عنجد ليش العالم صاير هيييييييييييييك" مشاركة قيمة + ردود قيمة"

[سوسو1983]

اهلا مجد ماتعصبي هلأد لاني معصبة اكتر منك من هالخلقات الي بنشوفها
لسة اليوم بفكر لحالي وبقول الله يستر علينا من سخط ربنا والله مرات بخاف ينزل غضب ربنا علينا هيك فجاة نصحا نلاقي الناس ماتو مع بعض ولا انحرقو
من الشناعة الي صايرة اشي مش معقول
من جميه لبس واخلاق و كلام و تفكير على مستوى الحشمة و المظهر والتدين
ومستوى الاخلاق والتعامل والحقد والحسد و ....... الخ
صايرة الناس مريضة ونفسياتها مشوهة من جميعة ماعاد في حد عالفطرة ولا عالاخلاق والبساطة

اشي فظيع شو اقلك صايرة اسرح بهالحال كتير وبجد اني بخاااااااااف
غير الاباحية الي صايرة عيني عينك والنكت الوسخة والكلام الي بخزي عيني عينك
والبنت بتمزح مع الشاب مزحات بتخزي زي هيك
ويعني مثلا مرةفي قعدة كلها نسوان وبنات و من اهل البيت شاب كان قاعد لانو مكان عام واخواته البنات كمان قاعدين
وحدة الله يهديها صارت تحكي كلام مش طبيعي قدامه
كيف صدرها بوجعها و تمثل بصدرها يعني وكيف خايفة يكون في اشي وبتشرح كيف الوجع ومن اي ناحية ولما ترضع وباي منطقة
وبعدين نقلت على شو على صديق جوزها الي تجوز وليلة دخلته صارت توصي جوزها يرن عليه ويسالوه رفعت راسنا ولا لسة
يعني كلو ازفت من بعض
سواء الكلام قدام الشاب والبنات الغير متزوجات
والكلام نفسه والتصرف المخزي قال ليلة دخله وشو عملت
والكارثة الاكبر من هادا كلو انها محسوبة متدينة ومنقبة و زوجها شيخ
اخ ياقلبي اخ يابطني اخرتي اهستر واجري في الشوارع
الحيا مات واختفا
ايش اقلك تاقول يامجد مابخلص الحكي
الله يستر علينا

[سوسو1983]

طبعا النكتة الطاغية فوق هادا كلو
الابهات و الاخوة و الازواج الي صايرين زي كيس البطاطا لا بهشو ولابنشو
الي هما يعني مش عارفين انو الوحدة هالايام بكامل حجابها ولا حتى منقبة وبرضة بتتعاكس
مابفكرو اخته لما تطلع بهالمنظر شو حيونبها ازا المحجبة منيح هيك
ولما الرجال نفسه رجال قصدي ذكر مش رجال
المهم لما هوة نفسه بعرف كيف نظرة الشاب لهيك مناظر وهيك نوع النظرة بتكون بشهوة و نظرة جسد
بما انو فاهمين هالامر كون انهم شباب
كيف برجع يخلي اختو هيك
اخص عنجد

[new light]

يا اختيوالله اجيتي عالجرح بس تعرفي انا لاحظت هاد الكلام بالدول العربية انو مابيطلعوا الا مايكونوا مزبطين حالهم ولا افخم كوافير واللبس كمان ياعيني حدث ولا حرج بس تصد قي اني من اول ماعشت هون ماشفت وحدة عربية بثطلع باشي مرتب للسوق لاننا عارفين انوا بهدلة فما بيلبقلو نعد نزبط في حالنا عشان نازلين عالسوق والله وكمان الانكليزيات كمان بيلبسوا لبسهم العادي مش كانهم بحفلة يعني بيزبطوا حالهم عن جد بس يروحوا يسهروا بالليل
اما عن حكايه علبة الحمص خخخخ انا هان ما شفتها بصراحة غير من الخليجيلت مع احترامي الهم وماقصدي اني اجرح حدا بس حتى وحدة بعرفها راحت زارت اهلها بدولة عربية الا لاقيتها لبست زي هيك بحكيلها انو سو هاد بتحكيلي اختها اللي عايشة بدولة من دول الخليج حابتلها اياها طبعا بجوز بعدين انتشر وصار موضة ببقية الدول

انا رحت مرة عدولة عربية ازور قرايبي ووتصورت معهم وكانو رفقاتهم كمان بس رجعت لهون صرت افرجي الصور لصحباتي الا وحدة منهم مش عربية وصارت تحكيلي انو ليش هيك لابسين وشو كل هالميكب لانو كانت الدنيا نهار ما حفلة خخخ وشافت انو المحجبة واللي مش محجبة لابسين زي بعض هههه فبتسالني هما ليش لابسينه ادا هيك لا عن جد كان اللبس بالمرة يعني هالسكيني اللي مابيفوت اللي بشحم سيارت يعني من شان يلاقي طريقة يفوت فيها حرام هو التاني هههه ولا البدي الاستريتش المفصل و داخل جواة السكيني وكمان الكعب ابو مسمار هان بيقولولو هاي هيلز ومابيلبسوه الا بالسهرات واللي لابسين كت يعني بصراحة اشي فرجة والله هنا لو في حدا عربي بيعمل هيك غير يتبهدل ما عنا هون هيك كلام او ما صادفني الا نادرا بس طبعا هون كمان مش الكل بيلبسوا جلابيب بس برضوا بيضلوا مجافظين وكمان الميكب قليل او نادر جدا
اما الاولاد فعلا انا لاحظت الاشي هاد وكانوا صاير جديد يعني ماكان في هيك قبل 5 سنين لا وخدي عندك كمان بينقوا حواجبهم قال واحنا النسوان بنحاول ننشر الوعي ونتجنب هالظاهرة لي لا خلص راخت علينا خخخخ

[مجد الاقصى]

والله مزبوط كلامك يا سوسو عنجد صار الواحد يغار بنتي كبرت وبتسألني ماما ليش فلانه بتلبس هيك بحكيلها هي وامها حرين انا هيك امي ربتني وانا هيك بدي اياكي تلبسي يعني اصل الام
زمان كنا كتير نستحي حتى من الجيران والله بتزكر خطبت وانا استحي اطلع بس ييجو الجيران اليوم بتلاقيها بتقعد وبتفتح مواضيع معك انا بستحي احكي فيها اساس الام بكل هاد واساس الترباية وللاسف اليوم مافي ترباية
مريول المدرسة بلبسوه اليوم كانه بلوزة والله بتزكر كنا نلبسه لتحت الركبة ونكون مستحيين
الله يهديهم يارب ويصلحم للعالم

[مجد الاقصى]

يا اختيوالله اجيتي عالجرح بس تعرفي انا لاحظت هاد الكلام بالدول العربية انو مابيطلعوا الا مايكونوا مزبطين حالهم ولا افخم كوافير واللبس كمان ياعيني حدث ولا حرج بس تصد قي اني من اول ماعشت هون ماشفت وحدة عربية بثطلع باشي مرتب للسوق لاننا عارفين انوا بهدلة فما بيلبقلو نعد نزبط في حالنا عشان نازلين عالسوق والله وكمان الانكليزيات كمان بيلبسوا لبسهم العادي مش كانهم بحفلة يعني بيزبطوا حالهم عن جد بس يروحوا يسهروا بالليل
اما عن حكايه علبة الحمص خخخخ انا هان ما شفتها بصراحة غير من الخليجيلت مع احترامي الهم وماقصدي اني اجرح حدا بس حتى وحدة بعرفها راحت زارت اهلها بدولة عربية الا لاقيتها لبست زي هيك بحكيلها انو سو هاد بتحكيلي اختها اللي عايشة بدولة من دول الخليج حابتلها اياها طبعا بجوز بعدين انتشر وصار موضة ببقية الدول

انا رحت مرة عدولة عربية ازور قرايبي ووتصورت معهم وكانو رفقاتهم كمان بس رجعت لهون صرت افرجي الصور لصحباتي الا وحدة منهم مش عربية وصارت تحكيلي انو ليش هيك لابسين وشو كل هالميكب لانو كانت الدنيا نهار ما حفلة خخخ وشافت انو المحجبة واللي مش محجبة لابسين زي بعض هههه فبتسالني هما ليش لابسينه ادا هيك لا عن جد كان اللبس بالمرة يعني هالسكيني اللي مابيفوت اللي بشحم سيارت يعني من شان يلاقي طريقة يفوت فيها حرام هو التاني هههه ولا البدي الاستريتش المفصل و داخل جواة السكيني وكمان الكعب ابو مسمار هان بيقولولو هاي هيلز ومابيلبسوه الا بالسهرات واللي لابسين كت يعني بصراحة اشي فرجة والله هنا لو في حدا عربي بيعمل هيك غير يتبهدل ما عنا هون هيك كلام او ما صادفني الا نادرا بس طبعا هون كمان مش الكل بيلبسوا جلابيب بس برضوا بيضلوا مجافظين وكمان الميكب قليل او نادر جدا
اما الاولاد فعلا انا لاحظت الاشي هاد وكانوا صاير جديد يعني ماكان في هيك قبل 5 سنين لا وخدي عندك كمان بينقوا حواجبهم قال واحنا النسوان بنحاول ننشر الوعي ونتجنب هالظاهرة لي لا خلص راخت علينا خخخخ

ههههههههه شفتي يا اختي وين وصلنا الغرب صار احسن منا
احنا بقلدو المغني الاجنبي الفلاني والممثلة العلانية وهني بعيد عنك تافهين
بقلدو الغرب بشكل مو طبيعي بس مابقلدو الاشي المنيح لأ بقلدو الشاذين
الله يستر ازا اليوم هيك كيف بعد 10 سنين شو بدهم يعملو المصيبة هاد الجيل بده مين يربيه كيف لو يفتحو بيوت ويربو جيل تاني كيف بدهم يعملو

[أناغيـم]

مرحبا
الموضوع كتير للاسف بنعاني منه هالفترة وان بتحكي مع حد بخصوصه اول كلمة موووووووووووضه طيب حرام بيقولو انما الاعمال بالنيات بس انا برأي انه سبب هالاشكال اللي بنشوفها ع البنات وعلب السمنة اللي ع الرروووس وميكاب السهرة بنص النهار جذب انظار على امل العريس المنتظر اللي يشوف ويعجب وللاسف كتير امهات بدل ما ينصحوا بناتهم انهم يبعدوا عن هيك اشيا تلاقيهم بيشجعوهم بحجة البنت صغيرة خليها تشوف نصيبها ولو انها طريقة رخيصة جدا ومذلة جدا بس لمين تحكي كل اللي بيهم الوحدة تتزوج وبعدين يبدا العياط والندم وياريت اللي جرى ما كان ..

[مجد الاقصى]

نورتي نغومة مزبوط كلامك بس اي عريس والبنت بتكون يادوبها 15 سنة اصلا ازا حدا بطلبها اهلها ما برضو بدهم يعلموها بس الظاهر هي اللي قاتلة حالها تتجوز هههههههه بتفكر الزواج خاتم وبدله واحلام وردية

[- بنت الأحرار -]

كله كوم علبة الحمص كوم ثاني
اضحك الله سنك
بس بجد أحد يفسري اللي بعملوا راح أنجن بجد

والمصيبة الكبرى
لو كانت لابسه جلباب أو عباية
وبتقولك أعوذ بالله أنا بطلع بعباية ومنديل
أعوذ بالله ما بطلع ولا بفكر أطلع بدونه

وتعالوا نتعرف على الجلباب
مخنصر أخر خنصرة من الصدر والوسط واللي تحت
والفتحة إلى الركبة والبنطلون اللي جو
مع الجزمة مع المنديل (الإشارب ) كله طقم أصفر فاقع
أحمر فاقع
فسفوري
بحسها اشارة مرور وبتمشي

ولا البرج اللي ماشيه فيه تحسيها بدها توهمنا إنها طويلة
ولا هيك بظن
ربي يصلح الأحوال
اختراعات وبلاوي

والأهم من هيك
إنها طول الوقت بتحكي بالجوال ولا الأياااااااااااااااااااااااااادي
غير انها مشمرة للكوع
كمان الأظافر والأساور

ربي يصلحنا
ولا حول ولا قوة إلا بالله

[وعود الخير]

تيجي تحكي بقولولك انتي ليش معقدة ماكل الناس بعملو هيك بطلنا نحكي خلينا ساكتين احسن ههههههههههههه

لا
انا ما بعرف اسكت
بافضل احكي واحكي
وباكسب عداوات صحيح
بس
من رأى منكم منكراً فليغيره
وانا لساني سلاحي
ما فيني اشوف غلط واسكت
ولازم ننصح وننصح وننصح
لعل وعسى احداهن تنتصح وربنا يهديها

بس بجد
اللي بتقهرني
المنقبة اللي الجلبات مخصر
والعيون مرسومة بعناية وطولة بال
والأظافر طويلة ومناكير
وخلخال في الرجل
يا بنتي لشو النقاب ..بلاش تسيئي للبنات والستات الملتزمات
بتقول لك انا لابسة نقاب علشان الشمس وعلشان بشرتي ما تسمر
يا لهووووووووووووووووووووووووي

اللهم ارحمنا فوق الارض وتحت الأرض ويوم العرض

[مجد الاقصى]

ام صلاح والله كلامك مزبوط بعرف وحدة بنت شيخ وكان ابوها يضل ينتقد بالناس هاد حرام وهاد ما بصير والله بنته بتحط مناكير اسود وجلبابها مفتوح اكتر من نصه والمكياج غير شكل بس اشوفها بنقهر عنجد
جوزي هديك اليوم بحكيلي انتي ملاحظة انه البنات صايرين كلهم نفس اللبس المخزي شو هالجيل هاد يا لطيف تلطف فينا يارب
احنا مش طالبين اشي صعب البسي كوني مرتبة بس بنفس الوقت مو تعملي حالك بترينة وتعرضي ازياء وتلبسي الشالة والشنتة والكندرة نفس اللون ومو اي لون الوان البوظة هههههههههه \
العيد جاي كمان اكم يوم روحي عالمولات وشوفي اللبس والشوفات الي سنتين بطلت اطلع بالعيد بحكي لجوزي بوجعني قلبي من هالشوفات وغصب عني بطلع وانا بنت زي زيهم كيف الشباب الله يكون بعونهم

[مجد الاقصى]

لا
انا ما بعرف اسكت
بافضل احكي واحكي
وباكسب عداوات صحيح
بس
من رأى منكم منكراً فليغيره
وانا لساني سلاحي
ما فيني اشوف غلط واسكت
ولازم ننصح وننصح وننصح
لعل وعسى احداهن تنتصح وربنا يهديها

بس بجد
اللي بتقهرني
المنقبة اللي الجلبات مخصر
والعيون مرسومة بعناية وطولة بال
والأظافر طويلة ومناكير
وخلخال في الرجل
يا بنتي لشو النقاب ..بلاش تسيئي للبنات والستات الملتزمات
بتقول لك انا لابسة نقاب علشان الشمس وعلشان بشرتي ما تسمر
يا لهووووووووووووووووووووووووي

اللهم ارحمنا فوق الارض وتحت الأرض ويوم العرض

شو فائدة الحكي يا ام عدي والله العالم اليوم صايرة متغيرة وكتير نكديين ياويل ازا بتنتقدي حدا بتصيري عدوته اللدودة
مابحبو النصيحة صرت احكي المهم انا وخواتي وبناتي وما الي بالعالم
بتعرفي مرة شب كان بالسيارة راكب مع امي بحكي مع صاحبه عن وحدة وانه بحاكيها ومن هالحكي الفاضي
حكتلو امي يا ابني اتقي الله عندك خوات بحكيلها ازا هي راضية انا شو اعمل بعدين حكالها البنت اليوم ازا حكيتلها مرحبا بتدبق فيي وخلص ولا عمرها بتحل عني
بنات اليوم بخوفو والله بتسمعي سمعات ما انزل الله بها من سلطان وشو بدك تحكي لا تحكي وشو بدك تغيري لا تغيري
الله يسترعلينا يارب دنيا واخرة

[new light]

قــريــبـاً ..حجاب مع جرّة غاز..عشان ( البفّة اللي بعملولي اياها الصبايا بالحجاب) !!

[new light]

هاي لعيونك جبتلك اياها من الفيس بوك ههههه

[مجد الاقصى]

هههههههههههههههههههههههههههههههههههه والله حلوة وعجبتني بلكي ان شاء الله انكسرو روسهم وبطلو يلبسو هيك شغلات
بتعرفي حتى انا الحجابات اللف بكرها لاجلهم خخخخخخخ

[حنين الياسمين]

عنجد ليش العالم صاير هيييييييييييييك

باختصار بسبب البعد عن الله وضعف الايمان والانشغال بالدنيا
بالرغم من كل المدابح والمشاكل الي صايره بالعالم من قتل للمسلمين وتدمير وحرق
الا البعض للاسف لسى قلوبهم متعلقه بالدنيا راكضين ورا الاشكال والتباهى مين احلى ومين لبسه ع الموضه أكثر ومين ومين
لو بس للحظه وحده قعدوا هالصبايا وفكروا لوين رايحين كان بطلتي يامجود تشوفي هالمناظر والله

للاسف شي بيحرق القلب نحن أمة سيدنا محمد عليه الصلاة والسلام الي حبنا أكتر شي هيك يطلع مننا للاسف
عتبي على الاهالي ع الامهات والاخوه
بدل مالبنت قاعده 20 ساعه ع الموبايل والانترنت بتلاحق الموضه تروح تقعد بنتها تحفظ كم جزء قرآن يساعدها يوم القيامه

حسبي الله ونعم الوكيل

بتعرفي مجود برأي الوحده ماتسكت وتحكي وتنصح والا ماتصير شي مره وربي يهدي هالصبايا معلش حتى لو نظروا الك كأنك جايه من عالم تاني بس اعملي
الي بريحك يريح دينك وضميرك
لاحول ولاقوة الا بالله

اللهم رد شبابنا وشاباتنا اليك رداً حسناً يالله