عندما تنتشل فتاة من بيئة ما وتقحمها في بيئة أخرى ... هذا ما يحصل

[نانا_فلسطين]

انا انولدت بالأردن ... وعشت هناك 18 سنة ... علاقاتنا كانت محدودة ... بس ماعمري حسيت انه في حد من اهل ماما مابحبنا ... انا بحب خالاتي كتير وهم كمان بحبوني .. وستي الله يطول بعمرها .. بشتاقلها بجد ... مابتزكر انه حد كان يتدخل فينا أو بحياتنا أو يلطش علينا حكي ... كنا عايشين حياة حلوة ... برغم انه وضعنا المادي كان متوسط ... بابا عاش طول عمره بغربة ... وبتعرفوا اهل فلسطين عادة عندهم انتماء للوطن .. وبما اني اكبر اخوتي كنت انا _ كبش الفدا _ وتزوجت هون بفلسطين .. عند اهل بابا .. طبعا هون حياة مختلفة تمااااااااااااما .. بالاردن كنا عايشين بمدينة .. نروح وين مابدنا .. نطلع وقت مابدنا " مع اهلي بس " لانهم كانوا متحفظين ... هلأ انا صارلي 9 سنين متزوجة .. بهاد الوقت انا قدمت توجيهي وكملت جامعة وعم اشتغل معلمة بمدرسة ... زوجي بحبني كتير والحمد لله وانا بحبه ومتفاهمين ... عندي 3 بنات وولد .. هاي حياتي باختصار .. هلأ رح أحكيلكم عن بعض مشاكلي
عندي 4 بنات حما ...
الكبيرة كانت عايشة بالاردن ومن سنتين اجت استقرت هون ... بتتدخل بكل شي ... النقاش معها عقيم وما منه فايدة ... وازا زعلت مني كل اهلها بيوقفوا ضدي .. لانهم بيعتبروها مسكينة وقضت عمرها بالغربة " على أساس انه انا كل يوم بحضن امي يعني "
التانية .. لئيمة .. استغلالية .. ومابتحب حدا .. بتتعمد تستفزني بكل الطرق ... بصراحة انا بطلت احب اشوفها لاني مابتحمل تصرفاتها
التالتة .. بتغار مني .. هي حلوة بس كتيـــــــــر مليانة ... ودايما تحكي عني نحيفة ... بوجهي ما احلاها .. بس من وراي مابترحمني
الرابعة .. مسكينة وبحالها
حماي ... بحب زوجي كتير وبحبني انا كمان .. بس مشكلته انه بتأثر بكلام ولاده بسرعة .. يعني ممكن يسمعني حكي بس لمجرد انه بنته تدايئت من تصرف معين انا عملته ... بيزعجني صح .. بس بحمد الله زوجي ما بيتأثر من كلامهم لانه اكتر شخص بيعرفني بالدنيا
اخوة زوجي 5 .. هو اصغر واحد فيهم .. الوحيد اللي تعلم وتوظف .. مشان هيك كلهم بيغاروا منه وبعتبروا انه اخد مصاري ابوهم
قصص كتيرة رح احكيلكم اياها هون من واقع تجربتي ... ورح احاول اغير من شخصيتي بمساعدتكم
انا مش من النوع المسكين ... يعني شخصيتي قوية والحمد لله .. واللي بيسمعني كلمة بردله اياها ما بتفرق معي .. لانه بعد تجربة .. هيك ناس بدهم هيك معاملة
رح ارجعلكم عن قريب واحكيلكم بعض هالمواقف .. انا بفضفض الهم عن قلبي شوي .. وانتوا بتتسلوا وبتنصحوني كمان

[نانا_فلسطين]

اكتر واحد بستفزني هو اخو زوجي الل اكبر منه عطول ... يعني اصغر واحد بسلافي ... كل فترة بيجي عباله وبيتزكر انه زوجي تعلم وهو ماتعلم ... وبصير يحكي لزوجي .. الله لايسامحك بكل قرش اخدته من أبوي ... وبيسب عالمتعلمين ... وبيوقل انه ابوه رفض يعلمه .. مع انه فاشل وسجل بالجامعة وماكمل
مرات من كتر مابستفزني بعصب وبجاوبه .. ومرات بعمل حالي مش سامعة .... هلأ لو احنا طلبنا منه طلب مستحيل يلبيلنا اياه ... ولو اشتغل عنا شي بالبيت لازم ياخد أجاره ... ولو انا حطيت اولادي عندهم بدل الحضانة بياخدوا اجار متل الحضانة تماما ... قبل شي ست شهور اشترينا سيارة وانا احتجت مصاري .. حكيت قدامه انه احنا طلبنا من اخوه وماقبل يعطينا .. وانه لو حد اعطانا رح نعطيه شيكات بالمبلغ .. اربع شهور ورح نرجعهم .. حكالي : انا مامعي الا الف دينار حاططهم بالبنك للاحتياط بلاش يصير عنا شي طارئ ... قلت مش مشكله .. مصاريه وهو حر فيهم .. المهم انا اشترينا السيارة ..
قبل يومين .. كان زوجي مروح من دوامه وبده ينام .. رن التلفون .. حماي قاعد عنده ابنه هاد .. تعال بسرعة ابن اخوك وقع ورجله بتوجعه وبدنا نوخده عالمستشفى .. والله زوجي طلع فوووووووورا ... لما اجا زوجي بحكيله : شو صار بالولد؟؟ خيطوله رجله؟؟ حكالي لا .. اصلا هو واقع من مبارح مش اليوم ورجله مافيها شي .. بس وارمة شوي وبدهم يتطمنوا ازا فيها كسر او لا ... بصراحة؟؟ لو لطشني كف كان اهون ... مابحب حد يستغلنا لانه انا بطبعي مابحب استغل حدا ... طيب ابو الولد معه سيارة ليش ما حمل ابنه واخده عالدكتور؟؟ وكان بامكانه يطلع مواصلات كمان ... لانه المستشفى بعيدة.. يعني نص ساعة تقريبا بالطريق ... انا عصبت وقلت لزوجي هاي المرة مرت بس المرة الجاي والله مابخليك تروح معهم مشاوير مشان شغلات فاضية .. لو شي ضروري ما بزعل حتى لو للجيران ... بس مشان يوفروا يوخدوا زوجي ... والله ربنا مابيرضاها ... مشان ماتلوموني بحب احكيلكم انه هاد الزلمة " سلفي " كتيــــــــر بخيل " وكل الناس بيعرفوا هالشي .. يعني قبل اسبوع صار نقا ببيته وحكالي : انا لما اخد ابوي مشوار بسيارتي باخد منه حق البنزين ... مش بكفي بدي اروح معه ببلاش؟؟ يدفع بنزين لانه السيارة مابتمشي على مي ... يعني احنا سيارتنا بتمشي عالهوا مثلا؟؟!!!!!!!!
وطبعا زوجي مابحب يحكي لحد فيهم لأ ومابحب يزعلهم ؟؟وهم بيعتبروا هاد الشي واجب عليه ... يعني لا حمدا ولا شكورا ... وهاد الشي اللي بيدايئني ... انهم بياخدوا ومابيعطوا

[بسمه الم فلسطين]

الله يكون بعونك
بس صراحه صراحه انا بحسدك لانك عايشة بفلسطين وانا بتمنا اشم هواها وابوس ترابها

وبالنسبه لمشاكلك مع دار حماكي فكلنا عندنا مشاكل وبنحاول نحلها بطرق كتيرة
جربنا الهدوء والتفاهم وجربنا العصبيه

انا عن نفسي بحمد الله مليووووووون مرة اني مش عايشه عن دار حماي مع اني ماشفت منهم اشي _يمكن لاني ما عشت معهم بالمرة ومن اول يوم زواج انا في بلد وهم في بلد بس من كتر مابسمع عن الحموات صرت افكر ما اعيش معاهم ابدا وازا قررت استقر بعيش في بيت بعيد عنهم
متابعه لقصتك ^_^

[نانا_فلسطين]

الله يكون بعونك
بس صراحه صراحه انا بحسدك لانك عايشة بفلسطين وانا بتمنا اشم هواها وابوس ترابها

وبالنسبه لمشاكلك مع دار حماكي فكلنا عندنا مشاكل وبنحاول نحلها بطرق كتيرة
جربنا الهدوء والتفاهم وجربنا العصبيه

انا عن نفسي بحمد الله مليووووووون مرة اني مش عايشه عن دار حماي مع اني ماشفت منهم اشي _يمكن لاني ما عشت معهم بالمرة ومن اول يوم زواج انا في بلد وهم في بلد بس من كتر مابسمع عن الحموات صرت افكر ما اعيش معاهم ابدا وازا قررت استقر بعيش في بيت بعيد عنهم
متابعه لقصتك ^_^

انا ندمانة عاليوم اللي جيت فيه هون ... حياة ممله وناس عايفين حالهم ...
وبحمد ربنا بانه مشاكلي كلها سطحية ومش جوهرية ... ربنا يسعدك بحياتك ويوفقك يارب ..

[نانا_فلسطين]

اخر قصة صارت معي اليوم .... كنا عم نجهز حالنا بدنا نروح عند ناس لانه ابنهم كان بالمستشفى ... رن التلفون ... حماي ... بده زوجي يروح ياخده وياخد بنته وزوجها مشان يروحوا يدوروا على بلاط لبيتهم الجديد ... زوجي حكاله انا بدنا نطلع زيارة ... القيامة قامت ... انا مبطل امون عليك باشي ... هاي اختك ولازم تلغي كل مشاويرك عشانها ... المهم ... زوجي نهى المكالمة وطلعنا عزيارتنا ... ناس ساكنين فوق بيت حماي ... حماي قاعد على باب بيته .. سلمنا عليه وهناك لقينا واحد من اخوة زوجي باقي محضر حاله مشان يطلع مع زوجي كمان .. المهم بلش يدب حكي ... اختك مريضة .. مابتتحمل حدا يزعلها ... لو شو ماطلبت منك مش لازم تحكيلها لأ ... انت متلك متل الميدالية بالسيارة .. انت من الكماليات اصلا " طبعا هو بقصدني انا .. لانه انا اشتريت السيارة من مصاريي الخاصة " ... انت بتركب السيارة ومابتمون عليها .. ولك انا لو مكانك مابطلع فيها اصلا ... قمت انا قلتله : لاتلطش حكي علي ولاتتدخل بيني وبين زوجي ... حياتنا الخاصة احنا حرين فيها ... بعدين اختك مابتحكي معي ... وصارلها فترة بتحكي عني والحكي بوصلني .. عأي أساس بتطلب مشوار بسيارتي؟؟ حكالي : انت لاتتدخلي .. انا بحكي مع اخوي ... وطبعا صار يعلي صوته .. وزوجي صار بده يفقع ... وانا تعبت وطلعنا من عندهم ... وانا طالعة سمعته بداني بيحكي مع اخته وبيحكي عنا ... ياترى احنا غلطانين؟؟ وزوجي غلطان؟؟؟ والله بطلت أعرف أفكر ... معقول العيب فيي انا ؟؟؟ والا انا عايشة مع ناس استغلاليين وانتهازيين ؟؟؟ والله حزنانة على زوجي وحاسة انه الكل عم يحاول يكسب منا بأي طريقة ممكنة وهالشي متعبني كتيـــــــــــــــر.... يارب تساعدني يارب

[بسمه الم فلسطين]

مسا الخير نانا

طيب سؤال وين جوزها لاخت جوزك؟
ليش ما هو ياخد مرتو ويروح يجيبلها بلاط ؟
يعني انتو مو مجبورين تروحو تجيبو لجوز اختو بلاط والحق على جوزك يلي ما رد على اخوة وحكالو انت لاتدخل ولا ترمي حكي ووقفو عن حده مشان ما يعيدها مرة تانية

طيب انتو ساكنين عند دار حماكي ولا بعيد عنهم

[shrwet]

عزيزتى نانى واضح انك عصبيه شويه وواضح ان اهل زوجك مش حيسبوكم فى حالكم
من الواضح ان لديكم طموح وتحاولى اختيار حياه خاصه وترقى بحالك والكل باصص لكم

الحياه التى تعيشيها بين اهل زوجك لا تحتاج الى عصبيه ولكنك محتاجه الى هدوء نسبي وذكاء فى التعامل
نظره اهل زوجك لكم لن تتغير لان الغيره واضحه لانك كما قلت انك انت وزوجك متعلمين ولكم مكانه اجتماعيه حتى لو انكم اقل منهم ماديا ربنا يكفيكم شر العين

لقد كان فى يوسف واخوته اسوه للسائلين

11نبى كادو لنبى هل نحن افضل من هؤلاء الانبياء يجب ان تاخذى الامور ببساطه ومتقفيش عند كل حاجه والتفاصيل عاديها علشان تعيشيحياه هادءه فاولادك اولى باهتمامك

حاولى تجاهل اهل زوجك واقتصرى شويه عنهم فى مثل مشهور يقول
"ابعد حبه تزيد محبه"

اعتب عليك الحوار الذى دار بينك وبين زوجك امام اخو زوجك كان هذا الحوار يجب ان يكون بينك وبين زوجك فى هدوء وخصوصيه لانك بذلك ستعطى لهم الفرصه ان يقولو ان مراته ممشياه وهذا امر مرفوض

ثانيا نزول زوجك لاغاثه اخيه حتى لو كان كذب فهذا فضل منه وربنا يجعله فى ميزان حسناتكم وكونك توبخى زوجك وتتعصبى هذا غير مطلوب لاننا لن ندخل فى نفوسهم ممكن يكونو كانو اعاملين هذا اختبار ليرو ما هو رد الفعل منكم

كونك تقفى امام ا هل زوجك وتقولى هذه سيارتى ولماذا تريد ان تركب فيها حتى لو استفزوك فهذا امر غير مطلوب لانك عملتى زى الاطفال الى بيغيظو بعض
كبرى دماغك شويه وتريثى فى ردود افعالك
ارجو الا تغضبى من ردى فانا بعيده واحلل لك الموقف عن بعض ولا تعطى الفرصه لاحد ان ياخذ عليك غلطه

[نانا_فلسطين]

مسا الخير نانا

طيب سؤال وين جوزها لاخت جوزك؟
ليش ما هو ياخد مرتو ويروح يجيبلها بلاط ؟
يعني انتو مو مجبورين تروحو تجيبو لجوز اختو بلاط والحق على جوزك يلي ما رد على اخوة وحكالو انت لاتدخل ولا ترمي حكي ووقفو عن حده مشان ما يعيدها مرة تانية

طيب انتو ساكنين عند دار حماكي ولا بعيد عنهم

مسا الورد ... زوجها موجود وكان بده يروح معهم .. سيارتنا بتوسع 4 ركاب غبر الشوفير ... وكانوا مجهزين الركاب ومتفقين عالوقت اللي بدهم يروحوا فيه كمان ... حماي + أخته وزوجها + اخوه
زوجي حكى لاخوه انه مايتدخل بس اخوه لسانه طويل وما سكت
لا انا مش ساكنة عند بيت حماي
بس يعني مش بعيدة عنهم .. خمس دقايق بالسيارة

[نانا_فلسطين]

عزيزتى نانى واضح انك عصبيه شويه وواضح ان اهل زوجك مش حيسبوكم فى حالكم
من الواضح ان لديكم طموح وتحاولى اختيار حياه خاصه وترقى بحالك والكل باصص لكم

الحياه التى تعيشيها بين اهل زوجك لا تحتاج الى عصبيه ولكنك محتاجه الى هدوء نسبي وذكاء فى التعامل
نظره اهل زوجك لكم لن تتغير لان الغيره واضحه لانك كما قلت انك انت وزوجك متعلمين ولكم مكانه اجتماعيه حتى لو انكم اقل منهم ماديا ربنا يكفيكم شر العين

لقد كان فى يوسف واخوته اسوه للسائلين

11نبى كادو لنبى هل نحن افضل من هؤلاء الانبياء يجب ان تاخذى الامور ببساطه ومتقفيش عند كل حاجه والتفاصيل عاديها علشان تعيشيحياه هادءه فاولادك اولى باهتمامك

حاولى تجاهل اهل زوجك واقتصرى شويه عنهم فى مثل مشهور يقول
"ابعد حبه تزيد محبه"

اعتب عليك الحوار الذى دار بينك وبين زوجك امام اخو زوجك كان هذا الحوار يجب ان يكون بينك وبين زوجك فى هدوء وخصوصيه لانك بذلك ستعطى لهم الفرصه ان يقولو ان مراته ممشياه وهذا امر مرفوض

ثانيا نزول زوجك لاغاثه اخيه حتى لو كان كذب فهذا فضل منه وربنا يجعله فى ميزان حسناتكم وكونك توبخى زوجك وتتعصبى هذا غير مطلوب لاننا لن ندخل فى نفوسهم ممكن يكونو كانو اعاملين هذا اختبار ليرو ما هو رد الفعل منكم

كونك تقفى امام ا هل زوجك وتقولى هذه سيارتى ولماذا تريد ان تركب فيها حتى لو استفزوك فهذا امر غير مطلوب لانك عملتى زى الاطفال الى بيغيظو بعض
كبرى دماغك شويه وتريثى فى ردود افعالك
ارجو الا تغضبى من ردى فانا بعيده واحلل لك الموقف عن بعض ولا تعطى الفرصه لاحد ان ياخذ عليك غلطه

كلامك موزون وكتير صح .. أنا مشكلتي اني مابقدر أمسك أعصابي ... وتصرفاتهم عم تستفزني كتير وبطلت أتحملها ... انا ماحكيت لزوجي انه هاي سيارتي ... انا صح دفعت حقها .. بس هي مع زوجي دايما لانه انا مابسوق .... ولو كانوا بيطلبوا مشاوير قريبة ... أو مشاوير ضرورية ... والله ماحد رح يحكيلهم لأ ... بس احنا عنا صار كل واحد بده يطلع مشوار بيتصل بزوجي مشان يوفر أجار التكسي .... وانا فعلا وضعي أحسن من وضعهم بس مش كتير ... وشكرا كتير لمرورك

[shrwet]

اختى العزيزه نانا احنا فى المنتدى بنحاول نلاقى صحبه خير حلوه وانا بحاول اكلمك بصوت عالى احيانا محتاجين حد يوجهنا ودائما البعيد بيشوف افضل من الى داخل المشكله
انا عارفه ان الاستغلال موجود وواضح انكم محترمين ولو مكنش كده مكنوش طلبوا منكم فهم يعرفون هذه النقطه ممكن تكون نقطه ضعف لبعض الناس ولكنها طبيعه فى زوجك انه لا يغلق الباب فى وجه احد وربنا يجازيك خير
ستاتى فرصه واحكى لك ما مررت به بالرغم من اننى فى الثلاثينات حاليا ولكنى مررت بتجارب ومشاكل السبعين لم يمروا بها وربنا يوفقك على فكره كظم الغيظ تعود وتمرين

[نانا_فلسطين]

اختى العزيزه نانا احنا فى المنتدى بنحاول نلاقى صحبه خير حلوه وانا بحاول اكلمك بصوت عالى احيانا محتاجين حد يوجهنا ودائما البعيد بيشوف افضل من الى داخل المشكله
انا عارفه ان الاستغلال موجود وواضح انكم محترمين ولو مكنش كده مكنوش طلبوا منكم فهم يعرفون هذه النقطه ممكن تكون نقطه ضعف لبعض الناس ولكنها طبيعه فى زوجك انه لا يغلق الباب فى وجه احد وربنا يجازيك خير
ستاتى فرصه واحكى لك ما مررت به بالرغم من اننى فى الثلاثينات حاليا ولكنى مررت بتجارب ومشاكل السبعين لم يمروا بها وربنا يوفقك على فكره كظم الغيظ تعود وتمرين

انا حكيت هون بالمنتدى لاني حابة افضفض ... مرات بحس حالي رح انفجر .. ومابحب احكي قدام حدا لانه الناس بتفسر الحكي متل مابدها ... ربي يسعدك بحياتك ... وازا صار مجال وحكينا .. رح اكون سعيدة بسماع تجاربك

[مجد الاقصى]

الله يكون بعونك يا نانا
شكلك عصبية متل حالاتي طنشي يابنتي لانه الحياة قصيرة وما بتستاهل تسمي بدنك منشانها
سبحان الله طبيعة اهل الجوز هيك بحبو دائما يسيطرو على اولادهم همي برضو ربوهم وتعبو عليهم
تخيلي يعني بكرة ابنك احمد الله يحميه لما يكبر وحدة من خواته تطلب منه تروح مشوار ومايوصلها بتقبلي طبعا لأ
بس شكلهم اهل جوزك بزيدوها مافيها اشي لما حكيتو رايحين مشوار ما انهدت الدنيا يعني عادي جدا
بنستنا باقي مغامراتك هههههه

[@ام الخير@]

هلا بيكي اختي وبفضفضتك

الحياة اخذ ورد ما بين الكنة واهل الزوج واحيانا تكون عطااااء غير محدود من الزوجة لاهل الزوج والاخذ منهم قليل

الحكيمة التي لا تتدخل بين زوجها واهله بل تحثه على برهم وطاعتهم وهو وحده سيشر باستغلالهم ومبالغتهم

وسيتعب منها ويبدا يجد لها حلولا


انصحك اختي الا تدققي على مجريات الامووور افعالهم ارميها ورا ظهرك وحددي ما يناسبك لتفعليه وتشاركيهم اياه وما تريدي ان يكون لك وحدك

اما فيما يخص زوجك وعلاقته الخاصة بهم فلا تتدخلي ابدا

ولتعلمي اختي ان اهل الزوج غالبا لا يعجبهم شيء من الكنة الا نادرا جدا

وزوجك حصل كما انت على شهادة تمناها اخوته ولم يحصلوا عليه وربما شعروا انهم هم من ضحوا لاجل تلك الشهادة وانه مدين لهم ببعض التدليل والعشم


واما ما يزعجهم فلا تخبريهم به ان سالوك اين تذهبي فلا تخبريهم ولكن بطريقة غير مباشرة اجابات لها اكثر من معنى


ان طلبوا مساعدتكم في وقت لا يناسبكم فلا تقولي زيارة بل مشاغل

لا احب اللجوءالى الكذب فلا انصحك باللجوء اليه وكما ارى انت صريحة ولا تبالي باي انتقاد وهذا ما يزيدهم تمردا على رغباتكم

لانهم يشعروا انك تريدي ابعاده عنهم وهم يؤكدوا لك انه ملك لهم

لا تبدي اختي رايك باي شيء بينهم وبينه خاصة امامهم اتركيه هو يرد ويجاوب ويتحمل مسؤولية موقفه مهما كان

فهو الرجل دعيه يشعر بذلك ودعيهم هم ايضا يشعروا بذلك


ارحب فيكي مرة اخرى

[*سهام الليل*]

الله يكون بعونك

[kamer14]

مرحبا عزيزتي نانا، قرأت فضفضتك مرارا ووجدت أن ما فيها مشكلة كبيرة
و أنت عّرّضت على ذلك في كلامك أن مشاكلك سطحية و مش جوهرية
و لكن  المشاكل الصغيرة مع التكرار تصبح مملة إن لم نجد لها حلا



ما تواجهينه من إحتكاك مع أهل زوجك يتكرر في كل بيت بدرجات متفاوتة
و ما يكون منهم من غيرة و حسد و طمع و غيبة وووووو هي من ميزات النفس البشرية و ليس بيئة بعينها
و قد تزيد في بيئة غير مستقرة تعيش فقرا و توترا و حربا 


يظهر أن زوجك مسالم و طيب و لا يرد على أهله و طلباتهم و أنت يزعجك ذلك فأخذت الدور في الدفاع  عنه
تعيشين حالة دفاع و كأن العين كلها عليكم و بيستغلوكم و طمعانين فيكم
ربما هو مجرد إحساس و ربما هم طمعانين في طيبتكم و إحسانكم

في الموقف الأخير مع أخو زوجك كان كلامه مع أخوه و ماكان عليك تردي مكانه
يشوفوك أنك متحكمة فيه ولذا يزعجونك ، و يشوفون أنهم أحق بخير أخيهم  و أنه إستقل عنهم فيريدونه لهم
و قد أكدت ذلك في كلامك من  أنكم أحرار و حياة خاصةوووووو 
المواجهة و الرد القوي ليس حلا في كل الحالات
ربما يكون الصمت و التجاهل أفضل حل إلى حين


تكلمي مع زوجك في الأمور التي تقلقك و دعيه يتصرف
و خليله مساحة حرة يقضي مشاغل أهله من غير خلفية مسبقة( دون التفكير بأنه إستغلال و طمع) 
و ليس بخل أخوا زوجك دافعا لكي تعامليهم بالمثل فالكل يعمل بطبعه و أخلاقه
فاليد العليا خير من اليد السفلى
إحتسبيها أجرا عند الله و صلة رحم
إجعلي تصرفاتك حكيمة و ليس رد فعل لأفعالهم

و اذا كان يؤرقك استغلالهم لكم فحاولي  إيجاد حلول مرنة  من غير ضجيج أو نقد و لوم
واحمدي الله آنك مستقلة عنهم و حرري تفكيرك من مشاكلهم و لا تشغلي بالك بهم

تحياتي