امهات المنتدى وبالاخص المصريات ممكن مساعدة فى اختيار مدرسة بنتى

[rody786]

انا للاسف ما وصلتش لمدرسة لسه، بس انا ساكنة في منطقة تانية خالص، فيصل و بادور على مدارس في فيصل و الهرم و ربنا يسهل لسه مش لاقية حاجة تقنعني

[أطايب الجنة 2002]

أختى الحبيبه عبير

والله معظم المدارس زى بعض و الام هى مدرسة أبنها . أعقدى النيه لله انك مش هتدخلى مدارس راهبات واستخيرى الله فى اى مدرسه اخرى وصدقينى سيبدلك الله خيرا من هذه المدارس فقط اعتمدى على الخالق وادعى الله ان يوفق ابنتك فى الشيء الجيد وادعى الله ان يوفقك لمدرسه تجمع الدين والدنيا معا والله المستعان . على فكره المدارس التجريبيه المتميزه مش وحشه واسعارها معقوله تقريبا 1000 جنيه . ابنى فى مدرسه لغات اسلاميه ممتازه لهم منهج للقرآن وحتى البص التابع للمدرسه له منهج لتعليم أذكار الصباح زالمساء والادعيه العامه وبجد المدرسه اكثر من رائعه بارك الله فيهم . وانا مثلك كنت دايخه على مدرسه ودائما كنت ادعى الله مدرسه تجمع الدين والدنيا معا ووفقنى الله لها . لكن انا من الاسكندريه .

[bory]

نتائج سياستنا التعليميه الخطئه

صباح الخير يا ام بيجاد المدارس التجريبى عندنا بتاخد سن كبير يعني ممكن البنت ما تدلخش السنة الجايه كجى 1غير بختك يا ابو بخيت فمثلا انا كنت قابلت واحده لما كنت السنة اللى فاتت بقدم لبنتىفي احدى المدارس المعروفة لغات وكان معاهاولادها كبار كانت بتقدملهم وسالتها هى بتحولهم ليه ردت انهم كانوا في المدرسة ديه من الاول واسمها الفيوتشر ولما فتحت مدرسة تجريبى جمبهم اسمها مبارك التجريبية كانت سمعتها حلوة اوى ولما راحت وعرفت المنهج عجبتها وشافت الانشطه عجبتها اكتر وحولت للولاد ولم تلقى اى نتيجه تذكر وكان الى شافته وسمعته كلام فى الهوى انا للاسف ناسيه تفاصيل كتيره قالتهالى بس النتيجه انها بتقدم من جديد فى نفس المدرسه الاولى اما مدارس الازهر او التابعه للازهر فحدث ولاحرج وادى تجربتى معاها عرفت ان الفاروق اللى في التجمع ب6500 وباص 1200غير اللبس والكتب ومدرسه هنا جمبى في مدينة نصر اسمها المنارة شكلها الخارجى اقل بكثير من الى فى التجمعات ولسه اول سنه اللى شغاله ىدلوقتي وطالبين 5000 و1000باص و بيخدوا السن كبيركجى1 4سنين فى مدرسه اسمها اجياد في زهراء المعادي تابعه للازهر اسعارها لا تختلف كتير عن سابقه باقى المدارس الاسلاميه المعروفه قريت علي مواقع اخري من ناس كانوا فيها ان ستواه ما بقاش كويس وانا بتكلم على المستوى التعيمى لا الديني

[أطايب الجنة 2002]

الحبيبه عبير

ما المشكله فى السن الكبير ؟ ابنى كجى 1 وعنده 5وسته اشهر لان المدرسه لا تقبل سن صغير وماشاء الله على الولد استعابه افضل من العام الماضى بكثير ومعاه اولاد اكبر منه ست سنوات ونصف وفى كجى 1 ارى ان السن الكبير افضل بكثير من الصغير وهيرحك جدا فى الفهم . كان نفسى ادخل ابنى بسرعه للمدرسه وعندما سألت من حولى كلهم قالو لى لاتتعجلى على دخوله وسترى النتيجه بعينك بعد ذللك فى السنوات القادمه و صدقينى اراها من الان والحمد لله .

[أطايب الجنة 2002]

على فكره المستوى التعليمى ده بعتمد عليكى بنسبه كبيره صدقينى كل المدارس زى بعض وبعدين مافيه كتير قوى دكاتره ومهندسين وخرجيين مدارس حكوميه وطبعا انت عارفه ان المدارس الخاصه الان اصبحت موضه لابد منها

[bory]

نتائج سياستنا التعليميه الخاطئه

انا بسال دلوقتى ليه ما فيش مدارس اسلاميه مدعومه من الازهر بقوة مدارس الراهبات ومصريفها والى يشتغلوا فيها يكونوا عندهم ولاء للدين بتعنا زي الراهبات وتخصص فلوسها للايتام السلمين والجوامع ليه تعليم الولاد دينهم الصحيح يتكلف الفلوس ديه كلها ولاليه التعليم الجيد يكلف بتكلم عن التعليم الجيد مش التعليم وخلاص زمان علي ايامنا كنا بنسمع ان الامى الى ما يعرفش يستخدم الكمبيوتر ياترى مين في المستقبل الى حا يكون الامي انا لاادافع عن مدارس الراهبات ولكنى برغم كل شئ احترم طريقتهم وتفكرهم بعيد تماما عن موضوع الدين واتمني يجي اليوم الى نفكر بشكل عملي زيهم في تدعيم ديننا اسفه علي التطويل لكن استحملوني فده نتيجة البحث والتفكير الذي ادمانى نتائجه

[rody786]

ياه على صبرك 5 سنوات و 6 شهور في كجي1، انا كنت اتجنن، المسألة مش في السنوات الاولى المسألة لما الطفل بيكبر و بيلاقي سنه اكبر من زمايله بفترة ده يضايقه و يتعبه شوية نفسيا، يعني تخيلي و هو في الجامعة مع زملائه و هو اكبر منهم بسنة و نصف او اتنين ده بيضايق
ده غير انه بدل ما يتخرج على سن 21 او 22 سنة و يبتدي حياته العملية هيتأخر سنة كمان و لا اتنين
و يا سلام بقى على مشكلة الجواز وخصوصا لو كانت بنت، احنا بابا كان مانع مجرد خطوبة اثناء فترة الدراسة و ان الواحدة مننا ما تتخطبش الا بعد التخرج علشان الموضوع ده ما يأثرش على مذاكرتها خصوصا انه ما بيحبش فترة الخطوبة تطول ، يبقى بدل ما البنت ما تتخطب على 22، لأ تبتدي تفكر في اللي يتقدموا من بعد سن ال 24 سنة

يعني هي دي كلها حاجات في المستقبل و في علم الغيب بس الواحد بيحاول انه يعمل كل اللي في جهده علشان ما يحسش في اي وقت او اي لحظة انه قصر او كان السبب و لو بش بسيط من ضيق اولاده.

يا عبير موضوع المدارس الازهرية ده الله اعلم مين السبب في انه ما يحصلش و مين السبب في ان دينا يتأخر شوية في اولويات المدارس، و مين السبب في ان الازهر نفسه ما بقاش زي زمان الله اعلم.

بس انتي ليه محتارة من المدارس بس، ما عندك الحضانات للاطفال الصغار، كانت مشكلتي اني باشتغل و عايزة اودي بنتي الحضانة، اني الاقي حضانة كويسة و تهتم بالنضافة و الاكل و التعليم ( طبعا الكلام و السلوك مش التعليم التعليم يعني) و يكون فيها الترفيه المناسب و تنمية الطفل و ..........
كل الحاجات اللي الطفل الصغير بيحتاجها ما تلاقيش الا فين و فين و غالية و بعيدة جدا عن المنزل و طبعا في السن الصغير ده الواحد بيبقى عايز حاجة جنب البيت علشان الطفل الصغير ما يلحقش يتأثر بالجو البارد في الصباح الباكر و يمرض.
هي العملية خربانة خربانة من اولها لاخرها، غيرش الواحد هو اللي بيجاهد و يحاول علشان ولاده يطلعوا كويسين
انتي عارفة انا نفسي ربنا يرزقني و افتح حضانة لتربية الاطفال لاصغار تربية صحيحة و اعمل معاهم كل حاجة ممكنة لان الفترة دي في رأيي هي اهم فترة اللي زرعتيه فيها هتجنيه بعد كده طول عمرك، بس نفسي معاها ان ربنا يديني طولة البال اللي بنتي طيرتها مني

[bory]

نتائج سياستنا التعليميه الخاطئه

اختي ام بيجاد السن الكبير مش مشكله المشكله ان الاطفال زمان غير الاطفال دلوقتى قدرتهم الاستعابية بقت اكبر بكثير عشان كده الواحد بيستحرم ما يستغلش ده فيهم عشان كده كنت بدور علي مدرسة فيها مواصفات معينه اولهاالمنهج التعليمى يكون قوى تانيهم الاهتمام بالدين تالتهم الانشطه المختلفه الى يتعلموا منها حاجه يحبوها وتحببهم في المدرسه رابعهم المصروفات المعقوله خامسهم وده الاهم من وجهة نظرى ان في حد ترجعيله تعرفي تتكلمي معاه لو حصل مشكله او تقصير تفتكري الكلام ده موجود في المدارس الحكومى او التجريبي اللى الوزاره بتناقش رجوع الضرب فيهم بدل ما ينقشوا ازى يطوروا التعليم ويطوروا المدرسين علشان يقدروا يتعاملوا مع الجيل الجاي ويناقشوا ازاى يطوروا مرتباتهم الى خلت الناس تشتغل بلا ضمير ويعلنوها بصراحه كل حاجه علي اد فلوسها

[bory]

نتائج سياستنا التعليميه الخاطئه

يا اخت رودى انا كمان كان ليه موال طويل مع الحضا نات بس هنا في مدينة نصرفي كتير زي المدارس و اكتر وطبعا هو مشروع حلو اوى المهم الاداره وعلي فكره الحضانه مهمه بالنسبه للعايز يدخل لغات لان في مدارس كتير من الى نجمهم عالى بتفترض ان الي داخل عندها طفل معجزة وانه المفروض بيكون عارف شوية انجليزى علي شوية اشكال على شوية اللوان ولو ما عرفش يقولوا له ان مستواه يدخل بيبي كلاس ذلك الاختراع الى اعتقد ان الجهبز اللى اخترعه اخترعه بس علشان يخطف الشغل من الحضانات ويقفل على الناس الغلابة الى بتاخد علي الراس مبلغ يصل ل1000في الشهر والود وده لولا العيبه ياخد العيال وهى في الفه خدى بالك لو ده مشروع المستقبل وعجبببببببببببببببببببببببببببببببيى

[امينه عمارة]

انصحك بصلاة استخارة لان اراء الناس بتختلف من مدرسة لاخرى وانا فى نفس المشكله عندى بن فى مدرسة المستقبل التجريبية وكنت بسمع عنها انها ممتازة ولكن الحكومه حكومه بردة ولكن الفاروق تحفة بس بتاخد من سن كبير و ربنا يوفقك للافضل