مراحل بحياتي لاول مــــــره ابوح بها لكم (استروا ماواجهتوا )

[بارعه]

حياكم الله وياهلا ومسهلا

خبركم بارعة مافيه امل تتحسن موبيدي هذا طبعي كانوا اهلي يتأذون مني واللحين بعلي 0000000000بس بيني وبينكم لو اسكت يوم كان يضيق صدرة ادمن هبال
حتى اهلي يصيحون علي يقولون يازين ذيك الايام وانتي بنية فرفوشة

وشرايكم اخبركم من طبيت من بطن امي الا ماصرت بنت وش ملحة
مراحل حياتي المفرحة والمحزنة

يوم ولادتي كان مميز لانه بتاريخ مميز 13\3\3333

ومن هذة اللحظة اعلن للملأ ولادة بارعه
وبعد بعد يومين خرجت امي من مستشفى المركزي معروف ماعندنا غيره ذاك الوقت... اخواني توهم يشوفوني... اعرفكم عليهم
هذولي نصهم لان الصورة ما كفت
المهم بعد ما شافوني

استقلوني استقبال حافل اللي مصعني واللي مزعني

ولازالت اثار هالاستقبال فيني لحد اليوم
نكمـــــــــــــــــــــــــل مراحل نمـــــــــــــــــــــوي

[بارعه]

صار عمري سنتين واشوى بيفطموني ما بغوا اغتثيت ما بقى احد ما رضعني

الحمد لله مدري وش فيهم كل ما شافوني ذا الحريم لقطوني وهات يا رضع
المشكلة لو اني ولد قلت معليش يمكن يبوني اصير محرم لهن ..بس بنت وش يبون الله حسيبهن

الظاهر شافوني وش زيني بس في رواية اخرى تقول العكس

يعني يوم شافوني ماهنا زود قالوا نرضعها لا بكرة ينشب حدا عيالهم ويتزوجني
طفولتي كانت كأي طفل سعودي ما تعدي هالفترة الا تاركة تذكار او اكثر

من كم فلقة علىة كم صعرور وان زادت الشقاوة يستدعي الامر

بعض التشوهات ... ... في طفولتي اتذكر اني ما خليت احد في حالة ...
مـــــــــــرت السنين بســــــــــــرعة وسجلوني اهلي بالمدرســـــــــــــــة
أول يوم مدرسي قمت على صياح اخواني ومنافخ ابوي وهواش امي
كان الكل وااااااااااصلة معة مدري ليش الا انا قمت وانا في عز الانبساط

بالابة الجديدة والشنطة مع ان اهلي مدري وش ذا الدفارة فيهم مدخليني المدرسة قبل بسنة

ويجي الباص الاصفر ويضرب واركب وانا متشققة والقى البنات يصايحووون
حتى الكبار منهم طاقتهم الغلقة ويا ويلك لو حاتسيتيهم
دخلت المدرسة ونفس الشي

لقيت كلهم يصايحون والمدرسات صايلين الا انا ... ولا عرفت ليش صايلين


**********************

في الصف الخامس عرفت ليش البنات صايلين << صباح الخير

بس لاني شفت جو المدرسة كئيب ومرعب .. ..ما علينا بس حالي في الابتدائي كحال اي فتاة سعودية << غثيتكم

بهالجملة بس عشان انفي الاتهام اللي يقول اني بنقلاديشية

المهم اني تكفخت وتمرمطت في الابتدائي من كم معلمة يا بمسطرة يا تمعط الاذن

يا تشد الشوشة ...وماقصروا تركوا لنا تذكارات نتذكرهم فيها

هذا غير المنافخ واللغاء اللي أثر في نفسي البنت حساسة sid

[بارعه]

ورحة للمرحلة المتــــــــــــــــــــوسطة
المهم في هالمرحلة لازم تمرين بـ ( الاعجاب ) يا وحدتنن تنعجب فيك وهذا مستحييييل

بالنسبة لحالتي او انك انتي اللي تعجبين في هالبنات واخترت الحل الثاني غصب عني

وصرت كل يومين مختارة لي بنت ولاعبتن عليها تعرفون البنات هالوقت مخفات
طبعا في مرحلة المتوسطة يجي شي إجباري على بنت اللي هي الغطاة ...لازم اتحجب والبس عباة في البداية كنت بازة بزعمي اني كبرت وصرت ماعاد احارش البزارين ولا اكل باونتي

بعدين طقتني الغلقة بعد ما فشلوني عيال عمي يقولون لين الحين مصدقة انتس بنت ولا عاد عيال خالي تباشروا بخبر غطاتي اثري محومتن سبودهم
ورحنا للمرحلة الثانويـــــــــــــــــــــة
مرحلة الثانوية ... عقل وثقل .. وقتها تطوعت وقمت على اشرطة الاغاني الي عندي

وكسرتهن وقصرت مريولي << ادري جاية غلط ... الله يهدينا بس ...بس ما تخلو هالمرحلة

من الهبال و ممشورتن امي كل يوم جايبنها للمدرسة ... وفي فترة التزامي

حرقت كل صوري ... هذا ازين شي سويتة بصراحة الواحد يحتفظ بصور صاحية

تفتح النفس والا يحرقهن .. عاد صوري اول تحفة الناس تصور عند مناظر طبيعية وهي كاشخة

وانا اجيك لابستن شلحة واصور عند سيارة الفليت ولا سيارة العسكريم
ولا اقعد اتميلح واسوي عمري رومانسية مطيرة العيون ويدي على خدي وذا اليد

كلها مشق وطقوق الله ستر و حرقتهم
مرحلة الجامعــــــــــــــــــــة
مرحلة الجامعة ... اول ما سجلني ابوي فيها زمرت وما عاد صرت احاتسي اهلي الا

من طرف خشمي
من ذا الحتسي اللي اسمعة عن الجامعة

وفي الجامعة شفت بنات اشكااااااال الواااااااااان الكاش مرة والضعيفة

يا حليلنا اول في المدارس غالبا نكون طبقة وحدة او متقاربين لكن الحين تدوخلت الدنيا

وانعفسناصار مالي الا الفقش حالي حال اي بنت جامعية الامن رحم ربي........<< الفقش برواية اخرى النصب الكذب

بس عاد حتى الفقش انواع .. فية بنات يفقشون فقشات صغنطوطات على قدهم

وناس لاااااا فقشاتهم على مستوى ( بعارين مهوب ارانب) بس غالبا هالنوع يفقش وهو

واثق مهوب مثل راعين الفقشات الصغنطوطات يفقش وهو خايف يتوهق

المهم في هالمرحلة كانت طايرتن بوهتي بهالبنات وهالعالم الجديد << ما قد شفت خير

وتركت المحاضرات وطيحت في الكافتريا ادور لي احد افقش علية ويفقش علي

لين ما عطوني ملفي مع شهادة شكر وتقدير من ادارة الكافتريا

وســـــــــلامتكم بارعــــــــــــــــــــه

[bosy98]

تسلمى مراحل مشوقة للغاية

[- asma -]

ههههههههههههههههههههههههههههههههههههههههههههههه


يقطع ابليسك يا بروعة

شوي شوي علينا

والله اتاريك منت هينة

[هنلي]

ترى والله ما فهت شي وش ذا الكلام




بس عاد تعرفين

دموعي غرفت الشاشه ههههههههههههههههههههههههههههههههههههههههههههه
يقطع شرك شو هدا اللي مسويتيه ولا اشي لو تشوفي انتي لسه ولا حاجه من الاشياء اللي بعملها

بس الصراحه اللهجه حلوه مره -- ذكرتني بالايام الخوالي ايام ما كنت في السعوديه
لاتكوني انتي اللي كانت في صفي ايام الابتدائي يم بجيلك هههههههههههههههههههههههه

بس معلش شو المشكله بالزبط -- ملقوفه عامله نفسها خبيره نفسيه هههههههههههههههه

[وعود الخير]

بروعة...

بس ما قلت ولد الحلال المسكين شلون وقع فيك .. يالله انطر باقي القصة...


بس بصراحة ضحكت لقلت بس... خاصة شهادة التفوق مع مرتبه الشرف من الكافتيريا...

[ســارة]

روعععععععععععهههه

[* عذبة الإحساس *]

والله انك رهيييبة يا بارعه ..
منتي سهله ..

[العقول النيرة]

مانك هينة و اه مسوية اعجايب

[حبيبة الكويت]

قصتك صرااحه عجيبه

كملي مثل ما قالت الاخت وعود الخير

بانتظار التكمله

[ام سهيل]

هههههههههههههههههههههههههههههههههههههههههههههههههه هههههههههه
والله حتى اللي في بطني صار يرفس من قوة الضحك

الله يقطع ابليسك
لكن مثل ماقالت وعود وابن الحلا ل ايش قصصك معه .

[نـورا]

رووووووووووووووووووووووووعة
بانتظار الباقي

[نواير]

رهييييبة

[الرائعة]

بروووع والله انك فرفوشة المنتدى صراحه اذا دخلت ولالقيت لك مواضيع يضيق صدري
المفروض يعينونك او يسمونك بالاصح النجم الفرفوشي اللي من غيره نطلع بلوشي

خخخخخخخخخخخخخخخخخخخخخخخخخخخخخخخخخخخخ
هههههههههههههههههههههههههههههههههههههههههه
كركركركركركركرررررررررررررررررررركار
مت مت من الضحك وياسعد زوجك فيك