أكتشفت زوجي في الاتوبيس ................. قصه حقيقيه

[ام القادة]

ياويييييييييييييييلي شو رايحة تعمل .....؟؟؟؟

قلبي لااااااااااااااااااااااا يحتمل هكذا نوع من القصص وانتقام الأشرار

ربي يلطف .....

بوركتي أم رودي في انتظارك الساعة 9 باذن الله وصحتين على قلب الحلوات بناتك

[muslema]

سلام عليكم ،،، شدتنى بشكل قصة منى دى ،،، ومتشوقة اعرف ايه اللى حصل بعد كده ... ربنا يستر . فى انتظارك ام رودى ، لا تتاخرى من فضلك .

[shrwet]

نحن فى الانتظاروالتشوق

[omrody2005]

ولا يهمك يا جميل
بس فى حاجه مش فهماها
هى فعلا اغمى عليها علشان السكر؟
اومال ايه النظرات المعينه الى شافتها بين سامح وسماح دى قبل ما يغمى عليها؟
معلش انا دقيقة جدا فى كل كلمه

ولا يهمك يا فندم ههههههه

نظرات الاندهاش ماذا يحدث لمني لماذا تترنح هكذا الي ان اغمي عليها فعلا

[omrody2005]

ياويييييييييييييييلي شو رايحة تعمل .....؟؟؟؟

قلبي لااااااااااااااااااااااا يحتمل هكذا نوع من القصص وانتقام الأشرار

ربي يلطف .....

بوركتي أم رودي في انتظارك الساعة 9 باذن الله وصحتين على قلب الحلوات بناتك

رااااااااااااااح تعمل ابشع شئ مش ممكن تتخيليه في انثي مثلها


أعذريني علي التأخيرررررررر ولكن هناك مفأجاة


الكاتبه مشاعر غاليه


سيكون لها دور رئيس في الاحداث القادمه


والمفأجاة الثانيه

اني راسلتها وستكون معنا هنا بالقصه تتلقي تعليقاتكم واسئلتكم ان شاء الله



هيييييييييييييييييييه

[omrody2005]

سلام عليكم ،،، شدتنى بشكل قصة منى دى ،،، ومتشوقة اعرف ايه اللى حصل بعد كده ... ربنا يستر . فى انتظارك ام رودى ، لا تتاخرى من فضلك .

وعليكم السلام ورحمه الله وبركاته

اهلييييييييييييييييييييييين بغاليتي اسعدنا وجودك وتعليقك تابعينا حبيبتي

مني مرت بالفعل بأحداث وطلبت ان تكون القصه مكتوبه حتي تعتبر منها البنات بارك اللهم فيها وحفظكم الرحمن

[omrody2005]

نحن فى الانتظاروالتشوق

يالا بنكمل ان شاء الله

[omrody2005]

(أذا أردت أن توقع بشخص بشدة فأقترب منه بشدة)

أنتبه سامح من عبثه على جهاز الكمبيوتر على صوت طرقات الباب: أدخلى
:مساء الخير
عاوزه ايه يا سماح

سماح تتصنع الجدية :عاوزه أتكلم معاك شويه ..ممكن
سامح ترك ما كان يفعل وأستدار لها :نعم عاوزة ايه
سماح :بجد يا سامح أنت بتحب منى ولا لاء
سامح بضيق :وأنتى مالك بتدخلى ليه فى خصوصياتى

سماح تخلط صوتها بالاهتمام:أنت أخويا ولازم أهتم بأمورك
سامح :وبعدين بقى ..خلصى عاوزة ايه من سؤالك ده
سماح وضعت يدها على كتفه بحنان:عاوزاك بس متضايقش لما تعرف أنها نسيتك

سامح :أيه نسيتنى أنتى بتقولى ايه وعرفتى منين.. هى اللى قالتلك كده
سماح بشفقه:هى مقلتش بالظبط يعنى بس أى واحدة بتحب واحد لما بيبعد عنها بتبقى مضايقه .زعلانه .مخنوقه
لكن منى شايفاها ولا على بالها

صمت سامح فترة ثم قال :معقوله انا مكنتش عامل حساب كده أبدا
سماح :يعنى ايه مكنتش عامل حساب كده هو انت كنت قاصد تبعد عنها
سامح بتفكير :بصراحه أه كان ليا هدف كده بس اللى بتقولى عليه ده بوظلى كل حاجه
سماح بلهفه:هدف ايه

سامح :كنت_____ وفجأة سكت تكلم مترددا :أيه ده وانتى مالك انتى
سماح باهتمام:متخابيش عليا ده انا اختك ولو طلبت مساعدتى مش هتأخر أنت أهم عندى منها
..قولى بصراحه أنتى بتحبها ولا لاء
سامح بعصبيه:مش عارف
سماح:يعنى ايه مش عارف ماهو يبتحبها يا لاء

سامح:بصراحة ....
سماح مشجعة له:ها أيه
سامح بتردد:انا فى الاول كنت حاسس انى بحبها جدا ..لكن اول ما ابتدت تسيبنى امسك ايدها وبقينا نخرج مع بعض وانا بقيت احس انها زيها زى أى واحدة سهله
وبقت متفرقش معايا

عندما سمعت سماح جملة (بقت متفرقش معايا لمعت عيناها فى أنتصار)
فتكلمت:يعنى بتبعد عنها دلوقتى علشان كده ناوى تسيبها

سامح أكمل كلامه بتردد:لاء ..أنا بس شايفها كده عين فى الشرق وعين فى الغرب فقولت أبعد عنها شويه كده أخلى قلبها يغلى شويه وتأنب نفسها أنها على صدها ليا فلما ارجعلها تبقى زى العجينه أشكلها فى ايديا زى ما أنا عايز
وساعتها متقدرش تقولى لاء أبدا علشان هتبقى عارفه اللى هيحصل بعدها

لكن اللى انتى بتقولى عليه ده معنى كده ان الطريقه دى كمان فشلت معاها ولازم ألحق قبل ما تنسانى خاالص

سماح شعرت بقلبها يعتصر داخلها (هى دى بقى الخطه اللى علمتها لمحمد وأهو نفذها معايا يا سامح ونجحت نجاح باهر ولازم أساعدك علشان تنجح كمان معاها علشان مبقاش لوحدى الاقى حد تختلط دموعى بدموعه وذنبه بذنبى هى مش أحسن منى فحاجة)
:أيه مالك سرحانه فى أيه

أنتبهت سماح :هه لا مفيش بفكر فى مشكلتك
سامح أمسك تليفونه وفتح الرسائل وظل يكتب رسالة طويله
سماح :بتعمل أيه
سامح :ببعت رسالة لمنى مش أنا اللى أتنسى كده بالساهل يا سماح

(سامحينى ليس بيدى ..عندما أراكى حبيبتى لا أمتلك نفسى فأنا أشعر أنك زوجتى ..فقررت ان لا أضايقكك بعد الان وأبتعدت عنكى ولكنى لم أستطع ..قلبك لى وقلبى لكى)
كان سامح يعلم مداخل منى جيدا الرومانسية والتضحية

عندما أنتهى وقرأت سماح الرسالة:أيقنت أن منى لن تتحمل الفراق بعد هذه الرسالة وستعود اليه بمجرد رؤيته
نظرت لسامح نظرة شيطانيه ونفثت فى سمعه:أسمع يا سامح منى دى صاحبتى وأنا عارفاها كويس بصراحه مبتجيش الا بالامر الواقع
سامح :تقصدى ايه
سماح : أصل بصراحه كده منى بعد ما كانت معاك فى السينما ..قعدت تكلمنى وتحكيلى وتعيط وتقول انا مش عارفه بصده ليه أنا مش عارفه انا بعمل كده ليه أنا بحبه وعاوزاه أكتر ماهو عاوزنى بس مش عارفه ليه لما بيكون فى حد معانا بقفش كده وببعد عنه يمكن لو لوحدينا يبقى عندى الجرأة
نظر لها سامح بحذر:منى قالت كده..

سماح أومأت برأسها ايجابا:فأخذ يفكر فى كلامها بصوت عالى:يعنى هى بتصدنى علشان كده علشان مش لوحدنا
تابعت سماح وهى تعمل على أقناعه بتلك الاكاذيب:أنت عارف يا سامح لما كانت بتيجى هنا وانت مش موجود وكنت بسيبها وأدخل المطبخ كنت برجع الاقيها فى أوضتك واخده هدومك فى حضنها وبتبوسها وبتشم ريحتك فيها بشوق
ولما كانت بتشوفنى كانت بتتلخم وتخرج برا وكان بيبقى وشها أحمر أوى كأنك انت اللى كنت فى حضنها مش هدومك

أبتسم سامح ونظر لأخته وقال لها :أنا كنت فاكرك بتحبى صاحبتك
عبثت سماح بشعرها وقالت بلامبالاه:أنا مش قصدى حاجه وحشة والله انا بس عاوزاكوا ترجعوا لبعض وبعدين يعنى أنت مش هتأذيها لكن هى منى كده مبتجيش الا بالامر الواقع خصوصا لو محدش شايفها..صدقنى
لم يجد شيطان سامح بدا الا بمجاراة شيطان أخته فأقنعه بالفكرة بسهوله (أنت مش هتأذيها انت بس هتخاليها تاخد عليك )
نظر الى أخته وقال:هتخاليها تيجى هنا أمتى
أبتسمت فى مكر:انت اللى هتخاليها تيجى

سامح :أزاى
سماح :زمان رسالتك عامله عمايلها أول ما هتشوفك بكره عند باب الكليه هتنسى كل حاجه ..خد معاك عربيتى وفهمها أنى تعبانه فى البيت ومحتاجه أشوفها ضرورى
سامح:طب وماما
سماح بأبتسامه هقعنها تروح تزور جدتك وكريم أخوك فى المنصورة هى كانت قالتلى من فترة ان جدتك بقت كويسه وكفايه بقى كده كريم لازم يجى يعيش معانا

سامح :ياه ده انتى مجهزة كل حاجه أهو
سماح بضحكة عاليه: علشان تعرف بس غلاوتك عندى

[omrody2005]

مررت على منى فى بيتها لنذهب معا الى الندوة التى دعتنى اليها وسلمت على أمها وأبلغتنى والدتها خبر سعيد وهو ان أخوها المسافر سوف يأتى الى مصر أول الشهر القادم ليستعد للزواج..سعدت جدا بهذا الخبر لان أخوها هشام مقرب اليها ومتفاهم بعض الشىء غير اخوها الكبير خالص وسألتنى والدتها متى ستنتهى الندوة فأخبرتها أننا سنعود معا فلا تقلق عليها
وذهبنا سويا الى الندوة وشعرت ان منى تخفى شيئا عنى فلقد وجدتها متغيرة وكأنها سعيدة برسالة سامح لها وبأنها ستستعيدة من جديد

حقيقة الندوة كانت أكثر من رائعة ولكنى لاحظت أن منى تمسك دائما بهاتفها المحمول وكأنها تتبادل الرسائل مع شخص ما ...تعرفنا في قاعة الندوة على بنات كثيرة ملتزمة وكذلك منى تعرفت عليهن وقالت أحداهن لمنى... معقولة انتى معانا فى سنه تانيه أول مره أشوفك!!!!!
لم أخرج من هناك حتى جعلت منى تتبادل ارقامها معهم فلقد حرصت جدا ان تكون لها صحبة صالحة تعينها على الخير وحدثت لى مفجأة أخرى ووجدت صديقة قديمة لى كنت فقدت أثرها لفترة طويلة وجمعتنا الاقدار فى هذه الندوة وعلمت منها انها مكتوب كتابها على أحد معيدين الكلية وان زفافهم قريب
جلسنا فى الكافتريا بعض الوقت ولم يكن هناك محاضرات لمنى فى هذا اليوم لاحظت على منى علامات الترقب
وهى تقول لى :انا مش عاوزه أروح دلوقتى لو عاوزه تمشى أنتى أمشى انا قاعدة شويه
أنا :ليه انتى معندكيش محاضرات
منى: اصلى مستنيه جماعه صحابى
أنا: مين دول
منى: سماح
أنا شوفتها قلقانه ومضطربه جدا لكنى صممت أنها تروح معايا
خرجنا من باب الكلية ووقفنا نبحث عن وسيلة مواصلات لنعود للبيت وكانت عينيى منى تدور حولها بحثا عن أحد ما
:ثم سمعت صوتا ينادى من مكان قريب:منى
التفت انا وهى فى نفس اللحظة فوجدت شخص يقترب منا
قولت لمنى:مين ده أنتى تعرفيه
منى بتلعثم:أه ده ____
البنت وشها جاب ألوان يعينى وهى بتقولى ده سامح
أقترب هو منا فى هذه اللحظة: صباح الخير
منى بخجل :صباح النور
أنا بغلاسة:وعليكم السلام
منى :أعرفك يا سامح دى ( ) صاحبتى
سامح مد أيده علشان يسلم عليا :أهلا وسهلا
أنا برخامه:مبسلمش على رجالة

سامح أتنحنح من الاحراج ومسح بأيده اللى كان مددها على شعره ومنى وشها أتغير وبصتلى شذرا

سامح بيحاول يدارى كسفته:ايه يا منى انتى كنتى ماشيه
منى بارتباك مش عارفه تقول اه ولا لاء: أه قصدى لاء انا كنت بوصلها
أنا بصتلها باستغراب حقيقة أندهشت من مدى تأثيره عليها
سامح: طيب ممكن نوصلها مع بعض وشاور على العربية
أتفضلى نوصلك فى سكتنا

أبتسمت له أبتسامه صفرا :سورى مش بركب عربيات مع حد معرفوش ..
سامح:خلاص نتعرف
أنا:مبتعرفش على ولاد
بصلى شويه تقريبا مكنش قادر يبلع رخامتى وقالى مبتتعرفيش على ولاد خالص.. ونظر الى ملابسى نظرة سريعة
(أسدال يا روحى اومال انت فاكر ايه)...وقال باستخفاف :ليه حرااااااام؟

أنا :بالظبط كده أى أسأله تانيه
سامح ببرود :حرام ليه بقى ثم تابع باستخفاف:وضوئك هيتنقض لا سمح الله
بصراحه الواد مستفز جدا وبيعرف يرخم جامد.. وكنت عاوزه أنهى الحوار بس حسيت ان الحوار ده هيبقى مفيد اوى لمنى ويمكن تحس أنه بطيخه ومبيعرفش غير فى التسبيل بس
رديت عليه ببرود أكتر من برودة: لاء علشان رسولك الكريم بيقول0 لأن يطعن أحدكم فى رأسه بمخيط من حديد خير له من أن يمس أمرأة لا تحل له0
عارف حضرتك يعنى أيه لا تحل له

سامح وشه أصفر:عارف طبعا انتى فاكرانى جاهل ولا ايه
منى أصابها التوتر وحبت تغير الموضوع وجهت كلامها لسامح
هى سماح فى العربيه

سامح وهو ينظر لى بحدة: لاء سماح تعبانه وكانت عاوزة تشوفك
منى: تعبانه مالها ..هى فين
سامح: فى البيت.. هتيجى تشوفيها ولا هتسيبيها كده
منى التفتت لى وتكلمت برجاء:لازم اروح اشوفها شكلها تعبان أوى

أنا :بصراحة مقدرتش أوطى صوتى خالص أتخنقت منها أوى
:بقولك ايه يا منى زى ما خدتك من بيتك هرجعك بيتك تانى

منى بصوت منخفض :اوعدك مش هتأخر هشوفها بس دى تعبانه وعاوزة تشوفنى
أنا بانفعال: اللى تعبان بيودوه للدكتور ولا بيودوه مستشفى
منى باستعطاف :دى صاحبتى لازم اطمن عليها
أنا :بسيطه كلميها فى التليفون
سامح كان بيتابع المناقشة بينا ومستنى النتيجة وكأنه متأكد من أنتصار حبيبته
طلعت منى تليفونها وأتصلت بسماح لكن سماح مردتش عليها
سامح:أصلها تعبانه أوى مش قادرة تتكلم

قولتله بجمود :بسيطه ..وطلعت تليفونى وأخدت تليفون منى وأتصلت بالرقم .. ردت سماح ألو
أديت التليفون لمنى وانا ببص لسامح باستفزاز:واضح انها مبتردش عليكى انتى بس
أخدت منى التليفون وكلمت سماح وانا واقفه متابعه الموقف وهو بيبصلى وكنت حاسه انه عاوز يخنقنى
ولا أخفى عليكم على الرغم من أحساسى بالنشوة لانى أستفزيته وضايقته لكن أضايقت من نظراته المتفحصه المخترقه
وتمنيت وقتها ان أكون منتقبه حتى أتوارى عن عيون أمثاله

منى أنهت المكالمه :دى شكلها تعبان اوى
أنا :شوفى يا منى من الاخر زى ما أخدتك بيتك هرجعك بيتك تانى أنسى
سامح أتعصب فجأة :هو حضرتك بقى وليت أمرها ولا أيه ...

قولتله بمنتهى الرخامه اللى على كوكب الارض: أيون بالظبط كده أنا وليت أمرها
مش عارفه ايه اللى خلاه يضحك تقريبا انا بالغت أوى فى الرخامه أو مكنش متوقع منى الرد ده وبالطريقة دى

وبص لمنى وحاول يدارى ضحكته وقالها بلهجة آمره يالا يا منى هتيجى معايا ولا لاء.. وهم بالانصراف

عرفت ساعتها منى هتعمل أيه وفعلا:قالتلى معلش انا مش هتأخروكانت هتمشى معاه
ساعتها أستدعيت كل الحزم اللى جوايا ومسكتها من ايدها وبصتلها بتوعد حقيقى :بصى يا منى لو أمك سألتنى منى فين هقولها اللى حصل ده

منى بصتلى بفزع:ايه .. ليه طيب
أنا ساعتها مهمنيش انه واقف حسيت انى قلبى انقبض لما مشيت معاه:قولتلها منى انتى عارفه انى مش بكدب... والله والله والله لو أمك قابلتنى وأكيد هتقابلنى لهقولها أنتى مرجعتيش معايا ليه وانتى عارفانى يا منى لما بحلف بالله

(ملحوظه )..حرام نقول والله العظيم تلاته علشان ربنا مش تلاته الجمله دى اخدناها من شرائع غيرنا
عاوزه تكررى الحلفان قولى والله والله زى ما أنتى عايزة

[omrody2005]

[omrody2005]

كده تحرجيه بالشكل ده
أنا : ايوووون أحرجه وأحرج اللى خلفوه كمان الصنف ده متزعليش عليه
منى بعصبيه: متكلميش عليه كده ..أرتحتى أهو أتحرج ومشى ..زمانه زعل منى حرام عليكى

:يا منى وعسى أن تحبوا شيئا وهو شر لكم
منى :خلاص أرتاحى ..أدينى مشيت معاكى غصب عنى ..خلاص

(بينى وبينكم أرتحت فعلا وحسيت ان نارى بردة أصلى كنت مفروسة أوى)
وطبعا أنتوا فهمتوا كده الخطة فشلة فشل ذريييييع

منى لم تذهب الى الفخ وأم سماح عادت الى البيت بصحبة الجدة والابن الاصغر كريم يعنى البيت خلاص بقى فيه معسكر دائم
طبعا منى زعلت منى جدا وفضلت فتره زعلانه ومش عاوزه تكلمنى رغم كل محاولاتى معاها
بعد الموقف ده بأسبوع بالظبط موبايلى رن ..رقم غريب وانا عادتا مش برد على الارقام الغريبة لكن كان مصمصم وكالعادة لما بضطر ارد على رقم غريب برد برخامه قصوى

:أيوه .نعم
المتصل :يا ده أنتى رخمه على طول بقى مش معايا انا بس
أنا بزعق :مين حضرتك
المتصل :كمان رخمتى على ناس كتير مش فاكره انا مين فيهم
:لو مقولتش انت مين وعاوز ايه وجبت رقمى منين هقفل السكه
المتصل :ايه ده ايه ده هو انا بكلم وكيل نيابة
:أوف اللهم طولك ياروح ..أخلص
المتصل :خلاص خلاص هقولك ..بصراحه من غير لف ولا دوران انا عاوز اعبرلك عن مشاعرى

:نرفزنى جدا خلانى خرجت عن شعورى:مشاعرك دى تروح تقولها لخالتك وقفلت فى وشه من غير ما أعرف هو مين
شويه وبعتلى رسالة(يا جامد أنت يا شرس )
تحت الجمله دى
ملحوظه ..أنا معنديش خاله
مسحت الرساله ومخدتش فى بالى الاصل المعاكسات كتروا أوى الايام دى


أسبوع ورا أسبوع ومنى واخده منى موقف وبصراحه أنا أنشغلت بصديقتى اللى وجدتها فى الندوة وأصبحت أتصالتنا يوميه وأطلعتنى على النشاطات اللى هى وزوجها بيقوموا بيها فى الجامعه والندورات اللى بيحضروها وأزاى بيعملوها ..عرضت عليا أنى أشاركهم خصوصا فى الندوات الدينيه وأنا أتحمست جدا ووافقت سريعا على طلبها لانى كنت بمر فى الايام دى بفتور كده وكنت محتاجه نشاط جديد أجدد بيه نيتى وعزيمتى ..

وذهبت الى بيت منى لأقوم بمصالحتها وبعد شوية حنية مني أستجابت وأخبرتها بموضوع نشاطات الجامعة بالتفصيل ووجدتها لا تعلم شيئا عنها وكأنها مش فى الجامعة أصلا.......فشعرت أنها تواعد سامح ولا تذهب الى الكلية
وحاولت أن أجعلها تشترك معنا ووعدتنى بذلك بفتور

فى كل هذه الفترة لم يعود المتصل الى رشده أبدا وظل يتصل كل يومين تقريبا وفى نفس الميعاد.. فى البدايه قررت انى لا ارد ابدا حتى يصيبه الملل لكنه كان يتصل فى تصميم عجيب
يوما ما كنت فى الجامعة بصحبة صديقتى وزوجها يشرح لنا أهمية العمل الدعوى داخل الجامعة لانه أكثر مكان تتعرض فيه البنات للفساد الاخلاقى وخصوصا بنات السنة الاولى
لم يصمت الموبايل أبدا قمت بتشغيل خاصية الصامت ولكن الفيبريشن عملى تربنه فى نافوخى...
صديقتى :متردى
أنا : ده رقم غريب بقاله فترة مزهقنى
صديقتى :طب هاتى وانا أعرفه شغله
صديقتى أول ما فتحت الخط كأنك فتحت زجاجة سفن أب :

أنت مين وعاوز أيه ..أنتوا ايه مفيش وراكوا حاجه ..مبتخافوش من ربنا
المتصل بهدوء ورصانه:ممكن أكلم الانسه( )

صديقتى بصتلى باندهاش وقالت بصوت خفيض:ايه ده هو عرف اسمك منين يكونش حد من عندكوا وبيهزر
أنا :حد من عندنا ازاى يعنى لا طبعا

صديقتى :أومال عرف اسمك وأسم باباكى منين
أنا أستغربت جدا كمان اسم أبويا: رديت ألو نعم أنت مين وجبت أسمى منين
المتصل:حتى صحابك كمان رخمه زيك

أنا نفخت بشدة :اللهم طولك يا روح ..يا تقولى انت عاوز ايه يا أما متتصلش بيا تانى وتزعجنى كده انا مش فاضية
المتصل :بجد يعنى انا زهقتك ..ههههههه طب كويس دى نقطة فى صالحى
:ياربى ايه البنى آدم ده:ممكن تخلصنى بقى حرام عليك هتخالينى ابيع الموبايل بسببك

المتصل :لو بعتى الموبايل ولا حتى غيرتى الرقم هجيلك عند بيتكوا
سكت شويه بصراحه الجملة خوفتنى وقلقتنى
قولتله :عند بيتنا ازاى يعنى أيه السخافات دى

المتصل بثقة:مش سخافات ولا حاجه وبالامارة انتى ساكنه فى ________
مبقتش خايفه وبس ده بقيت مرعوبة بس حاولت أتماسك فى كلامى: وبعدين
المتصل :ولا قابلين ..هتسمعينى لاخر المكالمه ولا لاء

:نعم خلصنى عاوز ايه
المتصل:بصراحة كده انا معجب بأخلاقك أوى عمرى ما قابلت بنت كلمتنى زيك
:اه حضرتك معجب بأخلاقى فقولك تبوظهالى مش كده
..خلصنى عاوز ايه

المتصل:عاوزك تطلعى بره المدرج
لفيت بعينى حوالين نفسى وانا برد بحذر:ليه

رد بسرعه :لما تطلعى هتعرفى ..بسرعة لو سمحتى
نظرت لصديقتى نظرة سريعة وجدتها مندمجه مع المناقشات والكلام ومش معايا خالص
أترددت أطلع ولا لاء وبعدين شجعت نفسى وقولت أطلع ايه هو هياكلنى يعنى

__________________________________________________ _________
على فكرة يا بنات انا مكنتش متحمسة لكتاية هذا الفصل لانه يخصنى ولانى حريصه انى اركز على منى اكتر لكن حسيت انى لو مكتبتوش فى حاجات بعد مش هتفهموها

[omrody2005]

[omrody2005]

يا تري سماح استسلمت بعد ما فشلت خطتها الاولي ...............يالا بينا نشوف ها المصيبه ماذا خططت ؟؟

[omrody2005]

أزيك يا حبيبى عامل ايه وحشتنى أوى
:أزيك يا بت يا منى أنتى اللى وحشتينى أوى

هشام: والله كبرتى شويه انا كنت سايبك مقروضه
منى بفرحه:نعم مقروضه متلغبطش بس علشان خطيبتك فى سنى تقريبا
هشام يتوجه بالحديث لأمه:بجد يا ماما منى كبرت بقى وعاوزين نفرح بيها
الأم وهى تعد الطعام:والله أيدى على كتفك يا هشام يابنى

منى بتغير الموضوع:ها يا هشام ناوى تعمل الفرح أمتى
هشام يضرب كف بكف:هو بأيدى يعنى حمايا هو اللى واقف فى الموضوع بنته الوحيدة بقى ومش عاوز يسيبها

الأم تلتفت اليه: ولا يكون عندك فكر يا حبيبى بكره هروح أزورهم وانا ليا كلام مع أمها
هشام يقوم يقبل أمه:يا سلام عليكى يا ست الكل صحيح مفيش أحن من الام يا ناس
منى :اروح معاكى يا ماما بقالى كتير مشوفتش منال
هشام يردد مازحا: اروح معاكى يا ماما بقالى كتير مبوستش قصدى مشوفتش منال

ضحك الجميع بصوت عالى خرج الاب على صوتهم:اه هنبدأ بقى ووجه كلامه لابنه :بقولك ايه ايه هشام احنا مش فى الشارع وطوا صوتكوا شويه مش عاوز وجع دماغ الهرجله اللى انت خدت عليها انساها طالما فى بيتى
عبس الجميع ورد هشام :حاضر يا بابا

دق جرس التليفون الارضى قامت منى لترد:الو....اقوله مين..ثوانى
ونادت اخوها ::هشام كلم واحد عاوزك
هشام :مين
منى ترفع كتفيها :مش عارفه..بيقول أخو منال
الأم:تعالى ساعدينى يا منى خالينا نخلص اخوكى جعان
منى : حاضر يا ماما


__________________________________________________

خرجت من المدرج وانا أتلفت يمنه ويسرا أبحث عن شخص لا أعرفه ... خطوات للأمام لعلى أرى هذا المتطفل
فجأة كلمنى من الخلف :أقول صباح الخير ولا السلام عليكم
:أيه ده أنت
هو بأبتسامة عريضة جدا :أيوا أنا ..ها أيه رأيك فى المفجأه دى
تسمرت مكانى كأنى تحولت الى جبس وأعتقد أنه أحترم هذا التجبس ولم يتكلم

الحمد لله أبتلعت ريقى وتحدثت:كده بقى الحكاية وضحت وبانت ... عاوز ايه ..وبتضايقنى فى التليفون ليه ..
سامح :أولا انا مكنش قصدى أضايقك فى التليفون ثانيا كل اللى عاوزة أنك متخديش عنى فكرة وحشه

:كلام غريب وعجيب حضرتك بتعمل كل ده علشان تقولى متخديش عنى فكره وحشة ..وده يخصك فى ايه اصلا اخد عنك فكره وحشة ولا لاء

سامح :مش عارف..حقيقى أنا مش عارف ..كل اللى فكرت فيه انى لازم اقولك أنى كويس والله ارجوكى متخديش عنى فكرة غلط ..انا والله ابن ناس ومن جوايا كويس بس كل أنسان فيه الوحش وفيه الحلو
:وحضرتك ترجمت كلامك دهفعلا لما فضلت كام أسبوع تضايقنى فى التليفون
سامح:على فكره انا مكنش قصدى أضايقك خالص ..أنا لما أتصلت أول مره أتصلت علشان أقولك كده بس لكن مش عارف ليه لما رديتى عليا ..لقيت نفسى بتكلم كده
ولما حسيت انى اتكلمت غلط حاولت أتصل تانى لكن انتى مردتيش عليا من ساعتها

مقدرتش بصراحة استحمل كلامه الغريب :وانا مالى انا كويس ولا وحش..ولو كنت بتقول كده علشان منى دى حاجه تخصها انا ماليش دعوى فى حكمها عليك

سامح :انا بتكلم على حكمك أنتى ...عاوزك تعرفى انى كويس ومتقوليش ليه علشان انا نفسى معرفش وعلى فكره انا بقالى أسبوع باجى هنا وبشوفك وانتى داخله وكل ما أجى اكلمك متجيليش الجرأه مش عارف ليه


:أنت ايه يا أخى مش مكفيك اللى بتعمله فى منى كمان جاى تعملى غسيل مخ أنا كمان ولا ايه

سامح محاولا التهدئة:حيلك بس أستنى أدينى فرصة أتكلم..أنا معملتش فيهاحاجه وحشة ولا غصبتها على حاجة
كلامه أستفزنى أكتر:صح مغصبتش عليها فى حاجه مخلتهاش تسيب كليتها وتخرج معاك انت وأختك ومش فارقه معاك ان ممكن تسقط ومستقبلها يضيع مخلتهاش تركب معاكوا عربيات ومعملتش فى حسابك ان ممكن حد من أهلها يشوفها وتروح فى داهيه وانت مالك تفكر فى كده ليه انت راجل عاوز تتبسط وخلاص

مجتش هنا تاخدها بطريقة غريبة ومريبة علشان تشوف أختك اللى انا واثقه انها مكانتش تعبانه ولا حاجه والله أعلم كان ايه اللى هيحصل لو سبتها تروح معاك
والاهم من كل ده وده انك خالتها تبعد عن ربنا وتسيب صلاتها وتتنازل عن مبادئها وتعيش على طول قلقانه ومتوترة وبتفكر يا ترى هترتبط بيها ولا بتلعب بيها

وأنت هتغصب عليها ليه كفايه غسيل المخ اللى عملتهولها انت وأختك
فضل يسمع ووشه يتغير ونظره للأرض زى الطفل اللى عامل عامله ..أنهيت كلامى وتحركت فى أتجاه المدرج

لكنه أستوقفنى :لو سمحتى أستنى انا مقبلش أن حد يكلمنى كده وميدينش فرصة أدافع عن نفسى ويسيبنى ويمشى

:تدافع متدافعش شىء ميخصنيش أنا اللى يخصنى انك تبعد عنها لو كنت بتلعب بيها وتتقى ربنا شويه
لكن لو كنت جد اتقدملها وخلصنا بقى من الحكايه دى

نظر الى بتعجب وقال:يا سلام يعنى يا أما أتجوزها وانا مبحبهاش يا أما ابقى راجل مش كويس

خلاص حاسه أنى هنفجر فيه:لما انت مبتحبهاش كنت بتعلقها بيك ليه

سامح:انتى بتتكلمى كده كأنى أنا الغلطان لوحدى يعنى صاحبتك مش غلطانه يعنى أنا عملتلها سحر وخالتها تتغير كده ولا هى معندهاش عقل تفكر بيه
مبادىء أيه اللى بتتكلمى عنها منى كانت بتسمع كلامى وبتتأثر بيه من أول لقاء بينا منى لو كانت قبلت اى راجل غيرى وقالها الكلام ده كانت هتحبه برضه هو أنتى فاكره أنها بتحبنى انا لاء دى بتحب الاهتمام بتحب انها تتحب ولو قعدت مع نفسها وفكرت شويه هتلاقى كلامى صح

..رغم كده انا منكرش انى غلطان وانى طول عمرى كنت بتصرف بطيش بس لازم أعقل بقى ولازم الاقى اللى يساعدنى على كده
كنت حاسه ان اللى رايح واللى جاى بيتفرج علينا

:اسمع يا أبن الناس ربنا يهديك ولو سمحت بلاش تضايقنى فى التليفون تانى اما بقى بخصوص منى فأنا هقولها اللى حصل ده وأعتقد ان كده يبقى الموضوع أنتهى بينك وبينها

سامح:موافق قوليلها وفعلا يبقى كده الموضوع انتهى بينى وبينها ..بس ما أنتهاش بينى وبينك

:أفندم موضوع ايه اللى بينى وبينك؟ أحنا مفيش بينا مواضيع
سامح:أومال يعنى انا كنت بتصل بيكى كل ده ليه وجيت النهارده ليه..علشان اجى أسمع رأيك فيا وأمشى

:يارب نخلص
سامح: قد كده أنتى بتكرهينى...أنا عاوزك تساعدينى
أنا زى ما أكون كنت ماشى فى طريق ضلمه وفجأه جيتى أنتى وفتحتى النور وشوفت كل اللى مكنتش شايفه ..أنا محتاج لواحده زيك ترجعنى لنفسى اللى فقدتها من سنين

:تصدق شكلى أتأثرت أوى ..لحظه بس أطلع المنديل
أنت ايه يابنى فاكرنى ايه شلت مخى وحطيت مكانه بيطيخه ولا حاجه..كل الفيلم ده علشان تقنعنى بالاسطوانه المشروخه دى يالا كمل وقولى أنك حبيتنى من أول نظرة ولا أقولك أستنى لما اجيبلك الكمنجه علشان تعرف تغنى عليا كويس
سامح:انتى شكلك كده هتتعبينى أوى لحد ما تفهمينى صح

مكنش ينفع ارد سبته ومشيت خطوتين لقيت الناس خلصوا وخارجين وصاحبتى وزوجها خارجين يدوروا عليا
وزوجها بصلى وبص لسامح وقالى:فى حاجه لو حد بيضايقك قولى
خلص الموضوع وروحت البيت وانا ببص ورايا بصراحه جابلى الخفيف

أزيك يا حبيبى عامل ايه وحشتنى أوى
:أزيك يا بت يا منى أنتى اللى وحشتينى أوى

هشام: والله كبرتى شويه انا كنت سايبك مقروضه
منى بفرحه:نعم مقروضه متلغبطش بس علشان خطيبتك فى سنى تقريبا
هشام يتوجه بالحديث لأمه:بجد يا ماما منى كبرت بقى وعاوزين نفرح بيها
الأم وهى تعد الطعام:والله أيدى على كتفك يا هشام يابنى

منى بتغير الموضوع:ها يا هشام ناوى تعمل الفرح أمتى
هشام يضرب كف بكف:هو بأيدى يعنى حمايا هو اللى واقف فى الموضوع بنته الوحيدة بقى ومش عاوز يسيبها

الأم تلتفت اليه: ولا يكون عندك فكر يا حبيبى بكره هروح أزورهم وانا ليا كلام مع أمها
هشام يقوم يقبل أمه:يا سلام عليكى يا ست الكل صحيح مفيش أحن من الام يا ناس
منى :اروح معاكى يا ماما بقالى كتير مشوفتش منال
هشام يردد مازحا: اروح معاكى يا ماما بقالى كتير مبوستش قصدى مشوفتش منال

ضحك الجميع بصوت عالى خرج الاب على صوتهم:اه هنبدأ بقى ووجه كلامه لابنه :بقولك ايه ايه هشام احنا مش فى الشارع وطوا صوتكوا شويه مش عاوز وجع دماغ الهرجله اللى انت خدت عليها انساها طالما فى بيتى
عبس الجميع ورد هشام :حاضر يا بابا

دق جرس التليفون الارضى قامت منى لترد:الو....اقوله مين..ثوانى
ونادت اخوها ::هشام كلم واحد عاوزك
هشام :مين
منى ترفع كتفيها :مش عارفه..بيقول أخو منال
الأم:تعالى ساعدينى يا منى خالينا نخلص اخوكى جعان
منى : حاضر يا ماما


__________________________________________________

خرجت من المدرج وانا أتلفت يمنه ويسرا أبحث عن شخص لا أعرفه ... خطوات للأمام لعلى أرى هذا المتطفل
فجأة كلمنى من الخلف :أقول صباح الخير ولا السلام عليكم
:أيه ده أنت
هو بأبتسامة عريضة جدا :أيوا أنا ..ها أيه رأيك فى المفجأه دى
تسمرت مكانى كأنى تحولت الى جبس وأعتقد أنه أحترم هذا التجبس ولم يتكلم

الحمد لله أبتلعت ريقى وتحدثت:كده بقى الحكاية وضحت وبانت ... عاوز ايه ..وبتضايقنى فى التليفون ليه ..
سامح :أولا انا مكنش قصدى أضايقك فى التليفون ثانيا كل اللى عاوزة أنك متخديش عنى فكرة وحشه

:كلام غريب وعجيب حضرتك بتعمل كل ده علشان تقولى متخديش عنى فكره وحشة ..وده يخصك فى ايه اصلا اخد عنك فكره وحشة ولا لاء

سامح :مش عارف..حقيقى أنا مش عارف ..كل اللى فكرت فيه انى لازم اقولك أنى كويس والله ارجوكى متخديش عنى فكرة غلط ..انا والله ابن ناس ومن جوايا كويس بس كل أنسان فيه الوحش وفيه الحلو
:وحضرتك ترجمت كلامك دهفعلا لما فضلت كام أسبوع تضايقنى فى التليفون
سامح:على فكره انا مكنش قصدى أضايقك خالص ..أنا لما أتصلت أول مره أتصلت علشان أقولك كده بس لكن مش عارف ليه لما رديتى عليا ..لقيت نفسى بتكلم كده
ولما حسيت انى اتكلمت غلط حاولت أتصل تانى لكن انتى مردتيش عليا من ساعتها

مقدرتش بصراحة استحمل كلامه الغريب :وانا مالى انا كويس ولا وحش..ولو كنت بتقول كده علشان منى دى حاجه تخصها انا ماليش دعوى فى حكمها عليك

سامح :انا بتكلم على حكمك أنتى ...عاوزك تعرفى انى كويس ومتقوليش ليه علشان انا نفسى معرفش وعلى فكره انا بقالى أسبوع باجى هنا وبشوفك وانتى داخله وكل ما أجى اكلمك متجيليش الجرأه مش عارف ليه


:أنت ايه يا أخى مش مكفيك اللى بتعمله فى منى كمان جاى تعملى غسيل مخ أنا كمان ولا ايه

سامح محاولا التهدئة:حيلك بس أستنى أدينى فرصة أتكلم..أنا معملتش فيهاحاجه وحشة ولا غصبتها على حاجة
كلامه أستفزنى أكتر:صح مغصبتش عليها فى حاجه مخلتهاش تسيب كليتها وتخرج معاك انت وأختك ومش فارقه معاك ان ممكن تسقط ومستقبلها يضيع مخلتهاش تركب معاكوا عربيات ومعملتش فى حسابك ان ممكن حد من أهلها يشوفها وتروح فى داهيه وانت مالك تفكر فى كده ليه انت راجل عاوز تتبسط وخلاص

مجتش هنا تاخدها بطريقة غريبة ومريبة علشان تشوف أختك اللى انا واثقه انها مكانتش تعبانه ولا حاجه والله أعلم كان ايه اللى هيحصل لو سبتها تروح معاك
والاهم من كل ده وده انك خالتها تبعد عن ربنا وتسيب صلاتها وتتنازل عن مبادئها وتعيش على طول قلقانه ومتوترة وبتفكر يا ترى هترتبط بيها ولا بتلعب بيها

وأنت هتغصب عليها ليه كفايه غسيل المخ اللى عملتهولها انت وأختك
فضل يسمع ووشه يتغير ونظره للأرض زى الطفل اللى عامل عامله ..أنهيت كلامى وتحركت فى أتجاه المدرج

لكنه أستوقفنى :لو سمحتى أستنى انا مقبلش أن حد يكلمنى كده وميدينش فرصة أدافع عن نفسى ويسيبنى ويمشى

:تدافع متدافعش شىء ميخصنيش أنا اللى يخصنى انك تبعد عنها لو كنت بتلعب بيها وتتقى ربنا شويه
لكن لو كنت جد اتقدملها وخلصنا بقى من الحكايه دى

نظر الى بتعجب وقال:يا سلام يعنى يا أما أتجوزها وانا مبحبهاش يا أما ابقى راجل مش كويس

خلاص حاسه أنى هنفجر فيه:لما انت مبتحبهاش كنت بتعلقها بيك ليه

سامح:انتى بتتكلمى كده كأنى أنا الغلطان لوحدى يعنى صاحبتك مش غلطانه يعنى أنا عملتلها سحر وخالتها تتغير كده ولا هى معندهاش عقل تفكر بيه
مبادىء أيه اللى بتتكلمى عنها منى كانت بتسمع كلامى وبتتأثر بيه من أول لقاء بينا منى لو كانت قبلت اى راجل غيرى وقالها الكلام ده كانت هتحبه برضه هو أنتى فاكره أنها بتحبنى انا لاء دى بتحب الاهتمام بتحب انها تتحب ولو قعدت مع نفسها وفكرت شويه هتلاقى كلامى صح

..رغم كده انا منكرش انى غلطان وانى طول عمرى كنت بتصرف بطيش بس لازم أعقل بقى ولازم الاقى اللى يساعدنى على كده
كنت حاسه ان اللى رايح واللى جاى بيتفرج علينا

:اسمع يا أبن الناس ربنا يهديك ولو سمحت بلاش تضايقنى فى التليفون تانى اما بقى بخصوص منى فأنا هقولها اللى حصل ده وأعتقد ان كده يبقى الموضوع أنتهى بينك وبينها

سامح:موافق قوليلها وفعلا يبقى كده الموضوع انتهى بينى وبينها ..بس ما أنتهاش بينى وبينك

:أفندم موضوع ايه اللى بينى وبينك؟ أحنا مفيش بينا مواضيع
سامح:أومال يعنى انا كنت بتصل بيكى كل ده ليه وجيت النهارده ليه..علشان اجى أسمع رأيك فيا وأمشى

:يارب نخلص
سامح: قد كده أنتى بتكرهينى...أنا عاوزك تساعدينى
أنا زى ما أكون كنت ماشى فى طريق ضلمه وفجأه جيتى أنتى وفتحتى النور وشوفت كل اللى مكنتش شايفه ..أنا محتاج لواحده زيك ترجعنى لنفسى اللى فقدتها من سنين

:تصدق شكلى أتأثرت أوى ..لحظه بس أطلع المنديل
أنت ايه يابنى فاكرنى ايه شلت مخى وحطيت مكانه بيطيخه ولا حاجه..كل الفيلم ده علشان تقنعنى بالاسطوانه المشروخه دى يالا كمل وقولى أنك حبيتنى من أول نظرة ولا أقولك أستنى لما اجيبلك الكمنجه علشان تعرف تغنى عليا كويس
سامح:انتى شكلك كده هتتعبينى أوى لحد ما تفهمينى صح

مكنش ينفع ارد سبته ومشيت خطوتين لقيت الناس خلصوا وخارجين وصاحبتى وزوجها خارجين يدوروا عليا
وزوجها بصلى وبص لسامح وقالى:فى حاجه لو حد بيضايقك قولى
خلص الموضوع وروحت البيت وانا ببص ورايا بصراحه جابلى الخفيف

[omrody2005]

فى منزل أم منال خطيبة هشام كان جميع النساء يضعن الطعام والمنزل ملىء بالسعادة نظرا لموافقة أبو منال على معاد الزفاف بعد ضغط من منال وأمها
مبروك يا هشام ربنا سبحانه وتعالى يتم الزفاف على خير ونفرح بيكوا بقى وألاقى حد يقولى يا خالى
هشام ضاحكا:يارب بس أبوك ميرجعش فى كلامه يا عم وانا أخاليهم يقولولك يا خالى يا عمى كل اللى أنت عاوزة

أدهم:لا يا عم مش عاوز غير خالى وبس كفايه عليا
هشام :وانت بقى مش هنفرح بيك قريب ولا ايه
أدهم :والله مش شاغل بالى بالموضوع ده يا هشام
هشام :يعنى ايه مش ناوى
تدخلت أم منال فى الكلام :قوله يا هشام يابنى لحسن واجع قلبى أوى كل ما أجيبله واحده يقولى مش وقته لما الصغيرة تتجوز الاول
هشام :ايه يا عم مالك واجع قلب امك ليه ..طب الصغيرة هتتجوز اهيه ها
أدهم:خلاص بقى يا هشام متفتحش عليا فتحه
هشام:ايه يا عم انت بتحب ولا ايه..لو حاطط عينك على واحده معينه قولى
أدهم:بحب ايه بس ..انت مش شايف البنات بقت عامله ازاى الايام دى بصراحه كده مبقاش فى فرق بين البنات
متقدرش تعرف البنت المحترمه من غيرها وانا انت عارف ماليش خبرة فيهم هبقى واثق فيها ازاى دى

أم منال:ما انا جيبتلك اكتر من واحده من قرايبنا عارفينهم وعارفين اخلاقهم
أدهم مستنكرا:هو انا قولت لاء ما انا روحت معاكى فى كل الزيارات اللى صممتى عليها ومفيش ولا واحده عجبتنى
أمه وهى ماشيه: والله انا تعبت معاك هتجيبلى الضغط
دخت الام أطمئنت ان السفره عال العال ثم عادت ودعت الجميع للغذاء
دخل أدهم وهشام لقوا البنات قاعدين على السفرة هشام دخل وأدهم رجع خطوة وأتردد
أمه:ما تيجى يا أدهم واقف ليه
أدهم:بقولك ايه يا هشام ما تيجى ناكل بره علشان البنات يقعدوا براحتهم يعنى
أبوه :تعالى يابنى مفيش حد غريب
منى أستغربت اوى ايه ده هو لسه فى رجاله بتتكسف
وبعد الغدا وكعادة البيوت المصريه لازم الشاى
جلس الجميع ..الاتفاق على تفاصيل الزفاف هو سيد الموقف
الحمد لله الموضوع عدى على خير والتفاصيل محلش عليها مشاكل أصل الامهات أطيب من بعض بصراحه
أم منال طيبة وأم منى طيبة جدا علشان كده لما شافوهم جالسين يتهامسون محدش خد فى باله هما بيتفقوا على ايه
تواعدت منال مع منى أنهم ينزلوا يجيبوا فستان الفرح مع بعض وحاولت منال ان هشام يروح معاهم لكنه أعتذر عاوز يخلص الشقه علشان الفرح خلاص على الابواب
جهزت منى نفسها علشان رايحه تقابل منال ليقوموا بجوله فى المولات ..فستان الفرح مش لعبه يا ناس

لكن التليفون رن
أيوا يا منى هشام موجود
منى: ايه يا منال مالك فى حاجه ولا ايه
لاء بس أدهم أخويا مش راضى يجى معانا لوحدنا عاوز هشام يجى معانا
منى ضحكت:ايه خايف على نفسه من الفتنه ولا ايه
منال :هو هشام راح الشقه ولا لسه
منى: راح من بدرى ده من الصبح هناك
منال: طيب هكلمه وارد عليكى على طول

أتصلت منال بخطيبها
أيوا يا هشام أخبار الشقه ايه
هشام:خلاص يا قمر هانت هما يومين ونجيب الفرش على طول
منال:مش فاضى ساعتين كده تيجى معايا انا ومنى
هشام:مش أتفقنا يا منال أدهم يروح معاكوا انا مش فاضى
منال :أدهم مش عاوز بيقولى طالما منى معانا يبقى لازم هشام يجى
هشام:والله أخوكى ده راجل ..طب شوفى ساعه واحده تخلصى فيها متضايعيش الوقت
منال:ساعه واحده ..طيب هحاول
هشام خلاص أجهزى

قفلت منال مع خطيبها وكلمت منى
منال:خلاص يا منى كملى لبس هشام هيجى معانا
منى:والله أخوكى ده غريب
منال :معلش يا منى هو دماغه كده يلا بسرعه بس عاوزه الحق أخوكى مدينى ساعه واحده بس

قفلت منى وهى بتضحك :حاجه غريبه
أمها:ايه يا منى ايه اللى حاجه غريبه ده
منى:معرفش يا ماما رجالة آخر زمن ..قال ايه اخوها محرج يخرج معانا لوحدنا وصمم هشام يجى معانا تخيلى
الأم:والله ابن أصول
منى:أصول ايه فى راجل يتحرج من بنت المفروض العكس
أمها:قولى لنفسك
منى:ايوه هاتيها فيا أنا ..انا رايحه أكمل لبس

وهما فى سيارة أدهم ساد جو من السعاده هشام يتبادل النكات مع الجميع ومن وقت لاخر يرسل مشاعره لمنال عن طريق بعض الكلمات التى قطعها عليه اخوها
:ايه يا هشام راعى وجودى يا اخى
هشام:ايه يا عم دى مراتى انت ناسى اننا كاتبين كتابنا ولا ايه
ادهم:انا بقى بعتبرك خطيبها لما تبقى فى بيتك ابقى قولها براحتك
هشام:بقولك ايه سوق ياعم وركز فى الطريق ملكش دعوى بينا متخالينيش ادعى عليك تتجوز واحده اخوها رخم زيك كده
منال:معلش يا هشام ما انت عارف ادهم غيور اوى
هشام:انتى هتقوليلى ده طلع عينى قبل كتب الكتاب
فاكره لما كنت بتصل بيكى ..تقوليلى ايوه يا أستاذ هشام
هههههههههه لم يتمالك ادهم نفسه من الضحك مع هشام ومنال

الا منى:الكلام حواليها مش عاجبها شايفه انهم معقدين
معلش اصلها متعوده على الشاب الفرى اللى بسيب اخته على راحتها

طبعا معرفوش يخلصوا كل المطلوب بس منال لقت الفستان التحفه اللى كانت عاوزاه لكن مع الاسف الاتنين اتكلموا فى نفس واحد شوفى غيروا ده عريان
منى :ده عريان؟كل العرايس بتلبس كده
هشام وادهم :لاء
تدخلت صاحبة المكان:فى حل وسط:الفستان ممكن يتقفل بطريقه معينه وهيبقى أحلى ان شاء الله
رجعت منى البيت وهى بتقول ايه الناس المعقده دى

(مش ملاحظين ان من ساعة ما هشام وصل منى مفكرتش تكلم سامح خالص

الفصل العشرون
فى منزل أم منال خطيبة هشام كان جميع النساء يضعن الطعام والمنزل ملىء بالسعادة نظرا لموافقة أبو منال على معاد الزفاف بعد ضغط من منال وأمها
مبروك يا هشام ربنا سبحانه وتعالى يتم الزفاف على خير ونفرح بيكوا بقى وألاقى حد يقولى يا خالى
هشام ضاحكا:يارب بس أبوك ميرجعش فى كلامه يا عم وانا أخاليهم يقولولك يا خالى يا عمى كل اللى أنت عاوزة

أدهم:لا يا عم مش عاوز غير خالى وبس كفايه عليا
هشام :وانت بقى مش هنفرح بيك قريب ولا ايه
أدهم :والله مش شاغل بالى بالموضوع ده يا هشام
هشام :يعنى ايه مش ناوى
تدخلت أم منال فى الكلام :قوله يا هشام يابنى لحسن واجع قلبى أوى كل ما أجيبله واحده يقولى مش وقته لما الصغيرة تتجوز الاول
هشام :ايه يا عم مالك واجع قلب امك ليه ..طب الصغيرة هتتجوز اهيه ها
أدهم:خلاص بقى يا هشام متفتحش عليا فتحه
هشام:ايه يا عم انت بتحب ولا ايه..لو حاطط عينك على واحده معينه قولى
أدهم:بحب ايه بس ..انت مش شايف البنات بقت عامله ازاى الايام دى بصراحه كده مبقاش فى فرق بين البنات
متقدرش تعرف البنت المحترمه من غيرها وانا انت عارف ماليش خبرة فيهم هبقى واثق فيها ازاى دى

أم منال:ما انا جيبتلك اكتر من واحده من قرايبنا عارفينهم وعارفين اخلاقهم
أدهم مستنكرا:هو انا قولت لاء ما انا روحت معاكى فى كل الزيارات اللى صممتى عليها ومفيش ولا واحده عجبتنى
أمه وهى ماشيه: والله انا تعبت معاك هتجيبلى الضغط
دخت الام أطمئنت ان السفره عال العال ثم عادت ودعت الجميع للغذاء
دخل أدهم وهشام لقوا البنات قاعدين على السفرة هشام دخل وأدهم رجع خطوة وأتردد
أمه:ما تيجى يا أدهم واقف ليه
أدهم:بقولك ايه يا هشام ما تيجى ناكل بره علشان البنات يقعدوا براحتهم يعنى
أبوه :تعالى يابنى مفيش حد غريب
منى أستغربت اوى ايه ده هو لسه فى رجاله بتتكسف
وبعد الغدا وكعادة البيوت المصريه لازم الشاى
جلس الجميع ..الاتفاق على تفاصيل الزفاف هو سيد الموقف
الحمد لله الموضوع عدى على خير والتفاصيل محلش عليها مشاكل أصل الامهات أطيب من بعض بصراحه
أم منال طيبة وأم منى طيبة جدا علشان كده لما شافوهم جالسين يتهامسون محدش خد فى باله هما بيتفقوا على ايه
تواعدت منال مع منى أنهم ينزلوا يجيبوا فستان الفرح مع بعض وحاولت منال ان هشام يروح معاهم لكنه أعتذر عاوز يخلص الشقه علشان الفرح خلاص على الابواب
جهزت منى نفسها علشان رايحه تقابل منال ليقوموا بجوله فى المولات ..فستان الفرح مش لعبه يا ناس

لكن التليفون رن
أيوا يا منى هشام موجود
منى: ايه يا منال مالك فى حاجه ولا ايه
لاء بس أدهم أخويا مش راضى يجى معانا لوحدنا عاوز هشام يجى معانا
منى ضحكت:ايه خايف على نفسه من الفتنه ولا ايه
منال :هو هشام راح الشقه ولا لسه
منى: راح من بدرى ده من الصبح هناك
منال: طيب هكلمه وارد عليكى على طول

أتصلت منال بخطيبها
أيوا يا هشام أخبار الشقه ايه
هشام:خلاص يا قمر هانت هما يومين ونجيب الفرش على طول
منال:مش فاضى ساعتين كده تيجى معايا انا ومنى
هشام:مش أتفقنا يا منال أدهم يروح معاكوا انا مش فاضى
منال :أدهم مش عاوز بيقولى طالما منى معانا يبقى لازم هشام يجى
هشام:والله أخوكى ده راجل ..طب شوفى ساعه واحده تخلصى فيها متضايعيش الوقت
منال:ساعه واحده ..طيب هحاول
هشام خلاص أجهزى

قفلت منال مع خطيبها وكلمت منى
منال:خلاص يا منى كملى لبس هشام هيجى معانا
منى:والله أخوكى ده غريب
منال :معلش يا منى هو دماغه كده يلا بسرعه بس عاوزه الحق أخوكى مدينى ساعه واحده بس

قفلت منى وهى بتضحك :حاجه غريبه
أمها:ايه يا منى ايه اللى حاجه غريبه ده
منى:معرفش يا ماما رجالة آخر زمن ..قال ايه اخوها محرج يخرج معانا لوحدنا وصمم هشام يجى معانا تخيلى
الأم:والله ابن أصول
منى:أصول ايه فى راجل يتحرج من بنت المفروض العكس
أمها:قولى لنفسك
منى:ايوه هاتيها فيا أنا ..انا رايحه أكمل لبس

وهما فى سيارة أدهم ساد جو من السعاده هشام يتبادل النكات مع الجميع ومن وقت لاخر يرسل مشاعره لمنال عن طريق بعض الكلمات التى قطعها عليه اخوها
:ايه يا هشام راعى وجودى يا اخى
هشام:ايه يا عم دى مراتى انت ناسى اننا كاتبين كتابنا ولا ايه
ادهم:انا بقى بعتبرك خطيبها لما تبقى فى بيتك ابقى قولها براحتك
هشام:بقولك ايه سوق ياعم وركز فى الطريق ملكش دعوى بينا متخالينيش ادعى عليك تتجوز واحده اخوها رخم زيك كده
منال:معلش يا هشام ما انت عارف ادهم غيور اوى
هشام:انتى هتقوليلى ده طلع عينى قبل كتب الكتاب
فاكره لما كنت بتصل بيكى ..تقوليلى ايوه يا أستاذ هشام
هههههههههه لم يتمالك ادهم نفسه من الضحك مع هشام ومنال

الا منى:الكلام حواليها مش عاجبها شايفه انهم معقدين
معلش اصلها متعوده على الشاب الفرى اللى بسيب اخته على راحتها

طبعا معرفوش يخلصوا كل المطلوب بس منال لقت الفستان التحفه اللى كانت عاوزاه لكن مع الاسف الاتنين اتكلموا فى نفس واحد شوفى غيروا ده عريان
منى :ده عريان؟كل العرايس بتلبس كده
هشام وادهم :لاء
تدخلت صاحبة المكان:فى حل وسط:الفستان ممكن يتقفل بطريقه معينه وهيبقى أحلى ان شاء الله
رجعت منى البيت وهى بتقول ايه الناس المعقده دى

(مش ملاحظين ان من ساعة ما هشام وصل منى مفكرتش تكلم سامح خالص