كل المعلمات لايبخلون علي مساعدتهم عاجل

[فاعلة خير..]

خلاص اختي مابسوي شي الله يوفقك ويسهل أمرك
لا تعب ولا شي بالعكس ارتحت وأنا أساعدك
..طمنيني بكره إذا قدرتي..

[امrho0of]

الدرس اللي اخذتة وهو توحيد متوسط الموضوع علاقة التوحيد بالايمان واركان الايمان اذا عندك افكار في كيفية المقدمة ياليت تساعديني

[فاعلة خير..]

هلا أختي..
والله لي ساعه وأنا أبحث وما لقيت لأن الدرس ما أدري وش محتواه..
بس شوفي فكرت لك وطلعت بهالنتيجه ( بما أن درسك عن التوحيد وعلاقته بالإيمان فجيبي شيئين علاقتهم ببعض قويه مثلاً الأم والأب هم أساس وجود الطفل (بعد الله) والتوحيد هو أساس كل شيء وأساس الإيمان فالتوحيد لايكمل إلا بالإيمان وأركانه والإيمان لايصح إلا بالتوحيد وتحقيقه...)

وشوفي هالمعلومات يمكن تفيدك / وفيه بنت شرحت درس الإحسان وجابت مقدمه حلوه فنسختها لك هنا عشان تستفيدين..

üالإيمان باليوم الآخر: ماذا يعني الإيمان باليوم الآخر ؟ ماذا يغرس فينا ؟

الإيمان باليوم الآخر يعني التصديق بأن الله سيفني الكون في الأجل الذي لا يعلمه إلا هو وأنه سيبعث الناس ويحاسبهم على أعمالهم .

الإيمان باليوم الآخر يحسسنا بالمسؤولية ويبث فينا المراقبة الذاتية فنلتزم بحسن الخلق والعمل الصالح وأداء الواجبات .

üالإيمان بالقضاء والقدر: ماذا يعني الإيمان بالقضاء والقدر؟ ماذا يغرس فينا؟

الإيمان بالقضاء والقدر يعني التصديق بأن كل ما يقع في الكون يقع بعلمه وإرادته وقدرته وأن الإنسان ليس مجبرا على أي عمل .

الإيمان بالقضاء والقدر يربينا على عدم الندم على مافات وعلى الاستفادة من الخطأ وعلى استخدام العقل في تفسير الظواهر الكونية فنأخذ من فوائدها ونبتعد عن أضرارها .

ج ـ من ثمار الإيمان : ما دور الإيمان في حياتنا ؟

الإيمان يهدينا إلى الخير ويبعدنا عن الشرور ويجنبنا كيد الشيطان ويجلب لنا الرزق والبركة ويبعث فينا السعادة والرضى بما عندنا ."


*********

شوفي انا اليوم كان درسي الاحسان وكان مررره حلو ويارب تلحقي تقري الموضوع وتستفيدي من الافكار

اول شي لمن دخلت الفصل رميت على طاولة وحده من البنات ورقه المفروض الله يكرمك تترمي في الزباله
وبديت ومهدت للدرس السابق اللي هو الايمان بعدين رجعت سألت البنت اللي رميت عليها الورقه وقلت لها ايش حسيتي ؟
اكيد اتضايقتي من الاساءة مني , طيب نفس الشي تخيلو لو انا لقيت ورق على طاولتها ونظفتها
اكيد بتفرح بالاحسان نفس الشي سوا الرسول عليه الصلاة والسلام مع جاره اليهودي اللي كان كل يوم يرمي القمائم عند باب الرسول والرسول مايقول له شي الين مااجا وقت افتقد فيه اساءة اليهودي وسأل عنه وطلع مريض ولمن راح عاده وزاره قال له ماشفت القمامه اللي دايما انت ترميها وسألت عنك طلعت مريض
قال له اليهودي هل دينك يأمرك بهذا !! قال الرسول واكثر .. فأسلم اليهودي بسبب احسان الرسول

طيب هذا الاحسان مع العباد احنا اليوم راح نتعرف على الاحسان مع الله اولا ً ثم مع العباد
ونبدأ في الدرس والتعريف واشرح التعريف وتشرحي لهم انه كأنك تراه هذي مرتبة المشاهدة
فإن لم تكن تراه هذي مرتبة المراقبه
بعدين سألتهم كم اركان الاسلام , وكم اركان الايمان .. وجاوبوا .. فقلت لهم لكن الاحسان عندنا ركن واحد فقط ..
لكن فيه علاقة بين اركان الدين الثلاثه
وهذي راح تلاقيها في التحضير اللي راح احطه لك شوفي الدوائر اللي مرسومه فيه
انا ربطته بخريطة المملكة .. انه كل واحد عايش بالسعوديه حنقول عليه سعودي .. وكل واحد عايش في الحجاز راح نقول عليه سعودي وحجازي وكل واحد عايش بينبع راح نقول من ينبع وحجازي وسعودي
وربطتها بااركان الدين انه كل واحد يطبق اركان الاسلام بيكون مسلم واذا طبق اركان الايمان بيكون مسلم ومؤمن واذا طبق اركان الاحسان بيكون مسلم ومؤمن ومحسن
واخر شي سويت لهم ورقة عمل كتبت فيها سؤالين الاول تعريف الاحسان والثاني كيف نقدر نطبق الاحسان في حياتنا ..
ومره الحمدلله كانت حصه حلوه وعجبت المشرفه

( دعوااااااتك لي بالتوفيق)..

[امrho0of]

مشكورة ماقصرتي والله يستر ويوفقني والمسلمين

[فاعلة خير..]

طول الليل ادعي لك اختي فأول ما تفتحي المنتدى تطمنيني...انتظرك

[امrho0of]

مشكورة حبيبتي والله الحمدلله شرحت وكان شرحي حلو بس شوي ارتبكت وقالو لي راح ندق عليك وبس تتوقعين يحاسبوني على هذا الارتباك ولا يعذروني لاني اول مرة وان شاء الله اذا دقوا علي اول ماابشر هو انتي راح اكتب عنوان فاعلة خير ابشرك على شان تشوفينة وتدخلين لان هذه الوسيلة اللي اقدر ابشرك فيها الاني انا عضوة جديدة مااقدر ارسل لك والله يوفقك ويرزقك من حيث لاتحتسبين وودي اكون صديقة لك في المنتدى

[فاعلة خير..]

لا بإذن الله مايحاسبوك على الإرتباك وهذا شيء طبيعي كل البنات يرتبكوا أول مره, خلاص انتي سويتي اللي عليك وقدمتي الأسباب والتوفيق من الله تعالى إذا فيها خير ربي يكتبها لك...وخلاص عزيزتي انتظر منك تبشريني بإذن الله...وحياك الله بتلاقيني بالمنتدى بإذن الله بأي يوم وهلا بصداقتك..