﴿ (( فَإِنْ خِفْتُمْ أَلَّا تَعْدِلُوا فَوَاحِدَةً ))﴾

[pansy_island]

ساأحكي لكم قصتي وياريت الافاده ونصيحه
سااحكي بالعاميه بدل العربيه
صاحب اخي متزوج وحصل خلاف بينه وبين زوجته بمعنى زوجته امتنعت عن نفسها ولم تعطيه حقوقه الزوجيه اكثر من عامين وترفع له عده قضايه وفي تلك الفتره فضلت ترميه اولاده 3 بين كل فتره بثلاث شهور فجاء لخطبتي واخي وزوجته فضلو يقنعوني بيه وانها فكلا الحالات ستتركه هيه عاوزه بس الفلوس والاولاد مش ذنبهم حاجه وهو اقنعني انها هترفع قضيه بطلاق بضرر وانها هيه الي هتسيب وسئلته انت هتعرف تعدل فقال ايوه اعرف اعدل سئلته امكنياتك تصرف على بيتين قالي ايوه وهموت وانا سايب لاولادي الي يعيشو بيه فقلت خلاص ماشي وتزوجته



الصدمه بعد الزواج
مديون لاخواته عاطل عن العمل علما بانه كان يعمل مهندس وفاتح مكتب في الكويت لكن قفله علشان المدام رمت العيال له فقرر يقعد في مصر
ساعدته وديته كل فلوسي لدفع جزء من ديونه عادي خلفت بنت منه وقلت عاوزه اعيش
لكن تعبت لاني كل يوم اكتشف شيء جديد
هيه عايشه في شقه مسحتها 200 م وانا عايشه في 80 م
الشبكه الي جتلها طقمين وطقم سولتير وانا طقم دهب
هيه مجبتش عافش وانا جبت نص العافش او بمعنى هو جاب بس الخشب
هيه المقدم بتعها 40000 ومؤخر 60000 وانا مقدم 1 والمؤخر 10000 ومرداش حتى يكتب 15000 زي بنات العيله الي عندي
قيمتها 120000 لكن انا بلخنقه ومكنش راضي يكتب علشان كول الطالع عليه الكريم لا يكاتب 100000
فعلا الكريم لا يكاتب بجد كرمه عليها كتييييييييييييييييييييير
كل شهر بيدلها نفقتها هيه والاولاد وانا حين ميسره
حسيت اني انا الزوجه الي بهدلته واني الاول وهيه الثانيه
ولما قوله انت جبتهلها كذا يقولي بيلتفاق خدعني بلعدل لكنه هو الي خدعنا بالتفاق انتي رضيتي
رغم كده بقف جنبه لكن مبحسش بانه شاريني
ويجو يقلولي احمدي النعمه الي معاكي
زي ماهو شاري اولاده ومبهدلش الاول يبقى مش هيبهدلك
مبعرفش انكد عليه بس مخنوقه من جوايه كل الي طالع عليه اشمعنى جبتلها ومجبتش ليه
هو مفيش علاقه بينهم كل الموضوع اننا بناخود الاولاد ونفسحهم
نفسيتي تعبت منهم علشان لما كنت حامل رمتهم ليه وانا في الشهر 7 وانا تعبت ورحت عند ولدي وهما فضلو قعدين عند ممته ومرجعتش تاخودهم الى بعد الولاده فكاره انهم معايا
فكرهت اني استقبلهم عندي
وقلت هيه ليه تفضل مرتاحه هيه مش امهم انا عارفه اربي بنتي علشان اربيهم
وتبقى خناقه بيني وبينه لما بيفكر يجبهم بقله يكفي اننا بنخرجهم ملهاش لزمه انهم يجو
وخنقتنا كل شهر على المصروف
ولما ابقى يدلهم الفلوس يقولي رزقهم ويعمل نفسه انه بيدين فلوس علشان يديلي ميلقيش حد يديله اقوله اشمعنى هما يقولي رزقهم يعني ايه اني منحوسه انا وبنتي ولا انا الي عتبتي وحشه
مفروض انه لما يجيله فلوس يقسمها بينا مش هو ده العدل يقولي انا معاكي و في سراء والضراء



معدتش راضيه عن ايه حاجه ونفسيتي تعبانه بس اعمل ايه بنتي ذنبها ايه انا الي اخترت وانا الي راضيت
ا

[كل أمل بالله]

السلام عليكم :
اخيتي أفرج الله عنكي همكي يارب
على ما أعتقد أن زوجك مرتبط جدا جدا بأولاده وهي مستغلة هاته الورقة جيدا
المفروض أنك تظهري له شخصية قوية وعدم تنازل أبدا فهو من النوع الذي يأتي بالشد وليس اللين
من خلال موضوعك يظهر إنك طيبة وبنت ناس لذلك لاتتنازلي عن حقوقكي امامه وذكريه أن ذلك حرام عليه وأن سيعاقب يوم الدين عن ذلك

لا تقارني نفسكي معها أبدا فكل ما يأتي مقدر ومكتوب أي نصيبنا الذي كتب لنا والبركة في القليل لا تطلبي من الله المال والذهب واللبس بل أطلبي الهناء والصحة والسعادة ولكي تعيشي ذلك عليكي بعدم المقارنة وعليكي أن تعاملي أولاده مثل أولادكي ولاتظهري لهم كرهكي أبدا بل قربيهم إليكي فلا تدرين ما في هاته الدنيا وأبسط شي تكسب اجرهم عند الله والله يجازكي خيرا على ذلك
حددي له مصروفكي وإبنتك ومستلزماتكي الكاملة وما يوفر لكي العيشة الطيبة ولا تتركي له مجالا بأن أو تسمحي له بأن يأخذ من حقكما أبدا ومهما كان الوضع ولا تتسامحي في ذلك مهما كان مدخوله لكي حقكي ولهم حقهم فلا يجوز له ان يأخذ من حقكم لهم
وأخيرا كفي عن لوم نفسك كفي عن التنازل عن حقك طالبيه بذلك مهما كان مدخوله يقسمه بينكم ولا تستمعي لأعذره وكوني شديدة اللهجة وقوية الشخصية توكلي على الله واذكري الله في نفسك وادعيه ليل نهار فهو معينك ومفتاح فرجكي صدقيني صلي ليل نهار وادعيه وأكثري من الاستغفار بدل اللوم والعتاب النفسي وسترين أن الله أحن وأرحم بكي وابنتكي
أفرج الله عنكي أخيتي يارب وجميع المسلمين

[نور العيون123]

غلطتك من الاول انك تزوجتي مطلق ومعاه اولاد وطالما وافقتي واقتنعتي ارضي وعيشي

انا مش شايفة عندك مشاكل وزوجك انسان كويس بيعاملك بما يرضي الله وبعدين هيعمل ايه ف ىولاده يعني امهم بترميهم

هو كمان هيرميهم؟حرام يعني وبعدين الشقه اللي هي عايشه فيها شقتهم من الاول وقانونا الشقه من حقها لانها حاضنه

والشقق غالية انت كل مشكلتك انك مش راضية ودايما بتقارني وده غلط أظن اخوك مش ممكن يجيبلك واحد وحش

والان بيقولوا احمدي ربك ع النعمة يعني هم شايفين زوجك نعمة انت كمان شوفيه نععمة وشيء طبيعي ان مصروفكم يكون غيرهم

لانهم تلات اولاد وامهم اربعه لكن انت بنت لسة صغيرة فلازم يكون في فرق ف المصروف والرجل قالك انا معاك ف السراء

والضراء واكيد بيدور على شغل زوجته مش اصيلة ورمتله العيال ليس لهم ذنب اكيد بيقطعوا ف قلبه هيعمل ايه؟

ووالدته كتر خيرها انها اخدتهم عندها وهي كبيرة ومش ملزمة باطفال يتعبوها

اختي عيشي وارضي ولا تفكري ابدا في الاخرى والتمسي لزوجك العذر والمقدم والمؤخر ليس منهم اي فائدة الان كله كلام ع الورق

وهو مش هيدفع لها حاجه منهم ولو حبت تخلص منه هتتنازل عن حقوقها ووهو منتظر الفرصه دي يبقى انت زعلانه ليه

سعادتك في يدك انسيها خالص وانت ترتاحي لا تنكدي على الرجل كل شوية وتقراني عشان ما يطفش منك ويكره حياته كفاية اللي هو فيه

[sare 2]

مشكووور يا قمر

[sare 2]

كلك زوء والله

[pansy_island]

اشكرك نجم الفضي صدقيني انا لا اكره اولاده مطلقا لانهم ملهمش ذنب بس انا مدايقه بالمعامله وتفرقه وانه كذب عليه بانه يعدل

[pansy_island]

والله يا اخت نور العيون انا في اول زواجي التمست له العذر وساندته واعطيته كل ما املك من المال وكمان مخلتهوش يصرف على بنتي انا بجيب ليها الملابس الدوى اللعب بس انا مالي خلص ومفروض يجيب ليها زي ما بيجيب ليهم
ثانياانا ما بمنعو من اولاده بلعكس انا ديما بفكرله للفلوس مدارس وهدومهم انا مش بخليه يبخل عليه
كمان بيدايقيني بنتي تكون تعبانه انا الي بجري بيها لدكتور لكن لما واحد من عياله بيعيو هو الي بيجري بيهم ويهولي بمرضهم
تعرفي رامت بنتها الاخيرها وهيه عمرها 6 شهور وفضلت مع امه 6 شهور ورجعت اخذتهم ده اقبل ما يتزوجني فضلت مشاكلهم 3 سنوات قبل ان يتزوجني وتزوجني لكي لا يغضب ربنا
ما شي بس الي قاله اني سا اعدل فين العدل بيراضيها علشان اولاده طيب وانا ليه ما بيراضيني علشان اراضيه هو انا مش متجوزه علشان ادخل حرب انا عاوزه اعيش بس ليه لقمتي ولقمت بنتي تروح ليهم كمان هو بيدلهم بزايداه

[نور العيون123]

فرج الله كربك اختي الكريمة وما تزعلي من كلامي السابق انا حسيت بزوجك غصب عنه لازم يتحمل زوجته ويسايسها

عشان تقعد بولادها لانها ممكن ترميهم وهو اللي هيحتاس لانك هترفضيهم هيعمل فيهم ايه ؟

بالنسبة ليك انت غلطانه انك اعطيتي له مالك كنتي سبيه يتصرف من برة ويبقى مسؤول يسد انت مش ملزمة

الان لا تصرفي اي مال من معاك وطالبيه انه يسد ما اعطتيه اذا ربنا رزقه عرفيه ان فلوسك دين عليه يسده وقت ما يقدر بس من غير زعل

وبنتك او اي شيء يحصل عندك لا تجري ولا تعملي اي شيء خليه غصب عنه يتحمل مسؤوليتكم لانك لو جريتي

واتصرفتي هياخد على كده سبيه يتصرف واتحملي لغاية ما يتصرف مش تجري انت

معلش حبيبتي اصبري شوية ولو العيال جم عندك اتحمليهم شوية عشان امهم ما ترميهم لك هي نفسها تذله بالعيال

لا تعطوها هذه الفرصة ربنا يهديها امهات اخر زمن على فكرة الارقام التي ذكرتيها كبيرة قوي عمري ما سمعت عنها؟

عموما معلش مزيد من الصبر والاجر والرضا عشان نفسيتك انت وراحتك واعصابك والرضا بما قسمه الله وقدره

بيريح النفسية كتير اهم حاجه يتحمل مصاريفك بالمعقول غير كده لا تفكري الا في اسعاد نفسك وزوجك وفي نعم الله التي لا تعد ولا تحصى

واذكر نفسي واياك بانه من جعل الاخرة همه كفاه الله امر دنياه نحاول نفكر اكتر في اخرتنا وماذا فعلنا لها ونتوكل على الله في دنيانا

يدبرها الله لنا كما يشاء وسيكون فيه الخير لنا من حيث لا نحتسب

اختي لا تعاتبي نفسك كثيرا على الزواج منه لان العتاب لن ياتي بنتيجه ولا بخير خلاص خلفتي وانتهت

ربنا يسعدك يارب ويفرج كربك وكرب زوجك ولا تعتبريه كذب عليك ف موضوع العدل الانسان بيقول كلام وفي نيته تنفيذه

لكن احيانا الظروف تبقى اكبر منه ويضطر ان يفعل غيره ادعيله واسعديه ربنا يجعلك قرة عينه وحياته قلبي معك

[pansy_island]

دلوقتي رفعت قضيه طلاق والمحامي بتعها كلم زوجي وبيطالبه بلامؤخر وااقايمه وغير كده انها هاترمي الاولاد فعلا استاذه قدي اخرت انه يسيسها كانت تااخذ فلوس النفقه وتصرفها على المحامين ولا كانت بتاكل الاولاد انا نفسي اعرف كيف هيجلها قلب انها تمشي وتسيب الاولادها 3

[نور العيون123]

لا حول ولا قوة الا بالله العلي العظيم انا لله وانا اليه راجعون

خليه باخد العيال لو رمتهم ويوديهم عند امه وربنا يتولاهم ولا يعطيها شيء ولا بسال عنها في حال رمت العيال

وخليه يسال محامي يشوف هيقوله ايه يسيبها لغاية ما ترفع خلع

واذا ينفع توسطوا حد يروح يتفاهم معاها يكون افضل

[نور العيون123]

ياترى الشقة اللي هي قاعدة فيها مكتوبة باسم مين ؟لو باسم زوجك روحوا اقعدوا فيها وهي تاخد الصغيرة

اذا يعني رمت عبالها خدوا الشقة الكبيرة وهاتوا شغالة تخدم العيال وتقيم معاكم وهي تروح تقعد عند اهلها وترفع قضية خل

وهي معاها دهب يعيشها الكلام ده اذا رمت العيال يادبها وما تاخد اي شيء الا حسب الشرع

الخدمه بتاعتها الشغاله هتعملها وهيكونوا معاكم تحت عينكم ومصاريفكم تبقى واحده

عايزة اقول فكرة غريبة شوية لو ترضي تروحي لها تساليها هي عايزة ايه وبتعمل كده ليه وان هي اللي مش عايزة زوجها

ويمكن تسمعي منها شيء يكون لها العذر او يمكن تفهمي منها ازاي عايزة ترمي عيالها يمكن ربنا يوفقك وتقدري تعملي حاجه