كيف انقذ عائلتى؟؟؟

[واشوقاه رسولي]

السلام عليكم ورحمة الله وبركاته.....
انا النهاردة عندى مشكلة صعبة من وجهة نظري.
طبعا كلكم عارفين الحالة في مصر عاملة ازاى والرزق ضاق بطريقة صعبة ودة عادى بالنسبة لي انا تعرضت لمشكلة الايام اللي فاتت ان زوجى قرر يسيب البلد ويشتغل في مكان خارج مصر مكان متنقل ويغيب 6شهور ويرجع شهر.....المشكلة انى من صغري وانا اكره التفكك الاسري وان كل واحد في بلد لانى عندى عقدة الحرمان من الاب وهو علي قيد الحياة ومازلت اعانى منها بعد وفاة والدي الله يرحمه .
المهم انى رافضة تماما فكرة السفر والغربة
انا عارفة ان في ناس كتير كدة بس انا مش كدة انا اكره الفراق ولو جلب لي السعادة المادية لن تغنى عنى الفلوس ولن تعوض حرمانى من زوجى الذى هبمكانة ابي وحبيبي
ولا احب ان يعيش ابنائي ما مررت به من قبل وان اتربي في بيت غير بيتي ومن يربيني غير ابي.....
ناقشت معه الفكرة مرة وقال ان العطفة ليست كل شئ وانه يريد حياة افضل لابنائه.السؤال انا اعمل ايييييييييييييييييه؟؟؟؟؟
احاول احافظ علي بيتي واقنعه بعدم السفر ولا اسيبه ويمر بينا العمر في غربة ووحدة؟؟؟؟
بجد انا محتارة جدا وهجنن خصوصا انى في شهور حملي الاخيرة واحاول الحفاظ علي طفلي بعيد عن التوتر؟؟؟
انا محتاجة مشورة ورأي حقيقي ينقذنى من اللي انا بعانيه لانى لا اكتف عن البكاء والتضرع الي الله ان يجيرنا مما انا فيه.

[anapella]

لا حول ولا قوة الا بالله
الله يفرجها عليكو و على الجميع .. والله مأساة اللى بيحصل فى مصر ده بس هنعمل ايه ؟!! العمل عمل ربنا
بصى انا اكيد معاكى انه ما ينفعش تسيبى جوزك يعيش فى بلد وانتى واولادك فى بلد .. تجربة غلط 100% واعتقد 80% من المصريين اللى هما فى مثل عمرى وعمرك مرو بيها وهم اطفال وكانت تجربة قاسية ومريرة جدا .. لكن برضو منقدرش نقول لزوجك لا ماتسافرش واقعد هنا .. طيب وهتصرفو منين اكل ولبس ومصاريف اطفال ومواصلات ومدارس وحتى انتى بتقولى على وش ولادة ودى شوفى انتى مصاريف ها ازاى.. رأيى تدعى له ربنا يوفقه ويسافر ويحاول يرتب وضعك والولاد عشان تسافرو معاه ولو بعد فترة .. انا شخصيا مريت بالتجربة دى وبرضو كنت فى اواخر حملى زيك كده وابنى اتولد وابوه ماشافوش غير بعد فترة طويلة بالشهور وكانت فترة صعبة جدا عليا نفسيا ... لكن الحمد لله ربنا فرجها وقدرنا نعيش سوا من تانى ..
بصراحة صعبة على الراجل انه يحس انه مش قادر يكفى بيته وانه مش عارف يصرف وبيته واولاده محتاجين .. اتفقى معاه انه يسافر فترة وسيبيه هو اللى يقدرها وانكو تحصلوه بعد كده وتوكلى على الله
واديكى شايفة حال البلد من سئ الى اسوأ .. ربنا يستر على اهالينا الى هناك
اتمنى لك التوفيق

[رودينا7]

السلام عليكم ورحمة الله وبركاتة
غاليتي واشوقاه مرحبا بك بعد غياب طويل عنا حياك الله
واسأل الله ان يتم عليك الحمل والولادة علي خير وبركة بأذنه تعالي
اذا كان يريد السفر لوحده من غيركم فهذا صعب جدا
خاصة اذا كان بينكم اولاد ففي هذه الحالة نعم
واقول المال لا يعوض الاولاد عن وجود الأب وحنانه
والتربية تكون صعبه جدا خاصة للأم اذا كانت لوحدها
حاولي ان تناقشيه بهدوء اما ان ترافقيه واولادك معه او ان يبحث عن عمل قريب عندكم
وحاولي ان توضحي له المسألة بأن وجوده بينكم اهم من ان يبعث لكم المال لتوفير الحياة الجميله
فهذا وجهة نظري الشخصيه بأن علي الزوجة ان ترافق الزوج اينما كان خاصة مع وجود اطفال
وان كانت في اخر بقعة في ارض الله الواسعه اهم ما في الأمر وجود الوالدين بين ابنائهم اينما كانو
وضحي له بأنك لست مرتاحه واولادك لا يحبون غيبته الطويله وانك لا تستطعين تحمل المسؤلية لوحدك
وان الاهل كلهم مشغولين بأعمالهم ومسؤلياتهم الخاصة خاصة في هذه الايام الصعبه
وانك لا تأمنين علي نفسك واولادك في ظل هذه الظروف السيئه ولا تعلمين القادم المجهول
اسأل الله ان يسخره لك ويحن قلبه عليك وعلي ابنائه
في أمان الله

[hotmoon]

ربنا معاك

[واشوقاه رسولي]

لا حول ولا قوة الا بالله
الله يفرجها عليكو و على الجميع .. والله مأساة اللى بيحصل فى مصر ده بس هنعمل ايه ؟!! العمل عمل ربنا
بصى انا اكيد معاكى انه ما ينفعش تسيبى جوزك يعيش فى بلد وانتى واولادك فى بلد .. تجربة غلط 100% واعتقد 80% من المصريين اللى هما فى مثل عمرى وعمرك مرو بيها وهم اطفال وكانت تجربة قاسية ومريرة جدا .. لكن برضو منقدرش نقول لزوجك لا ماتسافرش واقعد هنا .. طيب وهتصرفو منين اكل ولبس ومصاريف اطفال ومواصلات ومدارس وحتى انتى بتقولى على وش ولادة ودى شوفى انتى مصاريف ها ازاى.. رأيى تدعى له ربنا يوفقه ويسافر ويحاول يرتب وضعك والولاد عشان تسافرو معاه ولو بعد فترة .. انا شخصيا مريت بالتجربة دى وبرضو كنت فى اواخر حملى زيك كده وابنى اتولد وابوه ماشافوش غير بعد فترة طويلة بالشهور وكانت فترة صعبة جدا عليا نفسيا ... لكن الحمد لله ربنا فرجها وقدرنا نعيش سوا من تانى ..
بصراحة صعبة على الراجل انه يحس انه مش قادر يكفى بيته وانه مش عارف يصرف وبيته واولاده محتاجين .. اتفقى معاه انه يسافر فترة وسيبيه هو اللى يقدرها وانكو تحصلوه بعد كده وتوكلى على الله
واديكى شايفة حال البلد من سئ الى اسوأ .. ربنا يستر على اهالينا الى هناك
اتمنى لك التوفيق

اولا بشكرك علي الرد وكلامك صح وهو قالي معظمه بس المشكلة ان الكان مينفعش نكون مع بعض لانه في البحر .
المهم ان اتناقشت معاه واتضح انه غير حابب فكرة السفر بس للضرورة احكام ان شاء الله تنحل من عنده الله وحده قادر علي ذلك.

[واشوقاه رسولي]

السلام عليكم ورحمة الله وبركاتة
غاليتي واشوقاه مرحبا بك بعد غياب طويل عنا حياك الله
واسأل الله ان يتم عليك الحمل والولادة علي خير وبركة بأذنه تعالي
اذا كان يريد السفر لوحده من غيركم فهذا صعب جدا
خاصة اذا كان بينكم اولاد ففي هذه الحالة نعم
واقول المال لا يعوض الاولاد عن وجود الأب وحنانه
والتربية تكون صعبه جدا خاصة للأم اذا كانت لوحدها
حاولي ان تناقشيه بهدوء اما ان ترافقيه واولادك معه او ان يبحث عن عمل قريب عندكم
وحاولي ان توضحي له المسألة بأن وجوده بينكم اهم من ان يبعث لكم المال لتوفير الحياة الجميله
فهذا وجهة نظري الشخصيه بأن علي الزوجة ان ترافق الزوج اينما كان خاصة مع وجود اطفال
وان كانت في اخر بقعة في ارض الله الواسعه اهم ما في الأمر وجود الوالدين بين ابنائهم اينما كانو
وضحي له بأنك لست مرتاحه واولادك لا يحبون غيبته الطويله وانك لا تستطعين تحمل المسؤلية لوحدك
وان الاهل كلهم مشغولين بأعمالهم ومسؤلياتهم الخاصة خاصة في هذه الايام الصعبه
وانك لا تأمنين علي نفسك واولادك في ظل هذه الظروف السيئه ولا تعلمين القادم المجهول
اسأل الله ان يسخره لك ويحن قلبه عليك وعلي ابنائه
في أمان الله

والله يا رودينا كلامك بيريحنى حتى لو في مشكلة حد تانى بارك الله فيكى...
كل اللي انتى قولتيه دة كلامى واللي بفكر فيه بس ارجع واقول اننا مضرين نعيش واقع مؤلم.
والله انا من يوم ما اتجوزت وانا بحاول اوفر مناخ اسري هادئ لكن العواصف دائما ما تؤرجح سفينتي.حاسه ان في حد مستكتر عليا اعيش مع جوزى في راحة بال.
بس ادعولي بالتيسيير وان شاء الله ازمة وهتعدى كله خير.

[anapella]

ان شاء الله أزمة وتعدى وربنا يجمعكو على خير بس بلاش تسيطر عليكى افكار وحشة زى ان حد مستكتر عليكى عيشتك دى والكلام ده .. مع احترامى ليكى .. بس كل الناس دلوقتى عندها مشاكل وساعات تبقى عندى مشكلة واقول اشمعنى انا اللى بيحصل معايا كده استغفر الله العظيم وانا ليه دايما فرحتى مابتكملش وليه مش بتدوم الحاجة الحلوة مفيش يوم والتانى وتقابلنى مشكلة اصعب واتقل كتييير من مشكلتى ارجع واقول الحمد لله على ما رزقتنى به .. صدقينى لو حكيت لك اللى حصل فى حياتى اخر 8 سنين هتقولى مش ممكن دا فيلم عربى .. انتى بتالفى عليا بس ساعات والله الحقيقة بتبقى اصعب واغرب من الخيال
المهم انا اذكرك واذكر نفسى انه ( لا يكلف الله نفسا الا وسعها ) ولو مكنش ربنا عارف ان طاقتك تستحملى مشاكل زى اللى بتحصل لك مكنش ابتلاكى بيها .. فالحمد لله على كل اللى ييجى من عنده ..
اتمنى تكتبى لنا قريب وتطمنينا انك بخير

[البيلســـــان]

فرج الله كربتكم

وأعاد الله لمصر الأمن والأمان وحفظ أهلها من الفتنة

عليكِ بالدعاء فهو سهم من سهام الله

اللهم اختر لي فأنت خير من يختار

أدعو الله أن تقومي بالسلامة ويحفظكم الرحمن وعائلتكِ

ويحفظ مصر وأهلها

[DAHUBA14]

وعليكم السلام و رحمة الله و بركاته

اختي العزيزة ، مشكلتك هونيها بتهون ، انا معك ان بُعد الزوج عن زوجته و عائلته ليس بالأمر الهين
ولكن يا غاليتي للضروره احكام ، و قال الله تعالى

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

انظري الى كلام الله سبحانه و تعالى حين قال و الله يعلم و انتم لا تعلمون
هو وحده سبحانه و تعالى يعلم اين الخير لنا نحن البشر لذلك علينا ان نتوكل و نحسن التوكل ايضا
لذلك يا اختي ما عليك سوى ان تلقي بالهم و التفكير السلبي وراء ظهرك و تقولي فقط ياارب
انت العالم بالحال عليك الإتكال ان مولانا و نعم الوكيل ، اكثري من الإستغفار
والله سبحانه و تعالى يقول :

( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) [ نوح ] ,,

لا تجعلي للشيطان مدخل الى نفسك ، و دائما ثقي بترتيب الله تعالى للأمور
وكما تعلمي ان دوام الحال من المُحال ، هى ربما فتره و تعدي و يعود زوجك للعمل بمكان قريب منكم
نسأل الله العظيم ان يصلح الأحوال في مصر الشقيقه و تعود افضل من ذي قبل
دعواتي لك وان شاء الله ربي يتمم لك حملك على خير و سلامه اللهم آمين .