هل منكن من يتذكرني؟

[anapella]

اختى الصابرة امة الرحمن .. انا متابعة موضوعك من زمان بس معنديش اى حاجة اكتبهالك اللهم الا دعوتى لك ربنا يفرج همك ويريح قلبك
عندى ليكى سؤال مهم .. الموضوع مفتوح من سنة تقريبا على ما اعتقد .. السؤال هو . لماذا لم يتزوج زوجك الى الان ؟؟؟؟؟؟!!!!!!!!!!!!!

يعنى انتى فى معاناة يومية واكيد هو عارف وفاهم كده .. السؤال : ليه حرقة الدم على الفاضى ؟؟؟؟ لو يتزوجها هتلاقى وضع جديد وتقدرى باذن المولى تكيفى حياتك معاه وتندمجى فى وضعك الجديد وكل شئ قسمة ونصيب.. اما لو مش ناوى يتزوجها .. ليه بيعذب فيكى بالشكل ده ؟؟؟!!!!!!!!!
عندى سؤال اخير ليكى ولكل الاخوات اللى ممكن يحصل معاهم موقف مشابه
لو بعد كل ده لم يتزوج هتعملى ايه؟؟؟ هتسامحيه على اللى بيعمله فيكى ده؟؟؟ هترجعو مع بعض زى الاول ولا كأن حاجة حصلت؟؟؟ هتبقى معاه ازاى ؟!!!!!

[انسانه نادره]

اختي امه الرحمن.........من اجل صحتك النفسيه والعصبيه ومن اجل راحه بالك ومن اجل اطفالك حاولي تعملي اي حاجه .لتوقف معاناتك.. والي بتعمليه في نفسك اسمه عذاب نفسي .احنا بشر لنا مشاعر وزوجك لازم يعرف انك بتتالمي بصمت بسببه ...يا اختي انا زوجي لما حد بيتصل بيا من العمل وبيكون راجل ونصراني كمان وزوجي يعرفه جيدا ونتكلم بالمختصر المفيد عن العمل بشوف الوان الطيف بوجه زوجي واجلس اضحك عليه وامزح معاه بالكلام....
بعض من الرجال الشرقيين يفتكر ان الزوجه لما تعطيه كل حبها المجنون بدل مايبادلها الحب بحب اكبر يصبح اناني ويطالب بالمزيد
خذي بالك من صحتك من اجلك ومن اجل اولادك
موفقه

[تاملات الماضى]

حقّه و شرع الله ان يتجوّز بمن شاء إلى أن يصل إلى أربع , و يملك ذات اليمين لا نقاش إن وجدن , لكن كلّ ذلك برقيّ و إنسانية , بتفهّم و سعة صدر لا أن يتلذّذ بكونه أصبح الشغل الشاغل و الهمّ القاتل لقلب زوجته , كيف تطيب له السعادة و الزواج و قلب انسان محطّم ليس لكونه هو أو لا أحد بل لاغتيال المودّة و الثقة و الامان .
أنا كزوجة تصيبني أحيانا لحظات تعب و ضجر و أحس بالتقصير نحو بيتي و زوجي فافكّر لو أزوّجه باخرى و اعفى انا من واجباتي الزوجية لاتفرّغ لامور اخرى تخصّني , لكن اتراجع لا لغيرة بل لأنني بذلك سأضيّع أفرادا غير نفسي لأنّني بعشرتي لزوجي علمت بعض ملامح شخصيته و أفكاره ما يحتمله و ما لا . فامر صغير يشتت فكره فما بالك بالاهتمام بامر بيتين او اكثر .
فلم الرجل يصرّ على قدرته بتحمّل أعباء كبيرة , لكن الوااااااقع يختلف بشهادة أقرب الناس إليه .
انا أكره أخذ هذه المسألة بكلّ تفاخر و فرح لانّها تؤذي المرأة ..
قضية إن أراد الزواج بأخرى هل يخبرني أم يبقيه سرّا : أتمنّى أن يخبرني بفاكس أو رسالة على الفايس بوك او تويتر أو يبعث لي بصديقة مقرّبة جدّا جدّا حتّى اوافق فورا و أشترط أن لا اراه ثانية مع كاااامل حقوقي و اولادي .

[ام اروى 86]

اعجبنى وبشدة راى الاخت رضاك ابغى سلمت يداك
بس الصراحة ما عدا اخر جزئية
انه يخبرنى عن طريق الفيس او التويتر او عن طريق صديقة احسه امتهان لكرامتى
وانى لا ارى وجهه ويبتعد عن حياتى انا واولادى هذا ظلم لى ولاولادى وله ايضا لا يرضاه الشرع

ارجو الا يغضبك رايى فالاختلاف فى الراى لا يفسد للود قضية

[تاملات الماضى]

اعجبنى وبشدة راى الاخت رضاك ابغى سلمت يداك
بس الصراحة ما عدا اخر جزئية
انه يخبرنى عن طريق الفيس او التويتر او عن طريق صديقة احسه امتهان لكرامتى
وانى لا ارى وجهه ويبتعد عن حياتى انا واولادى هذا ظلم لى ولاولادى وله ايضا لا يرضاه الشرع

ارجو الا يغضبك رايى فالاختلاف فى الراى لا يفسد للود قضية

لا بالعكس اسعدني ردّك و تفهمك لردّي , لكن للتوضيح : عزّة نفسي تمنعني ان أجلس لانتظر سي السيّد كي يخبرني بما يريد من زواج و تعدّد , و طبعا لا تنسي حبيبتي بانّ المراة تملك الحاسة السادسة فاكيد لو فكّر تحسيّن مهما كان الامر , و بالتالي أترفّع عليه (الله غالب على امره)و لا انتظره كي يفرح بتاثّري , و من واجب العشرة ان أعلم بهذه الطريقة الحديثة كي أملي عليه شروطي الشرعية و حقوقي و اولاده طبعا له كامل الحق معهم أمّا أختك العنيدة ففي المشمش .
لا أنكر التعدد حاشا لله , لكن هي نفوس بشرية : أنثى تتقبّل و أخرى بعد مدّة و أخرى لا تتقبّل و يبدأ ذبولها النفسي و الجسدي رويدا رويدا .
كما الرجال فيهم من يصلح للتعدد و فيهم من لا و أخفق بعد ان جرّب فلم لا يلمّ شمل أسرته و يسعى لتطويرها و يدع مالا يستطيعه الى ما يستطيعه ؟؟!!
لا ارى في الدين سوى العزّة و الكرامة و الرفعة فلا نتشدّق بأحكام لا نلمّ بكلّيتها .
لا جعلكم الله ترون سوءا في من تحبون .

[ام اروى 86]

اختى الصابرة امة الرحمن .. انا متابعة موضوعك من زمان بس معنديش اى حاجة اكتبهالك اللهم الا دعوتى لك ربنا يفرج همك ويريح قلبك
عندى ليكى سؤال مهم .. الموضوع مفتوح من سنة تقريبا على ما اعتقد .. السؤال هو . لماذا لم يتزوج زوجك الى الان ؟؟؟؟؟؟!!!!!!!!!!!!!

يعنى انتى فى معاناة يومية واكيد هو عارف وفاهم كده .. السؤال : ليه حرقة الدم على الفاضى ؟؟؟؟ لو يتزوجها هتلاقى وضع جديد وتقدرى باذن المولى تكيفى حياتك معاه وتندمجى فى وضعك الجديد وكل شئ قسمة ونصيب.. اما لو مش ناوى يتزوجها .. ليه بيعذب فيكى بالشكل ده ؟؟؟!!!!!!!!!
عندى سؤال اخير ليكى ولكل الاخوات اللى ممكن يحصل معاهم موقف مشابه
لو بعد كل ده لم يتزوج هتعملى ايه؟؟؟ هتسامحيه على اللى بيعمله فيكى ده؟؟؟ هترجعو مع بعض زى الاول ولا كأن حاجة حصلت؟؟؟ هتبقى معاه ازاى ؟!!!!!

انا كمان عندى نفس سؤالك للاخت امة الرحمن ..ليه لغاية دلوقتى مفيش جديد؟؟ بجد لازم تحطى حد لكلامه عنها حتى لو انتى

متلهفة على معرفة اخبارها شوية شوية وطلعيها من دماغك تزوجها او لا ... مرنى نفسك انها مش فارقة معاكى

يعنى لا قدر الله وتزوجها اعتبرى يومها يوم اجازة ليكى وهو بايت فى الشغل مثلا وعيشى حياتك مع اولادك ومع نفسك
والله ساعتها هتحسى انك محتاجة فعلا وقت فسحة مع نفسك

اما بالنسبة لسؤالك عن عدم زواجه بعد كل هذا وكيف ستعيش معه زوجته وهل ستسامحه؟

بصى يا جميل طبعا ماحدش يعرف الغيب وممكن اى واحدة فينا زوجها يتزوج عليها او حتى يقترح عليها وبعد كده يرجع فى كلامه

انا بقول لنفسى ساعتها هاجعل لى اهتمامات تانية تشغلنى بدل ما اقعد اكل فى نفسى واحرق دمى وده للاسف مش هيغير حاجة

وبرده مش هاقصر فى واجباتى نحيته لانه مهما كان زوجى جنتى ونارى هتحاسب امام ربنا لو قصرت معاه

بس الى فى القلب هخليه جوه القلب هحاول ما ابينه فى تصرفاته

ليا ملاحظة اخيرة ان ربنا خلق الرجل وقلبه يسع لاكثر من واحدة علشان كده حلل له الزواج باربع اما المراة قلبها لا يسع الا لرجل واحد فقط لو ربنا عارف ان زواجه من اخرى فيه ظلم كبير للاولى طبعا لم يكن حلل التعدد

اكيد انا بكلم عن التعدد بمفهومه الاسلامى وسمته النبوي

يعنى لا قدر الله لو واحدة فينا زوجها تزوج عليها ما تقوليش لا هو مش بيحبنى لا بالعكس دايما الزوجة الاولى لها مكانة خاصة

لانها اول حب فى حياته واول زوجة فى حياته

استنى ما اضحكوا زوجى بيقولى انا عارف لو عملتها وتزوجت واحدة تانية هتخلى عيشتى _عكس الابيض_اول ما ادخل من الباب

هاخبط فى بوزك هههه اصل انا عليا بوز محترم ههههه قلتله بالظبط كده قالى عادى انا ساعتها هاروح للتانية عالطول

ربنا ما يكتبها على حد فينا يارب ولو قدرها يربط على قلوبنا بالصبر اللهم امين

[ام اروى 86]

أمّا أختك العنيدة ففي المشمش


هههههههههه والله انتى عسل

ربنا ما يكتبها عليكى ولا علينا ولا على اى اخت مسلمة

بالصراحة انا مش عارفة هل يجوز ان ندعو هذا الدعاء؟ الله اعلم

[anapella]

اضحك الله سنك ام اروى .. ورضاك ابغى
انا الاول عندى كلمة لرضالك ابغى .. انا حسيت فى كلامك بالتناقض .. يعنى ايه لا تنكرى التعدد ومعترفة بيه كشرع الله لكن مش هتحبى تشوفى وجهه لو عمل كده ؟؟!!!!!!!!
يعنى ممكن حد يقول مثلا الزكاة فرض ولازم وواجب بس انا مش هازكى ؟؟؟ طيب اومال ايه فايدة اقتناعك بان الموضوع شرع الله ؟؟؟
اسمحيلى وبدون زعل ... تناقض رهيب بين الكلام والتصرفات..
ربنا يهدينا جميعا يارب
وبالنسبة للسؤال محور النقاش : لازم طبعا ييجى يقولى بس من غير مايحكى عنها ويوصفها ويحكى على غرامياته معاها .. يقول عايز اتجوز او هاتجوز وبس
ارد انا واقول خلاص طلقنى و الله يسهل لك وبرضو نفضل كويسين ومحترمين مع بعض عشان الولدوالعشرة .. وده شرع الله وانا اتقبله لو كنت الزوجة التانية اما لو الاولى ويتزوج عليا بصراحة صعب وطبيعة شخصيتى -الصعبة جدا- ترفض ان تحتل اخرى مكانى وانى اتركن على الرف زى خيل الحكومة ... وقد يستنكر ناس كتير هذا الرأى لكن والله احدثكم بكل صراحة ... اتعودت الصدق مع نفسى حتى لو زيادة عن اللزوم!
والحقيقة انه عندما يتزوج الرجل الثانية ينسى الاولى جزئيا او ينساها تماما .. نعم هى فى حياته كام الاولاد وكصديقة ولكنه ينساها كامراة وحبيبة والا ماكان من الاصل فكر بالزواج علها وباذيتها بهذا التصرف وهو يعلم انه اذى بالغ لكل نساء الارض وليس لواحدة بعينها .......
واما عن طبيعتى فانا اكره عدم الاهتمام واللامبالاة وانعدام الاحساس بالاخر ولا اقبله على نفسى مطلقا .. وزوجى يعرف عنى كده كويس اوى .. ساعات اهزر معاه فى الموضوع يقولى : هو انا مستغنى عن عمرى ؟ عارفك مجنونة ومخبية الاكياس البلاستك تحت المخدة

[واشوقاه رسولي]

وانا ايضا" اتذكرك جيدا وربما انتى تتذكرينى وانتظرت عودتك بشدة كان الله في عونك اختى واوصيك بقوله تعالي(اصبروا وصابروا ورابطوا).
اما بالنسبة للسؤال اللي طرحتية انا من وجهة نظري هو ادرى برد فعلها وعليه ان يقرر يخبرها او لا ولكن اري ان يخبرها افضل لانها قد تقنعه بغير ذلك وتغير من نفسها وكأن اخباره لها به رسالة ما مع ان الراجل لو عايز يتجوز تانى مش هيهمه رأى حد حتى لو زوجته..

[kamer14]

أحمد الله سلامتك من الضرة و أن زوجك صرف فكره عن الزواج و لو مؤقتا و ان شاء الله مؤبدا

و لا زلت أستغرب كيف ما زلت تسمعين حكاياه عن محبوبته و كيف لم يتخذ قرارا نهائيا بعد

أحيي فيك الصلابة و القوة و ربنا يزيدك حكمة و علما

أنا لو يشكر في طبخ جارتنا أفرقع في وجهه

لازم زوجك يعرف أنه في مواااضيع تتحسسي منها و تؤذيك فيتجنبها

و لازم يعرف أن هذا الموضوع مش وناسة في كل مرة يكلمك فيه

جوابا على سؤالك طبعاأفضل أن زوجي يخبرني عن قرار زواجه ثانية( حتى يشوف نجوم الظهر)
أفضل من أسمع الخبر من برى ( في كلتا الحالتين قلبي راح ينفطر )
الله لا يقدر هذه الفرضية

صعب هذا الإحتمال على أي زوجة و أوصيك بالدعاء أن يصرف قلب زوجك الى حبك دونا عن كل النسوان

[omomaima2]

طبعا اتذكروكي واتذكر قصتك واتنم ان تكوني بخير

[أمة الرحمن2]

السلام عليكم اخواتي الحبيبات أم أميمة2 و انابيلا وام اروى ورضاك ابغي وومرحبا باختي الحبيبتين واشوقاه رسولي (كنت انتظر دخولك) واختي قمر 14 مرحبا بمن وقفوا معي في أول الامر ودعموني نفسيا فانا كنت كريشة في مهب الريح لولا الايمان والرغبة في الجنة.. ولكن لم أكن اعرف كيف اتصرف مع حياتي اليومية .... واعذروني ان نسيت احداكن فكلكن جواهر في هذا المنتدى الطيب واراكن كالنحل لاتقعن إلا على الطيب ولايخرج منكن إلا الطيب جعلكن الله دوما مفتاح للخير دالين عليه وجعل الله كلماتكن المواسية والناصحة والطيبة في ميزان حسناتكن ولن انساكم دوما من دعائي كلما فتح على الرحمن بذلك ... احببتكن في الله

[أمة الرحمن2]

ودلوقت ارد بخصوص ليه ماتجوزش لحد دلوقت؟ بتحصل دايما خلافات بينهم فيتأخر الموضوع غير كمان غيرتها الشديدة وهذا ماجعله يفكر ان حيضحي بالاستقرار الحالي وحيدخل نفسه في معمعة وهو طبيعته بيحب الهدوء والطاعة وبيحبش المناقشة في الامور الثابتة المهم الموضوع لسه بين شد ورخي وأنا لااتدخل الا عندما يطلب مشورتي ودايما اخاف الله في ردي واقول في نفسي هي كمان انثى ومن حقها تعيش فارد بالحياد التام يعني ماأكرهه فيها واستغل الخلاف.. وربنا يستر على كل الولايا واقول لنفسي انا عندي بنات وأخاف عليهم من الظلم كمان فلن أظلم أحد حتى نعيش بسلام... حيتبع معذرة

[أمة الرحمن2]

وبالنسبة انه لو غير رأيه ونسى الموضوع,,, اكيد حاأسامحه واكيد حاأعيش براحة وفرح واستغل كل لحظة نعيش فيها معا حتى نفرح فأنا احبه!! يعني كنت مستعدة ومازلت أن اضحي بسعادتي لاجله ...ولاأقول ان اهماله لي إن تزوج لن يقتلني بل سيدفنني ... ولكن أسأل الله أن يربط على قلبي حينها. وبالنسبة لصحتى فهي في تراجع ولايعلم بالحال الا الله وأصبحت من ضعف الى ضعف... واسأله سبحانه أن يمتعني بسمعي وبصري وقوتي ماأحياني وكل أخواتي الكريمات في هذا المنتدى...وأنا فعلا اصبحت اتمنى أن لايجيب سيرتها امامي بالمرة وحاأحاول ان اتكيف مع الموضوع كما قالت اختي أم أروى حفظها الرحمن.. وإنشالله سأطلب منه ذلك واعيش براحة حتى يحصل الموضوع وبعدين يحصل خير وسآخذ بكل نصيحة بارك الله لكن وفيكن وحولكن وحفظ الرحمن احبابكن آمين

[أمة الرحمن2]

اليوم ذكري زواجنا 14 ... ولكنها هذا العام مختلفة فلسنا وحدنا ,,, يوجد أخرى,,, هل أهنيه واهني نفسي بهذه الذكرى.. لم استطع نسيان ماجرى للحظة وابارك له هذه الذكرى.... كيف وأنا أعلم أنه لم يعد يشتاق الي ..... كيف وأنا أعلم أنه يراني ككتاب قديم قرأه مئات المرات ...
(يرفض قلبي الهدوء... لازلت إمرأة.. لازلت أنثى... لدي قلب يهفو ويشتاق)
كم أحب أن أقرأ عن الكبرياء....
كم أحببانهم ..... وكم خذلونا
استودعكم الله اخواتي سأتجول دوما بين صفحاتكن واجعل لنفسي من منتداياتكم مدينتي التي أجد فيها السلوى والراحة وسيكون هذا الموقع عالمي الخاص الذي أعلم أن لي فيه أحبة في الله لوسألتهم سيجيبوني ولو بكيت سيواسوني .. ولو دعوا الله لن ينسوني....