[السنه التحضيرية] تجمع طالبات السنة التحضيرية المسارين العلمي والاداري والخطتين أ و ب

[|حكآيآ حلم~|]

السلام عليكم ورحمة الله وبركاته


أهلًا بكُنْ /
طالبات السنة التحضيرية للسارين حيا الله أرواحُكنْ ، نجتمعُ هنا لنفضفض عن أنفسنا قليلًا
و أيضًا لنتدارس ما يصعُب علينا ،
أتمنى منكُن التفاعل
ولكُل طالبة إدراج : المسار / الجدول / الخطة
في انتظاركُن يا رعاكُن الله

حكايا

[هتون الغيم ~]

وفقكم ربي و سدد خطاكم

حبي لقلبك ]~

[|حكآيآ حلم~|]

الحمدلله .. ما أشرقت شمس و أنورت ..
الحمدلله .. ما غربت شمس وأظلمت ..
الحمدلله .. بعدد ما ذكره الذاكرين ..
الحمدلله .. بعدد ما غفل عنه الغافلين ..
الحمدلله .. الحمدلله .. الحمدلله ..

[[ ارتقاء روح ]]

السسسسسلام عليكم ورحمه الله
حيآ الله بنات التفحيطي >>التحضيري


أنا علمي خطه أ
ونزلت لي المواد كالتالي:
1-رياضيات
2-فيزياء
3-حاسب
4-مهارات اتصال
5-مهاارات الحاسب


ويااارب عونك وتوفيقك

**ملاحظه : الجداول اللي نزلت الحين ماهي معتمده بس الخطط اللي معتمده قبل الدوام
بأسبوع راح ينزل الجدول الصح وفي المباني والشعب
ونصيحتي لكم جزمه كفرات او اسكووتر

[|حكآيآ حلم~|]

*وجوده مايصلح نتقاط في دباب ابو كفرتين انتي تسوقي وانا وراك هع هع

[|حكآيآ حلم~|]

*وجوده مايصلح نتقاط في دباب ابو كفرتين انتي تسوقي وانا وراك هع هع

[|حكآيآ حلم~|]

حاسهـ انو في كتتير يطالعو للجدول كدا >>
حتفصل بعض الامور الي ممكن تكون غير واظحه بالجدول الدراسي

صوره من الجدول الدراسي

رمز الماده او الكلمه المختصره للماده

الشعبه (زي زمان لمن كنا فصل 1\1 و1\2 زي كدا لكل مجموعه شعبه لكل ماده )

الوحدات = الساعات الاسبوعيه .. ماعدا الانجليزي تحسب ساعاته يوميه << الجدول الجديد دا محطوط عليه 0 ليه الله اعلم بس ان شاء الله ينزلو الوقت

الايام الخمسه سبت واثنين وربوع s.m.w

الاحد والثلوث .s.t .
الفرق بين السبت والاحد السبت قبل s لاتوجد نقطه قبل الحرف والعكس للاحد .

مايرمز له برمز Lمجرد اضافه بالجدول مالها اي تعقيب .

اتمنى اكون وظحت لو جزء بسيط لسموكم <<

واذا في اي تعليق او تعقيب او خطاء الناس للناس واتمنى التصحيح تقبلووو جميعا

ملاحظه : اذا كان بالغرف او المبنى مكتوب كلمه TBA ممعنى انو الغرف والمباني ماتحددت لازم تكون ارقام

وذا كان مكتوب رقم وبيمينه حرف مثل Aاو B يكون A الدور الاول , Bالدور الثاني وهكذا

اسفه لو الكلام بالعاميه بس ممكن يوصل اسرع تقبلوو
بالتوفيق

[|حكآيآ حلم~|]

حبيت انقل لكم للفائدة تجارب طلآب وطالبات جامعة الملك عبدالعزيز

اولآ,,المسار الادبي ,,

مواد السنة التحضيرية مافيها مواد اختيارية أو حرة، كلها مواد ثابتة وما تقدر تغير فيها أو تحذف فيها أي شي، الجدول اللي نزلك من العمادة نفسوو حتمشي عليه..

المواد ف السنة التحضيرية جدااااااا سهللللللللللللللللللللللللللة، بس يبغالك تذاكر وتجتهد، والاختبارات حقتها مرررررة حلوة، يعني يجيك الدوري الأول بعد 6 أسابيع والثاني بعد 12 والنهائي بعده بإسبوعين، يعني كأنك تذاكر مرتين لثلاثة اختبارات، حاول تجيب أكبر معدل تقدر عليه، ولا تنزل عن 4.5، لأنها سهللللللللة وبالراحة تقدر تجيبها كمان وتقدر تجيب أكثر منها..

المواد يمكن مرة قد كلمتك عليها، لكن حرجع باختصار:
الإحصاء: جدا سهل، قوانين وتطبق عليها، وفوق كداا يعطوك القوانين مع الاختبار.
الإنقلش: مستويين، كلها سهلة، ف بداية الترم يعملوا لكم اختبار اسمه: placement test، عشان تحديد المستوى، والأسئلة برضوو حلوة ف الانقلش مو صعبة مرة ولا سهلة مرة، بالعربي: تقدر تجيب درجات عالية.
الرياضيات: جدااااااااااااااااااااااا سهلللللللللللللللللة، كلها عن الجمع الجبري والضرب الجبري والمستقيمات ومعادلات الدرجة الأولى ، حق أولى ثانوي.
مادة مهارات التفكير: تتكلم عن البحث العلمي وكيف تبحث ف النت ومني عارف ايه ، وبرضوو جداا سهلة.
مادة مهارات الاتصال: دي ما يحتاج اوصفها أبدا، اشياء تسويها ف حياتك بس مكتوبة كتابة
الثقافة الإسلامية 101: سهلة بس يبغالها تركيز، ولازم تقراا المنهج باهتمام.
اللغة العربية101: الفعل المضارع والماضي والأمر والمبتدا والخبر.. يرجعوو يذكرووك ف الابتدائية
حاسب آلي: بدائيات الوورد والاكسل والبور بوينت والاكسس، والجزء اللي تختبر فيه، ما عاد تعيده مره ثانية وهياا المادة الوحيدة، بالإضافة أعتقد 70 درجة عملي و 30 على الاختبارات الدورية مني متأكد، لكن درجة التطبيق العملي أكبر من الاختبارات النظرية، والتطبيق مررررة سهل.

كل المواد اللي قلتها أسئلتها اختيارات وصح وخطأ بالتضليل، ومافيها صعووبة، بس يبغالها مذاكرة واجتهاد، ونصيححة مني، حاول تجيب فيها معدل ولا تخلي معدلك يطيح من النحضيري عشان ما تتعب بعدين ف اختيار التخصص و مسألة رفع المعدل والكلام داا..

لي عودة مع تجربة المسار العلمي ,,

[|حكآيآ حلم~|]

ثانيا)العلمي
المـــــــــــــــــــــــواد


السنه التحضيريه لها خطتين خطه تدرسوها الترم الأول ويدرسها عدد معين
منكم والعدد الثاني حيدرس خطه ثانيه والترم الثاني تنعكس الخطتين ..
أنا عن نفسي في الترم الأول درست خطه ب فحبدأ شرحي عنها

..

1- الإحصاء
الماده دي أنا مرره أحبها اذا فهمتها ودرست كل درس بدرسه حتمشي لأنو الدروس
متتابعه زي ماقولت لكم فوق وفيه ملخصات كثيره
انا كنت بذاكر من ملخصات أشرف بركات ومررررره كانت عاجبتني
وكل ماوحده تسألني اش أحسن ملخص أقولها أشرف بركات .,وكانت تجي بعض أسألة الإختبار

من مخلصه بالنص ..

-2الأحياء
هادي الماده اللي ترتاح فيها تحفظ التست بنك وبس وأنا كنت
للأسف مهملتها فنصيحتي لكم كل ماتخلصوا شابتر أمسكو الأسأله حقو وذاكروها
وهيا تنزل في موقع أستاذ نبيه باعشن يجي رابط التسجيل للموقع مع الكتاب
حق الاحياء كتاب الأحياء مارح تستفيدو منه أي شيء غير الرابط فاللي مثلا
معاها وحده تقرب لها فيشتركوا اثنينهم في نفس الكتاب ونفس اليوزرنيم انا كدا
سويت مع بنت خالتي لأنو الموقع بس تدخل تاخذ التست بنك وبس ..

-3الكيمياء
الكيمياء المذاكره كل درس بدرسه والكيمياء محتاجه انك تكون فاهم
وان جا حظكم عند دكاتره كويسين تمام لأنها ماده لايستهون فيها انا كنت عند
فوزيه البلوي الله يسعدها دنيا وآخره ياليت بس لو انها ترجع تدرس التحضيري
هيا درستني الترم الأول والترم الثاني مادرست أحد ..

-4 انجليزي 101
هادي الماده العجب العجاااب مع المعهد تشوفوا العجب والمفاجآت
بس انتوا أنا متاكده انهم حينتظموا معاكم لانو احنا الترم الاول بهدلونا
وكانت درجاتنا متدنيه ولكن الترم الثاني اتعدلوا ومشيوا على قوانين
واترتبوا واتحسنت درجاتنا كان الترم الاول الأسأله تجي كوكتيل
من كل مستوى أما الترم الثاني سار مستوى واحد بس والأسأله كلها منه
وسرنا نعرف كيف الاسأله وطريقتها اتحسنوا كثير .. مارح أتكلم
عند دي الماده لأنو هم لهم كل يوم نظام ..




الترم الثاني خطه أ







1 - الرياضيات
هــــادي الماده اللي أحرص عليكم مذاكرتها درس بدرسه واللا حتضيعوا
والله ماتاخذ منك حتى ربع ساعه لمن تذاكر الدرس اما بخصوص الملخصات
انا صراحه ماكنت اذاكر من ملخصات ماأدري اذا فيه ملخصات واللا لا
بس انا كنت ألتزم بالكتاب والحمد لله درجتي جدا رائعه ولازم تحلو الأون لاين
لأنو عليه بونس تزيدكم درجات وهذا الأون لاين موقع يجي رابطه مع كتاب
الرياضيات تتسجلوا فيه ويكون لكل درس في واجب ويتحدد يوم معين
يقفلوا فيه الواجب وعلى هذا الحال والكتاب المره دي حتستعملوه يعني مو زي الأحياء


2- الفيـــزياء
الماده دي فههههههههههههههههم لالالازم تجي عند دكتور/هـ يشرح تمام واللا ضيااااااع
وقبل لاتدخل الإختبار لاتعتمد في مذاكرتك على الحفظ بل على الفهم وبعدين الحفظ
انا والمادي هادي كنا أعداء للأسف ومارح ادخل أشعه بسبب اني كرهتها
ماأبغى أكرهكم فيها هيا ماده حلوه وبسيطه ولكن الأسأله تجيك في الإختبار
حق واحد فااااهم الملخصات أنا اشتريت أشرف بركات لكن صراحه
ولا استفدت منها شيء لانو الأساله ماكانوا يجيبوا منها شيء بعكس الإحصاء..

3- الحاسب
مرررررررررررره حلوه الماده دي بس اختبارهم يجيك فيه شوية حيره
يحيروك انو تلاقي الأجوبه كلها متقاربه ولكن مو كل الأسأله يعني اجمالا
ماده حلوه .

4- مهارات الإتصال
يناااااااااااااااااااس عالماده دي تجنننننننننننن محاضرتها مررررره حلوه
شوفتوا دروس علم النفس كيف تعرف شخصية غيرك زي كدا
مررررررره حلوه بس لمن تجي تذاكرها فهم + حفظ لأنو في بعض
الأسأله يجيبوها بطريقه تحيرك بس بالراحه تجيب فيه ال A بس مو معناة
كلامي تهملوها ..

5- انجليزي 102
اتكلمت عنها سابقا وأنا متاكده انهم حيتعدلوا معاكم لأنو هذا كلام الدكتور
اسامه الطيب لمن سووا لقاء معاه ..

في المحاضرات أكتبوا كل شيء أنا كنت الكيمياء أكتب تلخيصها للدرس وكانت تقولنا لاتذاكروا الا من تلخيصيالله يسعدها الإحصاء مايتحاج
كل شيء تكتبه موجود في الكتاب ماعدا بعض النقاظ فخليكم متابعينهم بكتبكم نفس الشيء في الرياضيات كانوا بعض البنات
يكتبوا بس كل اللي يكتبوه موجود في الكتاب لكن بعض الملاحظات اللي تقولها الدكتوره ماتكون موجوده فأكتبوا
كل شيء مهم تقوله الدكتوره أهم شيء زي ماقولت
لكم ذاكروا كل درس بدرسه ...

[|حكآيآ حلم~|]

ثالثــــــا //

هذا للبنـــاااات فقط

طيب دحين نجي لحاجه شاغله ثلاث أرباع البنات لاني كنت في يوم من الأيام زيهم وكان هذا الشيء
شاغلني أاكثر شيء اللي هو

ستااااايلك في الجامعه كيف ؟؟!◕‿◕


بإختصااااااااااااااااار قبل ماأقول كل شيء بالتفصيل كل شيء مريح خذيه للجامعه أما شيء ضيق لا
لأنك حتمشي مشي من مبنى لمبنى كل ماده حتكون في جهه ..

❤وااااااقي الشمس ...

أنا كنت أستعمل نيتروجينا ومرره كان مريحني رغم أانو بشرتي
دهنيه بس ماكان يدهن علي وحتى فتحني ..

❤ النظاره الشمسيه ....

هادي مهمه لأنو حتتعرضي لشمس وعاد شمس جده مايحتاج نتكلم عنها
بنات التأهيلي مارح يحتاجوا لدي الأشياء لأنو حتكون دراستهم في
مبنى واحد كل محاضراتهم في نفس المبنى
فمارح يتعرضو للشمس الا في وقت الدخول والخروج فقط ..

❤ملابســـــــك ..
االبناطيل ممنوعه
التنانير لالالازم تكون تحت الكعب
البلايز العريان ممنوع

بعض الأحيان يمشوها ومايهتموا وبعض الأحيان يمسكوا البنات
الشؤون وياخذوا بطاقتك أنا أغلب الأيام بناطيل ولكن أكون لابسه عبايه
خخخخخخخخخخخ يعني مخبيه كل شيء ..

حتستغربوا لو قولت لكم انو ثلاث أرباع الجامعه عبايات والقليل مايلبسها فكل واحد وراحته
انتوا جربوا الإثنين وشوفي على اش ارتحتي ..
بس لاتكثروا ملابس أفتكر وحده من بنات العام
قالت اشتريت ملابس مليااااااااان كأنو وحده ماعندها ملابس وفي النهايه يمكن 3 تنورات بس اللي استعملتها
كثروا من البلايز وتكون خفيفه مو ثقيله عشان الحر وخلي لكم جاكيت للكلاسات اللي تكون بااارده
خصوصا في المبنى السابع
ثلللللج وأيام الإختبارات انا في المقدمه قبل كل شيء جاكيتي لأني مع التوتر
أبرد على طول ,

واللي طالعين فيه أكثر شيء في الجامعه التنانير اللي تجي من النوع اللي استرتش واسعه وتكون فوق الكعب بشويه مرره مريحه
والأغلبيه يفصلها حاولت ادور لها شكل أو صوره بس مالقيت ... بس زي ماقولت لكم
كل شيء مريح لاتاخذوا حاجات
ضيقه لانك حتمشي كثييييييير خذوا حاجات عمليه ..
أمس رحت مجمع العرب ولقيتها في ZARA مسوين عليها تخفيض اظن قيمتها هيا اساسا ب ميه وحاجه 140
زي كدا قيمتها بس هو مسويها تخفيض ب 79 فروحوا ألحقوها قبل ماتخلص ..




❤ (فلاتات – جزمه ) اللي يريحك انا في البدايه لبست فلاتات لكن صراحه مررررررره ماريحتني
لأني مااحبها ولا ألبسها فاللي أساسا تلبسها حتنفع لها
للجامعه لأنها مريحه أما انا سبتها ولبست جزمه حق رياضه وفي بنات كثيير يلبسوا جزم يعني من كل ماهب ودب تلاقي كل شيء ..
والمجنووونه فيكم اللي تلبس كعب ..


❤مكيـــــــــــاجك
في البدايه حتكونوا لكم نفس تحطوا لكن حتجيكم أيام الواقي وكحل وروج ومشيتوا
فالمكياج حلو لمن يكون خفيف لانو انتي رايحه جامعه محل دراسه مش زواج ..



❤شنطتــــــــك

شنطتك كبيره وعمليه لأنك حتشيلي كتب حجمها كبير أنا كنت أروح للمكتبه وأخليه يقص لي بس الجزء
اللي حدرسه ويسويها زي الملزمه وهيا بس دي اللي آخذها باقي الكتاب في البيت لأنو الكتاب حجمه
كبييييير وانتي بس امم يعني 200 صفحه اللي حتدرسيها ههههههههه لاتتفجعوا من الرقم

[بسمه بريئة]

يعطيك العافيه

[السعـــادة]

الله يوفقك الجميع =)


:

[أمل وضياء]

:
:

قلبي معكم ودعواتِ .. ()

حكايا لاحرمنا منكِ

[|حكآيآ حلم~|]

^
أ.شمووووس
نوووورتي المووضوووع
واسعدتيييييييينيي
ربي يسعد قلبببك دوووووم
ولا يحرمنااا منك يا اعسل شموس

[|حكآيآ حلم~|]

الله يوفقك الجميع =)

:

اللهم آميييين واياك يارب
كوني بالقرب ياقلب