رحت للمستشفى بسبب زوجي مرضت ومرضت

[بسمة شمس]

السلام عليكم
اخواتي والله انة عايشة بنفسية محطمة ومش طايقة نفسي لدرجة انة لولا الانتحار حرام لانتحرت
المشكلة في زوجي كان معي بالجامعة بس طبعا ماكان في علاقة بس ضل تلات سنين وهو يلاحقني ولما تخرجت مباشرة دور على بيتي ويخطبني
والدي ماوافق قال هدول ناس مش من مستوانا وضل الشب مصر وقاللي انا ازا ماأخدتك مارح اتجوز وبعدسنتين رجع وجاب واسطة كبيرة لأبوي وافق على مضض
وكل الناس مدحو في اخلاق أهلة
أثناء الخطبة جربت أختبرة خليت صاحبتي ترن علية انصدمت ولا هو بقوللها دبحتيني بهالصوت منشان الله ضلك رني علي
طبعا أنا انصعقت وطالبت بفسخ العقد
وهو غيب وتأسف وقال بموت اذا بتتركيني وأكرمكم الله كان بدة يقبل حذائي وبكا و7شهور وانا زعلانة
بالأخير كتر ماأعتزر عن انة كان يحاول لعلاقة مع صاحبتي
قبلت وتزوجنا من سنة
اقسم بالله كل الناس بقولو كيف ماخديتة هي حلوة كتير وهو لا
ومع ذلك وأنا عروسة أحسة دايما عالتلفزيون على قنوات الرقص وانا بشتغل
انقهرت وسكتت
وبكون قاعدة بنفس الغرفة بكون فاتح على صور بنات وبتفرج
ومرة مسكت تلفونة لأشوف طلع الأخ لما أطلع من البيت بضل يحضر الرقاصات
أنا شفت منظلرهم وحركاتهم انصعقت
والكارتة انة بحط وأنا موجودة بوطي الصوت منشان ماأسمع
والله مابقصر معة باشي لانظافة ولا بيت ولا طعام كلة من أحسنة وبهتم فيه اهتمام لايوصف

لكن وجع قلبي انة عالكنباي بضحك ومبسوط بنظر للرقاصات والله قلبي محروق الي بشوفة كان مابدة غيري مابتوقع هاي العمايل
انا حسيت بالاهانة لانة ولا كااني موجودة مطنش ونازل يتبصبص ويتبسم قدامي
حسبي الله ونعم الوكيل
بالاخر واجهتة لانة زودها صار ينكر بالاول بس لما فرجيتة الدليل صار يبكي ويخبط بحالة انة ندمان كزاب مابندم غير لما أكشفة
والله مش طايقة تصرفاتة وعشقة للنسوان غريب
طلبت منة يطلقني مارضي منشان الله شوأعمل معة مش مصدقة ومش طايق الرقاصات الي حياتة صارت الهم مع اني بعملله هاي الأشياء وشكلي بجنن بس مش معبية عينة
الله يرضى عنها الي بتنصحني شوأعمل مع هالزلمة الي سببلي قرحة وضغط من القهر

[فاطمة العايدي]

السلام عليكم ورحمة الله
لا حول ولا قوة الا بالله .. اهدي يا اختي اهدي ولا تزعّلي حالك وتسمّي بدنك مشانه
يعني بتكوني مبسوطة لو لا سمح الله بصير معك سكري والا ضغط والا قرحة والا وووووو ....
يا اختي كل ابن ادم خطّاء .. انظري لمشكلتك دائما انها اهون من غيرك .. في اخوات مشاكلهم اعظم من هيك بتوصل للزنا او الضرب اواواو ..

تعالي معه بالسياسة .. اجلسي معه بالهدووووء وصارحيه بكل ود وحب وقوليله يا حبيبي ليش بتعمل هيك فحالك ؟ صح الله عزوجل امرنا في القران " وقل للمؤمنين يغضوا من ابصارهم ويحفظوا فروجهم " .. كيف هان عليك تعصي الله عزوجل وهو بنظر اليك في جميع الاوقات والاحوال ؟

تخيل انه ملك الموت جاء اثناء مشاهدتك للراقصات ؟ تخيل مت على هذه الحالة والعياذ بالله .. مش صح راح تبعث على هاي الحالة ؟
والله يا زوجي يا حبيبي انا خايفة عليك من عقاب ربنا .. خايفة من غضب الله علينا .. يا حبيبي خلينا نعين بعض ونبتعد عن الشيء اللي بغضب الله

اكثري من الدعاااااء اله .. قولي ربنا هب لنا من ازواجنا وذرياتنا قرة اعين واجعلنا للمتقين اماما

انا عااارفة انك كتييير زعلانة .. واشي طبيعي تغاااري .. لكن لا تتصرفي بعصبية وصراخ وزعل لانه بهذا الاسلوووب بعنّد اكثر وممكن يصير امامك يبطل يطلع خوفا منك .. ومن وراك يصير يطلع على الراقصات لانه الايمان ضعيف عشان هيك الحل تقربيه من الله وتزرعي في قلبه الخوف من الله .. كنتي معه او كان لحاله ما يطلّع على الراقصات

ذكريه بالصلاة .. قربيه من بيت الله .. تذكري " ان الصلاة تنهى عن الفحشاء والمنكر " .. اعينيه على اداء الصلاة على وقتهاااااااا وفي المسجد بكل حنيّة وحب و ود وابتعدي عن الصراااخ لانه والله ما بجيب الا المشاكل وبكبّر الامور

مرة تانية بحكيلك .. والله يا اختي الدعاااااااااااااااااااااااء له مفعوووول عجيييب .. ألحّي بالدعاااء ولا تيأسي ولا تتركي الدعااااء ابدا حتى لو بطّل يشوف اللي بشوفه .. اخرجي صدقة بنية هدايته واكثري كمان من الاستغفار بنية صلاح الزوج والاحوال.. ولا تنسي تقرأي من كتاب الله ولووووووو صفحة وحدة حتى تشوفي البركة في بيتك ان شاء الله

(كأنك من الاردن صح ؟ )

[ماماحميدة]

حبيبتي بسمة بدك تاخدي الامور بشوية صبر حقك تتضايق من زوجك
لهفواته ومشاهدته للتلفاز لراقصات بوجودك ,وبنفس الوقت غلط تكبري الامور لدرجه تفكري بالانتحار
اكيد زوجك بيحبك ولكن بيئته واصدقائه بيعتبروا هالشي عادي بماانه بيحبك وبيعتذر
خدي كل وقته ولا تشتغلي بوجوده وطلبي منه بلا التلفاز وهيك برامج هابطه اختاروا هويات مشتركه
اعطي اكتر من وقتك الزوج وبعده متزوج جديد اخر همه تتطبخي له وتنضف البيت وغيره
هي امور حضريها بغيبته ان ماعندك وظيفة برالبيت ,وان بتشتغل استعين بشغاله يوم بالاسبوع لللتضيف
وترتيب البيت ليقى معك وقت الك واله تمارسوا اي نشاط مع بعضكم
يابنت القصه مابتستاهل تخربي بيتك ولا تطلبي الطلاق اول سنه زواج اصعب سنين بحياة كل زوجين
جرب تفكري كيف تقدري تغيريه باسلوب الزوجه الدلال وتفهميه انك بتغاري عليك
لانك بتحبيه وماتشعريه انه ركض وراك لقبل اهلك يزوجك اله ,اياك بخربي بيتك لامور ممكن تتغير مع الوقت
ولمعلوماتك اغلب الرجال ان شافوا بنت حلوة نظرهم بيسبق او ممتله رقاصه
قلال المتزمين وبيتقوا الله وبيغضوا ابصارهم ... انسي الطلاق وانتبهي على صحتك
وروقي وانتبهي على زوجك قلال الرجال الي بتعتذر من زوجاتها
انت بتعمه عرفي قيمتها ...زمن شاف مصايب غيره بتهون عليه مصيبته الدنيا ياما فيها
بلاوي والبيوت اسرار

ب حبيت اعطيك رائي متل بنت من بناتي
بالعند والتهديد مابتلاقي نتيجه الصبر والدعاء الله يحببكم بعضك
ومايشوف حدا بعينه احلى منك
وطمنينا عنك

[بسمة شمس]

أختي فاطمة الله يجزيكي الخير غكلامك لكن والله نار بصدري كيق يدور المتعة من غيري وأنا موجودة بتعزب من هالشي بموت ومش قادرة اسامحة اجى لبيت أهلي وبالأخر قلتلة بعد 4ايام برجع وهلأ ندمانة اني قلتلة برجع
كل ملبتزكر الرقاصات الي بتفرج عليهم بكرهه جدا والله لايدوق هالشعور لحد
يمكن انتي بتقولي اخف من غيرة انا الي حارقني اني مخلصة معة وبس بدي رضاة وهو بدور عرقاصات
وازا زكرتة بالصلاة بطنش الله يسعدك أختي دنيا وأخرة كانت أقصى امنياتي افتح المنتدى الاقي حد راد على موضوعي

نعم انا من الأردن

[بسمة شمس]

أختي ماما حميدة والله باين من كلامك تفكير عقلاني
لكن انا مشكلتي بمرض لما ازعل وهو مش انة بلاقي صدفة على التلفزيون لا هو بدور بفتح النت وبدور حاسة حالي بكرهه والله يسعدك ويوفق بناتك ياحبيبة قلبي

[بسمــله]

السلام عليكم حبيبتي / بسمة شمس

جعل الله لكي من أسمك نصيب وملأ حيآتك ابتسآمات

مشكلتك هي سوي أختيآر وكان يتوجب عليكي ان تتركيه بعد مآ أكتشفتيه في الخطوبه

لكن قدر الله ماشاء فعل تم الزواج وأمامك خيارين كلاهما مر .. أمآ الطلاق وأنتي الخاسره لأن بمقدوره يخدع غيرك ويتزوج

وأمآ الصبر الى أن يقدر لكي الله الخير .. وان أخترتي المواصله لاتكفي عن رفع يديكي والخشوع بين يدي الله أن يبدل حاله

وأحكي لكي قصه عروس صادفتها مدرسة التجويد التي ادرس على يديها في الحج وأخبرتها ان تدعوا لها وهي تبكي بشده

وقالت لها زوجي يشرب الخمر ويعاشر النسآء ويضربني ثم يلقي بي خارج باب الشقه شبه عاريه أمآ عندك أفظع من هذآ ! اكيد لا

وبعد مرور سنووأت تقارب ال8 دعتها تلك العروس لبيتها.. وعندما دخلت بيتها وجدتها دآعيه اسلاميه تلقي محاضرات ببيتها

,, ومن بالغرفه المقابله !!!!!؟؟؟؟؟

زوجها أصبح داعيه ايضآ ويلقي محاضرات هو أيضآ سبحان مغير الأحوال ...,,

اتدري ما السبب الدعآآآء الذي يرد القضآآء .. أصبري وأحتسبي ولاتملي من الدعآآء

رفع الله عنك في القيب العاجل وفرج همك

[DAHUBA14]

السلام عليكم و رحمة الله و بركاته

اختي بسمة أسال الله العظيم ان يفرج همك و يسعد ايامك و يهدي زوجك لما يحب و يرضى

الأخوات قالوا كلام جميل جدا جزاهن الله خيرا

وانا بدوري اريد ان اهمس في اذنك بعض الكلمات ايضا لعلها تريحك قليلا

انت اخترت و تزوجت وزوجك اكتشفتي ان لديه عاده لا ترضي الله و لا ترضيك

ما الحل هل تهدمي بيتك و تخربي حياتك و تتركي كل شيئ و تعودي لبيت اهلك تجري اذيال الخيبه و الحسرة

ام تصبري و تتسلحي بالدعاء و الطلب من الله ان يهدي زوجك و يبعده عن هذه العادة السيئة

ربما بدعوة منك في ساعة استجابه تبدل الحال لأحسن حال ، لا تجعلي أمر الغيرة يدمر حياتك

انت وافقت على الزواج من هذا الإنسان إذا انت عليك ان تثابري و تفعلي كل ما بوسعك من اجل

الحفاظ على حياتك و بمنتهى الذكاء ، اول شيئ يجب عليك فعله ان تخففي من غيرتك

وتجعلي همك اشغال زوجك عن هذه الأمور التي تغضب الله هذه اجعليها في المرتبه الأولى

بعدها كل شيئ سوف يصبح هين

اشغلي وقت زوجك بالخروج معك بالحديث معك بمشاهدة التلفاز معك كل شيئ مشترك بينكم

حتى لو اراد ان ينظر لهذه الأمور شاركيه في البدايه و ناقشيه نقاش منطقي ومن غير زعل

من غير ان تظهري غيرتك اشعريه ان شكلهم مقرف و حرام الواحد يضيع حسناته بالنظر إليهم قول له

خلينا نشوف اشي مفيد ، هيك يعني بطريقه بسيطه ما يشعر فيها انك عم تفرضي عليه رأيك

او انك بتحاولي تمنعيه من شيئ هو بيحبه لأنه رح يطبق المثل إلي بيقول كل ممنوع مرغوب

صدقيني لما يشوفك مو كتير مهتمه رح يبطل هل عاده لوحده ان شاء الله

فقط انتي ما تخليها مشكله حياتك و محور حديثكم

اختي العزيزة عليك بالإستعانه بالله سبحانه و تعالى بكثرة الدعاء و الإستغفار

والصبر ثم الصبر و الله سبحانه و تعالى ما رح يخيبك ابدا

الموضوع بيحتاج منك طولة بال ، اكيد اول كم سنه من الزواج هى اصعب مرحله

وبعدها الحياة رح تكون اسهل و اجمل ان شاء الله

دعواتنا ترافقك اختي و نصيحة اخيره من اخت محبه


خليك اكثر تسامح مع زوجك و لا تجعلي للشيطان مدخل ابدا .

[مجد الاقصى]

بسومة ياعمري
انسي فكرة الطلاق كل اشي بنحل بالروااااااااااق
لازم تعرفي كيف تشغلي وقت جوزك
يعني ماتخلي يقعد لحاله حاولي دائما تشغليه
الامور بتنحل ان شاء الله بس ماتخلي الشيطان يدخل بينكم
الله يهديه ويصلحه يارب

[بسمة شمس]

شكرا لك اختي بسملة على كلامك والله يصبرني دايما بكاء وحسرات واهات لكن حسبي الله ونعم الوكيل

[بسمة شمس]

اختي دهوبة شكرا لكلامك الراقي لكن انامشكلتي عصبية لدرجة كسرت كل شي بالبيت وقلبي بوجعني ماضل فيها مجال بهدوء وهو كمان بصخ وحياتي صارت جحيم

[بسمة شمس]

شكرا حبيبتي مجود والله انك متل الأخت الحقيقية الله يجبربخاطرك يارب ويبارك فيكي انا مابدي اتطلق وبنفس الوقت مش طايقة وجهة بذكرني بخيانتة