بنات محتاجه رايكم هل ده رد فعل طبيعى ولا تاثير من الشيطان على ؟

[شيمه الحب]

السلام عليكم ورحمه الله وبركاته
اخواتى هدخل فى الموضوع على طول عشان مضيعش وقتكم

انا زعلانه من جوزى بكلمه عادى ولكن من جوايا زعلانه بكلمه الكلام العادى اللى هو على اد متطلباته انا زعلانه منه عشان الفتره اللى فاتت احرجنى كذا مره قدام الناس خاصه امى داما بيتعمد انى يظهرلى انى غبيه دايما لازم يقولى انى مبفهمش
انا مش هقولكم انى ذكيه وانى بفهم لكن هيكفينى انى هقولكم انه لما بيحتاج مشورة بيسالنى انا لما بتبقى حاجه فعلا تايهه منه ومش قادر يفكر انما لو واضحه عنده ولا بيعبر اى حد يقوله اى حاجه

كمان مش بيعطى وقت للبيت خالص يعنى هو اما فى الشغل او جاى تعبان فينام واذا كان صاحى وعنده وقت اما على النت او مع اصحابه
ولما كلمته قالى انه بينام عشان تعبان فى الشغل وبيصحى بدرى
على الرغم انى لو انا اللى تعبانه بوزة بيبقى شبرين

المهم السؤال الوقتى احنا اتكلمنا امبارح بس مدخلناش فى الموضوع قلت له انى زعلانه عشان الحاجات دى سابنى ونام
بعد ما نام صعب على قعدت احاسب نفسى واقول يا ترى انا معايا حق ولا تصرفى ده كان من الشيطان باعتبار انه مش بيحب زوجين نايمين كويسين مع بعض
عاوزة نصايحكم

[**~~ فجـــر جــــديد ~~**]

بصراحة إنتى مكبرة الموضوع شوية
و أنا بعتقد إن الأمور لازم تتعالج بهدوء و ذكاء منك
يعنى مثلا:
لما يحرجك قدام الناس ما توقفيش و تلوى بوزك و تعرفى الناس كلها و أولهم هو إنك إتحرجتى
بالعكس إبتسمى و غيرى الموضوع
يقولك إنتى غبية ما بتفهميش
قوليله تصدق إنت عندك حق ، هيقولك ليه
قوليله بلاش عشان ما تزعلش
هيقولك لأ قولى
قوليله أنا غبية لأنى لغاية دلوقتى مش قادرة أفهم عقليتك الجبارة دى
بس عزائى فى كدة إن مفيش مخلوقة هتقدر على العبقرية اللى إنت فيها دى
و أنا بحمد ربنا و ببوس إيدى وش و ظهر إنه رزقنى بيك و بدماغك الرهيبة دى
ربنا يخليك ليا و أفضل أتغابى على طول عشان تعلمنى من علمك و تفهمنى من فهمك
حاولى تقرأى أى كتاب و تتظاهرى إنك مش معنى أى حاجة
و قوليله أنا قلت إن مفيش غير أذكى الناس روحى و حبيب قلبى هو اللى هيفهمهالى
و فعلا إشركيه معاكى و خليه يقرأ و يشرحلك و إنتى حسسيه إنك مبهورة بيه و بأسلوبه
و قوليله ياااااه طريقتك جميلة و فهمت منها على طوووووول ، الله عليك يا حبيب قلبى ، موووووواه على خده
و لما يقولك إنه تعبان و عاوز ينام ، قوليله هقوم أجهزلك الحمام حالا عشان تنام و إنت مرتاح
و فعلا تظبطى الدنيا عشان ينام فى هدوء متناهى
و تنامى و إنتى حاضناه من ظهره كمان عشان تحسسيه بإحتياجك و بإنك مشتاقة ليه
و الأوقات اللى بيغيب فيها عن البيت
حاولى فيها إنك تبعتيله رسالة توضحى فيها شوقك بس بطريقة مش مباشرة
يعنى إبعتى قوليلة : أنا قاعدة لوحدى دلوقتى و إنت شاغل بالى مش عارفة ليه
ياترى أنا كمان شاغلة بالك ؟؟؟؟ ، بتمنى
قوليله : روحى و قلبى إنت خاطفهم معاك ، يا ترى إمتى هيرجعولى معاك بألف سلامة ، و لا أقولك هما مش مهم ، المهم إنت ترجعلى بمليون سلامة
و كدة يعنى
و حاولى تغيرى فى كل حاجة مش بتعجبه و تركزى على النظافة و النظام و الإهتمام بالبيت و بمظهرك و ببرفانك و مكياجك
و هو هتلاقيه إن شاء الله على طول معاكى
ربنا يهديلك حالك و يهدى سرك يا رب

[ام ايودي عبد الرحيم]

حبيبتي شيمة انا شايفة انه معاك الف حق انه تزعلي من زوجك ولو انا مكانك ازعل كتييييييييييييييييييير واعمل موقف
اولا لما يتعمد احراجك قدام اهلك هو غلطان و المفرو ض يكون تصرفه العكس يبين احترامه ليك و تقديره ليك قدام اهلك واهله والاخرين
ولو عنده ملاحظة عليك يبقى يقلهالك لما تكونوا وحدكم مش قدام الكل
تاني حاجة مش بيعطي للبيت وقت و لو كان فيه يقعد على النت او يخرج مع اصحابه هو هنا كمان مقصر كتير و غلطان
المفروض يخصص وقت ليك وللبيت وابنه و بعدها يقدر يقعد على النت او يخرج مع اصحابه مرة على مرة
لكن انه يتعذر ليك بالتعب و يروح ينام ولما ما يكونش تعبان يخرج او يقعد على النت فهذا شئ مش مقبول انت وابنك عتدكم حق عليه وهو لازم يوفيهولكم على قد ما يقدر
واكيد انت لما تشوفيه تعبان مرة على مرة ومش قادر حتقدري ذلك وتعذريه لكن انه دايما يتحجج بالتعب من الشغل فهذا هروب و عدم تقديره ليك
الحل لهذا انا شايفة انه لازم تتناقشي معاه و تحطي النقاط على الحروف و انك مش راضية يهذا الوضه ولازم يلاقي حل جذري
بس لازم تختاري الوقت المناسب للنقاش حتى ما ينقلب النقاش الى شجار او تهرب منه
وانصحك تكوني هادية في النقاش و تتمالكي اعصابك حتى تقدري تصولي لحل مرضي معاه
وربنا يهيده ويسخرهولك و يبعد عنكم الزعل و يحعل المودة والمحبة بينكم ياااااااااااااااااااااااااااارب

[شيمه الحب]

ربنا يخليكم يا بنات لى عوده باذن الله

[رودينا7]

حبيبتي شيمه
هذا الموضوع تمر فيه كثير من السيدات خصوصا
في ايامنا هذه في خضم متطلبات الحياة الحاليه
حبيبتي اذا كان احرجك زوجك امام اهلك او اهله فهذا لا يجوز
ويجب عليه احترامك مثلما تحترميه انت
واذا تكرر نفس الموقف معكما مرة اخري لا تؤجلي الموضوع
فالتأخيل في مواضيع كهذه تفقد حرارة الموقف وسيقول لك
مش فاكر او خلاص حصل ما كان قصدي او اللي صار صار
فيجب عليك النقاش معه في نهاية اليوم وقولي له لا استطيع ان انام
وانا احمل غصة في قلبي منك فانت زوجي وحبيبي واريد ان انام وانا مرتاحة البال
استعملي ذكائك وناقشيه في ساعة هدوء لتفهمي سبب تصرفاته هذه واطلبي منه تفسيرا لمعاملته
اما غيابه من البيت وعدم تفرغه لك ولابنه
فاتفقي معه لتخصصي يوم في الاسبوع لكما انتم الثلاثه
وقولي له بانك تعلمين بأن مشاغله كثيره ولا تريدين ان تزيدي عليه الاعباء بطلباتك للخروج
وان كنتم تمضونه في البيت فلا بأس ولكن من دون النت او التلفاز
قولي له هذه الاجهزه سيرافقانا طول العمر
ولكن عمر ابننا الصغير يمضي..... ويكبر ولا تاتيه مرحلة الطفولة مرة اخري
فلماذا تفوت عليك فرصة قضاء الوقت مع ابنك وتشاهده وهو يكبر
يأتيك يوم وتندم ولا تذكر من صغره الا الصور
الابناء يكبرون وكل يمضي في طريقه دراسه ..زواج......
ولا يبقي سواكما في البيت
حبيبتي ناقشيه بذكاء وافهمي سبب تصرفاته
واذا عرفتي السبب تعرفين كيف تتعاملين مع الوضع بأذن الله تعالي
الله يوفقك ويجمعك بزوجك علي خير ومحبة
وان يهديه ويسخره لك ولابنه

[DAHUBA14]

شوشو يا شوشو هوني عليك يا غالية
الموضوع بتقدري تحليه بكل بساطه بطريقة حلوه منك
لآنك اكيد تعرفي طبيعه زوجك و متى يكون رايق و مستعد
ان يستمع لك اما يا غالية تأتي قبل موعد نومه بقليل لتقولي له انا زعلانه منك
اكيد ما عنده نفس ساعتها ان يستمع اويناقش الأمر
لأن عقله في النوم ، بتقولي انه بعد ما نام صعب عليك يعني عرفتي ان الوقت ما كان مناسب للحوار و العتاب
اختاري وقت مناسب وطريقة الكلام ايضا تكون مناسبه و اوصلي لزوجك ما تريدي
من غير زعل و عصبيه ، افهميه انك تحبي ان يعاملك تماما كما يحب ان تعامليه
امام الناس او حين تكونوا لوحدكم نفس الشيئ الإحترام و اختيار الكلمات
و الألفاظ لأنها اساس السعاده الزوجيه
اما بنسبة لوقته اعتقد من حقه يخرج مع اصدقائه و من حقة ان يجلس على النت
ولكن بحدود ايضا كما لأصحابه وقت يجب ان يكون لكم انت و طفلك وقت
اتفقي معه على ذلك مثلا لتخصصوا يوم اجازتكم ان تقضوه معا
بعيدا عن كل شيئ النت الأصدقاء وحتى الأهل ليكن هذا اليوم لكم وحدكم
وانت حاولي ان تعملي جو حلو يخلي زوجك مشتاق لهذا اليوم
فكري و خططتي و نفذي من غير اوامر خلي الموضوع تلقائي و عفوي
اعملي مفاجئات و ان شاء الله النتيجه تكون مرضيه لكم جميعا
اما وقت نومه بتعدي و اتركيه ينام بسلام اصل النوم بعد تعب النهار لذيذ و خاصة في الجوا البارد

[شيمه الحب]

شكرا دهوبه شكرا رودينا
بجد مش عارفه اقول ايه انا حاسه انى مخنوقه جدا جدا هو كمان عنده مشكله فى الشغل حسبى الله ونعم الوكيل وفى الناس اللى بتاذى بعضها
ممكن توصل انه يقدم استقاله من الشغل
انا حاساه مخنوق عشان كده بيتصرف بدون وعى كامل بس انا كمان زعلانه عاوزة اجى على نفسى شويه بس زعلانه جدا جدا من طريقته
مش عارفه اعمل ايه
بالنسبه لوقت الخروج والله اتكلمت فيه كتيييييييييييييييييير لكنه يذهب هباءا
مشكورين اسالكم الدعاء

[رودينا7]

اللهم اجعل لأختي شمه من كل ضيقا مخرجاومن كل هما فرجا
واجعل القران ربيع قلبها
ونور صدرها
وجلاء همها
وذهاب حزنها
واملئ قلبها نورا وفرحا وسرورا
واهدي زوجها واجعلها قرة عينه
وسخرها له وازرع محبتها في قلبه
كما زرعت حب عائشة رضي الله عنها
في قلب النبي صلي الله عليه وسلم
وادم بينهم السعاده
اللهم امين ..........
حبيبتي هوني عليك يالغاليه
ورب العالمين سوف يفتح لك ابواب رحمته من حيث لا تحتسبين

[shrwet]

حبيبتى شيمه طبعا طبيعى انك تزعلى وخاصه ان الواحد لما بيكون عنده وقت فاضى او زهقان شويه

ممكن تكونى انت كمان زهقانه وعندك وقت فراغ فتشعرين اكثر باهماله وممكن تكونى مضغوطه من شغلك والولد وشغل البيت وكلها عوامل مساعده للبحث عن الغم
طبعا كونه يحرجك امام اى شخص هذا غير مقبول وطبعا تزعلى وطبعا لانك زعلانه فالشيطان يفتح لنا الطريق وتجميع كل الامور الغم وكل المواقف السلبيه التى تجعلك لا تطيقى زوجك ولذلك عليك بالاتى

-- اختيار الوقت المناسب وذكاء حواء للنقاش معه بهدوء وايضاح ان ذلك يضايقك ويا ريت الا يتجاهل ذلك حتى لا نفتح فرصه للزعل والخناق
-- اشغلى نفسك وحاولى تشاركيه الحوار وافتحى موضوع جديد وتكونى قارئه جيده حتى يشعر بالانبهار انك مثقفه وملمه بالموضوع

-- انت قلتى انه عنده مشاكل فى عمله فعنده ضغط وكما قلتى احتمال يترك العمل وهذا لوحده عبء كبير من حيث المصاريف وتبعيات ذلك من مشاكل حاولى ان تقفى بجانبه ودعميه وقويه وربنا يهديه ويجدك تشددى ازره ويشعر بك وبموقفك معه

---- الدعااااااااااااء ثم الدعاء ثم الدعاء وانت جالسه وانت تصلى وانت فى كربك ادعى له
-- اهتمى بابنك بقدر الامكان وحاولى ان يملا الفراغ حتى يشعر زوجك بلايجابيات التى طرأت على طفله ومجهودك معه

ربنا يعمل لك الخير يا غاليتى

[مغربية ملتزمة]

الله يفرج همك حبيبتي
والبنات ماشاء الله وفوا وكفوا
ناقشيه الأمر وكوني ذكية ولا تخلي الشيطان يدخل بينكما
وفقك الله وهداك لما فيه الخير والصلاح

[kamer14]

يا حبيبتي يا شيمة عديها تعدي و لا تركزي كثيرا على قوله على الأقل في هذا الوقت
حتكبر في دماغك و تشعري على أنها إهانة و تتغير معاملتك ليه و الشيطان هو الرابح
أسألت نفسك لم يفعل ذلك هل يقصد أم لا يقصد
و اذا كان يقصد فما سبب ذلك
ربما يشعر حقا أنك أذكى منه لذلك يصرح بما صرح
و ربما أنت من يشعره أنك أذكى منه و أي زوج لا يحب أن تفوقه زوجته و خاصة في الذكاء لذا هو ينتقم منك
و في كلتا الحالتين لا يضرك كلامه فأنت أعلم بإمكاناتك العقلية و ذكاءك
و أنا أصرح لك بأني لمست ذكاءك من خلال إجاباتك و كذلك طيبة قلبك

و أنا أكتب تفكرت إحدى صديقاتي تخبرني أن زوجها لا يتوقف يتكلم عنها و عائلتها بالنكت
في الايام التي يكون حبه لها في أعلى مستوياته
و هي تعذره لأنه سكران بحبها و لا مرة انتقدته فهي أدرى بحاله

ربما زوجك يكون في نشوى الحب عندما ينتقدك و ما أدراااك؟؟؟ أضحك معك

عجبني رد فجر جديد و حلولها المرنة الذكية فهو هجوم معاكس لطيف عوض أن تأخذي دور الدفاع
تلك الحلول تشبع غرور الرجل و مع الوقت يكف عن انتقادك بل و سيمدح فيك جربيها ما راح تندمي

استعيني بالدعاء في السجود أن يسخر لك زوجك و يقر عينه بك

[**~~ فجـــر جــــديد ~~**]

يا حبيبتي يا شيمة عديها تعدي و لا تركزي كثيرا على قوله على الأقل في هذا الوقت
حتكبر في دماغك و تشعري على أنها إهانة و تتغير معاملتك ليه و الشيطان هو الرابح
أسألت نفسك لم يفعل ذلك هل يقصد أم لا يقصد
و اذا كان يقصد فما سبب ذلك
ربما يشعر حقا أنك أذكى منه لذلك يصرح بما صرح
و ربما أنت من يشعره أنك أذكى منه و أي زوج لا يحب أن تفوقه زوجته و خاصة في الذكاء لذا هو ينتقم منك
و في كلتا الحالتين لا يضرك كلامه فأنت أعلم بإمكاناتك العقلية و ذكاءك
و أنا أصرح لك بأني لمست ذكاءك من خلال إجاباتك و كذلك طيبة قلبك

و أنا أكتب تفكرت إحدى صديقاتي تخبرني أن زوجها لا يتوقف يتكلم عنها و عائلتها بالنكت
في الايام التي يكون حبه لها في أعلى مستوياته
و هي تعذره لأنه سكران بحبها و لا مرة انتقدته فهي أدرى بحاله

ربما زوجك يكون في نشوى الحب عندما ينتقدك و ما أدراااك؟؟؟ أضحك معك

عجبني رد فجر جديد و حلولها المرنة الذكية فهو هجوم معاكس لطيف عوض أن تأخذي دور الدفاع
تلك الحلول تشبع غرور الرجل و مع الوقت يكف عن انتقادك بل و سيمدح فيك جربيها ما راح تندمي

استعيني بالدعاء في السجود أن يسخر لك زوجك و يقر عينه بك

جزاكى الله كل خير أختى الكريمة قمر 14
و انا و الله لما قلت لها كدة كنت قاصدة ان ميبقاش فيه صدام
لان الصدام بيولد مشاكل و عند من الطرفين و بالتالى نكد و مشاكل
و الراجل طفل صغير تعامليه بانه احسن واحد فى الكون يخليكى تاج فوق دماغه
دى الخبرة اللى اكتسيتها من حلقات الندوات مع المطلقات
بس للأسف بعد فوات الأوان

[شيمه الحب]

بنات مشكورين واسفه على التاخير فى الرد انتم معاكم حق انما انا مش عارفه اتعامل معاه بالشكل ده نفسى تعبانى

[نورم]

ربنا يفرج همك ويهديه ادعي ديما اللهم اجعلني اجمل النساء في عينه واجعلني اغلي النساء في قلبه
انا لو مكانك هزعل انا بس عيزاكي تنبيهيه لحاجه واحده قوليلي مهما حصل مهما زادت المشاكل خلينا نحافظ علي احترامنا لبعض ادام الناس كل الناس حتي اهلنا
انا شايفه ان دي اصعب نقطه في الموضوع ما عدا ذللك عادي وبيحصل في كل البيوت وانت هتقدري تلاقي حل بالهدوء

[شيمه الحب]

حبيبتى والله الموضوع عدى قدامهم وانا هزرت بس زعلت جدا
تخيلى مثلا لما نفضل اسبوع كامل يجى من الشغل ياكل وينام عشان يصحى الصبح يروح الشغل ويجى ياكل وينام
عدد ساعات نوم رهيب حتى لما اكون فى المطبخ يرفض ياخد الولد معاه وهو لسه طفل ممكن يوقع اى حاجه عليه يقولى متعمليش الا لما ينام
على العلم انه ممكن ينام ساعتين ويصحى باقى الليل وانا بكون فى الشغل الصبح وفشلت فى تنظيم وقت نومه لانه لما بيروح لامى امى بتنيمه وبتاالتالى مش بيرضى ينام كتير فى البيت
اللى يغيظ بقى انه بيروح يسهر عادى يوم الخميس مع اصحابه ويرجع تانى يوم بعد الصلاه لى حق ازعل ولا لا