حاجة غريبة

**takato** · 21-02-2011, 12:02 PM

ده يابنتى دليل على التخبط وعدم الوعى بالفتره الحرجه التى تمر بها البلاد
اولا احمد شفيق مبيختلفش عليه اتنين من حيث وطنيته وحبه للبلد ونجاحه فى اداره البلد وبعدين هم مش عايزينه علشان الريس السابق هو اللى كان جايبه وبيقوله انه كان عنده ولاء للريس قوليلى قبل 25 يناير كان باين فى البلد اللى عنده ولاء من اللى معندوش ولاء
وعلى كل الصحفيين شاطرين فى الكلام وكل مايلاقوا نغمه يمسكوا فيها كلهم علشان يتقال انهم تبع 25 يناير
عايزين ياناس نعدى المرحله دى وندخل مرحله نتائج الثوره نلم الثمار بقى
على رائيك يااختى هو مش المشير برده اختيار الريس والا هم هيستنوا لما كل طلب يطلبوا يتحقق يقوموا يخترعوا طلب تانى ومش هنخلص
المهم يكون الوزرا ورئيس الوزرا والقوات المسلحه بيعملوا لخير بلدنا ومنبصش للاشخاص ده الدول المتقدمه بتعمل عليه
انا خايفه ليجى اليوم اللى يعملوا وقفه علشان مش عاجبهم الشعب ممكن يطلبوا يغيروه

**hibhiba** · 21-02-2011, 12:15 PM

لاحول ولاقوة الابالله الي يبغى التغيير لازم يعرف اساسا هو عايز ايه ويحط اهداف لازم يوصل ليها مش بس التغيير من اجل التغيير هل التغيير اصبح موضة لان الناس ملت الروتين اهل مصر الله يعينهم واهل تونس وليبيا والبحرين وكل البلاد العربية الاسلامية الله يثبت فيها الاستقرار ويعدي الازمات على خير

**2010nona2010** · 21-02-2011, 01:56 PM

انا خايفه ليجى اليوم اللى يعملوا وقفه علشان مش عاجبهم الشعب ممكن يطلبوا يغيروه[/QUOTE]

عاجبتنى اوى الكلمة دى ومن المصيبة ان دا اللى بيحصل
دلوقتى بيفرزوا الشعب مين مع الثورة يبقى مصرى ومين ضدها يبقى خائن ومش مصرى
ربنا مع الشعوب العربية كلها

**2010nona2010** · 21-02-2011, 02:00 PM

المشاركة الأصلية بواسطة hibhiba

لاحول ولاقوة الابالله الي يبغى التغيير لازم يعرف اساسا هو عايز ايه ويحط اهداف لازم يوصل ليها مش بس التغيير من اجل التغيير هل التغيير اصبح موضة لان الناس ملت الروتين اهل مصر الله يعينهم واهل تونس وليبيا والبحرين وكل البلاد العربية الاسلامية الله يثبت فيها الاستقرار ويعدي الازمات على خير

فعلا التغير دلوقتى اصبح موضة والثمن دم الشهداء نفهم احنا بنغير ايه وليه ونصبر ربنا خلق الدنيا فى 6 ايام
ربنا يعدى الازمات دى على خير

**جوهرة مكنونة** · 21-02-2011, 02:19 PM

والله ان معاك حق انا وانا مش مصريه حسيت ان شعب مصر تايه عملوا مظاهرات ومات ناس واصيبوا ناس وووو طيب ايه المطلوب هم طالبوا باسقاط النظام طيب من هو الرئيس الجديد الي شايفين انه هو الي حايقدر يحقق امالهم ياخوفي لا يحكم مصررئيس مش سني ربنا يستر

**2010nona2010** · 21-02-2011, 02:26 PM

المشاركة الأصلية بواسطة جوهرة مكنونة

والله ان معاك حق انا وانا مش مصريه حسيت ان شعب مصر تايه عملوا مظاهرات ومات ناس واصيبوا ناس وووو طيب ايه المطلوب هم طالبوا باسقاط النظام طيب من هو الرئيس الجديد الي شايفين انه هو الي حايقدر يحقق امالهم ياخوفي لا يحكم مصررئيس مش سني ربنا يستر

معاكى حق وهو دا اللى انا كنت بقوله من الاول بس الخوف اكتر من جماعة الاخوان الناس دى منظمه جدا جدا جدا حتى لما كنت معاهم فى الجامعة كانوا منظمين جدا وكل اللى كانوا عايزينه مناصب وبس
انا لما سمعت كلام ايمن الظواهرى خوفت جدا على مصر
ربنا يستر من الفتن

**takato** · 21-02-2011, 04:08 PM

هو ايمن الظواهرى قال اييييييييييييييه ربنا يسترها

*** نور هدى *** · 21-02-2011, 04:19 PM

ثورة مضادة لثورة مصر

والغريب انك انت ايضا من تبنتها

الثورة محددة اهدافها ومرتبه امورها
والشخص الذي يختلف في امره لن يستأمر امر البلد
إلا الشخص الذي يفضله الاكثرية
انصحك لوجه الله
لا تكوني من المرجفين
عهد رئيس جاهز على الساحة يستعبد شعبه عشرات السنين انتهى
وهذا اكبر دليل ان الثورة كانت لخير مصر
وليست لهدف تعيين شخص معين من الاعداء
كفي ترويع الناس واعملي لله

*** نور هدى *** · 21-02-2011, 04:25 PM

ليس المطلوب منك ترهقي نفسك بالتفكير بل المطلوب منك تعملي لله وتبدأي باصلاح البلد من نفسك وبيتك
والله هو الملك الذي يحدد للشعب المصري من يستحق حاكم لهم
فكما انتم يولى عليكم
اعملوا للحق والخير والعدل ليأتيكم حاكم كذلك

**ام شهدوعبد** · 21-02-2011, 04:59 PM

انا مع الاخت نور الهدى
كلامك مزبوط

**درة السنة** · 21-02-2011, 05:04 PM

المشاركة الأصلية بواسطة * نور هدى *

ليس المطلوب منك ترهقي نفسك بالتفكير بل المطلوب منك تعملي لله وتبدأي باصلاح البلد من نفسك وبيتك
والله هو الملك الذي يحدد للشعب المصري من يستحق حاكم لهم
فكما انتم يولى عليكم
اعملوا للحق والخير والعدل ليأتيكم حاكم كذلك

بارك الله فيك نور انا معك

بس لى وقفه عند كلام الاخت نونا 2010

انت ذكرتى ان الاخوان المسلمين منظمين جدا جدا

طيب ايه المانع لما يكون عندهم استعداد

ليشغلوا مناصب فى الدولة طالما هما اكتر ناس فى الساحة منظمين

اى فرد من شعب مصر له الحريه فى المشاركه فى اى انتخبات مقرره

طالما هو شايف انه اهلا لذالك

انا شايفه ان مفيش خوف منهم على الاقل

هما وضحين ومذهبهم معروف

وكمان انا سمعت ان السلفين كمان قرروا يشاركوا

فى الانتخبات البرلمانيه والمحليه والرئاسية

ويئسسوا حزب خاص بهم

المهم فعلا نوحد نفسنا ونترك الظن ببعضنا البعض

واكيد كلنا متفقين ان تكون مصر بخير وسلام واستقرار

**نسمات الليالي** · 21-02-2011, 05:28 PM

السلام عليكم ورحمة الله وبركاته

حياك الله أختي ، وأحيي فيك حبك لفهم مايجري في مصر حاليا
من المؤكد أنه لايختلف أحد الآن على ان عهد النظام السابق
كان يعج بالفساد والمفسدين والدليل هو عدد الوزراء والمسئولين وغيرهم
المتهمين حاليا بقضايا فساد مختلفه. وكان هدف الثوره هو تخليص مصرنا
الغاليه من كل الفساد هذا.

وطبعا كما إن النظام السابق كان له معارضين كثر، فإنه أيضا
له أتباع ومؤيدين ممن استفادوا من ورائه استفادات كثيره.
وهم لا هم لهم الآن سوى تشتيت العقول ، وصرف الانتباه
عن إنجازات الثورة ، وإظهارها للشعب أنها بلا هدف ومتخبطه
ولا تستقر على شئ واحد.

كل من هب ودب باستطاعته أن ينشئ موقع أو مدونه أو صفحة
على الفيس بوك وتنصب نفسها متحدثا باسم الثورة وشبابها ويروجون
للإشاعات الكاذبه ومن هنا تأتي الحيرة.

اطمئني غاليتي ، فالشباب يعرفون أهدافهم جيدا ، ومازالت الثورة
قائمة لتحقيق باق المطالب التي لم تحقق حتى الآن ومن أهمها
إسقاط حكومة شفيق لأنها وببساطة تضم عدد لا بأس به من الوزراء
المواليين للنظام السابق والتي تحوم حولهم الكثير من الشبهات.

ومن ضمن المطالب أيضا : الإفراج عن جميع معتقلي السياسة والرأي
وحرية إنشاء الأحزاب السياسية وغيرها وغيرها.

المهم الآن أن تعلمي أن الدنيا لا يمكن أن ينصلح حالها في يوم وليله
وماأفسدته السنوات لا يمكن أن تصلحه الأيام.

دعواتك بالخير لمصر .

**هناء روح** · 21-02-2011, 06:51 PM

بسيطه خالص
عشان تخرجوا من كل ( التساؤلات العقيمه )
بكل بساطه احنا نقول للريس يرجع تاني

ها ايه رايكم ؟
فكره روعه

أصل سعد زغلول قالها ومات
(( مفيش فايده ))

**نسائم - الرحمه** · 22-02-2011, 02:38 AM

السلام عليكم ورحمة الله وبركاته

رغم أنني لم أرد على اى موضوع سياسى الى الان الا ان هذا الموضوع استفذنى كثيراً

فقررت وللمرة الاولى المشاركة فى الاحداث

المشاركة الأصلية بواسطة 2010nona2010

انا تعبت من كتر التفكير مين صح ومين غلط

لماذا ترهقين نفسك بالتفكير اختي الغالية

لما لا تتركي الامور تسرى كما اراد الله لنا

شباب ثورة 25 يناير يدعو للحرية والديموقراطية
ومحاربة الفساد والفاسدين
ولو سالناهم من هم الفاسدين؟
انا تصفحت معظم المواقع والفيس بوك والاخبار
وقرأت التعليقات
ودول الفاسدين........................
الحزب الوطنى
مبارك ونظامه
وكل رئيس حى
كا موظف فى وزارة العدل
موظفين الضرائب
الوزراء بلا استثناء بالرغم من ان فيهم ناس كويسين
حزب التجمع لانه باع نفسه للحزب الوطنى
البرادعى علمانى عاش عمره كله بره مصر
ميعرفشى مشاكلنا
حتى عمرو خالد هاجموه مش عارفة ليه
الشرطة
الامن المركزى
امن الدولة
رجال الاعمال كلهم بلا استثناء
اتحاد الكورة
الفنانين اللى اتحطوا فى البلاك ليست
اللى ساند الثورة واللى حتى لم يعلق وكان فى بيته فى حاله
لاعبين الكورة وعلى رأسهم ابو تريكه لانه تعاطف مع
شهداء غزة ولم يتعاطف معنا
وطالبوا باعتزاله الكورة
حسن شحاتة لازم يقدم استقالته كان مع النظام
مش هو دا المعلم
اى حد حلف بالؤلاء لمبارك
هو مش طنطاوى وسامى عنان حلفوا برضه بالؤلاء لمبارك
يعنى ايه نسرح الجيش وزى ما بيقولوا نجيب مرتزقة يحمونا علشان كلنا بنخون فى بعض
لا ولسه
الجنزورى محترم لا دا كان فاسد وله اخطاء كتير
الشيخ القرضاوى منع عمرو غنيم من صعود المنصة يوم الجمعة
عمرو عنيم دا مانوسى مش عارفة يعنى ايه الكلمة دى وعميل للامريكان واسرائيل ومتجوز واحدة امريكية وليه يتكلم باسمنا
مش هو دا اللى كان اسمه قائد الثورة
وايمن نور عميل الامريكان
واى حد عارض الثورة او منزلشى التحرير
و300واحدبتوع انا اسف ياريس
خونة وعملاء للامريكان
وغيره
وغيره
هو لسه فى حد فى مصر مش خاين وعميل وفاسد
دا على كدا مفيش غير اللى فى ميدان التحرير هم اللى شرفاء
والباقى مش مصريين ولازم يتحاسبوا
حد يفهمنى هو كل واحد عايز رئيس ووزارةعلى مزاجه
احنا مش عارفيين نتفق على حاجة
كل شوية عايزين ينزلوا ميدان التحرير

أختي الغالية

هل أصبح شباب الفيس بوك هو الممثل الرئيسي للشعب المصرى والمتحدث باسمه

اولاً انا لا افقه شئ عن الفيس بوك ولله الحمد لم اشترك به

ولكن انا اخالفك الرأى فالذى قرأتيه على موقع الفيس بوك لا يمثل الشعب ولا يمثل شباب ميدان التحرير وانما يمثل افراد

وأحيطك علماً ان قائد الثورة أسمه وائل غنيم وليس عمرو غنيم

غاليتي انت التى تتعبين نفسك وترهقين عينيك بالبحث في الفيس بوك

اذا كانت الاراء التي قرأتيها تعبر عن أراء مليون شاب مصرى فاحيطك علماً ان الشعب المصرى أكثر من 80 مليون

وهؤلاء القلىة القليلة لا يؤخذون بعين الاعتبار ضمن الشعب الكبير

يوم الثلاثاء مليونية ضد احمد شفيق
حد يفهمنى هو ايه اللى بيحصل
انا اعصابى بايظة
وكل يوم بسمع خبر شكل
هو مين مع مين ولا مين فين
مصر راحه لحد فين

غاليتي

عندما تعين حكومه في يوم ثم في اليوم التالي يتم ضرب المتظاهرين بالاسلحة فهذه الحكومة فاسدة

ولهم الحق في طلب تغيرها

وكلامي هذا ليس بناءً على ما يذاع على الشاشات ولكن بناءً على نقل الاحداث من ميدان التحرير يوم الاربعاء يوم موقعة الجمل

اختى الغالية اذا كان احد اقاربك هو الذى اصيب برصاص هذه الوزارة لما قلتي هذه الكلمات

غاليتي عندما تودين الحديث فتحدثى عن نفسك وليس باسم الشعب

وارجو ان تتقبلى وجهة نظرى بصدر رحب

وجزاكي الله خيراً