح فى سنه ولا اثنين الموضوع محتاج صبر وقلوب بتحب البلد بجد مش بتحب مصلحتها وانشاء الله هنكون افضل من ذى قبل لكن بالطريقه دى البلد هتخرب وهيجى علينا يوم ونقول ياريت ما قامت الثوره ونلعن اليوم الى حصل فيه ثوره

خصوصا بسب حالة انعدام الامن فى البلد الموضوع بقه مرعب الواحد بقه مرعوب على اولاده وعلى نفسه مبقاش فيه امان انا خلاص مبقتش عارفه احنا رايحين على فين..............

[* الفالحة *]

غاليتي صباحك عسل ... ياريت تشوفين رسائل الزوار بملفك

ولي عودة إن شاءالله للرد على موضوعك

[naglaa22]

يعني إيه شعب مصري؟

يعني إيه شعب مصري؟
.
.
يعني لما تقول:الشباب يمسكوا البلد
يقولولك:عشان يخلولنا اللغه الرسميه للدوله الفرانكو ... ...

ولو قلت:الكبار يمسكوا البلد وهما خبره برده
يقولولك:عشان يرجعونا لعصر الطرابيش

تقولهم: الإسلاميين يمسكوا البلد؟،
يقولولك:عشان يمشونا على شرع ربنا غصب عننا

طيب العلمانين يمسكوا البلد،
يقولولك: عشان البنات تمشي ف الشارع علي حل شعرها

طب إيه رأيكو إحنا نسيب البلد من غير رئيس وخليها خل حرام عليكو جننتونا

الله يكون فى عون الرئيس الى هيمسك البلد مش عارفه هيرضى مين ولا مين

يارب ولى امورنا خيارنا يارب
الواحد نفسه فى واحد يعنا على طاعة ربنا مش العكس

[FOFFA]

في خونة وأنانيين من مصلحتهم البلد تخرب ..وهم يزدادوا غنى..وأكتر ناس استفادت من المليونيات أصحاب مصانع الرايات والأعلام (جمع علم ) ..أصغر علم كان تمنه 5 جنيه..لو البلد هدأت وأستقرت مش هياكلوا عيش..وعندك كمان الإعلام والصحافة ..من مصلحتهم الفوضى تستمر ..لأن برامجهم وصحفهم بتجيب دخل أكبر من الإعلانات ..وكل واحد يعمل نفسه ثوري بأي شكل ..أو يفتكس حاجة عبيطة تخليه مشهور ..وآخرهم المحامي المسلم الذي رشح نفسه لمنصب البابا
وزي مافي خونة ومأجورين وأنانيين ..في برضه شرفاء ووطنيين ..ومافيش في أيدينا حاجة غير إننا ندعي ربنا يولي من يصلح

[naglaa22]

اصعب حاجه فى الدنيا لما تلاقى كارثه الكل بيحاول يستفيد منها هوه فى ايه مبقاش فى حد عنده احساس بحد ولا بقه فيه حد بيراعى مشاعر حد

الكل بيقول نفسى نفسى اصبحت السيمه الاساسيه للجميع الان النفاق الكل بيحاول يستفيد من مصيبة غيره
الثوره قامت والكل بيحاول يطلع على الثوار الحقيقين منذ انتهاء ثورة 25 يناير وكل الموجودين فى الساحه الان بيدعوا انهم من الثوار مع ان الثوار الحقيقين غير موجودين على الساحه الان لانه للاسف ملهومش مكان وسط بتوع المصالح الكل بيدور على الكرسى الكل بيدعى الوطنيه مبقناش عارفين مين الصادق ومين الكاذب مين الحقيقى ومين الزيف مين الى على حق ومين الى على باطل الواحد تعب اوى مش عارف يبقه مع مين ويبقه ضد مين ومين الى له المصلحه فى ان البلد تفضل فى فوضى للاسف ناس كتير كسبوا ملاين من وراء الفوضى التى نعانى منها الان واصحاب المصالح هما اكتر ناس عايزين البلد تبقى فوضى علشان طبعا عشهم هيتقطع حسبى الله ونعم الوكيل فيهم وفى كل من يسعى وراء مصلحته الشخصيه على حساب خراب البلد حسبى الله ونعم الوكيل