مواقفي انا واختي المهببة في جــــــــــــــــدة

[a&a]

ههههههههههههه والله مواقف رهيبه
بس اكيد انتي قايله لاحد عن سفرتكم هذي...وهو نفسه فيها
شكلكم جاتكم عين على مستووووووى
انا مره رحت للجده وكانت وقت دراسه والكل يهنيلي اني رايحه اتمشى...مع اني رايحه مع زوجي مؤتمر
ولو شفتي النكد اللي في هذيك السفره
اصلا الؤتمر كان من 8 -8 يعني طوووووول اليوم وانا قاعده بالغرفه...وبعدين يجي تعبان يجيب العشاء يتعشى وينام...حتى ما نطلع نتعشى برا...وانا طول يومي حاطه يدي على خدي...المشكله جده كل اقاربنا فيها...بس بالله من بيستقبلني من 8 الصباح؟
والله مت قهر يومها والحمدلله واحنا طالعين مرينا على الكورنيش واكلنا بليله ومشينا..هذا الشئ الوحيد الحلو
فصدق الرسول صلى الله عله وسلم حينما قال (استعينو على قضاء حوائجكم بالكتمان)

[حمرة الورد]

ايش المواقف هده يا بارعة...الله يكون في عونك..

تعرفي الشرطي مافي وجهه حيا والله ..حتى لو السكارى مليانين مايعرف يلمهم عن خلق الله ..

انا كنت عايشة في جدة 3 سنين اسمع عن دي المصايب لكن عمري ماشفت شي وطول عمرنا نروح البحر سواء خميس وجمعة والا اجازات..بس مافي شي غريب ولا شي يخوف ..الا الدبابات اليي صارت قمة الازعاج واليي راكبينها يصرخو ولايستحو على وجوههم في عوائل قاعدين..

تعرفي صار لي موقف مرة جاني منه الرعب..ولا قادرة انساه وكل ما اتذكر يوقف شعري..

مرة من الايام الخوالي خرجنا انا وزوجي وولدي ..ومعانا عشانا على شط البحر..وشفتو كيف البحر صار ..مهملات وقمايم ..المهم دي الاشياء لمت الصراصير والفيران..

واجي انا واسرتي على نياتنا ..واحط العشا وعلى مهلي اخرج العصير من السلة ..والا الفيران من كل مكان جري علينا ..والاحجام شي فظيع..

وزوجي ينش في الفيران اليي الاقي الزوار التانيين ..صراصير احجام برضه ..وانا مرعوبة الايجيك الصرصار فوق البرغر حقي ..وضربت بالصوت ..وقام زوجي رمى كل شي في السلة وشلنا ولدنا وفرشتنا وقمنا..

الغريب في الامر انه الناس قاعدين..

واحلى وقت للبحر بعد الفجر..مرة رحنا بفطورنا وواحد من الصغار ماكمل فطوره قمت رحت ارجعه للسيارة ..الا لقيتها مقفولة ..حطيت السندوتش على الارض في كيس ورحت اجيب المفتاح من زوجي ..الا لقيت الغراب ماصدق اني بعدت وجا ينقر في الكيس وانا اجري وراه وهو مصر انه يفتح الكيس ويشد الكيس ويجري..

بس طبعا انتصرت عليه ..

[الموج الهادر]

ما تدرون عني

انا اختي كانت تموت بشي اسمه بحر

وبحكم البلد الي احنا فيها

طبعاّ (لايوجدبحر)


وبعد انتظار لمدة عشر سنوات رحنا جدة

ونهبلت اختي عندالبحر ولعبت وتصورت لمن لمن داخت


لكن الشاطئ يخلي الواحد



اخدنا يومين


ورجعنا بيتنا