ياهلا رودينا
موضوعك كتير حلوة فكرتوا متل صاحبته ,
فكرتني بموقف مابيتنسي يوم قدم طلب زوجي لزياره بيت الله الحرام
ويوم استلام جواز السفر من الامن العام خبروني ان جواز سفر زوجي ماوصل رحت الامن العام
ووقفت كم ساعه انتظر دوري وتعبت من الانتظار وبين علىه التعب الله وقف معي شيخ ابن حلال
وودخلني وطلب من موظف يشوف اسمي على الكمبيوتر وسئلوني ان اسمي
خبرتوا ان الجواز لزوجي ما الي ,,شاف الاسم وقال مبروك وطمني ان بيسلموا كل الجوازات للحمله
الي مشارك فيها تاني يوم كان تسليم الجوازات بالمسجد وكل الموجودين استلموا وزوجي ماطلع اسمه
الله يرحموا زوجي وجه صار مابيتفسر من الزعل لانه انوعد بالسفر الي اله سنين ناطر هاليوم
وحمل حاله وقال ياللا ترجع البيت !!!!!
طلبت منه ينطر لنعرف شو السبب انا بعيني شفت اسمك بالامن العام ,,اكيدفي غلط مابرد عليه
وضهر وتركني مع ابن اخي قربت من المسؤول بالحمله وقلتله وهلق شو الحل
قال بكرا بتروحي الامن العام وشي بيوصل جوازه بيسافر لجده وبيتصل فينا
هون سكر راسي قلتله زوجي مطمن مسافر مع ابن اخي لانه معه القلب مابييسافر الامعكم مع الحمله
لنطمن عليه ,وبكل جديه طلبت منه او بيروح معي الامن العام الان وفورا
او بيرجع تكاليف الرحله وزوجي مابياسفر لوحده ,,ابن اخي يقلي طولي بالك خايف يزعل المسؤول
لان مرافقه بالرحله ..التفت وقلتله ياعمتي الي ايدا بالنار مامتل الي ايده بالمي
شافني المطوف جديه ومصره على موقفى قال ياللا نروح للامن العام
اخدنا ابن اخي بسيارته ولاناس بالامن العام متل يوم الحشر مافي طريق لتدخل بينهم قالولي انطرينا برا
وبعد شي ساعه بيضهروا وبايدهم جوازين واحد لزوجي ولشخص تاني
شعرت بفرحه ماتوصف ورجعت البيت زوجي قال ماتزعلي حالك انا عارف ان الامل بسيط لاننا قدمنا طلب اخر وقت
الله كريم انفي قسمه بقدم السنه الجايه وهو وجه باين عليه الحزن
اعطيته الجواز السفر باركتله وقلتله قوم نضب الشنطه وحضر حالك طيارتكم بكرالصبح
ومنسهر عند الحجه امك لتودعها وهيك منخبرك
حبيبتي كل موضوع وانت بخير باتظارك جديدك بكل سرور
4
تعليق