حبيبى نكدى أعمل ايه؟!
هو اول ما يصحى من النوم يكلمنى ألو.... ألو
هو أول ما يرد يقولى : صباح الخير يا حبيبى .. واضح انك صاحية وفايقة بدرى النهاردة
أنا: صباح النور يا حبيبى .. اه صاحية بدرى النهاردة
هو: آآآآآآآآه ومبعتيش مسدج ليه
أنا: لا بعت والله هى ماوصلتش
هو: لأ مفيش حاجة وصلت
( ويسمعنى احلى وصلة توبيخ على الصبح..) وبعدين يقولى يالا يا بت من هنا عايزة حاجة سلااااام
هنا تنتهى اصطباحتى
يدخل حبيبى على الفطار
يدخل حبيبى على الفطار
هو: ايه ده هو مفيش بيض..
مامته: وانت من امتى بتاكل بيض على الفطار
هو: طلعت فى دماغى أفطر بيه النهاردة
مامته: طب ماجبتش ليه وانت جاى
هو: هو كل حاجة لازم أجبها وأنا جاى .. خلاص مش فاطر
هنا نيجى لمرحلة اللبس
يقوم يلبس بعد ما يجمع هدومه وشرباته من على الارض.. وفى تلك اللحظة يكلم صاحبه
هو: ألو هــــــــا نزلت ولا لسه؟؟
صاحبه: لأ يا عم مش نازل النهاردة
هو: روح يا عم غور سلام
ويفضل كده في نرفزة وعصبية طول النهار لحد ما يظبط ويهدى لوحده، ومطلوب بقى لما يرجع والضحكة على وشه ان الكل يقابله بإبتسامة ولا كأن حاجة حصلت ولا عمل حاجة قمت مصممة الكارت ده وبعته ليه رسالة على موبايله عشان يهدى معايا شوية
.
تعليق