@@....ياشينها ياشينها ياشينها ياكثر مانقوووووولها...@@

[بارعه]

مراحب يااحلى بنات

@@....ياشينها ياشينها ياشينها ياكثر مانقوووووولها...@@
قبل لا تبدأ بموضوعه تقول راح أدخل بالموضوع على طول .. وهمّن ترعصنا بمقدمة أطول

من الموضوع نفسه بس أنا غيركم بدخل بالموضووع على طوول

##....ياشينها اذا اخترعتي طبخه من راسك وطلعت تجنن .. وفي الاخير نسيتي المقادير

##000ياشنها لامنك تجهزتي من صباح الله خير طبخ ونفخ وتنظيف ويتصلون المعازيم ترانا هونا قمة الاحباط ودك تطحنينهم

##000ياشينها بسابع نومه ويتصل زوجك عندنا ارجال بالغدى

##....ياشينها لاقصيتي شعررك وطلع شكلك شين وتحسفتي

نكمـــــــــــــل

[بارعه]

##...ياشينها اذا كنتي اكبر خواتك وجاكم واحد يخطب وانتي فرحانه ..وطلع جاي يخطب اختك اللي اصغر منك قمة التحطييييم sid

##....ياشينها لارجعتي من الاجازه وكل صديقاتك يتكلمون عن بيروت ولندن وباريس وانتي تدربين راسك بينهم

##...ياشينها اذاانتي وخويتك قاعدين تتكلمون وفي عز السالفه قالتلك مشينا بها اللحظه ودك تصفقهينها

##....ياشينها اذا كنتو ماسكين خط ومسافرين وفي بالك انك نااسيه شي بس ماتدرين وشو..ويوم وصلتو تذكرتو انكم ناسين المحفظه sid

##000ياشينها تكتبين موضوع ومتحمسسسه ويقولك عفواًقمت بأدخال صور كثيره ويروح موضوعك هدررررsid

##..ياشينها اذا تخرجتي من الكليه بعد سنوات الدراسه والتعب والكررف وعينوك مدرسه بالخرخير

##...ياشينها لو انكسر واحد من اظااافرك

##000ياشينهالاصرتي مستعجله بالسوق وجايه مدرعمه بتدخلين المحل ودررردب بالواجهه القزاز تحسبينه باب

##000ياشينها والله لاصرتي بعرس وكاشخه ومحد قدتس وتدابكين وترقصين وفجأه ينكسر الكعب

##000ياشينها لاجت وحده تشر بعرس ولا عزيمه وتردين عليها الاشاره والتحيه وتجيتس مقبله وتقومين تسلمين عليها وتخطم جنبتس وتتعداتس وتروح للي وراتس اثرها من اليوم وهي تشر لها
نكمــــــــــــل ياشينها

[بارعه]

ياشينها مابعد خلصت

##000ياشينها اذا قلطتي بعزومة فيها انواع المفطحات ماقلطتي الا متاخره همن قاموا كلهم وانتي استحيتي وقمتي معهم وانتي ماكلتي الا اللي يقهرك بس

##000ياشينها لامنك عازمه ناس ومشكله لهم اشياءغريبه وتجي معهم عجوز وتقول وش هالمطاريس الله يحوم اكبودكم وساعتها وش تسوين

##000ياشينها لاكتبتي موضوع طوووويل وتعبتي عليه ولا احد ردعليتس

##000ياشينها لامنك كتبتي موضوع تسئلين عن شي مهم ومتحمسه وتردعليك وحده تقول حبيت اسلم عليك



بنات اللي عنده شينــــــــــــــات تجيبها

تحياتي بارعــــــــه

[IMG][IMG]

[وسام]

ضحكتيني يا بروعه اضحك الله سنك

وانا عندي كم وحده من الشينات

يا شينها اذا وحده كلمتك في التلفون وجلست اكثر من ساعه وانتي مشغولة



يا شينها اذا جت لك ضيفه بدون موعد سابق والبيت كله زحمه وكركبه


وانتو كملوا بقية الشينات

[ســـ البنات ت]

الله يسعد ايامك بروووعه موتيني من الضحك

وانا كمان عندي كم وحده
ياشينها اذا دخلت الحمام ( اكرمكم الله ) وعامله حسابك على حمام مغربي انما ايه وتلقين المويه مقطوعه .

ياشينها وانت عازمه ناس ومكلفه عليهم بالعشاء وفي نص الابداع المطبخي ينتهي الغاز



ياشينها اذا شريتي فستان خطيييييير وجيتي تقيسينه قدام زوجك ( مسويه واثقه ) وماخش فيك

((ياشينها اذا تخرجتي من الكليه بعد سنوات الدراسه والتعب والكررف وعينوك مدرسه بالخرخير ))
الا قولي ياشينها اذا كرفتي وانهد حيلك في الدراسه والنهايه



<<<<< لاخرخير ولا الصومال كمان .


وهذه الشينات اللي في بالي الحين ولو جات شينات ثانيه بأرسلك .

[أمنيه]

خخخخخخخخخخخ

والله عليك طلعات يابروعه ..انما ايه ..

ترى بس حبيت اسلم عليك

[بارعه]

هلا وغلا بمشرفتنا هاه ماعندتس من هالشينات شي

تسلمون على هالطله الحلوه

[بسكوتة 2003]

تسلمي يا بارعة على الموضوع الظريف اللي علق البسمة على وجوهنا
ياشينها اذا قالولك بكرة عرس بنت خالتك (صايرة فيني ها)
يا شينها اذا كنت ماشية بالسوق ودقك عرشوب/ تعثرتي
يا شينها اذا كنت طالعة مع بو العيال للعشاء ومن اول القعدة لي آخرها الاخ يرد على المكالمات
يا شينها اذا رحت قعدة وانت تتكلمين ومافي احد يسمعك

[(سمية)]

والله صادقة بكل شيء تقريبا برّوعة..
..

##000ياشينها لاكتبتي موضوع طوووويل وتعبتي عليه ولا احد ردعليتس

إي والله ...بس اللي يريّحني ..عدد قرّاء الموضوع..هني أحس إنّه تجبّر خاطري ..
..
**

يا شينها اذا رحت قعدة وانت تتكلمين ومافي احد يسمعك

بسكوتة .. شكلك مقهورة..

[شمالية غربية]

..



الله يسعدك يابروووووووع ..

[محبة القرآن]

هههههههههههههههههههههههههههههههه

حلووووووووووووووووووووه منك يا بروع...

ترى الشينات كثييييييييييييره في بالي...بس الحين اجيب الي على خاطري...

ياشينها..إذا نيمتي العيال من بدري وقلت أروق وآخذ فترة راحه لنفسي..وتضبطي وتأنتكتي لأبو الشباب واستعديتي ويوم دخل.....صااااااحت الونانات....

ياشينها ... إذا درستي ولدك وطنيه وفحطتي معاه ويوم جا قال :جانا سؤال ماهي حقوق أمك عليك؟؟؟؟وكتب أن تسهر على راحتي>>>>>>>>>كخخخخخخخ صارت لي....

يا شينها....إذا كنت بالسوق واخترتي قطعه ومقاس ولون وسالفه وحطيتيها على جنب وشوي جت وحده لقطتها وراحت وخلتك في قممممة الذهووول...

بروعه شيناتي كثيييره...بس بإذن الله اذا صار بوه وقت رديت أحطهن>>>>اتكلم قصيمي عشان تستانسين يا حبي لتس....

[المستعينة بالله]

[بسمة فرح]

مشـــــكورررره بروووعه عالموضوع الي يوسع الصدر

[أم حنين]

اهلا فيك اختي بروعه وفي مواضيعك الحلوه .
يا شينها اذا كنتي لابسه ومضبطه وناويه على خرجه والا والضيوف على الباب .
يا شينهااذا اذا كنتي متحمسه مع وحده في سالفه وشويه وتقول ايش قلتي يافلانه تبي الي جنبك .
يا شينها اذا سالك احد (عندكم كذا... )يبي تعطينه قلتي لا.. راح من على بالك قالت بنتك الصغيره الى عندنا يا ماما . قمة الفشيله .

هذا الي عندي الان.

[الجمان]

الله يوسع صدوركم بالعافيه..