حالة اصابة مؤكدة ب H1N1 في مدرسة اولادي بالاسكندرية

[rania 9]

امبارح باليل بعد ما خلصت الواجبات و المذاكرة مع اولادي JUNIOR 2 و KG2 ... و اتعشوا و ناموا بدري علشان يروحوا الصبح المدرسة ... فوجئت بمكالمة من والدة زميلة ابني بتؤكد لي ان فيه حالة انفلوانزا الخنازير مؤكدة في فصل في خامسة ... طبعا قعدت الاولاد و ما وديتهمش ..و اتصلت النهارده الصبح و تأكدت بنفسي من المدرسة انهم اغلقوا الفصل و ابلغوا الادارة التعليمية ...انا حبيت اعلمكم علشان نقدر نحصي اعداد في المدارس .. و مش حودي الاولاد لحد نهاية الاسبوع الى ان تتضح الامور ..يمكن يظهر حالات اخرى في فصول اخرى خاصة ان البنت المصابة ليها اخ في سنة تالتة ده غير انهم اكيد خالطوا اطفال من اعمار مختلفة في الباص...
كنت عايزة اخد رأيكم هل انا عندي حق اني اقعدهم و لا رأيكم طالما الفصل اتقفل يبقى بلاش اضيع عليهم دروس خصوصا الايام دي امتحانات الشهر و كده حيغيب عن الامتحانات
كما ارجو من الجميع ممن يعرف حالات مؤكدة في مدارس اخرى يبلغنا علشان نستوعب حجم الموقف .. بس يا ريت نقول الحالات اللي متأكدين منها فقط مش اللي سمعنا عنها لان الايام دي الاشاعات بتكتر
ادعو الله ان يشفي الطفلة و يحفظ اولادنا جميعا و يزيل هذه الغمة عن بلادنا و بلاد المسلمين اللهم امين ..

[rania 9]

نسيت اقول لكم ان المدرسة هي المصرية الانجليزية للغات EELS

[هوبة 79]

ربنا يستر يا رانيا

[. تيوليب***]

الله يشفي البنت وكل مصاب وكل المسلمين
اختي عندك حق طبعاً انك تغيبيهم من المدرسه لغاية ما تتضح الصوره كويس
وبعد ما المنطقه تتخذ الاجراءات الصحيحه مثلاً تعقم المدرسه والله معرفش ايه الاجراء الصح
المهم رجعيهم بعد ما يكونوا اخدوا خطوات صح لتفادي انتقال العدوى لباقي التلاميذ
بالنسبه لمذاكرتهم وامتحاناتهم
ده دورك انتي
شوفي كانوا هياخدوا ايه خلال الفتره الجايه وذاكري لهم وكأنهم في يوم دراسي عادي
يعني كل المواد ومنهج الأيام الجايه
وممكن تتواصلي مع المدرسين من خلال التليفون علشان يساعدوكي في تدريس اولادك خلال الفتره دي
والله يقدم لنا جميعاً اللي فيه الخير
ويشفي الجميع

[رَوْعَـةْ لكِ }~]

الله يشفي البنت المصابه ويحمي اولادكم واولاد المسلمين

رايي تغيبيهم الى ان تتأكدي وتحصي عدد الحالات .. بالمدرسه

[rania 9]

ربنا يستر يا رانيا

اللهم امين ...ربنا يستر مع اولادنا و اولاد المسلمين..جزاكي الله خيرا

[rania 9]

الله يشفي البنت وكل مصاب وكل المسلمين
اختي عندك حق طبعاً انك تغيبيهم من المدرسه لغاية ما تتضح الصوره كويس
وبعد ما المنطقه تتخذ الاجراءات الصحيحه مثلاً تعقم المدرسه والله معرفش ايه الاجراء الصح
المهم رجعيهم بعد ما يكونوا اخدوا خطوات صح لتفادي انتقال العدوى لباقي التلاميذ
بالنسبه لمذاكرتهم وامتحاناتهم
ده دورك انتي
شوفي كانوا هياخدوا ايه خلال الفتره الجايه وذاكري لهم وكأنهم في يوم دراسي عادي
يعني كل المواد ومنهج الأيام الجايه
وممكن تتواصلي مع المدرسين من خلال التليفون علشان يساعدوكي في تدريس اولادك خلال الفتره دي
والله يقدم لنا جميعاً اللي فيه الخير
ويشفي الجميع

اشكرك على الاقتراحات المفيدة ..ان شاء الله حاعمل كده و حاذاكر لهم في البيت و مش حارجعهم الا لما اطمئن و ربنا يستر ... جزاكي الله خيرا

[rania 9]

الله يشفي البنت المصابه ويحمي اولادكم واولاد المسلمين

رايي تغيبيهم الى ان تتأكدي وتحصي عدد الحالات .. بالمدرسه

اشكرك على النصيحة ..انا مبسوطة ان كلكم رأيكم من رأيي ربنا يكرمكم

[rano__2004]

ربنا يشفى البنت المصابه يارنيا وطبعا الموقف الى انتى اخذتيه صح لحد ما يتضح الموقف وحيات اولادك اهم من ميت امتحان وربنا معاكى ومعانا

[نسائم - الرحمه]

ربنا يشفى البنت المصابه يارب

صح يا اختى انتى كده صح خليهم يقعدو لحد اما الامور تتضح وتشوفى هيعملو ايه فى المدرسه

ربنا يحفظ اولادنا جميعا يارب

[marolaa]

هاى رانيا
على فكرة انا اولادى فى نفس المدرسة و بالصدفة برضة هما
kg2 , J 2
و طبعا انا قعدت الاولاد برضة لأن الحالات مؤكدة فعلا مش اشاعات
وربنا يستر يارب
و ياريت اللى يعرف جديد يبلغ التانى

[rania 9]

مارولا
الجديد اللي عندي ان مستر مقبل امبارح اجتمع ببعض اولياء الامور اللي راحوا المدرسة ..اكد لهم ان فيه حالتين مؤكدتين في j5 -daisy &j5 violetو البنتين صحاب و بيركبوا نفس الباص خط بحري ...و بلغهم ببعض القرارات : ان المواعيد اتغيرت و بالنسبة ل j 2 حيطلعوا الساعة 12 ..و لو نسبة الغياب اكتر من 40% المدرسين مش حتشرح دروس جديدة ...من اول 15/11 حينزلوا شيتات على موقع المدرسة ..بالنسبة للمتغيبين حيكون فيه مرونة شديدة و الامتحانات اللي تفوتهم حتتعاد لهم لما يرجعوا ... كمان بالنسبه للواجبات الاسبوعية حتكون متوفرة في مكتب شؤون الطلبة علشان اولياء الامور لو حبوا يمروا ياخدوهم ,بس كل سنة دراسية لها يوم محدد ...بالنسبة ل j2 حيكون يوم الاتنين من10-12
بصراحة عايزة اقول اني باحترم صراحتهم و تفهمهم لاني اسمع ان فيه حالات ظهرت في مدارس اخرى و انكروا و تم التعتيم علشان سمعة المدرسة
انا كلمت قسم ال kg قالوا نسبة الغياب عالية و بالتالي ما حصلش تدريس
و كلمت المرسة قالوا نفس الكلام و اكدوا ظهور حالة تالتة مؤكدة في نفس الفصلين
انا قررت اني حاقعد الاولاد لحد العيد ... ربنا يلهمنا جميعا بالتصرف الامثل لصالح اولادنا و ربنا يستر

[rania 9]

رانو
اشكرك على المشاركة و النصيحة ..ربنا يحفظ اولادك ..و الحالات المؤكدة وصلت لتلاتة

[rania 9]

اختي نسائم الرحمة
اشاركك بالدعاء ان ربنا يشفي الفتيات المصابات و يطمن اهلهم ..و ربنا يحفظ اولادنا جميعا و يزيل الغمة على خير اللهم امين...اشكرك على النصيحة ...جزاكي الله خيرا

[سلمى 16]

امبارح باليل بعد ما خلصت الواجبات و المذاكرة مع اولادي JUNIOR 2 و KG2 ... و اتعشوا و ناموا بدري علشان يروحوا الصبح المدرسة ... فوجئت بمكالمة من والدة زميلة ابني بتؤكد لي ان فيه حالة انفلوانزا الخنازير مؤكدة في فصل في خامسة ... طبعا قعدت الاولاد و ما وديتهمش ..و اتصلت النهارده الصبح و تأكدت بنفسي من المدرسة انهم اغلقوا الفصل و ابلغوا الادارة التعليمية ...انا حبيت اعلمكم علشان نقدر نحصي اعداد في المدارس .. و مش حودي الاولاد لحد نهاية الاسبوع الى ان تتضح الامور ..يمكن يظهر حالات اخرى في فصول اخرى خاصة ان البنت المصابة ليها اخ في سنة تالتة ده غير انهم اكيد خالطوا اطفال من اعمار مختلفة في الباص...
كنت عايزة اخد رأيكم هل انا عندي حق اني اقعدهم و لا رأيكم طالما الفصل اتقفل يبقى بلاش اضيع عليهم دروس خصوصا الايام دي امتحانات الشهر و كده حيغيب عن الامتحانات
كما ارجو من الجميع ممن يعرف حالات مؤكدة في مدارس اخرى يبلغنا علشان نستوعب حجم الموقف .. بس يا ريت نقول الحالات اللي متأكدين منها فقط مش اللي سمعنا عنها لان الايام دي الاشاعات بتكتر
ادعو الله ان يشفي الطفلة و يحفظ اولادنا جميعا و يزيل هذه الغمة عن بلادنا و بلاد المسلمين اللهم امين ..

حبيبتى قعيدهم ان أصلا المدرسة حتقفل إسبوعين و بعدين هما حيحطو weekly plan على site بتاع المدرسة و حيبلغكو بالH.W assignment بردو عن طريق النت و انتو تبعتو الH.W و حيتصحح و تخدوا.. و ترجعوا بعد العيد إن شاء الله و المدرسين حيكونوا موجودين عادى كل يوم عشان لو فيه حاجة... دا بالنسبة للEELS... ال EGC ظهر فيها حالتين فى الإعدادى و الفيونشر فى البلاى سكول و القومية فى البلاى سكول و الإعدادى..
ربنا يشفى الجميع و يستر على الباقى