الحقووووووووونــــــــــي بسررررررررعه .....!!

[بصمة انثـى]

انا ابي اسجل بكلية المعرفه ..

وانا اتابع منتدى لتسجيل الترم الثاني...

وكان فيه شخص يقول اللي ما قدرت تسجل او فيه احد يقربلها يبي يسجل

تقولي وراح اساعدها..

وحط ايميله..

وامس راسلته ع الهوتميل و قال خلاص راح اشوف لكـ بكره..

و اللحين ارسل لي يقول بسرعه ارسلي بياناتكـ لان مابقى غير مقعد واحد ع جوالي مو ع الهوتميل لان الكليه ما فيها نت واسمه في المسن السفاح الحنون..

وهو اللحين مرسلي ع الهوتميل..

قولوا ارسل ولا لا بسسسررررررعه ردوووو علي تكفووون خايفه...

ارسل ولا لا...

[بصمة انثـى]

تكفووووون ردووو علي وربي تفكيري هنا انشل..

ارسل ولا لا خايفه يكون كذاب على انه حلف لي....

تكفوون والله بصيح من الخوف اخاف افوت الفرصه علي واخاف اضيع نفسي..

[الواحة 26]

انا من راي انك تكوني حدرة ماترسلي بيانتك ليه افضل والله اعلم لانه ممكن يكون بستغل حاجتك للتسجيل ...
هذا راي وانتي تابعي ردود الاخوات اكيد مارح يقصروا برايهم وبالاخير القرار ليك ربنا يسهل امور ك ان شاء الله ويبعد عنك اصحاب السوء 

[الواحة 26]

نسيت اقولك اهم شي وهو انك تفوضي امرك لله اختي الغالية وتقومي وتصلي صلاة اسخارة فما خاب من استخار
قلبي معك اختي ...

[بصمة انثـى]

ارسلت له واستودعت الله في بياناتي ومعلوماتي وسمعتيي اللهم الذي لاتضيع ودائعكـ...

[بصمة انثـى]

مشكووووره اختي بس والله قلقانه وخايفه...

[ملك روحي@]

مثل هالامور لازم تنتبهي فيهم
مدري احسها كـذبه
كآن ع الاقل قلتي عطني الخطوات كيف اسويها
دام السالفه فيها جوال بعد يزيد الخوووووف اكثررر
لا واسمه السفاح الحنون ياااويلك شكله ناوي ع نيه خخخخخ لااضحك معك
الله ييسر لك امرك ويستر عليك

[&أم محمد&]

أنا من رأيي أنك استعجلت

المفروض كنت استشرت أحد كبير في العائلة

أبوك أخوك أمك عمك

أي أحد ممكن أن يفيدك

غاليتي

أكيد سمعت عن ذئاب النت اللى بيصطادوا البنات بأساليب مخادعة

أتمنى من الله أن يحميك وأن يكون هذا الذي عرض خدماته صادقا ويعمل لوجه الله

على العموم لكى تتداركى الأمر

عليك بإخبار أي أحد في العائلة لكى يعرف ما حصل

حتى إذا ما حصل أي تعدى من قبل هذا المجهول يكونوا معهم خبر ويقدروا يتصرفوا

حبيبتى الرجاء عدم التعجل في مثل هذه الأمور والتأني قبل أي خطوة في هذا الاتجاه

ربي يحميك انت وجميع فتيات المسلمين

كوني بخير ابنتي الغالية


::

[بصمة انثـى]

الله يسمع منكـ والله هنا احس قلبي بيطلع من الخوف ومو عارفه وش ممكن يصير للي..

وما كان عندي احد كلهم نايمين وابوي مسافر لو كان احد عندي كان استشرته

وهو يقول بسررعه قبل لايقفل التسجيل ..

هذي رساليله لي ..انتي اشلون تفهمين والله العظيم لازم تكلميني ماينفع وش يفيد الهوتميل شوفي بدام ماعندك ثقة

خلاص وربي تبعت قسم بالله انك سويتيلي مشااكل مع السلامة

يابنت دقي ماراح اطول ياصبر ايووب عليك
......

وهذي بعد..لا اله الا الله دقي من جد تعبت انتي اشلون تفكرين

.............اللي مايغرفك مايثمنك وترااك انتي بكلامك قاعدة تضرين سمعتي بعدم ثقتك لمعلوميتك

ودي الحين لان لو مادقيتي والله العظيم ماكمل هالجنان اللي الي انا طحت فيه


.............

يابنت الناااس دقي لاتخاافين وربي تعبت منك سويت اشيااء من راسي ولاتخليني اندم قلتلك دقي

انتي واشفيك كذااا خلي عندك ثقة بنفسك معليش انا بديتك على ناس كثير

لاكن برااحتك انا دوبني واصل من الكلية واقوولك دقي مررة تعبان وفيني نوم

لاتخاافي
:::::::::::::::::::::::::::::::::::::::::::::::::: ::::::::::::::::::::::::::

بنات تتوقعون يسوي لي شي...
وارسل رساله يبيني اضيفه في المسن وحطيت رفض..

[&أم محمد&]

وارسل رساله يبيني اضيفه في المسن وحطيت رفض..

تصرف حكيم

كلامه وإلحاحه مو طبيعي

الآن الرجاء لااااا تردى على أي رسالة يبعتها

وانسي الموضوع وأتمنى أنك تحكي اللى صار لأي أحد في البيت

وتوكلي على الله

اتصلي في الكلية وافهمى منهم الخطوات للتسجيل

ومو صعب ممكن تتوصلي للرقم في دليل الهاتف

الرجاء منك أنك تتابعي موضوع تسجيلك بنفسك مو مع أشخاص مجهولين

::
طمنينا عنك

::

[بصمة انثـى]

زاكـ الله الف خير اختي ..
هو اللحين يقول لازم يكلمني لانه متورط دفع للكليه2000

ويقول لازم اضيفه للمسن..

ووشلون اقول لاهلي والله بيفهموني غلط وماعاد يخلوني اجلس ع الجهاز..

وراح يفقدون ثقتهم فيني..

ارجووووكـ ساعديـــــــــــــني وش اسوي...؟؟؟

[رِيحَانَةُ آلْجَنَّة~]

ما شاء الله الاخوات كفو و وفو
نصيحة مني لا تصدقين أي شي
و خصوصا من النت
أعانك المولى
و حقق أمانيك

[&أم محمد&]

غاليتى

الرجاء التوقف عن التواصل مع هذا الإنسان حالا

لأنه من الواضح أنه يريد الإيقاع بك

ما زلت أصر على أن تخبري أي أحد من العائلة

والتوقف عن استقبال أي رسالة منه أو التحدث إليه

سواء بالجوال أو الماسينجر

يبدو أنك وقعت فريسة لنصاب كبير

خلي أحد أفراد عائلتك يكلمه ويتحقق من أنه دفع لكى يعطيه فلوسه

بعد التأكد من الكلية فعلا

لا تلعبي بالنار حبيبتى

وأرجو إنهاء هذا الأمر بسرعة

::

[بصمة انثـى]

مشكووره اختي ام محمد..

كلمتني اخته وانا اصلا ما عطيته رقم جوالي اعطيته رقم جوال اخوي ..

وكلمتني وطلبت مني لاوراق واخوها راح كليتي وصور اوراقي الله يجزاهم خير الحمدلله والله كنت خايفه لاكن قلت لامي واختي ..

والله كنت راح اموت وانا شايله الهم لحالي لاكن الحمد لله قلت لاختي واختي فهمت امي..

وانتوا والله ما قصرتوا الله يسعدكم ما خليتوني الله يريحكم دنيا واخــره ...
تكفون ادعوا ان الله يعطيني خيرهم ويكفيني شرهم..

والله ما برتاح لين تعديي السالفه ع خير...

تكفوووون ادعولي ان الله يعديها ع خير..


واشكـــر كل من ساعدني وشار علي وساعدني بمحنتي والله ما انسى وقفتكم معي..

وووه يارب تمملي ع خير..