مدارس مدارس مدارس ..الجزء التاني

[bent masr]

سادينا يا حبيبتى....ألف مليون سلامة على بنوتك....و بلاش قلق بدون داعى,ده الأولاد بيقعوا و هما مع أهلهم حتى!!!!! و ما تقلقيش على الياب كده....دى كلها baby class!!!!!

مريهان.....بالنسبة لرجاك,أعتقد مستواها الدراسى شغال,لكن من زمان و أنا أسمع ان أخلاقياً مستواها مش أد كده.....free شوية!!!! و بعدين مشوارها سخييييييييييييييييييييييييييييف جداً.....مش انتى فى التجمع برده؟؟؟

مليكة القلب....أعتقد ان 5 كلمات بس فى kg2 قليل شوية؟؟!!!!

[bent masr]

مليكة.....لو انتى فى المعادى,فكرتى فى نارمر؟؟؟ هى مصاريفها غالية شوية(أعتقد حوالى 12000)لكن مستواها روعة!!!

[ام مريم 2008]

اهلا بيكم تاني يا اصحابي ...سادينا ..الف سلامة على بنوتك ...و انا شاء الله تكون خلاص خفت ... بخير دلوقتي ...و اطمني.... عادي العيال واحنا ياما بنشوف ...و ربنا هو الي بيستر

في كذا موضوع عايزة ارد عليه بالنسبة اولا لمدرسة لاروز دي ليزية _ في الدقي ..كان حد افتي و قال انها فرنساوي ..الكلام دة كان من زمان اوي اكثر من مثلا 30 سنة لاني خريجة المدرسة و كانت على ايامي مختلطة و انجليزي وليس فرنساوي ... حبت اوضح بس

ثانيا ً :- بالنسبة لمدرسة علوي ...للي بيسال عن مدارس الهرم ..المدرسة الحمد لله كويسة ...و الادارة حازمة جدا .... مدرسة مادة الانجليزي تحفة و طبعا ولا كلمة بالعربي وماشاء الله عليها بتراعي ربنا جدا مع الاولاد ...و المنهج برضة Macmillan اول سنة نخدة كنا بناخد في المدرسة القديمة Bright Star ومدرسة مادة العربي كويسة جدا برضة ..و مدرسة الماس ( كانت كويسة .. بس اظاهر اكتشفت فجاة انها لازم تسرع شوية علشان تلحق تخلص المنهج...فبدات تسرع اكثر من اللزوم ...و كروتت شوية .. المواد الاجتماعية يا حرام و Science صعبين جدا على الاطفال ...لانهم صغيرين و بياخدوا كلمات كبيرة و صعبة .. بس الموضوع ماشي ... بعد امتحانات شهر اكتوبر ...عملوا Parents Meeting بصراحة كان كويس جدا و منظم ... كل مدرسين موجودين للرد على استفسارات الاهالي و معرفة مستوى اولادهم ... ونظام الشهادة مش درجات ..لا تقديرات زي الجامعة ممتاز - جيد جدا و جيد و عادي و صعيف ... و الحمد لله كل المدرسين شكروا في مريم و كل المواد جابت فيها ممتاز ,,,المشكلة انه ككان نفسي اخلع نفسي من موضوع المذكرة و اخليها تعتمد على نفسها ..بس برضة ما فيش فايدة ..لان المواد كثير و صعبة .. ففشلت ان اسيبها تعتمد على نفسها.

عيب المدرسة مع ان مصاريفها يعني مش رخيصة في حدود 7000 إلا انهم اعتقد انهم بيهتموا بالمدرسين ,,و مستواهم ..لكن شكل المدرسة مش قد كدة .. مباني قديمة شوية و طلائها لونة رمادي ( كئيب شوية ) بس انا عندي دة اهون من ان يكون التعليم وحش ... بس بالنسبة لمريم بتقولي دية مدرسة بيئة .....طبعا عايزة مدرسة شيك و حلوة ...

المميزات برضة :- عندهم نشاط اضافي غير الP.E بنختار اما Aerobics او مشغولات فنية ..او تريكو و كوروشية او تمثيل او كورال ... حاجات لذيذة ..يعني و مريم اشتركت في الAerobics و التمثيل .... و مبسوطة الحمد لله .
و اي استفسار بخصوص المدرسة انا في الخدمة.

[kouky5]

ميرسي لكي ام مريم علي طرحك الجزء الثاني من موضوع المدارس لانه بالفعل موضوع مهم جدااا لانه موضوع بيشغل كل اسرة وكل ام بتدور علي احسن مدرسة لاولادها
وميرسي علي المعلومات اللي اعطيتها لنا بالنسبة لمدرسة علوي بالهرم

[ايمو]

sadina الف سلامه على بنوتك ربنا يخاليهالك يارب و يحفظها من كل شر و ما تقلقيش مش هيفوتها كتير لانها لسه بيبى كلاس و اتوكيلى على الله ربنا هو الحافظ

[nana_land]

معقول ياجماعة مفيش حد عايز يرد عليا دي ثالث مشاركة و مفيش اي افادة انا كنت عايزة اى حد في سوبر جلوبل ....ياريت تفيدونى الله يكرمكوا....

[مليكة القلب]

bent masr اخبارك ايه بصي با ستي بالنسبه لنارمر كدة غاليه عليه قوي لاني كمان عندي واحدة تانيه ممكن تدخل السنه الجايه

[bent masr]

مليكة....ما تفكرى فى المصرية للغات؟؟؟؟

[kouky5]

nana_land حبيبتي انا ليس عندي معرفة بمدرسة سوبر جلوبال بس ممكن الاخوات يفيدوكي

[ام مريم 2008]

nana land
متزعليش اوي كدة ... الفكرة ان لسة ما فيش حد دخل المدرسة دية ..اعتقد انها لسة جديدة ...هي على المنصورية او المريوطية ..و اسمع ان صاحبتها مفروض ست متدينة ..و كان في ناس بصراحة رشحوا لي المدرسة ( لما كنت عايزة انقل بنتي السنة الي فاتت) بس علشان مريم في سنة رابعة فخفت اني انقلها مدرسة تكون لسة فاتحة جديد ..يعني مش باين لها مستوى ....خصوصا أن رابعة صعبة ..يعني مش كي جي لسة حنجرب .... فيايت تقولي لينا انتي على اخبار المدرسة ...و رايك فيها مبدئيا ً ...و ممكن لو تعرفي حد من اولياء الامور هناك ..او حتي تتعرفي على حد و تتناقشوا في مستوى المدرسة.

[nana_land]

جزاكم الله خيرا علي الرد...المشكلو ان مافيش اي فرصة الى الان لاري اولياء الامور...المهم بالنسبة للمدرسة هي مش جديدة ولاحاجة دى اول دفعة دخلوا فيها kg1 دلوقتى في اولى اعدادي هما المشكلة الوحيدة هي المبني ليس لديهم مبني مستقل ليهم بس بالنسبة للkgs اصبح لديهم مبنى دى اول سنة فيه فى المريوطية اما الكبار فالمدرسة مأجرة دورين فى مدرسة تانية فى المنصورية لحين انتهاء اعمال البناء في المنصورية ايضا..هما بيطبقوا نظام اليوم الكامل و هي 3 اقسام semi international & international & motessory و هي مدرسة اسلامية وعندهم اهتمام رهيب بالsports بجد زى النادى يعنى الولد دلوقتي بيتعلم سباحة و رماية و كراتيه وفي ابتدائى فى ركوب الخيل و الشيش..تمارين بجد على يد مدربين من اكبر النوادي...الولد مبسسسوط لكن انا نفسي اعرف بياخد ايه طبعا الكتب هناك لكن بصراحة كل يوم بيجى يقول لى جديد الفرنسيه من kg1 لحد دلوقتى مبسوطين بس نفسى اتابع اكتر.....لوعايزيين اي استفسار انا تحت امركوا ولو في اي حد اولاده فيها ياريت نتابع سوا...

[ام مريم 2008]

طيب يا نانا ...الحمد لله المدرسة باين عليها كويسة اهة...طبعا موضوع ان مافيش مبني خاص بيهم مشكلة بس مش اوي ...يعني المدرسة الي مأجرنها ( مش كويسة برضة و لا أية؟؟) مادام كويسة ...خلاص ما فيش مشكلة ... هي يعني احنا حنسكن في المدرسة ..انا قصدي مادام المبني كويس و نظيف و فيه ملاعب كويسة للاولاد ..خلاص خير و بركة ... و ممكن تروحي المدرسة و تطلبي منهم تتعرفي على المنهج ... او حتي تفتحي كراسته و تشوفي الي فيها ..مش معقول كل حاجة ( كتب و كراسات ) بتتساب في المدرسة....... وعموما كدة احسن بكتير ...يا عيني بنتي كل يوم شيلة على ظهرها كتب و كراسات قد كدة ... لما ربنا يستر على ظهرها ...(دة غير الي برضة بيتساب في المدرسة ) بس لانها كبيرة طبعا عن ابنك و بيبقى في واجبات في البيت ..فلازم يكون معاها على طول الكتاب و كراسة الحصة و الواجب للمواد الي بتاخدها....

يا ريت لو ممكن تسألي ليا عن اسعار الSemi International و يعني اية؟؟ بيدرسة فيه اية ؟؟؟ما هو لاما national or international اول مرة اسمع على السيمي ...و ربنا يكرم الاولاد كلهم ...لحسن احنا الي بيطاع عينا معاهم.

[nana_land]

ام مريم انا معنديش مشكلة الحمد لله لكن انا كنت عايزة حد لمجرد اني اعرف اي اراء اخرى عن المدرسة انهاردة كان في parents meeting والحمد لله وجدت اهتمام ومجهود جامد من المدرسين بجد الحمد لله على المدرسة دى مكنتش احلم بكده ...بجد شنطة ابنى مفيهاش حاجة اكتر من السندويتشات و الlink book ده علشان لو عايزة اقول حاجة ليهم او هما يقولولى حاجة..المنهج بريطانى اسمه balloons ده بالنسبة الانجليش بالنسبة للغة الثانية الفرنيسه(او المانى) بيخدوا الغة عادي و كمان بيخدوا فرنسيه اسلامي يعنى بغض السور و الادعية و اسماء الله الحسنى مع مدرسة جزائرية تحفة...مش هطول عليكى الsemi بيدرسوا منهج الnational بالاضافة للinternational english يعنى اللغة بتكون احسن بكتير و بالنسبة للمصاريف ال semi ب10000 +2300 للباص +uniform انا دفعت تقريبا 1300 +7000 انشاءات انا عارفة ان ممكن حد يقول كتير بس بجد تستحق...لو حد عايز استفسار اقدر اجاوبه ان شاء الله

[ايمو]

اهلا بيكى يا نانا بالنسبه لسوبر جلوبال انا اعرف بس ان المشكله كانت فى موضوع المبانى انهم ماجرين و غالبا كانواالاول فى المهندسين بس نقلوا و اللى اعرفه ان ناس كتير كانت مقلقه من الموضوع ده بس المدرسه سمعت انها كويسه بس هما غلوا شويه عن الاول طب كنت عايزه اعرف منك هوا انتى مدخله سمى انترناشيونال و لا ناشيونال ؟ و فعلا مش بياخدوا واجبات و اليوم الدراسى من كام لكام ؟ و لو تعرفى الانترناشيونال بكام و هل هو بريتش او اميركان انا سمعت انهم غلوا الانترناشيونال اوى معلش غلبتك

[nana_land]

ولا يهمك يا ايمو اسالى براحتك و يارب افيدكوا...فعلا kgs كانوا فى الدقي الاول وزي ما اقولتلكم اصبح ليهم مبنى جميل في المريوطية والكبار فى مدرسة فى المنصورية بصراحة انا مدخلتهاش من جوه علشان عندي امل منحتجلهاش و يكون المبني خلص لكن عرفت مكانها بس..بالنسبة للواجبات والله مش بيرجع بورقة حتى مع العلم انى لما شوفت اللى عملوه في الشهر اللى فات بجد مجهود اكتر من رائع مع عدم تدخلى علي الاطلاق...المواعيد من 8الى 4:30 بالنسبة للkgs و الكبار من 8 الى 5 ماعدا الخميس ال 3:30 علشان زحمة المواصلات...انا ابنى في semi هو مفيش national هناك و المصاريف الsemi ب10000 و الinternational ب15000 و الmontessory ب20000 طبعا من غير الuniform و الباص و الكتب و في كمان 7000 donations فى اول سنة طبعا فى غداء كل يوم و الولد بيرجع يستحمى و نلعب و يتعشى ونام يعنى اه احنا في المدرسة لكن مفيش شدة اعصاب والولد بيتعلم صح و من غير ما يكره المزاكرة..على فكرة ال international بريتش ...اتمنى اكون افدتك