تعالى اقولك كلمه فى ودنك ؟؟؟؟؟ ( تجربة قيمة + ردود متميزة)

[شيمه الحب]

السلام عليكم ورحمه الله وبركاته


انا عارفه ان بقالى فتره منقطعه ومدخلتش
بس كنت بفكر اكتب موضوع ايه
فى موضوع ببالى بس مكنتش عارفه اكتبه ازاى
المهم انا هتكلم وانتم هتفهمونى
معظمكم عارف مشاكلى مع جوزى وخاصه اخر مشكله اللى يمكن كبرت اكتر من اى حاجه
وطبعا الحمد لله المشكله انتهت

عاوزة اقولك الدروس اللى انا استفادتها من المشكله دى لانى بصراحه حاسه انها اهم نقطه تحول فى حياتى

الحمد لله جوزى من يومها انا حاسه انه فى فرق كبير كمان انا اتغيرت
ولو قلنا ايه السبب هيبقى من وجهه نظرى

اولا انى حسيت انى معتش قادره اتحمل فقررت اعمل وقفه بجد اول حاجه اوقف فيها مشاعرى وافكر بعقلى بس

لانى كمان عرفت ان لويه البوز كل فتره مش بتجيب نتيجه لان جوزى مش فى دماغه يعنى مادام اكله جاهز وهدومه نضيفه وانتى ساكته ومش بتزنى خلاص هو مش خسران


ثانيا ان اصلا قبل ما تحصل المشكله لازم تكونى مظبطه حاجتين اول حاجه انك متتقمصيش بكل صغيره وكبيره وحاولى تعدى الامور وتضحكى عشان هو هياخد على كده وهيبقى شئ عادى

ثانى حاجه طبيعه النقاش بينكم يعنى مسمحش انه يقولى كلمه خارجه عن الادب او كلمه انا بزعل منها


ثالثا لازم يكون فى نقاش مستمر

رابعا انا كنت بزعل من افعال حماتى وعمتى كتييييييييييييييييير كانوا بيعملوا حاجات تضايقنى كنت بحطها على جوزها مع الوقت لقيته ميستاهلش انى ازعله بالحاجات دى لانه مالوش ذنب فيها وكمان لما بحكيله عليها بيزعل عشان دى امه واخته ومش بيراضينى حتى بكلمه

فقررت انى محكيش له حاجه مادام الامور فى اطار انى سمعت كلمه وعدت او موقف وخلص
وبصراحه من يومها حسيت بفرق كتيييييييييييييييييييييير


وكل ما النزغه الحريمى تشتغل اقول هو مالوش ذنب


يارب اكون قدرت اوصل فكرتى وياريت الاقى عندكم رد فعل واى واحده عاوزة سؤال انا موجوده

[zineb gharbia]

الله يسعدك شيمة الحبّ

الحمد لله حمدا كثيرا

سعيدة لأجلك ؛ وكلّ تغيير للإيجابي بفضل الله تعالى
ثمّ وقفتك مع نفسك والتفكير الجدّي في الأسلوب المناسب لمواجهة المواقف
زوجك كان أمامك طول الوقت ؛ لكنك أخيرا عثرت على مفاتيحه ؛ لاحظي أهمّية هذه الخطوة .
ربّنا يهنّيك ويديم عليك راحة البال ويوفقك .

[مغربية ملتزمة]

اسعدك الله وادام عليك نعمه
كلام جميل ونصائح اجمل
وكثرة الشكاوي خاصة ان كانت تخص أم الزوج او اخته لا تعود الا بالمضرة على المرأة
لأن الزوج سبحان الله يرفض تماما ان يذكر احد امه او اخته
لهذا ومن الافضل ان تتفادى المرأة هذا الأمر وتحل مشكلاتها بتقنيات وكيد النساء دون أن تقحمه في الامر

بارك الله فيك غالية وثبتك لما فيه الخير والصلاح

[نور العيون123]

اولا حمد لله ع السلامة

نصايح جميله وواقعية فعلا الشكوى من الام ملهاش لازمة لانها مش بتجيب نتيجه الصبر والاحتساب افضل

نقطة القمص على كل كبيرة وصغيرة دي مهمة جدا لان اللي بتعمل كده بتبقى نكدية والراجل بيطفش منها

ربنا يسعدك وتكونوا دايما تمام

نقطة مش بتسمحيله يقولك كلمة تزعلك او فيها اساءة ادب دي حققتيها ازاي؟

جزاك الله خيرا

[. تيوليب***]

ماشاء الله لا قوة إلا بالله
صحيح من جد وجد ،
لأنك تعلمتِ مما فات و تعلمتِ ألا تكرري أخطائك أو تعلمتِ كيف تتعاملين مع أخطاء زوجك والمحيطين بكم
كثير منا يقعون في نفس الأخطاء مرات ومرات وتستمر الحياة على نفس المنوال ، الزوج لا يرى إستجابة من زوجته وهي الأخرى لا ترى إستجابة وتغيير في تصرفاته تجاهها
وقليل من يعرفون كيف يتعاملون مع شريك حياتهم ويتفادون الوقوع في كثير من المشاكل

وكل ما النزغه الحريمى تشتغل اقول هو مالوش ذنب

صحيح هو مالوش ذنب وبالعكس لو أخذته بذنب أهله سوف تزيد المشاكل التي هما الإثنان في غنى عنها بل سوف يجعلها أهله ذريعة بأنهم معهم حق في أن زوجته هي التي تسبب المشاكل وبالتالي يتسببون في عمل فجوة بينها وبينه ، والحل كما ذكرتِ غاليتي.
الحمد لله أن وفقكِ الله في تصحيح مسار حياتكم ، ولا تنسي الدعاء
الله يرضى عليك يا شيمة ويهدي بالك و يسعدك

جزاكِ الله خيراً يا غالية على نُصحك و كتب لكِ الأجر.

[**~~ فجـــر جــــديد ~~**]

الحمد لله أختى شيمة الحب على رجوعك لقواعدك الزوجية سالمة بإذن الله تعالى
ليكى عندى نصيحتين ،،
لو أخدتيهم و حطيتيهم فى دماغك هترتاحى طول عمرك
النصيحتين دول إضافة على اللى إنتى عملتيه ،،
و مسيرنا فى يوم هنتقابل على المنتدى هنا و هتقوليلى النتيجة
اللى أتمنى إن شاء الله تعالى إنها تكون بخير عليكى و على أسرتك.
النصيحة الأولى :
اللى قابلينا قالوا إن أقرب شئ لقلب الراجل معدته
و أنا (الفقيرة إلى الله ) بقول
إن أقرب شئ لقلب الراجل الإعتناء بأهله
بمعنى :
إعملى كل شئ يقربك من أهل زوجك بدون ما تعرفيه أو تقوليله إنك عملتيه ،،
إوعى تندلقى بكل الأفعال ,,
خليها بالتدريج
يعنى :
إتصلى بأمه فى مرة الصبح قوليلها إنتى جيتى على بالى النهاردة يا ماما فقلت أكلمك أطمن عليكى ،،
يا ترى عاملة إيه النهاردة
طمنينى عليكى و على صحتك ،،
يا رب تكونى بخير ،،
و ما تقوليش أى شئ تانى و إقفلى المكالمة
أمه هتروح تقولله :
مراتك كلمتنى النهاردة تطمن عليا ,, تصدق؟؟
هو بينه و بين نفسه هيقول :
يعنى إنتى يا ماما كلمتك مش عاجبك ما كلمتكيش مش عاجبك ،،
هو إيه أصله ده
(إنتى كسبتى نقطة)بعدها بأسبوع قوليله إنك عاوزة تروحى تشترى هدية لواحدة غالية عليكى ،
ماتقوليش مين لو حصل إيه
روحى هاتى هدية بسيطة (حجاب مثلا أو إسدال)
و بعد ما يروح الشغل الصبح إتصلى بيه و قوليله أنا بستأذنك هروح لمامتك أقعد معاها شوية.
هيقولك و ده من إمتى ؟؟
قوليله معلش متضايقة و عاوزة أتكلم معاها
هيقولك : متضايقة منى ؟
قوليله الموضوع ما يخصكش خالص يا (حبيبى) ،،
لازم يا حبيبى عشان يطمن و ما يرفضش إنك تروحى ،،
و تكملى :
الموضوع حاجة حريمى كدة و هى بالتأكيد هتفيدنى أكتر.
هيقولك ماشى روحى.
(هيبقى فرحان و يقول بينه و بين نفسه ربنا يهديهم على بعض ، مراتى إتغيرت يا ناااااس)
إنتى هتروحى تسلمى عادى خالص و تقعدى معاها و تقوليلها ،
على فكرة يا ماما أنا جايالك النهاردة عشان أستشيرك فى حاجة و إخترعى أى موضوع خاص بالمرأة (و ما أكثر المواضيع دى)
و فعلا أقعدى قدامها و كلك إهتمام و إنصات لكل كلمة بتقولها و حسسيها إنك لجأتى ليها و مهتمة بكل حرف بتقوله.
و بعد ما تخلص :
قوليلها يا سلام عليكى يا ماما و على نصيحتك (حتى لو مش مقتنعة بكلامها)
حسسيها إنها جابت الديب من ديله و إنها حليتلك مشكلة عمرك كله اللى مكانتش بتنيمك الليل
و إنتى ماشية قوليلها على فكرة يا ماما أنا كنت بشترى لنفسى (حجاب أو إسدال ،، أيا ما يكون)
و لقيت إن الحاجة دى هتبقى لايقة عليكى قوى فما إترددتش إنى أجيبهالك
أنا عارفة إنها بسيطة و مش قد المقام بس أهو بصلة المحب خروف ,,
و لا أنا مش حبيبتك؟؟
هتقولك كلام إن شاء الله هتحسى بعد منه براحة بال.
و هتلاقيها بمجرد ما تنزلى من عندها إتصلت بزوجك و حكيتله و هى فرحانة و هتلاقى وقع ده على جوزك لما يرجع
و أول حاجة هيقولهالك :
إنتى ماقولتيليش ليه إن الهدية لماما ؟
قوليله : يا حبيبى أنا مش هدخلك بينى و بين أهلك و لا بخير و لا بالشر ،
أنا قادرة إنى أغير تعاملى معاهم و أوعدك إنى أستحمل منهم أى حاجة عشان خاطر عيونك يا روح قلبى
و عمرى ما هاشتكى ليك منهم مهما عملوا فيا ،
كفاية اللى إنت فيه ،
و يكفينى إنك لما تاخدنى فى حضنك هتنسينى كل أوجاع الدنيا و همومها.
و الله العظيم هتلاقيه زى الطفل بين إيديكى بعد كدة.
و بعد كدة تستمرى من وقت للتانى بالإتصال بأمه و تزوريها بنية صلة الرحم عشان تاخدى الأجر
و بنية إصلاح الأمر عشان تاخدى الجزاء الحسن
و ربنا يصلحلك حالك و يوفقك فى اللى بتعمليه بنية صافية.
ثم بعد شوية تبتدى تتجهى ناحية إخواته
و حبة حبة الأمور هتنصلح و هتلاقى معاملة متغايرة تماما منهم.و لو لقيتى أى حاجة تضايقك لأن أكيد شياطين الإنس و الجن هيتدخلوا ،
بادرى إنتى بالإحسان و الفضل
و إحتسبى الأجر و ربنا هيبعد كيد الكائدين و حقد الحاقدين و حسد الحاسدين عنكم إن شاء الله تعالى.النصيحة التانية :
دارى على شمعتك تقيد ،
و إستعينوا على قضاء حوائجكم بالكتمان ،
يعنى حاولى مش كل حاجة تكون حلوة بينك و بين زوجك ، مش ضرورى حد يعرفها ،
خلوها ما بينكم هتلاقيها هتكبر و تزدهرإن شاء الله تعالى ،
و ماتنسيش الدعاء بنية طيبة و خالصة إن ربنا يصلحلك حالك مع أهل زوجك
و يوفقك فى الخير اللى بتسعى ليه.
مع خالص أمنياتى ليكى و لكل أخت بالحياة السعيدة المزدهرة فى حياتها الزوجية

[eng.sawafta]

السلام عليكم ورحمه الله وبركاته


انا عارفه ان بقالى فتره منقطعه ومدخلتش
بس كنت بفكر اكتب موضوع ايه
فى موضوع ببالى بس مكنتش عارفه اكتبه ازاى
المهم انا هتكلم وانتم هتفهمونى
معظمكم عارف مشاكلى مع جوزى وخاصه اخر مشكله اللى يمكن كبرت اكتر من اى حاجه
وطبعا الحمد لله المشكله انتهت

عاوزة اقولك الدروس اللى انا استفادتها من المشكله دى لانى بصراحه حاسه انها اهم نقطه تحول فى حياتى

الحمد لله جوزى من يومها انا حاسه انه فى فرق كبير كمان انا اتغيرت
ولو قلنا ايه السبب هيبقى من وجهه نظرى

اولا انى حسيت انى معتش قادره اتحمل فقررت اعمل وقفه بجد اول حاجه اوقف فيها مشاعرى وافكر بعقلى بس

لانى كمان عرفت ان لويه البوز كل فتره مش بتجيب نتيجه لان جوزى مش فى دماغه يعنى مادام اكله جاهز وهدومه نضيفه وانتى ساكته ومش بتزنى خلاص هو مش خسران


ثانيا ان اصلا قبل ما تحصل المشكله لازم تكونى مظبطه حاجتين اول حاجه انك متتقمصيش بكل صغيره وكبيره وحاولى تعدى الامور وتضحكى عشان هو هياخد على كده وهيبقى شئ عادى

ثانى حاجه طبيعه النقاش بينكم يعنى مسمحش انه يقولى كلمه خارجه عن الادب او كلمه انا بزعل منها


ثالثا لازم يكون فى نقاش مستمر

رابعا انا كنت بزعل من افعال حماتى وعمتى كتييييييييييييييييير كانوا بيعملوا حاجات تضايقنى كنت بحطها على جوزها مع الوقت لقيته ميستاهلش انى ازعله بالحاجات دى لانه مالوش ذنب فيها وكمان لما بحكيله عليها بيزعل عشان دى امه واخته ومش بيراضينى حتى بكلمه

فقررت انى محكيش له حاجه مادام الامور فى اطار انى سمعت كلمه وعدت او موقف وخلص
وبصراحه من يومها حسيت بفرق كتيييييييييييييييييييييير


وكل ما النزغه الحريمى تشتغل اقول هو مالوش ذنب


يارب اكون قدرت اوصل فكرتى وياريت الاقى عندكم رد فعل واى واحده عاوزة سؤال انا موجوده

كلام جميل واسمحيلي اضيف عليه بعض النقاط :
بالنسبه لموضوع انه مادام اكله جاهز وكل شي جاهز ما حيأثر عليه معاكي حق لكن وللأسف كله ضدك انتي علشان لما الرجل يكون مخنوق من البيت شي طبيعي يكون فريسه سهله لأي بنت او اي اغراء قدامه وفريسه سهله لصحابه ولسهره مع الشباب بره البيت لوقت متأخر لزالك لازم نفكر مين الي يستحق حبيبي أنا والا الناس القهوه انا والا الشارع !!

كمان حابه اضيف انه مادام زوجك مابسمحلك تقولي اي شي عأمه المفروض تكوني فخوره لانه الي ما اله خير بأهله بعمره ماحيكونله خير فيكي وفي ولادك

بالنسبه لمشاكلك مع امه وخواته حاولي على قد ماتقدري تتناسي تطنشي لما تقعدي معهن حطي براسك شي واحد انتي جايه زياره ومروحه لزوجك حبيبك فلازم اضل مبسووطه اطنش واحاول قدر الامكان افكر بشي تاني وقت كلامهن وصدقيني يوم على يوم حينسوكي وحيلاقوا غيرك يعملوا معاه مشاكلهم وانتي كمان لما تروحي البيت بدل ما تقلبي راس زوجك بكلامك عن اهله بالعكس اقعدي امدحي وقولي كلام جميل عنهم بس انتبهي بدون مبالغه بلاش زوجك يفكر انه نوع من الاستهزاء وتعاملي بالاقطير يعني مل يوم شويه زياده


حابه اضيف كمان شي اوعي تتغزلي او تتدلعي لزوجك قدام حماتك اللي هي امه لأنها هي اول امرأه بحياته فشئ طبيعي انها تغار انك جيتي بسهوله اخدتي ابنها طفلها حبيبها ،، مش معناه انك تحكي وتنتقدي فيه لا طبعا لانه وقتها حتدبحك لانك بكلامك عن ابنها بتكوني عم تحكي عن قطعة من لحمها ،، يعني امدحي زوجك باعتدال بدون دلع قدام حماتك ،، حاولي تتقربي منها بكيكه او معجنات او شي زاكي حسسيها انك بتحبيها وانك ندمانه على الايام الماضيه الي ضيعتيها في المشاكل .. عارفه انك مش غلطانه بس بعينك الله تحملي عشان تكسبي زوجك ورضاه وبالتالي رضا الله عزوجل ^_^

ممم في كتير امور بس بصراحه مش فبالي حاليا ،،، اخر شي عليكي بالاستغفااااار والدعاء في الثلث الاخير من الليل قولي عطول ( اللهم اني استودعتك زوجي يا من لا تضيع ودائعه )

الله يوفقكم جميعااا
تحياتي

[شيمه الحب]

الله يسعدك شيمة الحبّ

الحمد لله حمدا كثيرا

سعيدة لأجلك ؛ وكلّ تغيير للإيجابي بفضل الله تعالى
ثمّ وقفتك مع نفسك والتفكير الجدّي في الأسلوب المناسب لمواجهة المواقف
زوجك كان أمامك طول الوقت ؛ لكنك أخيرا عثرت على مفاتيحه ؛ لاحظي أهمّية هذه الخطوة .
ربّنا يهنّيك ويديم عليك راحة البال ويوفقك .

الله يسعدك اختى زينب كلامك مضبوط فعلا الحمد لله اهم حاجه الواحد يعرف ازاى يتعامل مع اللى قدامه
وطبعا انا لم اغفل عن نصائحك لى مشكورة حبيبتى واسعدنى مرورك

[شيمه الحب]

اسعدك الله وادام عليك نعمه
كلام جميل ونصائح اجمل
وكثرة الشكاوي خاصة ان كانت تخص أم الزوج او اخته لا تعود الا بالمضرة على المرأة
لأن الزوج سبحان الله يرفض تماما ان يذكر احد امه او اخته
لهذا ومن الافضل ان تتفادى المرأة هذا الأمر وتحل مشكلاتها بتقنيات وكيد النساء دون أن تقحمه في الامر

بارك الله فيك غالية وثبتك لما فيه الخير والصلاح

مغربيه حبيبتى جزاكى الله كل خير
والله كانت شكاوى من باب الفضفضه فقط كنت اتمنى ان يضمنى فى حضنه ويقولى معلش لا عايزاه يزعق ولا يتشاكل ولا شئ
وكمان لانى كنت برفض اتكلم معاهم باسلوب غير لائق
والحمد لله الامور ماشيه

[شيمه الحب]

اولا حمد لله ع السلامة

نصايح جميله وواقعية فعلا الشكوى من الام ملهاش لازمة لانها مش بتجيب نتيجه الصبر والاحتساب افضل

نقطة القمص على كل كبيرة وصغيرة دي مهمة جدا لان اللي بتعمل كده بتبقى نكدية والراجل بيطفش منها

ربنا يسعدك وتكونوا دايما تمام

نقطة مش بتسمحيله يقولك كلمة تزعلك او فيها اساءة ادب دي حققتيها ازاي؟

جزاك الله خيرا

الله يسعدك واسعدنى مرورك
شوفى حبيبتى حته عدم الاسائه دى هو عارف من الاول مكانه والدى عنى وعارف ان محدش ممكن يجيب سيرته بطريقه متعجبنيش
اول مره حصلت لقيته بيقولى انتى بنت كلب وكنا بنهزر وحسيتها خرجت غصب عنه وهو اصلا مش من طبيعيته كلام زى ده عينى دمعت غصب عنى وقلت له بالراحه انت اخدت بالك انت قلت ايه

قالى معلش
عديتها بس والله مكررها تانى
بعد كده كتبت فوفا رد مره قريته لها ان جوزها فى اول جوازها جه يزعق لها قالت له ممكن ازعق " رد معناه انها تقدر ترد الاساءه "
عملت حاجه شبه كده
كنا يوم بنتكلم وغاظنى فى الكلام قلت له هتجيب سيره اهلى هجيب سيره اهلك ومحدش احسن من حد وكنت بتكلمها بثقه جامده
مطلعتش من لسانه من يومها
بس طبعا كل واحده ادرى بطباع جوزها

[شيمه الحب]

ماشاء الله لا قوة إلا بالله
صحيح من جد وجد ،
لأنك تعلمتِ مما فات و تعلمتِ ألا تكرري أخطائك أو تعلمتِ كيف تتعاملين مع أخطاء زوجك والمحيطين بكم
كثير منا يقعون في نفس الأخطاء مرات ومرات وتستمر الحياة على نفس المنوال ، الزوج لا يرى إستجابة من زوجته وهي الأخرى لا ترى إستجابة وتغيير في تصرفاته تجاهها
وقليل من يعرفون كيف يتعاملون مع شريك حياتهم ويتفادون الوقوع في كثير من المشاكل



صحيح هو مالوش ذنب وبالعكس لو أخذته بذنب أهله سوف تزيد المشاكل التي هما الإثنان في غنى عنها بل سوف يجعلها أهله ذريعة بأنهم معهم حق في أن زوجته هي التي تسبب المشاكل وبالتالي يتسببون في عمل فجوة بينها وبينه ، والحل كما ذكرتِ غاليتي.
الحمد لله أن وفقكِ الله في تصحيح مسار حياتكم ، ولا تنسي الدعاء
الله يرضى عليك يا شيمة ويهدي بالك و يسعدك

جزاكِ الله خيراً يا غالية على نُصحك و كتب لكِ الأجر.

الله يجزيكى خير اختى اسعدنى مرورك

[شيمه الحب]

الحمد لله أختى شيمة الحب على رجوعك لقواعدك الزوجية سالمة بإذن الله تعالى
ليكى عندى نصيحتين ،،
لو أخدتيهم و حطيتيهم فى دماغك هترتاحى طول عمرك
النصيحتين دول إضافة على اللى إنتى عملتيه ،،
و مسيرنا فى يوم هنتقابل على المنتدى هنا و هتقوليلى النتيجة
اللى أتمنى إن شاء الله تعالى إنها تكون بخير عليكى و على أسرتك.
النصيحة الأولى :
اللى قابلينا قالوا إن أقرب شئ لقلب الراجل معدته
و أنا (الفقيرة إلى الله ) بقول
إن أقرب شئ لقلب الراجل الإعتناء بأهله
بمعنى :
إعملى كل شئ يقربك من أهل زوجك بدون ما تعرفيه أو تقوليله إنك عملتيه ،،
إوعى تندلقى بكل الأفعال ,,
خليها بالتدريج
يعنى :
إتصلى بأمه فى مرة الصبح قوليلها إنتى جيتى على بالى النهاردة يا ماما فقلت أكلمك أطمن عليكى ،،
يا ترى عاملة إيه النهاردة
طمنينى عليكى و على صحتك ،،
يا رب تكونى بخير ،،
و ما تقوليش أى شئ تانى و إقفلى المكالمة
أمه هتروح تقولله :
مراتك كلمتنى النهاردة تطمن عليا ,, تصدق؟؟
هو بينه و بين نفسه هيقول :
يعنى إنتى يا ماما كلمتك مش عاجبك ما كلمتكيش مش عاجبك ،،
هو إيه أصله ده
(إنتى كسبتى نقطة)بعدها بأسبوع قوليله إنك عاوزة تروحى تشترى هدية لواحدة غالية عليكى ،
ماتقوليش مين لو حصل إيه
روحى هاتى هدية بسيطة (حجاب مثلا أو إسدال)
و بعد ما يروح الشغل الصبح إتصلى بيه و قوليله أنا بستأذنك هروح لمامتك أقعد معاها شوية.
هيقولك و ده من إمتى ؟؟
قوليله معلش متضايقة و عاوزة أتكلم معاها
هيقولك : متضايقة منى ؟
قوليله الموضوع ما يخصكش خالص يا (حبيبى) ،،
لازم يا حبيبى عشان يطمن و ما يرفضش إنك تروحى ،،
و تكملى :
الموضوع حاجة حريمى كدة و هى بالتأكيد هتفيدنى أكتر.
هيقولك ماشى روحى.
(هيبقى فرحان و يقول بينه و بين نفسه ربنا يهديهم على بعض ، مراتى إتغيرت يا ناااااس)
إنتى هتروحى تسلمى عادى خالص و تقعدى معاها و تقوليلها ،
على فكرة يا ماما أنا جايالك النهاردة عشان أستشيرك فى حاجة و إخترعى أى موضوع خاص بالمرأة (و ما أكثر المواضيع دى)
و فعلا أقعدى قدامها و كلك إهتمام و إنصات لكل كلمة بتقولها و حسسيها إنك لجأتى ليها و مهتمة بكل حرف بتقوله.
و بعد ما تخلص :
قوليلها يا سلام عليكى يا ماما و على نصيحتك (حتى لو مش مقتنعة بكلامها)
حسسيها إنها جابت الديب من ديله و إنها حليتلك مشكلة عمرك كله اللى مكانتش بتنيمك الليل
و إنتى ماشية قوليلها على فكرة يا ماما أنا كنت بشترى لنفسى (حجاب أو إسدال ،، أيا ما يكون)
و لقيت إن الحاجة دى هتبقى لايقة عليكى قوى فما إترددتش إنى أجيبهالك
أنا عارفة إنها بسيطة و مش قد المقام بس أهو بصلة المحب خروف ,,
و لا أنا مش حبيبتك؟؟
هتقولك كلام إن شاء الله هتحسى بعد منه براحة بال.
و هتلاقيها بمجرد ما تنزلى من عندها إتصلت بزوجك و حكيتله و هى فرحانة و هتلاقى وقع ده على جوزك لما يرجع
و أول حاجة هيقولهالك :
إنتى ماقولتيليش ليه إن الهدية لماما ؟
قوليله : يا حبيبى أنا مش هدخلك بينى و بين أهلك و لا بخير و لا بالشر ،
أنا قادرة إنى أغير تعاملى معاهم و أوعدك إنى أستحمل منهم أى حاجة عشان خاطر عيونك يا روح قلبى
و عمرى ما هاشتكى ليك منهم مهما عملوا فيا ،
كفاية اللى إنت فيه ،
و يكفينى إنك لما تاخدنى فى حضنك هتنسينى كل أوجاع الدنيا و همومها.
و الله العظيم هتلاقيه زى الطفل بين إيديكى بعد كدة.
و بعد كدة تستمرى من وقت للتانى بالإتصال بأمه و تزوريها بنية صلة الرحم عشان تاخدى الأجر
و بنية إصلاح الأمر عشان تاخدى الجزاء الحسن
و ربنا يصلحلك حالك و يوفقك فى اللى بتعمليه بنية صافية.
ثم بعد شوية تبتدى تتجهى ناحية إخواته
و حبة حبة الأمور هتنصلح و هتلاقى معاملة متغايرة تماما منهم.و لو لقيتى أى حاجة تضايقك لأن أكيد شياطين الإنس و الجن هيتدخلوا ،
بادرى إنتى بالإحسان و الفضل
و إحتسبى الأجر و ربنا هيبعد كيد الكائدين و حقد الحاقدين و حسد الحاسدين عنكم إن شاء الله تعالى.النصيحة التانية :
دارى على شمعتك تقيد ،
و إستعينوا على قضاء حوائجكم بالكتمان ،
يعنى حاولى مش كل حاجة تكون حلوة بينك و بين زوجك ، مش ضرورى حد يعرفها ،
خلوها ما بينكم هتلاقيها هتكبر و تزدهرإن شاء الله تعالى ،
و ماتنسيش الدعاء بنية طيبة و خالصة إن ربنا يصلحلك حالك مع أهل زوجك
و يوفقك فى الخير اللى بتسعى ليه.
مع خالص أمنياتى ليكى و لكل أخت بالحياة السعيدة المزدهرة فى حياتها الزوجية

حبيبتى ماشاء الله عليكى ردك متميز فعلا ويمكن يكون ده هدف موضوعى اننا ننقل الخبره والمواقف وتجاربها مع اللى عندهم نفس المشكله
بس لو هنتكلم على مشكلتى انا اللى قلتيه حلو جدا ممكن اطبق منه حاجات مع اختلاف بعض التفاصيل نظرا لالانا فى بلد غير بلد حماتى وبنروح لها كل اسبوع اجبارى
والله يمكن بعمل معاهم اللى سلفتى مش بتعمله ومع ذلك الحظ لها زى ما لبيقولوا ومعاملتها هى احسن
بس ادينى بتحمل وبسكت
الحمد لله احنا محصلش بينا تصادم واتمنى انه ميحصلش ابدا
مشكورة على نصايحك

[شيمه الحب]

كلام جميل واسمحيلي اضيف عليه بعض النقاط :
بالنسبه لموضوع انه مادام اكله جاهز وكل شي جاهز ما حيأثر عليه معاكي حق لكن وللأسف كله ضدك انتي علشان لما الرجل يكون مخنوق من البيت شي طبيعي يكون فريسه سهله لأي بنت او اي اغراء قدامه وفريسه سهله لصحابه ولسهره مع الشباب بره البيت لوقت متأخر لزالك لازم نفكر مين الي يستحق حبيبي أنا والا الناس القهوه انا والا الشارع !!

كمان حابه اضيف انه مادام زوجك مابسمحلك تقولي اي شي عأمه المفروض تكوني فخوره لانه الي ما اله خير بأهله بعمره ماحيكونله خير فيكي وفي ولادك

بالنسبه لمشاكلك مع امه وخواته حاولي على قد ماتقدري تتناسي تطنشي لما تقعدي معهن حطي براسك شي واحد انتي جايه زياره ومروحه لزوجك حبيبك فلازم اضل مبسووطه اطنش واحاول قدر الامكان افكر بشي تاني وقت كلامهن وصدقيني يوم على يوم حينسوكي وحيلاقوا غيرك يعملوا معاه مشاكلهم وانتي كمان لما تروحي البيت بدل ما تقلبي راس زوجك بكلامك عن اهله بالعكس اقعدي امدحي وقولي كلام جميل عنهم بس انتبهي بدون مبالغه بلاش زوجك يفكر انه نوع من الاستهزاء وتعاملي بالاقطير يعني مل يوم شويه زياده


حابه اضيف كمان شي اوعي تتغزلي او تتدلعي لزوجك قدام حماتك اللي هي امه لأنها هي اول امرأه بحياته فشئ طبيعي انها تغار انك جيتي بسهوله اخدتي ابنها طفلها حبيبها ،، مش معناه انك تحكي وتنتقدي فيه لا طبعا لانه وقتها حتدبحك لانك بكلامك عن ابنها بتكوني عم تحكي عن قطعة من لحمها ،، يعني امدحي زوجك باعتدال بدون دلع قدام حماتك ،، حاولي تتقربي منها بكيكه او معجنات او شي زاكي حسسيها انك بتحبيها وانك ندمانه على الايام الماضيه الي ضيعتيها في المشاكل .. عارفه انك مش غلطانه بس بعينك الله تحملي عشان تكسبي زوجك ورضاه وبالتالي رضا الله عزوجل ^_^

ممم في كتير امور بس بصراحه مش فبالي حاليا ،،، اخر شي عليكي بالاستغفااااار والدعاء في الثلث الاخير من الليل قولي عطول ( اللهم اني استودعتك زوجي يا من لا تضيع ودائعه )

الله يوفقكم جميعااا
تحياتي

تحياتى اليك اختى وكلامك عزب جميل وياريت كال البنات تستفيد منه
على فكره انا حماتى طيبه جدا جدا وتعاملها معانا هادى وخجول لكن فى ساعات انا بحس انها بتعمل تفرقه ما بين جوزى واخوه وبينى وبين سلفتى وبين ابنى وابن سلفتى
يعنى مثلا لو احنا هنروح لهم وكمان ابنها محدش يتصل علينا ولا يعبرنا وانما ابنهم كتيييييييييييييييييييير اتصالات
مرات ابنها لو مروحه لواحدها من غير جوزها اتصلات كتيره لحد ما يتطمنوا انها وصلت انا لا محدش بيعبرنى
بيروحوا لها فى العيد احنا لا دى ممكن اطلع لها عزر اننا بنكون هناك
حتى فى الايام العاديه برده ممكن تروح لها احنا لا
وهى حامل كان التعامل غيرى خالص
ممكن تشترى لابن ابنها ده حاجات وابنى لا
دى كلها حاجات بتزعلنى بس والله ما اتكلمت فيها مع حد وفى اكتر من كده

حكايه السهر دى متفتحنيش فيها عشان ربنا وحده اعلم بى
مشكورة على المرور